Վերջապես պարզեցին. ԱՀԿ-ի աշխատակիցը պատմել է` ինչպես է առաջացել կորոնավիրուսը

220
(Թարմացված է 15:08 15.02.2021)
Առողջապահության համաշխարհային կազմակերպությունը նշել է սարսափելի վարակի ծագման ամենահավանական տարբերակը։

ԵՐԵՎԱՆ, 15 փետրվարի - Sputnik. Հանելուկը վերջապես լուծված է. կորոնավիրուսը կարող էր չղջիկների միջոցով տարածվել Չինաստանի հարավում և Հարավարևելյան Ասիայում, հայտարարել է ԱՀԿ ղեկավարությամբ մասնագետների միջազգային խմբի անդամ, դոկտոր Պիտեր Դասզակը The New York Times-ին տված հարցազրույցում։

«Չղջիկներից կարող էին վարակվել կա՛մ ֆերմաներից մեկի աշխատակիցները, կա՛մ դրա բնակիչները` գորշուկները, կզաքիսները, ջրարջանման շներն ու վիվերները»,-ասել է ԱՀԿ մասնագետը։

New York Times-ի հետ զրույցում Դասզակը նշել է, որ արդյունքների ամփոփման ընթացքում տվյալ տեսության հետ համաձայնել են չինացի գիտնականների և ԱՀԿ առաքելության մասնակիցների մեծամասնությունը։

Միաժամանակ ԱՀԿ մասնագետները քիչ հավանական են համարել կորոնավիրուսի ի հայտ գալը լաբորատորիայից արտահոսքի հետևանքով։

Հայտնի է նաև, որ կորոնավիրուսի ծագման հանգամանքներն ուսումնասիրելու համար Չինաստան ժամանած մասնագետները չեն կարողացել ուսումնասիրել բուժառուների անձնական տվյալները, քանի որ դա փակ տեղեկություն է և Չինաստանի օրենսդրությունն արգելում է օգտվել դրանից։ Բացի այդ, COVID-19-ից առողջացածներից շատերը հրաժարվել են հանդիպել կազմակերպության ներկայացուցիչների հետ։

Հիշեցնենք կորոնավիրուսի ի հայտ գալու պատճառների հետաքննությունը սկսվել է Ուհանում հունվարի 14-ին։ ԱՀԿ ներկայացուցիչների խումբն այցելել է մի շարք վայրեր, որոնց թվում` հիվանդանոցներ, շուկաներ և այլն։ Դրանից հետո մասնագետները եզրակացության են եկել, որ գոյություն ունի վարակի միջանկյալ փոխանցող։

Ուսումնասիրությունները մտադիր են շարունակել։

Ռուսաստանում ստեղծել են «բրիտանական» կորոնավիրուսի հայտնաբերման առաջին թեստ համակարգը

220
թեգերը:
համավարակ, Առողջապահության համաշխարհային կազմակերպություն (ԱՀԿ), կորոնավիրուս
թեմա:
Կորոնավիրուսը աշխարհում (1005)
Ըստ թեմայի
COVID-19-ի մուտացված շտամը մոտենում է ՀՀ սահմաններին. վարակակիրը հայտնաբերվել է Իրանում
Ինչպիսին է կորոնավիրուսի հակամարմինների նոր շտամի հանդեպ դիմադրողականությունը
Հիմա էլ՝ կորոնավիրուսի բրիտանական շտամ. որքանով է այն վտանգավոր
Իրան

ԱՄՆ-ն կշարունակի Իրանի դեմ «հիբրիդային պատերազմը», կամ ինչն ձեռնտու Հայաստանին

68
(Թարմացված է 23:02 08.03.2021)
ԱՄՆ-ի և Իրանի հարաբերությունները շարունակում են լարված մնալ, հատկապես Թեհրանի դեմ ևս մեկ տարով պատժամիջոցները երկարացնելու վերաբերյալ Վաշինգտոնի հայտարարության ֆոնին։

ԵՐԵՎԱՆ, 8 մարտի - Sputnik․ Վաշինգտոնը կշարունակի Իրանի դեմ «հիբրիդային պատերազմը»: Sputnik Արմենիայի հետ զրույցում նման կարծիք հայտնեց իրանագետ Ահարոն Վարդանյանը՝ մեկնաբանելով Պարսից ծոցում ամերիկյան ինքնաթիռների հայտնվելը։

Մի քանի B-52 ամերիկյան ռազմավարական ռմբակոծիչներ մարտի 8-ին առանց վայրէջք կատարելու թռիչքներ են իրականացրել ԱՄՆ տարածքից դեպի Իրանի հարավային սահման և հակառակ ուղղությամբ։

ԱՄՆ-ի և Իրանի հարաբերությունները շարունակում են բավական լարված մնալ, հատկապես Թեհրանի դեմ ևս մեկ տարով պատժամիջոցները երկարացնելու վերաբերյալ Վաշինգտոնի հայտարարության ֆոնին։ Ամենայն հավանականությամբ, իրավիճակն առաջիկայում կզարգանա ագրեսիվ հռետորաբանությունն ուժեղացնելու ուղղությամբ։

«Սակայն չեմ կարծում, որ կողմերը կանցնեն գործնական քայլերի՝ բուն Իրանի տարածքում գործողություններ կատարելու առումով։ Այլ հարց է, որ ակտիվ կլինեն գործընթացներն այն տարածաշրջաններում, որտեղ կա իրանական ներկայություն, օրինակ՝ Սիրիայում։ Կշարունակվի այսպես կոչված «հիբրիդային պատերազմը»», - ասաց Վարդանյանը։

Նրա խոսքով՝ մինչև Ջո Բայդենի վարչակազմի գալը, շատերը կածում էին, որ ԱՄՆ նոր ղեկավարության օրոք Թեհրանի  նկատմամբ վերաբերմունքը կփոխվի։ Հատկապես հաշվի առնվում այն հանգամանքը, որ Բայդենը փոխնախագահ էր Օբամայի կաբինետում, որի օրոք Իրանի հետ «միջուկային գործարք» ստորագրվեց։

Սակայն գործընթացները ցույց տվեցին, որ անկախ իշխանությունից, Վաշինգտոնում կարծում են, որ ԱՄՆ-ի շահերից է բխում շարունակել Իրանի դեմ այդ քաղաքականությունը։

Իրանի և Հայաստանի միջև քաղաքական երկխոսությունը կակտիվանա. Այվազյանը զրուցել է Զարիֆի հետ

Ինչ վերաբերում է Հայաստանին, ապա մեզ ձեռնտու է, որ Իրանի նկատմամբ պատժամիջոցները չեղարկվեն։ Իրանական բաց և ազատ տնտեսությունը, օրինակ, թույլ կտար գոնե մասամբ թեթևացնել դրամական փոխանցումների իրականացման գործընթացը։

«Մյուս կողմից, Իրանը պատժամիջոցների պայմաններում փորձում է անդամակցել ԵԱՏՄ-ին։ Դա նոր պատուհան է բացում Հայաստանի համար։ Սակայն այսօր մեր առաջ բազմաթիվ խնդիրներ են ծառացել՝ անվտանգության, տնտեսության, սոցիալական ոլորտում։ Նախ անհրաժեշտ է լուծել դրանք, որից հետո մտածել մյուս բաների մասին», - նշեց Վարդանյանը։

Թուրքիան կողմ է, որ Իրանի դեմ պատժամիջոցները վերացվեն

Հիշեցնենք, որ ԱՄՆ նախագահ Ջո Բայդենը մարտի 5–ին երկարաձգեց դեռևս 1995 թվականից Իրանի դեմ կիրառվող պատժամիջոցները։ Սպիտակ տան հաղորդագրության մեջ ասվում էր, որ Իրանի գործողություններն ու քաղաքականությունը շարունակում են սպառնալիք ներկայացնել ԱՄՆ ազգային անվտանգությանը, արտաքին քաղաքականությանն ու տնտեսությանը։

68
թեգերը:
Եվրասիական տնտեսական միություն (ԵԱՏՄ), Հայաստան, պատժամիջոցներ, Ջո Բայդեն, ԱՄՆ, Իրանի Իսլամական Հանրապետություն
Ըստ թեմայի
ԱՄՆ-ն որոշել է պատժել սաուդցիներին. Ռուսաստանն ու Իրանը կշահե՞ն դրանից
ՀՀ վարչապետի հետ խոսում է ոչ թե ԱՄՆ–ի նախագահը, այլ պետքարտուղարը. ի՞նչ է դա նշանակում
ԱՄՆ կոնգրեսականները հայ գերիներին ազատ արձակելու կոչով բանաձև կներկայացնեն
Վրաստանի ոստիկանություն

Ծեծկռտուք Վրաստանում. թեմի առաջնորդարանի երկրորդ հարկից շուրջ 10 մարդ է ընկել. տեսանյութ

104
(Թարմացված է 21:21 08.03.2021)
Թեմի հոգևորականների ու հավատացյալների միջև անհամաձայնությունը վերաճել է քաշքշուկի ու բախումների, որոնք տխուր ավարտ են ունեցել:

ԵՐԵՎԱՆ, 8 մարտի - Sputnik. Այսօր դժբախտ դեպք է տեղի ունեցել Վրաստանի Մարտվիլի համայնքում: Ինչպես հայտնում է Sputnik Գրուզիայի Տելեգրամ- ալիքը, վրացական այս համայնքում տարաձայնությունների առիթ է դարձել թեմի առաջնորդի որոշումը, որով նա թեմական երկու հոգևորականներին արգելել էր պատարագների ծիսակարգ անցկացնել: Թեմի հավատացյալներն այս որոշումից դժգոհ պահանջել էին, որպեսզի նոր առաջնորդն անմիջապես հեռանա թեմից:

Մի քանի տասնյակ տեղի բնակիչներ իրենց բողոքը լսելի դարձնելու համար այցելել էին թեմի առաջնորդարան, մուտք գործել տարածք, բարձրացել շենքի երկրորդ հարկ ու փորձել բացել գրասենյակի դուռը:

Թմրամիջոցը Վրաստան չհասավ․ Սյունիքի Շվանիձոր գյուղում թմրանյութի թաքստոց է հայտնաբերվել

Այդ պահին, սակայն, երկրորդ հարկի պատշգամբի փայտե բազրիքը չէր դիմացել հրմշտոցի ճնշմանն ու պոկվել, ընկել էր: Դրա հետևանքով պատշգամբում գտնվող շուրջ տասը մարդ ընկել էին երկրորդ հարկից: Նրանց թվում՝ վրացական 4 հեռուստաալիքների լրագրողներ։

Sputnik Գրուզիան հայտնում է, որ տուժածներին տեղափոխել են հիվանդանոց:

104
թեգերը:
Վիրավոր, Ծեծկռտուք, հոգևորական, Վրաստանի Հանրապետություն
Աշոտ Մինասյան

Կողոպտել են «Սիսական» ջոկատի հրամանատար Աշոտ Մինասյանի տունը և գողացել նրա շքանշանները

227
(Թարմացված է 23:17 08.03.2021)
Այդ տանը ոչ ոք հիմա չի ապրում։ Այն, որպես հայրական օջախ, վերածվել էր Աշոտ Մինասյանի` Արցախյան պատերազմում զոհված եղբոր` Աղվան Մինասյանի թանգարանի։

ԵՐԵՎԱՆ, 8 մարտի - Sputnik․ Անհայտ անձինք կողոպտել են «Սիսական» ջոկատի լեգենդար հրամանատար Աշոտ Մինասյանի հայրական տունը։ Լուրը Sputnik Արմենիայի հետ զրույցում հաստատեց նրա քրոջ դուստրը` Արմինե Սահակյանը։

Նշենք, որ Աշոտ Մինասյանի հայրական տունը գտնվում է Սիսիանի Լծեն գյուղում։

Մեր զրուցակցի խոսքով` այդ տանը ոչ ոք հիմա չի ապրում։ Այն որպես հայրական օջախ վերածվել էր Արցախյան պատերազմին մասնակցած որդիների թանգարանի։ Կողոպուտի մասին նրանց զանգել, տեղեկացրել է հարևանը։

«Ջարդել են ամեն ինչ և տարել են հրամանատարի` առաջին Արցախյան պատերազմի ռազմական շքանշանները: Տարել են նաև զոհված մորեղբորս` Աղվանի Մինասյանի շքանշանները ու նրա մատանին, որը պահում էինք որպես մասունք։ Աղվանի նկարները գցել են գետնին և քայլել վրայով»,–ասաց հրամանատարի ազգականը` հավելելով, որ հնարավոր է` դիտավորյալ արված քայլ է` վախեցնելու, լռեցնելու նպատակ են ունեցել։

Սահակյանը նշեց, որ տան ամեն ինչը խառնել, թափել են գետնին, տանը եղած օղիները մասամբ խմել, մասամբ բացել ու թափել են։ Սենյակներից մեկի վարագույրը մասամբ այրված է եղել, նա ենթադրում է, որ գուցե փորձել են այրել տունը։

Հիշեցնենք, որ ՀՀ ազգային անվտանգության ծառայությունը 2020-ի նոյեմբերի 14-ին ՀՀ վարչապետ Նիկոլ Փաշինյանի սպանության փորձի փաստով հարուցված քրեական գործի շրջանակներում որպես կասկածյալներ ձերբակալել էր մի շարք անձանց, այդ թվում՝ «Հայրենիք» կուսակցության ղեկավար Արթուր Վանեցյանին, ՀՀ ԱԺ նախկին պատգամավոր, ՀՀԿ խմբակցության ղեկավար Վահրամ Բաղդասարյանին, ՀՅԴ անդամ Աշոտ Ավագյանին, ինչպես նաև Սիսիանի կամավորականների ջոկատի հրամանատար Աշոտ Մինասյանին։

Բոլոր 4 կասկածյալներին մեղադրանք է առաջադրվել Քրեական օրենսգրքի 35-300-րդ հոդվածի 1-ին մասի (իշխանության յուրացման), 35-305-րդ հոդվածի (պետական, քաղաքական կամ հասարակական գործչի գործունեությունը դադարեցնելու նպատակով սպանության նախապատրաստման) և 235-րդ հոդվածի (ապօրինի զենք զինամթերք պահելու) կասկածանքով։

227
թեգերը:
Սիսիան, շքանշան, տուն, գողություն, կողոպուտ, Աշոտ Մինասյան