Միայն կվնասի. նիհարելու ո՞ր եղանակներն է սննդաբանն անիմաստ համարել
(Թարմացված է 11:58 07.03.2021)
Դիետոլոգ Մարիա Մալիշևան պարզաբանել է, թե ինչու են քաշի կորստի որոշ մեթոդներ վնասակար օրգանիզմի համար:ԵՐԵՎԱՆ, 7 մարտի — Sputnik. Ավելորդ քաշի դեմ պայքարում հատուկ դեղերի ընդունումը, ծոմապահությունը և հեղուկի չափից ավելի օգտագործումը ոչ միայն չեն օգնի, այլև կարող են վնասել: Նման կարծիք է հայտնել դիետոլոգ Մարիա Մալիշևան Ura.ru–ի հետ հարցազրույցում։
Մասնագետը պարզաբանել է, որ ճարպային բջիջների պարագայում լուծողական միջոցների ընդունումը չի նպաստի խնդրի լուծմանը։
«Միզամուղն ընդհանրապես չի կարելի ընդունել առանց բժշկի թույլտվության, քանի որ դրա երկարատև օգտագործումը կարող է խանգարել երիկամների ու աղիների աշխատանքին», - նախազգուշացրել է Մալիշեւան:
Երիկամների աշխատանքի վրա կարող է բացասաբար ազդել նաև ջրի չափից ավելի օգտագործումը։
Իր հերթին քաշի կորստի մեկ այլ հայտնի մեթոդ է ծոմապահությունը` ոչինչ չուտելը. այն վտանգ է ներկայացնում օրգանիզմի համար, քանի որ կարող է հանգեցնել մկանային զանգվածի քայքայմանը:
Ի՞նչ է տեղի ունենում օրգանիզմում, երբ հունական ընկույզ ենք ուտում. գիտնականների պատասխանը
«Երբ մի օր դուք հրաժարվեք դիետիկ, հյուծող սննդակարգից, ավելորդ քաշը կսկսի վերադառնալ նոր ուժով», - եզրափակել է Մալիշևան:
Դիետոլոգը խորհուրդ է տվել սննդակարգից չհանել ճարպեր պարունակող մթերքները, քանի որ դրանք անհրաժեշտ են էներգիա ստանալու և վնասված հյուսվածքների վերականգնման համար:
թեգերը:
Ադրբեջանը պետք է պատասխան տա հայ ռազմագերիներին տանջելու համար. Ադամ Շիֆ
ԵՐԵՎԱՆ, 23 մարտի — Sputnik. Հայ ռազմագերիներին կտտանքների ենթարկելը միջազգային իրավունքի կոպտագույն խախտում է։ Facebook-ում ԱՄՆ կոնգրեսական Ադամ Շիֆն անդրադարձել է հայ ռազմագերիների խնդրին։
««Human Rights Watch»-ի հրապարակած վերջին զեկույցը հաստատում է այն, ինչից շատերս վախենում էինք: Ադրբեջանի զինված ուժերը բռնությունների են ենթարկել հայ ռազմագերիներին ու պահվող քաղաքացիական անձանց: Մոտավորապես 200 ռազմագերի անօրինական կերպով դեռևս պահվում են Ադրբեջանում, կա հետագա բռնությունների ռիսկ: Հայ ռազմագերիներին կտտանքների ենթարկելը միջազգային իրավունքի և Ժնևյան կոնվենցիայի կոպտագույն խախտում է, և բոլոր մեղավորները պետք է պատասխանատվության ենթարկվեն»,- գրել է Ադամ Շիֆը:
©
Sputnik / Asatur Yesayants
Կոնգրեսականը հիշեցրել է, որ անցյալ շաբաթ ներկայացրել է բանաձև, որով կոչ է արել անհապաղ ազատ արձակել հայ ռազմագերիներին ու պահվող քաղաքացիական անձանց:
«Ես նաև կոչ եմ արել ԱՄՆ պետքարտուղարությանն ակտիվացնել ԵԱՀԿ Մինսկի խմբի գործընթացը և պարտավորեցնել Ադրբեջանի իշխանություններին, որպեսզի նրանք հայտարարեն նոյեմբերի 9-ի հայտարարությանը հավատարիմ մնալու կարևորությունը»,- գրել է կոնգրեսմենը:
Շիֆը նաև հավելել է, որ գործընթացի ամեն վայրկյան ձգձգումն ավելացնում է Ադրբեջանի զինված ուժերի կողմից հայ ռազմագերիների տառապանքը:
«Վճռական գործողությունների ժամանակը հիմա է», – ավարտել է իր գրառումը կոնգրեսականը։
Ինչպես արդեն տեղեկացրել ենք, «The Human Rights Watch»-ը փաստագրել է հայ ռազմագերիների նկատմամբ իրականացված լայնածավալ պատերազմական հանցագործությունները և ներկայացրել զեկույցում։
Ինչպես նշված է «The Human Rights Watch»-ի զեկույցում, Ադրբեջանի կողմից միջազգային մարդասիրական իրավունքի խախտումներն իրականացվել են ռազմագերիների և քաղաքացիական պատանդների գերեվարության ողջ ընթացքում՝ ուղեկցվելով դաժան ու նվաստացուցիչ վերաբերմունքով և խոշտանգումներով։
թեգերը:
«Քիմն Արցախ է գնում». Քարդաշյանը ինքնատիպ լուսանկարներ է հրապարակել
(Թարմացված է 22:02 23.03.2021)
Լուսանկարներում մեգաաստղը զինվորական նախշով կարճ զգեստով է և երկարաճիտ կոշիկներով։ ԵՐԵՎԱՆ, 23 մարտի - Sputnik. Ամերիկահայ աստղ Քիմ Քարդաշյանը ուրախացրել է հետևորդներին թարմ լուսանկարներով։ Նա հրապարակել է ֆոտաշարք, որտեղ ներկայացել է զինվորական նախշերով կարճ զգեստով և երկարաճիտ կոշիկներով։
«Լեյտենանտ Քիմը պատրաստ է պատերազմի», – մեկնաբանել է լուսանկարը Քիմի կրտսեր քույրը` Քլոե Քարդաշյանը։
Քիմը լուսանկարին կից ոչինչ չի գրել, պարզապես տեղադրել է զինվորական գույներով ` կանաչ, սև, շագանակագույն և սպիտակ սրտիկներ։
View this post on Instagram
Մեկնաբանություններում, իհարկե, հայ հետևորդներ են հայտնվել։ Ինստագրամի օգտատեր Արման Գասպարյանը գրել է. «Հայաստանի պաշտպանության նախարարությունը կհավանի այս փոստը»։ Մեկն էլ գրել է` «Քիմն Արցախ է գնում»։
©
Sputnik / Asatur Yesayants
Քիմ Քարդաշյանը երկու անգամ է եղել պատմական հայրենիքում։ 2015-ին նա եկել էր Հայաստան ամուսնու, դստեր և քրոջ` Քլոե Քարդաշյանի հետ, մասնակցելու Հայոց ցեղասպանության 100–ամյա տարելիցի միջոցառումներին։ 2019-ին էլ Քիմը մասնակցել էր WCIT–2019 ՏՏ համաշխարհային կոնգրեսին, ինչպես նաև նկարահանումներ էր անցկացրել Գառնիի տաճարում, մկրտվել Էջմիածնի Մայր տաճարում։
2019-ի հոկտեմբերի 7-ին Էջմիածի Մայր Աթոռ եկեղեցու մկրտարանում մկրտվել են Քիմը, նրա երեք երեխաները՝ Սեյնթը, Չիկագոն, Փսալմը, Քիմի քույր Քորթնին, Քորթնիի երեք երեխաները՝ Մեյսոնը, Պենելոպեն և Ռեյնը։ Քիմն իր ավագ դստերը` Նորթ Ուեսթին, մկրտել էր 2015-ին Երուսաղեմի Սբ Հակոբյանց հայկական եկեղեցում։ Այդ ժամանակ էլ Ցեղասպանության 100-րդ տարելիցի կապակցությամբ Քիմը ամուսնու` Քանյե Ուեսթի և քրոջ` Քլոե Քարդաշյանի հետ եկել էր Հայաստան, ապա մկրտության համար մեկնել Իսրայել։
Քիմի, Քորթնիի, Քլոեյի հայրը փաստաբան Ռոբերտ Քարդաշյանն է, որը մահացել է 2003 թվականին՝ 59 տարեկան հասակում։ Նա հայտնի էր դարձել ամերիկյան ֆուտբոլիստ Օ. Ջեյ Սիմփսոնի գործը հաղթելով։ Դատարանը չկարողացավ ապացուցել, որ Սիմփսոնը սպանել է իր կնոջը և նրա սիրեկանին։