Ստոկհոլմ. արխիվային լուսանկար

Շվեդիայում տղամարդը դանակով հարձակվել է անցորդների վրա. 8 մարդ է տուժել

43
(Թարմացված է 23:06 03.03.2021)
Շվեդիայում երիտասարդ տղայի հարձակումից տուժածներից երկուսի վիճակը բժիշկները գնահատում են ծանր։

ԵՐԵՎԱՆ, 3 մարտի - Sputnik. Շվեդիայում տղամարդը դանակով հարձակվել է անցորդների վրա։ Տեղեկությունը հայտնում է AFP լրատվական գործակալությունը։

Ենթադրյալ «ահաբեկչական գործողության» հետևանքով 8 մարդ է վնասվածք ստացել։ Տուժածներից երկուսի վիճակը բժիշկները գնահատում են ծանր։ Իրավապահները ստուգում են` արդյո՞ք տեղի ունեցածն ահաբեկչություն է, թե ոչ։

Մարդկանց վրա դանակով հարձակված 20-ամյա երիտասարդին վնասազերծել են։ Ոստիկանները կրակել են նրա ոտքին, իսկ հետո տեղափոխել հիվանդանոց։

43
թեգերը:
Ահաբեկչություն, դանակ, տղամարդ, ավազակային հարձակում, Շվեդիա
Ըստ թեմայի
«Մեռած ենք, թաղած չենք». գերիների հարազատները փակել են Շիրակի մարզպետարանի մուտքը
Ալեք Մինասյանը մեղավոր է ճանաչվել Տորոնտոյում մեքենան մարդկանց մեջ մխրճելու դեպքով
Վանաձորում երկու եղբայրների են դանակահարել. տեսանյութ
Արթուր Դավթյան

Ադրբեջանը ՀՀ քաղաքացիների նկատմամբ արդյունավետ հետախուզում չի կարող իրականացնել. Դավթյան

27
(Թարմացված է 12:58 07.05.2021)
ՀՀ գլխավոր դատախազ Արթուր Դավթյանը լրագրողների հետ զրույցում խոսել է Ադրբեջանի պաշտոնյաների նկատմամբ հետապնդումների ու ՀՀ քաղաքացիների նկատմամբ Ադրբեջանի հայտարարած հետախուզումների մասին։

ԵՐԵՎԱՆ, 7 մայիսի - Sputnik․ Արցախյան պատերազմին վերաբերող քրեական գործերով ադրբեջանցի պաշտոնյաների նկատմամբ հետապնդումների ու հետախուզման բազմաթիվ դեպքեր կան։ Տեղեկությունն այսօր ԱԺ–ում, լրագրողների հետ զրույցում հայտնեց ՀՀ գլխավոր դատախազ Արթուր Դավթյանը։

Նա չցանկացավ անուններ տալ` ասելով, որ դրանց մասին այս պահին հրապարակային խոսելն արդարացված չէ։

Լրագրողների դիտարկմանը, թե ադրբեջանական կողմը պարբերաբար հայ նախկին ու ներկա պաշտոնյաների նկատմամբ հետախուզման մասին հայտարարություններ է անում, Արթուր Դավթյանը պատասխանեց. «Եթե իրենք խոսում են, դա չի նշանակում, որ մենք էլ պիտի խոսենք։ Մենք խնդրին վերաբերվում ենք իրավական հարթության մեջ, և բնականաբար, մենք մեր աշխատանքի արդյունավետությունը գնահատելով, գալիս ենք այն հետևության, որ դրա մասին հրապարակային խոսելը չի օգնի, այլ հակառակը` կվնասի»։

Ինչ վերաբերում է ադրբեջանական կողմի հայտարարություններին, դատախազը նշեց, որ Հայաստանը դրանք անարձագանք չի թողնում և միշտ հակաքայլեր է ձեռնարկում։

«Եվ այդ հակաքայլերն արդյունք են տվել։ Եվ նրանք որևէ արդյունավետ հետախուզում մեր քաղաքացիների նկատմամբ չեն կարողանում իրականացնել», – ասաց Դավթյանը։

 Հիշեցնենք` 2020թ–ի նոյեմբերին Ադրբեջանը միջազգային հետախուզում էր հայտարարել Հայաստանի պաշտպանության նախկին նախարար Սեյրան Օհանյանի նկատմամբ։ Բաքվի ռազմական դատարանը Օհանյանին հեռակա կարգով կալանավորելու որոշում էր կայացրել։

27
թեգերը:
հետախուզում, Ադրբեջան, Հայաստան, դատախազ, Արթուր Դավթյան
Ըստ թեմայի
Հայ գերիների նկատմամբ խոշտանգումները Բաքվի պետական քաղաքականության արդյունքն են. Թաթոյան
«Ես վստահ եմ՝ գերիների վերադարձի հարցն առաջիկայում կլուծվի»․ Սերգեյ Լավրով
ԵԱՀԿ նախագահը ողջունել է հայ գերիներին ազատ արձակելու որոշումը
Facebook

Facebook–ը ոչնչացրել է ադրբեջանական ֆեյքերի մեծ խումբ. դրանք աշխատել են Հայաստանի դեմ

69
(Թարմացված է 12:29 07.05.2021)
Սքրինշոթներից երևում է, որ ֆեյքաբուծարանը նաև հայերեն ապատեղեկատվություն է տարածել հենց պատերազմի օրերին։ Գովազդի վրա ծախսվել է մոտ 15 500 դոլար։

ԵՐԵՎԱՆ, 7 մայիսի – Sputnik. Facebook–ի ադմինիստրացիան ոչնչացրել է ադրբեջանական 124 Facebook հաշիվ, 15 էջ, 6 խումբ և 30 Instagram հաշիվ։ Տեղեկությունը Facebook–ի իր էջում հայտնել է մեդիափորձագետ Սամվել Մարտիրոսյանը։

Նա գրել է, որ Ֆեյսբուքի նոր ուղղորդված գործողությունների մասին զեկույցում կրկին Ադրբեջանն է հայտնվել։ Հայտնաբերվել է ֆեյքերի մեծ խումբ, որը, ամենայն հավանականությամբ, կապ է ունեցել Ադրբեջանի ՊՆ-ի հետ։

«Դրանք աշխատել են ներքին լսարանի վրա, ինչպես նաև Հայաստանի դեմ։ Գովազդի վրա ծախսվել է մոտ 15 500 դոլար։ Սքրինշոթներից երևում է, որ ֆեյքաբուծարանը նաև հայերեն ապատեղեկատվություն է տարածել հենց պատերազմի օրերին»,–գրել է նա։

«Չեմ կարծում, որ մենք սխալ ուղու վրա ենք». ԱԱԾ փոխտնօրենը` «ֆեյքի գործի» մասին

Մարտիրոսյանի հարցին, թե արդյոք այս խումբը կապ ուներ դեռ անցյալ տարվա հոկտեմբերին հայտնաբերված և ոչնչացված ադրբեջանական խմբի հետ, պատասխանել են, որ կապ չեն հայտնաբերել։

Մեդիափորձագետն իր էջում ադրբեջանական ֆեյքերի օրինակների նկարներն է հրապարակել։

69
թեգերը:
Սամվել Մարտիրոսյան, Facebook, ֆեյք, Ադրբեջան
ՀՀ դրոշ

«Սա սահմանագծում չէ». ՀՀ սահմանապահ զորքերի նախկին հրամանատարը բացատրեց իշխանության սխալը

0
(Թարմացված է 13:54 07.05.2021)
Գեներալ-մայոր Արմեն Աբրահամյանը համոզված է, որ սահմանների ճշգրտման հարցը չի կարելի թողնել զինվորականներին, դա հղի է անկանխատեսելի հետևանքներով։

ԵՐԵՎԱՆ, 7 մայիսի – Sputnik. Այն, ինչ տեղի է ունենում հայ-ադրբեջանական սահմանին, չի կարելի սահմանազատում և սահմանագծում անվանել: Այսօր լրագրողների հետ հանդիպման ժամանակ հայտարարեց ՀՀ ԱԱԾ սահմանապահ զորքերի նախկին հրամանատար, գեներալ-մայոր Արմեն Աբրահամյանը:

Նա նշեց, որ 2021 թվականի փետրվարի 9-ից Հայաստանը բոլորովին նոր սահմաններ ունի Արաքսից մինչև Սոթք։ Եվ անձամբ ինքը չգիտի, թե Հայաստանին ինչքան տարածք է մնացել 29,8 հազար քառակուսի կիլոմետրից։

«Սահմանազատման համար պետք է միջպետական հանձնաժողովներ ստեղծել ԱԳՆ-ի ենթակայության ներքո։ Սա առաջին հերթին դիվանագիտական աշխատանք է, բայց դրան պետք է մասնակցեն նաև գեոդեզիայի ինստիտուտի աշխատակիցները։ Որքան ինձ հայտնի է, այդ հիանալի կառույցն արդեն վերացվել է։ Բայց ոչ մի դեպքում չի կարելի սահմանների ճշգրտումը թողնել զինվորականներին։ Դա հղի է անկանխատեսելի հետևանքներով», - ասաց Աբրահամյանը։

Կան տեղեր, որ մերոնք 50 մետր առաջ են. նախարարի պաշտոնակատարը` Սյունիքի սահմանի մասին

Հիշեցնենք` ՀՀ արտգործնախարար Արա Այվազյանն ավելի վաղ հայտարարել էր, որ սահմանազատումը երկարատև գործընթաց է, որը տեղի կունենա այն ժամանակ, երբ ՀՀ–ի և համապատասխան երկրի միջև հաստատվեն դիվանագիտական հարաբերություններ, ստեղծվի սահմանազատման համատեղ հանձնաժողով, որը կմշակի մեթոդոլոգիա, և դրա հիման վրա կսկսվի գործընթացը։

Ոսկին կիսել թշնամու հետ. ինչպես են ապրում Սոթքի հանքի աշխատակիցներն ու գյուղի բնակիչները

0
թեգերը:
Իշխանություն, Սոթք, Սահման, Հայաստան
Ըստ թեմայի
Կան քննարկումներ Սյունիքում ռուսական ռազմաբազայի հենակետ ստեղծելու մասին. Փաշինյան
ԵՄ հատուկ ներկայացուցիչն այցելել է Սյունիք` տեղում ծանոթանալու իրավիճակին ու խնդիրներին
«Որոշում է կայացվել Սյունիքի սահմանագիծը համաձայնեցնել ՀԱՊԿ սահմանագծին». Նիկոլ Փաշինյան
Բացարձակ սուտ է․ ՊՆ-ն հերքում է, թե Սյունիքում դիրքեր ենք հանձնել