ՄԻԵԴ

Ադրբեջանը ՄԻԵԴ-ում կարող է վաղեմության խնդիր ունենալ. Կիրակոսյան

76
(Թարմացված է 17:11 22.02.2021)
Ի տարբերություն Ադրբեջանի, հայկական կողմը գանգատում ներկայացրել է բացառապես 44-օրյա պատերազմին վերաբերող փաստեր:

ԵՐԵՎԱՆ, 22 փետրվարի — Sputnik. Ադրբեջանական կողմը մարդու իրավունքների եվրոպական դատարանում կարող է վաղեմության խնդիր ունենալ: Այս մասին Sputnik Արմենիայի հետ զրույցում նշեց ՄԻԵԴ-ում ՀՀ կառավարության ներկայացուցիչ Եղիշե Կիրակոսյանը՝ մեկնաբանելով հունվարի 15-ին Ադրբեջանի կողմից ՄԻԵԴ ներկայցված գանգատի բովանդակությունը:

«Ադրբեջանական կողմի ներկայացրած գանգատը վերաբերում է ոչ միայն 2020թ.-ի հուլիսյան ու աշնան  դեպքերին, այլև Արցախյան առաջին պատերազմի դեպքերին և հետևանքներին: Նաև նշում են առաջին պատերազմից ի վեր անհետ կորածների իրավունքների մասին, այն ժամանակվա ենթադրյալ որոշակի խախտումների մասին, ինչը, կարծում եմ, իրավական առումով բավականին մտածելու տեղիք է տալիս»,- ասաց Կիրակոսյանը՝ հիշեցնելով վերջերս ՄԻԵԴ-ի կողմից մերժված հայցադիմումը Քարվաճառի վերաբերյալ ու չբացառելով, որ այս դեպքում ևս դատարանը հաշվի կառնի վաղեմության ժամկետի հարցը:

«Այդ վերջին դեպքը շատ պարզ օրինակ է, որով դատարանը փաստացի գծեց այն ժամանակային սահմանը և շեշտեց այն հանգամանքը, որ մինչ այդ պահն իրենք հնարավորություն ունեցել են գանգատ ներկայացնելու, բայց չեն արել դա»,- ասաց Կիրակոսյանը:

Նա նաև շեշտեց, որ, ի տարբերություն Ադրբեջանի, հայկական կողմը գանգատում ներկայացրել է բացառապես 44-օրյա պատերազմին վերաբերող փաստեր:

Հայաստանը միջպետական գանգատ է ներկայացրել ՄԻԵԴ ընդդեմ Ադրբեջանի

Հայաստանի կողմից ամբողջական գանգատը ՄԻԵԴ է ներկայացվել 2021թ-ի փետրվարի 4-ին: 

Հիշեցնենք՝ փետրվարի 18-ին Մարդու իրավունքների Եվրոպական դատարանը մերժել էր Հայաստանի դեմ Ադրբեջանի քաղաքացի Սամադովի ներկայցրած գանգատը, որում նա պնդում էր, որ 1993 թվականին կորցրել է Քարվաճառի շրջանում գտնվող իր անշարժ գույքը:

Մարդու իրավունքների եվրոպական դատարանը հաշվի էր առել այն հանգամանքը, որ գանգատը ներկայացվել էր 2008 թվականին, այն է՝ Մարդու իրավունքների եվրոպական կոնվենցիան Հայաստանի վավերացնելուց ավելի քան 6 տարի և գույքից ենթադրաբար զրկվելուց ավելի քան 15 տարի անց: Այս հիմնավորմամբ ՄԻԵԴ-ը մերժել էր գանգատը՝ դրա վաղեմության ժամկետը համարելով անցած:

76
թեգերը:
ռազմագերի, գերի, Հայաստան, Ադրբեջան, Մարդու Իրավունքների Եվրոպական դատարան (ՄԻԵԴ)
Ըստ թեմայի
Արցախի վերածնունդն ու Ադրբեջանի բացեիբաց հայտարարությունները. ՀՀ ԱԳՆ–ն ուղերձ է հղել
Պատերազմը և թուրք–ադրբեջանական տանդեմի աշխուժացումը. ինչու է Իրանն ուզում միանալ ԵԱՏՄ–ին
Որոնողական աշխատանքները դադարեցվել են անորոշ ժամանակով. Ադրբեջանն է արգելել
«Սպուտնիկ V»

Ռուսաստանի թշնամիները վախենում են «Սպուտնիկ V»-ի հաջողությունից. Դմիտրիև

1
(Թարմացված է 19:01 26.02.2021)
Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը:

ԵՐԵՎԱՆ, 26 փետրվարի – Sputnik. Կորոնավիրուսի դեմ «Սպուտնիկ V» ռուսական պատվաստանյութի թշնամիները փորձում են խաթարել դրա նկատմամբ վստահությունն աշխարհում, քանի որ այն լավագույններից է, ու նրանք պարզապես վախենում են դրանից։ Նման կարծիք է  հայտնել Ուղղակի ներդրումների ռուսական հիմնադրամի ղեկավար Կիրիլ Դմիտրիևը:

«Կարծում եմ՝ կարելի է խոսել ոչ միայն «Սպուտնիկ V» պատվաստանյութի միջազգային ճանաչման, այլև աշխարհում մեր առաջատար լինելու մասին․.. Մենք պետք է լինենք համեստ, բայց ազնիվ։ Մենք ունենք աշխարհի լավագույն պատվաստանյութերից մեկը, ու դա ռուս գիտնականների մեծ սխրանքն է, պետք է հպարտանալ դրանով», - ասել է Դմիտրիևը Ռուսաստանի պատմական ընկերության հարթակում վիրուսաբանության բնագավառում Ռուսաստանի առաջատարության պատմությանը նվիրված ցուցահանդեսի բացմանը:

«Ռուսաստանի բազմաթիվ թշնամիներ փորձել են խարխլել Ռուսաստանի նկատմամբ վստահությունը, բայց մենք հասկանում ենք, որ նրանք այդքան մեծ ջանքեր են գործադրում ռուսական պատվաստանյութի նկատմամբ վստահությունը խաթարելու համար, քանի որ այն լավագույններից է աշխարհում, ու նրանք պարզապես վախենում են այդ պատվաստուկից», - վստահ է նա:

Lancet գիտական ամսագիրն ավելի վաղ հրապարակել էր «Սպուտնիկ V»-ի կլինիկական հետազոտությունների երրորդ փուլի արդյունքները, որոնք հաստատում են դրա բարձր արդյունավետությունն ու անվտանգությունը: Կլինիկական հետազոտությունների III փուլի ընթացքում «Սպուտնիկ V»-ն արդյունավետության, իմունոգենության ու անվտանգության բարձր ցուցանիշներ է ցույց տվել։ Պատվաստանյութի արդյունավետությունը կազմել է 91,6 տոկոս:

Ո՞ր պատվաստանյութով արժե պատվաստվել․ 5 գլխավոր միֆերը

Այն ապահովում է լիարժեք պաշտպանություն նոր կորոնավիրուսային վարակի ծանր դեպքերից: «Սպուտնիկ V» պատվաստանյութի կիրառումը հավանության է արժանացել ավելի քան 30 երկրներում: Այն երկրների ընդհանուր բնակչությունը, որտեղ գրանցված է ռուսական պատվաստանյութը, գերազանցում է 1,1 միլիարդը։

1
թեգերը:
Ռուսաստան, պատվաստանյութ, Սպուտնիկ V
թեմա:
Կորոնավիրուսը աշխարհում
Ըստ թեմայի
Հայաստանյան արտադրողները կարող են ներգրավվել «Սպուտնիկ V» պատվաստանյութի արտադրության մեջ
Պատվաստանյութերի դեֆիցիտը ստիպել է ԵՄ–ին ուշադրություն դարձնել «Սպուտնիկ V»–ին
ՀՀ–ի ռուս դիվանագետները պատվաստվել են «Սպուտնիկ V»-ով. Զախարովան մանրամասներ է հայտնել
Ժան Իվ Լե Դրիանը

Հայաստանյան ժողովրդավարությունը պետք է դիմակայի. Ֆրանսիայի ԱԳՆ–ն երկխոսության կոչ է արել

25
Ֆրանսիան հանդես է գալիս Հայաստանում երկխոսության հաստատման օգտին՝ հիմնված նախագահի և վարչապետի լեգիտիմության վրա։

ԵՐԵՎԱՆ, 26 փետրվարի - Sputnik. Ֆրանսիայի ԱԳ նախարար Ժան Իվ Լե Դրիանը երկխոսության կոչ է արել ՀՀ վարչապետ Նիկոլ Փաշինյանի կողմնակիցներին և ընդդիմությանը՝ ժողովրդավարությունը պաշտպանության համար: Տեղեկությունը հայտնում է ՌԻԱ Նովոստին:

«Ֆրանսիան հանդես է գալիս երկրում երկխոսության հաստատման օգտին՝ հիմնված նախագահի և վարչապետի լեգիտիմության վրա, ավելի հանգիստ իրավիճակ ապահովելու համար երկրում, որը դժվար ժամանակներ է անցել»,-ասել է Լե Դրիանը՝ Ուկրաինայի գործընկերոջ՝ Դմիտրի Կուլեբայի հետ ճեպազրույցում:

«Հայաստանյան ժողովրդավարությունը պետք է դիմակայի»,-ընդգծել է Ֆրանսիայի ԱԳ նախարարը:

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

25
թեգերը:
Հրաժարական, Նիկոլ Փաշինյան, Հեղաշրջում, Արտաքին գործերի նախարարություն (ԱԳՆ), Ֆրանսիա, Հայաստան
թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո
Ըստ թեմայի
Կայացել է առաջին հանդիպումը. երկրում տիրող իրավիճակը ՀՀ նախագահը քննարկել է Միրզոյանի հետ
ՌԴ-ն հույս ունի, որ Հայաստանում իրադրությունը կկարգավորվի խաղաղ ճանապարհով. Մատվիենկո
Նախագահը ԳՇ պետի ազատման մասին վարչապետին առարկություն չի ուղարկել