Տառապանքները պետք է դադարեն. Հռոմի պապին մտահոգում է քրիստոնյաների անվտանգության հարցը
(Թարմացված է 16:28 06.03.2021)
Իրաքյան Նաջաֆում Հռոմի Ֆրանցիսկոս պապի և աս Սիստանիի հանդիպումը, որը իրանական ԶԼՄ-ները «պատմական» են անվանել, մոտ մեկ ժամ է տևել։ԵՐԵՎԱՆ, 6 մարտի — Sputnik. Հռոմի Ֆրանցիսկոս պապը Իրաք կատարած այցի ընթացքում տեղի շիաների հոգևոր առաջնորդ այաթոլլա Ալի աս Սիստանիի հետ քննարկել է այդ երկրում քրիստոնյաների անվտանգ ու արժանապատիվ բնակության հարցն ու կրոնական գործիչների դերը մարդկանց տառապանքները դադարեցնելու գործում։ Տեղեկությունը հայտնում է իրաքյան «Աս Սումարիա» հեռուստաալիքը:
©
Sputnik / Илья Питалев
Ֆրանցիսկոս Հռոմի Պապի և աս Սիստանիի հանդիպումը իրաքյան Նաջաֆում, որը իրանական ԶԼՄ-ները «պատմական» են անվանել, մոտ մեկ ժամ է տևել։
«Հոգևոր առաջնորդը հաստատել է քրիստոնյաների (որպես իրաքյան հասարակության մի մասի) անվտանգ ու խաղաղ բնակության կարևորությունը... Գերագույն հոգևոր առաջնորդը կարևորել է հոգևոր առաջնորդների դերը (մարդկանց) տառապանքների դադարեցման գործում», - աս Սիստանիի խոսքը մեջբերում է ՌԻԱ Նովոստին:
Մարտի 5–ին մեկնարկել է Հռոմի պապի քառօրյա առաքելական այցը Իրաք։ Նա Հռոմի կաթոլիկ եկեղեցու առաջին ղեկավարն է, որն այցելել է այդ մերձավորարևելյան երկիր։
Վերջ դնել «թուրքական գետտոներին». հայերի և Մերձավոր Արևելքի քրիստոնյաների փրկության ուղին
Լավրովը հայտարարել Է, որ Եվրամիությունը ոչնչացրել է Ռուսաստանի հետ հարաբերությունները
(Թարմացված է 09:14 23.03.2021)
Եթե Եվրամիությունը նպատակահարմար գտնի վերացնել Ռուսաստանի հետ շփումների անոմալիան, ապա Մոսկվան պատրաստ կլինի իրավահավասարության, շահերի հավասարակշռության որոնման հիման վրա հարաբերություններ զարգացնել։ԵՐԵՎԱՆ, 23 մարտի – Sputnik. Մոսկվան Եվրամիության հետ հարաբերություններ չունի, դրանք ոչնչացրել է Բրյուսելը, հայտարարել է ՌԴ արտգործնախարար Սերգեյ Լավրովը չինացի գործընկերոջ` Վան Իի հետ բանակցություններից հետո։ Տեղեկությունը հայտնում է ՌԻԱ Նովոստին։
©
CC BY 2.0 / Marco Verch Professional Photographer / Hand injecitng vaccine into the earth
«Եթե Եվրոպան այդ հարաբերությունները խզել է՝ պարզապես քանդելով բոլոր այն մեխանիզմները, որոնք ստեղծվել են տարիներ շարունակ, և առանձին եվրոպական երկրներ են մնացել որպես գործընկերներ, որոնք ցանկանում են իրենց ազգային շահերով առաջնորդվել, երևի օբյեկտիվ է այն, որ մեր և Չինաստանի հարաբերություններն ավելի արագ են զարգանում։ Եվս մեկ անգամ շեշտեմ, որ Եվրամիության՝ որպես կազմակերպության հետ հարաբերություններ չկան։ Այդ հարաբերությունների ողջ ենթակառուցվածքը ոչնչացվել Է Բրյուսելի միակողմանի որոշումներով», - նշել է Լավրովը։
Նախարարն ընդգծել է` երբ Եվրամիությունը նպատակահարմար գտնի վերացնել Ռուսաստանի հետ շփումների անոմալիան, ապա Մոսկվան պատրաստ կլինի իրավահավասարության, շահերի հավասարակշռության որոնման հիման վրա հարաբերություններ զարգացնել։
«Բայց արևմտյան ճակատում առայժմ փոփոխություններ չկան, Արևելքում մենք ունենք շատ ինտենսիվ օրակարգ, որն ամեն տարի հարստանում է», — եզրափակել է Լավրովը:
ԱՄՆ-ն հրաժարվել է Պուտին–Բայդեն զրույցից
Հիշեցնենք` վերջին շրջանում Եվրամիության հարաբերությունները Ռուսաստանի հետ սրվել են այսպես կոչված «Նավալնու գործի» պատճառով։ ԵՄ-ն հակառուսական նոր պատժամիջոցներ է սահմանել։ ՌԴ ԱԳՆ-ում հայտարարել են, որ դրանք փակուղի են տանում, և խոստացել են պատասխանել:
Ռուսաստանի նախագահի մամուլի քարտուղար Դմիտրի Պեսկովն էլ հայտնել է` Կրեմլը վստահ է, որ Մոսկվայի դեմ պատժամիջոցների քաղաքականությունը նպատակին չի հասնում:
թեգերը:
Կրակոցներ Կոլորադոյում. սուպերմարկետում 10 մարդ է սպանվել
(Թարմացված է 12:37 23.03.2021)
Ամերիկյան Կոլորադո նահանգի Բոուլդեր քաղաքի սուպերմարկետներից մեկում հրաձգություն է տեղի ունեցել, որի զոհ է դարձել 10 մարդ։ Տեղեկությունը հայտնել է տեղի ոստիկանության ղեկավար Մարիս Հերոլդը։
Զոհվածների թվում մեկ ուժային կա։
«Մենք ցավակցում ենք տուժած ընտանիքներին։ 10 մարդ Է մահացել», - նշել է Հերոլդը։
Chief: Our hearts go out to all families impacted. There are 10 fatalities. She identified slain Police Officer Eric Talley, who was one of the first on the scene. She calls officer's actions "heroic."
— Boulder Police Dept. (@boulderpolice) March 23, 2021
Բացի այդ, իրավապահները նշել են, որ հավանական չարագործը ձերբակալվել է։ Որոշ տվյալներով՝ նա նույնպես տուժել է։
Իրավապահ մարմինների աշխատակից Քերրի Յամագուչին էլ ասել է, որ ոստիկանությունը արտակարգ պատահարի հետ կապված հետագա սպառնալիքներ չի տեսնում:
Սպիտակ տան մամուլի քարտուղար Ջեն Փսակին տեղեկացրել է, որ միջադեպի մասին զեկուցել են ԱՄՆ նախագահ Ջո Բայդենին։
© AP Photo / Joe MahoneyԿանայք «King Soopers» սուպերմարկետի մոտ, որտեղ տեղի է ունեցել հրաձգությունը
© AP Photo / Joe MahoneyԴեպքի վայրում աշխատում են իրավապահները
© REUTERS / Kevin MohattԻրավապահ մարմնի աշխատակից
© REUTERS / Kevin MohattՍուպերմարկետի մոտ
© REUTERS / Alyson McClaranԸնտանեկան զույգը մխիթարում է ծանոթին, որը կրակոցների ժամանակ եղել է սուպերմարկետում
© AP Photo / David ZalubowskiՀատուկ ծառայության մեքենաներ
© REUTERS / Alyson McClaranԻրավապահ մարմնի աշխատակիցներ
© REUTERS / Alyson McClaranԻրավապահ մարմնի աշխատակիցներ
© REUTERS / Kevin MohattԻրավապահ մարմնի աշխատակիցներ
թեգերը:
«Կոչ եմ անում կողմ քվեարկել». ԱԺ նախագահը` ռազմական դրությունը վերացնելու նախագծի մասին
(Թարմացված է 13:01 23.03.2021)
Վաղն առավոտյան ԱԺ պատգամավորները կքվեարկեն ռազմական դրությունը վերացնելու վերաբերյալ ընդդիմության նախագծին։ԵՐԵՎԱՆ, 23 մարտի - Sputnik. Այսօր խորհրդարանի երկու ընդդիմադիր խմբակցությունները` ԼՀԿ–ն ու ԲՀԿ–ն, երկրորդ անգամ ներկայացրին ՀՀ-ում ռազմական դրությունը հանելու վերաբերյալ նախաձեռնությունը:
©
Sputnik / Asatur Yesayants
Նախագծի զեկուցող «Լուսավոր Հայաստան» խմբակցության ղեկավար Էդմոն Մարուքյանը նշեց, որ ռազմական դրության ռեժիմը սահմանափակում է ընդդիմության իրավունքները, սահամանփակվում է երկրում ժողովրդավարությունը, քանի որ կան համայնքներ, որտեղ ՏԻՄ ընտրություններ չեն լինում:
«Կարծում եմ` ռազմական դրությունը մնացել է որպես զուտ քաղաքական երևույթ, և քանի որ կա պայմանավորվածություն արտահերթ ընտրությունների գնալու` առաջարկում ենք հանել այն»,-ասաց Մարուքյանը։
ԱԺ նախագահ Արարատ Միրզոյանը նշեց, որ բացարձակապես անհիմն են պնդումները, որ ռազմական դրության ժամկետը երկարաձգվում է քաղաքական նկատառումների պատճառով։ Ըստ նրա` դրա վառ վկայությունն է Բաղրամյան պողոտայում ընդդիմության տեղադրած վրանները։
«Արտահերթ ընտրություններից առաջ ռազմական դրությունը պետք է հանվի։ Առաջարկում եմ ընդառաջել ընդդիմադիր գործընկերներին ու կողմ քվեարկել նախագծին»,–ասաց Միրզոյանը։
Որևէ քաղաքական հիմք չկա. ինչու Հայաստանում չի վերացվում ռազմական դրությունը
Նա կոչ արեց վաղն առավոտյան, երբ նախագիծը քվեարկության կդրվի, կողմ քվեարկել։