Բրիթնի Սփիրսն իր սիրեցյալի հետ նկարահանվել է լոգախցիկում․ տեսանյութ
ԵՐԵՎԱՆ, 5 մարտի – Sputnik․ Ամերիկյան հայտնի փոփ աստղ Բրիթնի Սփիրսը կրկին հայտնվել է համացանցային սկանդալի կենտրոնում։ Այս անգամ պատճառը նրա «բոյֆրենդի» ծննդյան օրվա առթիվ նկարահանված տեսանյութն է։
Instagram-ի իր էջում հրապարակած տեսագրությունում 39-ամյա երգչուհին լոգախցիկում սպիտակ խալաթով պարում է իր հայտնի «Toxic» երգի տակ։ Երբ հնչում է ջութակը, երգչուհին քթով ու բերանով սեղմվում ապակուն՝ ձևացնելով, թե այդ հնչյուններն ինքն է ստանում։ Նույն կերպ է վարվում նաև նրա 27-ամյա սիրեցյալը՝ դերասան Սեմ Ասգարին։
Посмотреть эту публикацию в Instagram
«Շնորհավորում եմ այն տղամարդու ծնունդը, որն ինձ միշտ ստիպում է ծիծաղել։ Ո՞ւմ մոտ է ավելի լավ ստացվել»,- տեսագրությանը կից գրել է երգչուհին։
Թեև հրապարակումը հավանել են շուրջ 1,3 մլն օգտատերեր, բայց շատերը տարակուսել են և անկեղծ անհանգստություն հայտնել երգչուհու հոգեկան վիճակի վերաբերյալ։
«Ես անճոռնի ճուտիկ էի»․ Բրիթնի Սփիրսն անկեղծացել է
Ավելի վաղ Բրիթնին իր հետևորդներին զարմացրել էր տարօրինակ պարով։ Հրապարակված տեսանյութում երգչուհին տարբեր ծամածռություններ էր անում և պարում Մադոննայի «La Isla Bonita» երգի տակ։
Посмотреть эту публикацию в Instagram
Եվս մի տարօրինակ պարի տեսագրություն էլ նա հրապարակել էր դրանից առաջ։
«Ի՞նչ է կատարվում այս աղջկա հետ։ Բոլորը ծիծաղում են, բայց նրան օգնություն է պետք»։ Հուսով եմ՝ քեզ հետ ամեն ինչ կարգին է, թագուհի»,- այսպիսի մեկնաբանություններ էին թողել օգտատերերը։
«Դա սարսափելի էր». Բրիթնի Սփիրսի մորը մեղադրել են երեխայի մահվան մեջ
Նախորդ տարվա հունիսին էլ Բրիթնի Սփիրսը բավականին համարձակ հագուստով «տնային» տեսագրություն էր հրապարակել։ Երգչուհին կարճ վերնազգեստով էր և վանդակավոր կիսատաբատով։ Այդ անգամ երկրպագուները Սփիրսին գովել էին ինքնավստահության համար։
թեգերը:
Կրակոցներ Կոլորադոյում. սուպերմարկետում 10 մարդ է սպանվել
(Թարմացված է 08:54 23.03.2021)
Սպիտակ տան մամուլի քարտուղարն ասել է, որ միջադեպի մասին զեկուցել են ԱՄՆ նախագահ Ջո Բայդենին։ ԵՐԵՎԱՆ, 23 մարտի – Sputnik. Ամերիկյան Կոլորադո նահանգի Բոուլդեր քաղաքի սուպերմարկետներից մեկում հրաձգություն է տեղի ունեցել, որի զոհ է դարձել 10 մարդ։ Տեղեկությունը հայտնել է տեղի ոստիկանության ղեկավար Մարիս Հերոլդը։
Զոհվածների թվում մեկ ուժային կա։
«Մենք ցավակցում ենք տուժած ընտանիքներին։ 10 մարդ Է մահացել», - նշել է Հերոլդը։
Chief: Our hearts go out to all families impacted. There are 10 fatalities. She identified slain Police Officer Eric Talley, who was one of the first on the scene. She calls officer's actions "heroic."
— Boulder Police Dept. (@boulderpolice) March 23, 2021
Բացի այդ, իրավապահները նշել են, որ հավանական չարագործը ձերբակալվել է։ Որոշ տվյալներով՝ նա նույնպես տուժել է։
Իրավապահ մարմինների աշխատակից Քերրի Յամագուչին էլ ասել է, որ ոստիկանությունը արտակարգ պատահարի հետ կապված հետագա սպառնալիքներ չի տեսնում:
Սպիտակ տան մամուլի քարտուղար Ջեն Փսակին տեղեկացրել է, որ միջադեպի մասին զեկուցել են ԱՄՆ նախագահ Ջո Բայդենին։
թեգերը:
Արդեն փորձարկել են․ Ռուսաստանն անսովոր զենքով կպաշտպանի հյուսիսային տարածքները
(Թարմացված է 23:57 22.03.2021)
Բարձր անցանելիություն, կրակի ճշգրտություն, ունակություն՝ գործել այնտեղ, որտեղ սովորական մարտական տեխնիկան պարզապես չի գոյատևի․ Ռուսաստանում պատրաստվում են սպառազինության վերցնել «Մագնոլիա» ինքնագնաց հրետանային կայանքը (ԻՀԿ)։ Այս հրանոթները կփոխանցեն արկտիկական ստորաբաժանումներին, որոնք խնդիրներ են կատարում կլիմայական արտակարգ պայմաններում։ Նորագույն ԻՀԿ-ի և Անդրբևեռյան կայանների մյուս բացառիկ սարքավորումների մասին՝ ՌԻԱ Նովոստիի հոդվածում։
Նիկոլայ Պրոտոպոպով, ՌԻԱ Նովոստի
Հատուկ պահանջներ
Ծայրագույն հյուսիսի շրջաններում տեղակայված ստորաբաժանումների համար նախատեսված նոր ինքնագնացի մասին հայտնի էր դարձել դեռ 2017-ին: Այն ժամանակ ՊՆ-ում հայտարարել էին, որ 120 միլիմետրանոց «Մագնոլիան» դրվելու է զրահապատ երկօղակ թրթուրավոր փոխադրողի շասսիի վրա:
©
Photo : Public Domain / U.S. Army Corps of Engineers, photographer not specified or unknown : Clear Air Force Station Alaska
Փորձանմուշները նախնական փորձարկումներ են անցնում, որոնք արդեն ցույց են տվել, որ կայանքը կարող է արդյունավետ գործել անկայուն հողերի վրա, այդ թվում՝ ճահճապատ և ձյունածածկ տեղանքում: Իսկ շարժիչն անխափան աշխատում է ծայրահեղ ցածր ջերմաստիճանների դեպքում։
Նախագիծը մշակել են «Բուրեվեստնիկ» կենտրոնական գիտահետազոտական ինստիտուտի մասնագետները՝ «Նաբրոսոկ» փորձնական-կոնստրուկտորական աշխատանքի շրջանակում։ Բացի ԻՀԿ-ից, ենթադրվում է, որ Հյուսիսում մարտական գործողությունների համար կթողարկվի բարձր ինտենսիվ հրետանային-ականանետային սպառազինության մի ամբողջ ընտանիք։
«Մագնոլիայի» տեխնիկական բնութագրերը մասամբ բացահայտվեցին «Բանակ-2019 համաժողովի ընթացքում։ Քարշակը 27 տոննանոց թրթուրավոր զրահապատ ԴՏ-10ՊՄ «Վիտյազ» ամենագնացն է՝ ավելի քան 10 տոննա բեռնունակությամբ։ Արագությունը՝ մինչև 45 կմ/ժ, ջրային արգելքների հաղթահարումը՝ մինչև 6 կմ/ժ։ Առանց վերալիցքավորման կարող է անցնել մոտ 700 կմ։ Անձնակազմը՝ 4 մարդ, մարտական բաժինը տեղակայված է հետևի հատվածում։
Սև ծովում պայմանականորեն «ոչնչացվել է» ամերիկյան ականակիրը
Համակցված կիսաավտոմատ ակոսավոր թնդանոթը համատեղում է հաուբիցի և ականանետի ֆունկցիաները: Ունի զինամթերքի լայն տեսականի, այդ թվում՝ կրակում է «Նոնա» ԻՀԿ-ի արկերով։ Կարելի է օգտագործել նաև կառավարվող «Կիտոլով-2»-ները, որոնք նախատեսված են թեթև զինտեխնիկան և ինժեներական կառույցները ոչնչացնելու համար։ Լազերային կիսաակտիվ ինքնանշանավորման համակարգի շնորհիվ անշարժ թիրախը խոցելու հավանականությունը մոտ է մեկի։ Մարտական պաշարը՝ 80 արկ։ Զենքը բեկորաֆուգասային զինամթերքով թիրախը խոցում է ավելի քան 8 կմ հեռավորությունից, կառավարվողներով՝ մինչև 10 կմ։ Արագությունը՝ րոպեում 10 կրակոց։
Արկտիկայի «պատյանը»
«Մագնոլիայի» հիմնական խնդիրներն են հակաօդային պաշտպանության և ռադիոէլեկտրոնային պայքարի օբյեկտների, հրթիռային կայանքների, զրահատեխնիկայի, ամրաշինական կառույցների, դեսանտային միջոցների և հակառակորդի կենդանի ուժի ոչնչացումը: Ի դեպ, հեռանկարային ԻՀԿ-ն Արկտիկայի խստաշունչ կլիմայական պայմանների համար նախատեսված մարտական տեխնիկայի միակ օրինակը չէ։
©
Sputnik / Aleksei Druzhinin
Օրինակ՝ ՀՕՊ ստորաբաժանումների համար մշակել են «Պանցիր» զենիթահրթիռային համալիրի արկտիկական տարբերակը։ Այս զենիթահրթիռային համալիրն իր կարողություններն արդեն ցուցադրել է մի քանի ռազմական հակամարտություններում, սակայն ծայրագույն Հյուսիսի համար նախագծում մի քանի էական փոփոխություններ են կատարել:
«Պանցիր-ՍԱ»-ի մարտական մասը տեղակայել են նույն «Վիտյազ» զրահապատ քարշակի վրա, սակայն հրաժարվել են զենիթային ինքնաձիգից, քանի որ ծայրահեղ ցածր ջերմաստիճանների դեպքում կրակոցների արդյունավետությունը լրջորեն նվազում է։ Թնդանոթի փոխարեն ավելացրել են վեց լրացուցիչ հրթիռային կայան՝ մինչև 20 կիլոմետր գործողության շառավղով։
Ֆրանսիական ռազմական օգնությունը Հայաստանին. ի՞նչ է թաքնված դրա հետևում
Հակաօդային պաշտպանության՝ ընդլայնված անցանելիությամբ ևս մեկ միջոց է «Տոր-Մ2ԴՏ» ԶՀՀ-ն, որը սպառազինության մեջ է ներառվել նախորդ տարվա ամռանը։ Այդ տեխնիկան կարող է աշխատել -50 °C –ից ցածր ջերմաստիճանում, շարժվել խիստ խոչընդոտային տեղանքում և հաղթահարել ջրային արգելքները։ Համալիրը հիմնված է երկօղակ զրահապատ ամենագնացի վրա։ Գլխավոր օղակում անձնակազմի կենսապահովման մոդուլն է, իսկ հրթիռային գործարկիչը հետևում է` երկրորդ օղակում։
Մարտավարական-տեխնիկական բնութագրերը նույնն են, ինչ սովորական «Տորինը»։ Խոցում է օդային թիրախների բոլոր տեսակները՝ ինքնաթիռներ, ուղղաթիռներ, թևավոր հրթիռներ, կառավարվող զինամթերք և ոչ մեծ ԱԹՍ-ներ՝ մինչև 16 կմ հեռավորության և մինչև 12 կիլոմետր բարձրության վրա։ Մարտական պաշարը՝ 16 զենիթային հրթիռ, որոնք գործարկվում են 2,5 վայրկյան ընդմիջումով։ Ընդ որում՝ «Տորն» աշխատում է «մեկ հրթիռ-մեկ թիրախ սկզբունքով», ինչը հաստատում է դրա բարձրագույն ճշգրտությունը։
Ցամաքում մարտական գործողությունների համար արկտիկական ստորաբաժանումներին մատակարարում են Տ-80ԲՎՄ արդիականացված տանկեր, ինչպես նաև ՄՏ-ՄԲ զրահափոխադրողների վրա հիմնված հաուբիցներ։
Տեղափոխման միջոցներ
Արկտիկական խմբավորման զինծառայողները նույնպես տեղափոխվում են հատուկ պատրաստված տեխնիկայով։ Օրինակ՝ Մի-8ԱՄՏՇ–ՎԱ ուղղաթիռով։ Այս ուղղաթիռի առանձնահատկություններից մեկը յուղի և փոխանցման համակարգերի տաքացումն է, շարժիչները գործարկվում են առանց որևէ խնդրի անգամ -60°C-ի դեպքում։Պտուտակաթև մեքենայի բեռնախցիկը նույնպես տաքացվող է։
©
AFP 2020 / ANDREW CABALLERO-REYNOLDS
Արկտիկական Մի-8-ի թռիչքի հեռավորությունը՝ լրացուցիչ վառելիքային բաքերով, գերազանցում է 1400 կիլոմետրը, իսկ օդում կարող է գտնվել ավելի քան 7 ժամ։
Ցամաքում զինծառայողներն օգտագործում են նաև լավ հայտնի «մոտոլիգաները», բայց հատուկ թրթուրներով, որոնց դեպքում գետնի վրա ճնշումն ընդամենը 0,28 կգ է 1 սանտիմետր քառակուսու վրա, այսինքն՝ ավելի քիչ, քան հետիոտնի դեպքում։
Կան նաև ձնաճահճագնացներ՝ գերցածր ճնշման հսկայական անիվներով։ Դրանցով զինվորականները տեղանքի հետախուզում են իրականացնում, երթուղիներ բացում, գնահատում սառցային իրավիճակը, ուղեկցում ռազմական տեխնիկայի շարասյուները։
Բացի այդ, զինվորներն ու սպաները տեղաշարժվում են ջեռուցվող խցիկով ձնագնացներով, ծայրահեղ ցածր ջերմաստիճաններին հարմարեցված «Ուրալ» և «ԿԱՄազ» լիաքարշակ բեռնատարներով, օդային բարձիկ ունեցող նավակներով։ Որոշ ստորաբաժանումներ օգտագործում են նաև սահնակներ՝ լծված շներին կամ եղջերուներին․ այս հնագույն տրանսպորտը կարող է անցնել այնտեղով, որտեղով չի անցնի ամենալավ պատրաստված ամենագնացը։
Բնականաբար, արկտիկական ստորաբաժանումները նաև հատուկ արտահագուստ են ստանում։ Հագուստի ստանդարտ փաթեթը բաղկացած է մոտ 20 կտորից։ Հանդերձանքը պատրաստված է բազմաշերտ նյութից, շատ տաք է, թեթև և չի կաշկանդում մարտիկի շարժումները։
Ինչ է տեղի ունենում օրգանիզմում, երբ տանձ եք ուտում
(Թարմացված է 13:42 22.03.2021)
Տանձը ամենահամեղ և քաղցր պտուղներից մեկն է, որը սիրում են և՛ երեխաները, և՛ մեծահասակները։ Sputnik Արմենիայի նյութում կարդացեք՝ ինչպես է այդ միրգն ազդում մարդու օրգանիզմի վրա։
ԵՐԵՎԱՆ, 23 մարտի - Sputnik. Շատերը չգիտեն, որ աշխարհում կա տանձի ավելի քան հազար տեսակ, որոնցից յուրաքանչյուրը տարբերվում է աճելու պայմաններով, չափերով ու պտուղներով: Սակայն բոլորն էլ հարուստ են օգտակար նյութերով ու շատ օգտակար են մարդու օրգանիզմի համար։ Օգտակար նյութերի թվում են А, С, К, РР, վիտամիններն ու В խմբի բոլոր վիտամինները։ Բացի այդ, պտուղները պարունակում են մեծ քանակությամբ կալիում, կալցիում, նատրիում, մագնեզիում, ֆոսֆոր, ծծումբ, երկաթ, քլոր ու բոր:
Միաժամանակ տանձը ցածր կալորիականությամբ միրգ է համարվում, դրա 100 գրամը ընդամենը 47 կկալ է պարունակում։
Տանձի օգուտը
Մեկ տանձը պարունակում է բջջանյութի օրական նորմայի մինչև 20%-ը։ Այդ սննդային բջջանյութերն անհրաժեշտ է մեր մարսողական համակարգին։ Բացի այդ, բջջանյութը կապում է ճարպային թթուները, դրանով իսկ նվազեցնելով խոլեստերինի մակարդակը: Ամենից շատ սննդային բջջանյութ պարունակվում է թեթև չհասած տանձի մեջ։
Հետաքրքիր է, որ այս մրգում շատ շաքար կա, բայց այն ավելի քիչ վնաս է հասցնում դիաբետիկներին, քան, oրինակ, խնձորը, քանի որ այն մեծ քանակությաբ սորբիտ է պարունակում: Այս քաղցր նյութը շաքարավազի փոխարինիչ է, որն անվտանգ է դիաբետիկների համար:
Պետք է հաշվի առնել, որ տանձի կեղևը ոչ պակաս օգտակար է, քանի որ այն ունի ֆլավոնոդիներ, որոնք բարենպաստ ազդեցություն են ունենում սրտի և անոթների վրա, ինչպես նաև նվազեցնում են մազանոթների փխրունությունը, արյան կարմիր բջիջները դարձնում են ավելի առաձգական:
Հնարավո՞ր է արդյոք տանձի օգնությամբ նիհարել
Ամերիկացի գիտնականների մի խումբ հետազոտություն է անցկացրել։ Դրան մասնակցել է 45-65 տարեկան 40 տղամարդ ու կին: Փորձը 12 շաբաթ է տևել։
Ինչպես է պետք պատրաստել ու ուտել կարտոֆիլը, որ այն չվնասի օրգանիզմը
Նրանց, ովքեր կանոնավոր կերպով ուտում էին միջին չափի երկու տանձ, հաջողվել է նիհարել ավելի նկատելիորեն, քան վերահսկող խմբի այն մարդկանց, որոնք մեկ բաժակ համադրելի կալորիականության ըմպելիք էին խմում: Գիտնականներն ընդգծում են, որ տանձի դիետիկ ազդեցությունը կապված է նյութափոխանակության վրա դրա ազդեցության, ոչ թե կալորիաների սպառման կրճատման հետ:
Կարելի՞ է սոված ժամանակ տանձ ուտել
Մասնագետները խորհուրդ չեն տալիս սոված ժամանակ տանձ ուտել հենց բջջանյութի բարձր պարունակության պատճառով։ Բանն այն է, որ կոպիտ բջջանյութով հարուստ մթերքները գրգռում են ստամոքսի և աղիների լորձաթաղանթը։ Սա կարող է փորացավ ու ստամոքսի կծկումներ առաջացնել:
Ինչպե՞ս տանձ ընտրել
Որ պտուղը լինի հյութեղ ու քաղցր, պետք է նախքան գնելն ուշադիր ուսումնասիրել այն
Հասուն, լավ որակի տանձը կարելի է հեշտությամբ որոշել արտահայտված բույրով ու շոշափելով: Այն չպետք է լինի շատ պինդ կամ շատ փափուկ։
Ուշադիր ստուգեք տանձի կեղևը, համոզվեք, որ դրա վրա վնասված մասեր ու բծեր չկան: Շագանակագույն բծերը պոչի հատվածում հուշում են, որ տանձը թարմ չէ։
Տանձի հասունությունը միշտ չէ, որ կարելի է ըստ գույնի տարբերակել: Կան տեսակներ, որոնք կանաչ են մնում անկախ հասունացման աստիճանից։ Բայց շատ դեպքերում ձևավորված կարմիր «թուշիկը» վկայում է պտղի հասունության մասին։
Տանձի որակը որոշելու ամենաարդյունավետ միջոցն այն կտրելն ու փորձելն է: Պտուղը պետք է լինի խիտ ու առանց փափուկ հատվածների:
Վնասն ու հակացուցումները
Իր բոլոր օգտակար հատկություններով հանդերձ տանձն օգտակար է միայն չափի մեջ՝ օրական մի քանիսը բավական է։ Ավելորդ օգտագործումը հանգեցնում է ստամոքսի խանգարումների։
Այն խորհուրդ չի տրվում օգտագործել մարդկանց, որոնք ունեն ստամոքսի խոց, գաստրիտ ու աղեստամոքսային տրակտի այլ հիվանդություններ։ Թթու տեսակների պտուղները հակացուցված են տարեց մարդկանց, դրանք խորացնում են նյարդային համակարգի խանգարումները, ինչպես նաև մեծացնում են ախորժակն ու դժվար են մարսվում:
Պետք է հիշել, որ տաձի վրայից չի կարելի ջուր խմել։ Դա կհանգեցնի պտուղների խմորման ու օրգանիզմի խանգարմանը։