Մեղր

Ինչպես տնային պայմաններում պարզել` մեղրը բնական է, թե ոչ

671
(Թարմացված է 15:27 12.02.2021)
Բնական մեղրն աշխարհի ամենաօգտակար մթերքներից է։ Իսկ ինչպե՞ս տարբերել այն արհեստականից։ Sputnik Արմենիան ներկայացնում է տնային պայմաններում մեղրը ստուգելու ճիշտ մեթոդները։

 

Մեղրի անհավանական օգտակարության մասին շատ է խոսվում (իսկ ավելի մանրամասն այդ մասին կարելի է կարդալ այստեղ)։ Սակայն այն օգտակար է միայն այն դեպքում, եթե հարյուր տոկոսով բնական է։

Շատ արտադրողներ և մեղվաբույծներ, ձգտելով ավելացնել մեղրի զանգվածը, դրա մեջ զանազան սուբստանցիաներ են ավելացնում։

Ամենատարածված հավելանյութերից մեկը շաքարաջուրն է։ Այն ոչ միայն ավելացնում է զանգվածը, այլև քաղցրություն է հաղորդում չհասած մեղրին։

Մեղրի հետ կարող են խառնել նաև այնպիսի բաղադրիչներ, ինչպիսիք են օսլան, օսլայի մաթը (պատոկա), ճակնդեղի մաթը։ Հաճախ մեղրի բաղադրության մեջ կարելի է հայտնաբերել սախարոզա կամ փոխակերպված շաքար։

Չհասած մեղր

Նեկտարը հավաքելուց հետո մեղուները բարդ շաքարները քայքայում-վերածում են պարզերի, հագեցնում են ֆերմենտներով և գոլորշիացնում խոնավության մի մասը։ Այնուհետև «կնքում» են այն մեղրաբջիջներում, որտեղ մեղրը հասունանում է և ավելի շատ ջուր կորցնում։ Դրա համար այն պետք է փակ պահել առնվազն մեկ ամիս։

Անբարեխիղճ մեղվապահները շատ վաճառքի ունենալու համար մեղրը փեթակներից հանում են դեռ հասունանալուց առաջ։ Այդ ժամանակ մեղրը պակաս անուշաբույր ու պակաս համեղ է, բուժական հատկություններ չունի։ Դրա մեջ խոնավությունը չափազանց շատ է, ուստի երկար պահելու դեպքում բաժանվում է խիտ ներքևի շերտի և ավելի նոսր վերին շերտի։ Չհասած մեղրը արագ թթվում է՝ խմորման առանձնահատուկ հոտով և գազի պղպջակներով։

Ինչպես ստուգել մեղրի հասունությունը

Այս օգտակար մթերքի հասունությունը ստուգելու համար հարկավոր է տասը րոպեով մի կտոր փափուկ հաց ընկղմել դրա մեջ։ Որակյալ մեղրը կներծծի խոնավությունը և հացը կչորանա, իսկ չհասած մեղրի մեջ՝ ավելի կփափկի։

Մի փոքր մեղր կաթեցրեք թղթի կտորի վրա (թերթի կամ զուգարանի թղթի)․ թուղթը պետք է չոր մնա։ Եթե մեղրը տարածվում է և խոնավ հետք թողնում, նշանակում է՝ դրա մեջ ջուր կա։

Ներկայացնում ենք նաև շատերի կողմից սիրված այս քաղցրավենիքի բնական լինելը տնային պայմաններում ստուգելու մի քանի եղանակ։

Ինչպես «վերագործարկել» օրգանիզմը երկու շաբաթվա ընթացքում. դիետոլոգի խորհուրդները

Ծորո՞ւն է, թե՞ ոչ

Բնական մեղրը ոչ մի դեպքում չպետք է ջրիկ լինի։ Տաքացրեք մեղրը մոտ 20 աստիճան՝ գդալով խառնելով։ Այնուհետև հանեք գդալը և սկսեք այն պտտել՝ եթե  մեղրը նորմալ խտություն ունի, ապա պետք է փաթաթվի գդալի վրա, ոչ թե ներքև հոսի։ Այնուհետև նայեք, թե ինչպես է մեղրը հետ հոսում տարրայի մեջ՝ այն պետք է դանդաղ հոսի՝ մակերևույթին «բլրակ» և պղպջակներ առաջացնելով։

Ստուգում յոդով

Մեղրի մեջ խառնուրդներ հայտնաբերելու համար կարելի է պարզագույն փորձ անել։ Մի փոքր մեղրը նոսրացրեք ջրով և մի կաթիլ յոդ ավելացրեք։ Եթե հեղուկը կապտում է, ապա մեղրի հետ օսլա կամ ալյուր են խառնել։

Ստուգում քացախի էսենցիայով

Այս դեպքում նույնպես պետք է տաք ջրով մեղրի լուծույթ պատրաստել։ Եթե քացախի էսենցիա ավելացնելու դեպքում լուծույթը սկսում է թշշալ, ուրեմն այն կավիճ է պարունակում։

Ստուգում լյապիսի մատիտով

Հաջորդ փորձի համար պետք կլինի լյապիսի մատիտ։ Մեղրի 5-10 տոկոսանոց լուծույթ պատրաստեք և մատիտի ծայրը սուզեք մեջը։ Եթե սպիտակ նստվածք առաջանա, ուրեմն մեղրի մեջ շաքար են ավելացրել։

Ստուգում մետաղալարով

Վերցրեք չժանգոտվող պողպատից մետաղալար, այրեք կրակի  վրա (կարող եք սովորական կրակայրիչ օգտագործել) ու այն մեղրի մեջ մտցրեք: Եթե մետաղալարին կպչուն զանգված կպնի է, ուրեմն մեղրը կեղծ է: Եթե մեղրը բնական է, մետաղալարը մաքուր կմնան։ Կարելի է փորձել այրել մեղրը: Մաքուր մեղրը չի այրվի։ Կեղծ մեղրը կարող է փոխել գույնը, օրինակ, դառնալ շագանակագույն, հալվել, կարամելի կամ քիմիական հոտ արձակել։

Ինչպես ճիշտ պահպանել մեղրը

Կարևոր է հիշել, որ մեղրը չի կարելի պահել մետաղական ամանի մեջ: Բանն այն է, որ մեղրում պարունակվող թթուները կարող են օքսիդանալ ու հանգեցնել նրան, որ արժեքավոր մթերքը կկորցնի իր օգտակար հատկությունների մի մասն ու նույնիսկ դառնա թունավոր:

Գիտնականները պարզել են` որ հայացքից են սիրահարվում կանայք

Ի դեպ, ժամանակի ընթացքում մեղրն անպայման դառնում է խիտ և պղտոր, եթե ամռանը ձեռք բերված մեղրը մնացել է հեղուկ ու թափանցիկ մինչև ձմեռ, ապա այն բնական չէ:

Նաև հաշվի առեք, որ եթե մեղրը խտացել է ներքևի մասից, իսկ վերևում մնացել է հեղուկ, դա նշանակում է, որ այն դեռ չհասունացած են հավաքել, նման մեղր կարող է պահվել ընդամենը մի քանի ամիս:

Ինչպե՞ս ճիշտ օգտագործել

Մեղրով թեյ պատրաստելիս ոչ մի դեպքում չի կարելի այն ավելացնել եռացող ջրի մեջ։ Արդեն 60 աստիճանի դեպքում մեղրի կառուցվածքը քայքայվում է, և այն կորցնում է իր հատկությունները:

671
թեգերը:
ստուգումներ, առողջ սնունդ, մեղր
Ըստ թեմայի
Ի՞նչ է տեղի ունենում օրգանիզմում, երբ մանդարին ենք ուտում
Ինչպե՞ս է եղանակային փոփոխությունն ազդում մարդու օրգանիզմի վրա. պարզաբանում է Մանուկյանը
Ինչպես «վերագործարկել» օրգանիզմը երկու շաբաթվա ընթացքում. դիետոլոգի խորհուրդները
Կարմիր խաչ. արխիվային լուսանկար

Մատվիենկոն ադրբեջանցի գործընկերոջ հետ քննարկել է գերի ընկած հայ կանանց վերադարձի հարցը

18
(Թարմացված է 19:13 01.03.2021)
Վալենտինա Մատվիենկոյի խոսքով՝ երբ խոսքը կանանց մասին է, դա հատկապես զգայուն հարց է։

ԵՐԵՎԱՆ, 1 մարտի – Sputnik. Դաշնային խորհրդի խոսնակ Վալենտինա Մատվիեկոն Ադրբեջանի օրենսդիր իշխանության ղեկավար Սահիբա Գաֆարովայի հետ քննարկել է արցախյան հակամարտության ընթացքում գերի ընկած հայ կանանց հայրենիք վերադառնալու հնարավորությունը։ Այդ մասին Վալենտինա Մատվիենկոն հայտնել է ՌԻԱ Նովոստիին։

«Ես այսօր զրուցել եմ Ադրբեջանի խորհրդարանի խոսնակ Սահիբա Գաֆարովայի հետ, դիմել եմ նրան, որպեսզի այդ կանանց տուն վերադառնալու հնարավորություն ընձեռնվի։ Չէ՞ որ երբ խոսքը կանանց մասին է, դա հատկապես զգայուն հարց է, քանի որ դա ինչ-որ մեկի մայրիկն է, քանի որ երեխաներ կան։ Հույս ունեմ, որ ադրբեջանական կողմը կարձագանքի այս խնդրանքին»,-ասել է Մատվիենկոն։

Ավելի վաղ ՀՀ Ազգային ժողովի նախագահ Արարատ Միրզոյանը դիմել էր Դաշնային խորհրդի խոսնակին՝ խնդրելով աջակցել արցախյան հակամարտության ընթացքում գերեվարված մի քանի կանանց հայրենիք վերադարձնելուն։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

18
թեգերը:
Վալենտինա Մատվիենկո, հայ, Կին, գերի
Ըստ թեմայի
«Թո՛ղ տղաներին բերի, նոր խոսի». Վանեցյանի ասածը զայրացրել է գերիների հարազատներին
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Անհապաղ ազատ արձակել Ադրբեջանում գերության մեջ պահվող հայ գերիներին. Ժոզեֆ Սիգելե
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար
Ռուս խաղաղապահ

Պետք է պահպանվի շարունակականությունը. Մատվիենկոն՝ Ղարաբաղի վերաբերյալ համաձայնագրի մասին

22
(Թարմացված է 18:34 01.03.2021)
Ռուսաստանի Դաշնության խորհրդի խոսնակի խոսքով՝ Ղարաբաղի վերաբերյալ եռակողմ համաձայնագիրը կայունացրել է իրադրությունը։

ԵՐԵՎԱՆ, 1 մարտի – Sputnik. Ռուսաստանը հուսով է, որ Հայաստանը կհետևի Ղարաբաղի հարցով եռակողմ համաձայնագրին՝ անկախ Երևանում տեղի ունեցող իրադարձություններից։ ՌԻԱ Նովոստիի հետ զրույցում այս մասին ասել է Դաշնության խորհրդի նախագահ Վալենտինա Մատվիենկոն։

«Մենք հույս ունենք, որ Հայաստանի ղեկավարների պատասխանատվությունը շատ մեծ կլինի։ Ինչ իրադարձություններ էլ տեղի ունենան, պետք է շարունակականություն լինի։ Ցանկացած շարժում, ցանկացած քայլ, որը կհակասի այդ համաձայնագրին, կարող է հանգեցնել մեծ ողբերգության, դա չի կարելի թույլ տալ», - նշել է նա։

Ռուսաստանի Դաշնության խորհրդի խոսնակի խոսքով՝ Ղարաբաղի վերաբերյալ եռակողմ համաձայնագիրը կայունություն է բերել Անդրկովկաս։

«Գործընթացները շարունակվում են, դրանք բարդ են, ամեն օր այս կամ այն նրբություններ են ի հայտ գալիս։ Բայց գլխավորը՝ համաձայնությունը ձեռք է բերվել, և այժմ պետք է հասնել նրան, որ այն շարունակի իրականացվել ձեռք բերված պայմանավորվածությունների համաձայն», - ընդգծել է Մատվիենկոն:

Նրա խոսքով՝ եռակողմ համաձայնագիրը, որը ստորագրել են Ռուսաստանի, Հայաստանի և Ադրբեջանի ղեկավարները, շատ կարևոր էր զինված հակամարտության զարգացումը կանխելու տեսանկյունից, և դա Ռուսաստանի նախագահի անձնական մեծ վաստակն է, փոխզիջումներ գտնելու և պայմանավորվելու նրա ունակության արդյունքը:

Վալենտինա Մատվիենկո
© Photo : Пресс-служба Совета Федерации РФ

«Ռուս խաղաղապահների մուտքը պայմաններ ստեղծեց այդ տարածաշրջանի կայունության և խաղաղ կյանքին վերադառնալու համար։ Մեր խաղաղապահները հսկայական աշխատանք են կատարում ականազերծման, բնակարանների և շենքերի վերականգնման ուղղությամբ, օգնում են փախստականների անվտանգ վերադարձի հարցում»,- նշել է Մատվիենկոն:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

22
թեգերը:
Արցախ, Վալենտինա Մատվիենկո, Ռուսաստան, Հայաստան
Ըստ թեմայի
Մարիա Զախարովան խոսել է Լեռնային Ղարաբաղի մասին
Պուտինն ու Էրդողանը քննարկել են Ղարաբաղի սոցիալ-տնտեսական զարգացման հարցը
Ղարաբաղի վերաբերյալ բոլոր պայմանավորվածություններն առայժմ իրագործվում են. Կրեմլ
Նիկոլ Փաշինյան

Մարտի 1-ին իշխանությունը բանակը հանեց սեփական ժողովրդի դեմ. Նիկոլ Փաշինյան

0
(Թարմացված է 19:31 01.03.2021)
ՀՀ վարչապետը ևս մեկ անգամ հայտարարեց, որ «Մարտի 1»–ի գործը բացահայտված է։ Նա ներկայացրեց իր գնահատականը։

ԵՐԵՎԱՆ, 1 մարտի - Sputnik. Այսօր Հանրապետության հրապարակում հրավիրված հանրահավաքի ժամանակ ՀՀ վարչապետ Նիկոլ Փաշինյանը հայտարարեց, որ 2021թ–ի մարտի 1-ը դիմավորում ենք բոլորովին այլ իրավիճակում, և շեշտեց` նախկինում այդ օրը ընդունված էր հիշատակի միջոցառումներ անցկացնել։

«Ղարաբաղյան պատերազմի ծանր հետևանքները, մեր հազարավոր զոհերի փաստը, մեր անհետ կորածների առկայությունը, բազմաթիվ եղբայրների և քույրերի գերեվարված լինելու հանգամանքը, բռնության շարունակական քարոզը, զինված ուժերն ու դատական համակարգը քաղաքական գործընթացների մեջ ներքաշելու փորձերը մեր առաջ դրել են նորանոր մարտահրավերներ»,– ասաց նա։

Խոսելով մարտի 1-ի հայտնի իրադարձությունների մասին` Փաշինյանն ընդգծեց, որ այն ժողովրդի իշխանության համար մղվող պայքարի հետևանք էր, երբ ՀՀ այն ժամանակվա իշխանությունը բանակը հանեց սեփական ժողովրդի դեմ։

Փաշինյանը նշեց, որ «Մարտի 1»-ի գործով կան դատարանի առաջ կանգնած մեղադրյալներ։

Փաշինյանը հանրահավաքին ներկայացավ ընտանյոք հանդերձ

«Ու պիտի արձանագրեմ, որ «Մարտի 1»-ի գործն, ըստ էության, իմ գնահատմամբ, բացահայտված է։ Շատերը հարց են տալիս, թե ինչպես կարելի է բացահայտված համարել «Մարտի 1»-ը, երբ սպանությունները բացահայտված չեն։ Իմ կարծիքն ու անձնական գնահատականն այն է, որ, ճիշտ է, կրակողները բացահայտված չեն, բայց սպանությունները, այն ֆոնը, որում դա տեղի է ունեցել, բացահայտված են»,– ասաց Փաշինյանը։

Նրա խոսքով` դա է պատճառը, որ «Մարտի 1»-ի մեղադրյալների փաստաբաններն անում են հնարավորը` դատավարությունը ձգձգելու համար։

«Ինչի՞ համար են այդ ձգձգումները։ Որովհետև հույս ունեն, որ, ինչպես նախկինում են բռնազավթել իշխանությունը, հիմա էլ կհասնեն այդ բռնազավթմանը»,– ասաց նա։

Հիշեցնենք` 2008 թվականի փետրվարի 24-ին Հայաստանի ԿԸՀ-ն հայտարարել էր, որ ընտրություններում հաղթել է Սերժ Սարգսյանը։ Բողոքի ակցիայի մասնակիցները պահանջում էին վերահաշվարկել քվեները։

Ընտրել են նրանց, ովքեր պատրաստ են «Մարտի 1»-ի մեղքը բարդել Քոչարյանի վրա. փաստաբան

Մարտի 1-ի գիշերը Ազատության հրապարակում ոստիկանական ուժերը օպերատիվ-հետախուզական գործողություններ էին իրականացրել «տեղանքը ստուգելու» համար և հազարավոր ցուցարարների հեռացրել էին հրապարակից։

Մարտի 1-ի երեկոյան ԶՈւ և ոստիկանության ստորաբաժանումները Երևանի կենտրոնական փողոցներում զենքի, պայթուցիկ սարքերի և հատուկ միջոցների օգնությամբ ցուցարարներին ցրելու համար հատուկ գործողություններ էին իրականացրել։ Հարյուրավոր մարդիկ վնասվածքներ էին ստացել, մահացել էին 8 քաղաքացիական անձ և 2 ոստիկան։

Նիկոլ Փաշինյանը երթն ուղղորդելո՞ւ է Բաղրամյան 26. Վահագն Ալեքսանյանի արձագանքը

0
թեգերը:
Մարտի 1, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան
Ըստ թեմայի
Արարատ Միրզոյանն անհետացել էր. ինչու երթի օրը Փաշինյանի կողքին չէր. «Ժողովուրդ»
Փաշինյանը հիշել է իր կազմակերպած երթի «պատշգամբային» պահերը` միայն դրական
Փաշինյանը սխալ հաշվարկ արեց. Սարգսյանը` «Իսկանդերի» և վտանգված հարաբերությունների մասին
Թուրքական TRT-ն Փաշինյանի հանրահավաքը լուսաբանելու հայտ չի ներկայացրել․ ԱԳՆ