ԵՐԵՎԱՆ, 24 փետրվարի -Sputnik. Նիդեռլանդների մաքսային ծառայությունը ռեկորդային 1,5 տոննա քաշով հերոինի խմբաքանակ է առգրավել։ Տեղեկությունը հայտնում է ՌԻԱ Նովոստին ՝ վկայակոչելով NL Times-ը։
Դատախազության տվյալներով ՝ թմրանյութը հայտնաբերել են Ռոտերդամի նավահանգստում, Պակիստանից եկած կոնտեյներում, որը լցված է եղել հիմալայան աղով, սև շուկայում դրա արժեքը 45 մլն եվրո է:
NL Times-ի տեղեկություններով ՝ դա հերոինի ամենախոշոր խմբաքանակն է, որը երբևէ առգրավվել է Նիդեռլանդներում:
Գործողությունն իրականացվել է հանցավորության դեմ պայքարի բրիտանական ազգային գործակալության հետ համագործակցությամբ։ Մեծ Բրիտանիայից ստացված տեղեկատվության շնորհիվ` հոլանդական իշխանություններին հաջողվել է բացահայտել կասկածյալներին, ձերբակալվել է հինգ տղամարդ:
Ոստիկանները թմրանյութ պահելու կասկածանքով Երևանի մետրոյից բերման են ենթարկել 2 երիտասարդի