Պատվաստանյութ

Ո՞ր դեպքում Թուրքիան կգրանցի ռուսական «Սպուտնիկ պատվաստանյութը

33
(Թարմացված է 22:51 10.02.2021)
Անկարան կորոնավիրուսի դեմ պատվաստանյութ ձեռք բերելու ուղղությամբ բանակցություններ է վարում տարբեր երկրների և ընկերությունների հետ:

ԵՐԵՎԱՆ, 10 փետրվարի – Sputnik. Թուրքիայի առողջապահության նախարար Ֆահրեթին Կոջան հայտարարել է, որ իրենք «Սպուտնիկ V» պատվաստանյութը կգրանցեն ու կսկսեն արտադրել թունաբանական թեստերի դրական արդյունքների դեպքում: Տեղեկությունը հայտնում է ՌԻԱ Նովոստին։

Ավելի վաղ հայտնի էր դարձել, որ Ուղիղ ներդրումների ռուսական հիմնադրամը դեղեր արտադրող թուրքական առաջատար ընկերության հետ համաձայնագիր է ստորագրել Թուրքիայում «Սպուտնիկ V» պատվաստանյութ արտադրելու մասին և սկսել է տեխնոլոգիաների փոխանցումը: Թուրքական «VisCoran» դեղագործական ընկերության տնօրենների խորհրդի նախագահ Օզթյուրք Օրանն էլ հայտարարել էր, որ Թուրքիայում մտադիր են «Սպուտնիկ V» պատվաստանյութի արտադրություն սկսել ինչպես սեփական կարիքների, այնպես էլ արտահանման համար:

«Մենք բանակցություններ ենք վարում տարբեր երկրների և ընկերությունների հետ, հատկապես նրանց հետ, որոնք պատրաստ են մեզ պատվաստանյութ տրամադրել մինչև ապրիլ։ Ի սկզբանե մենք կենտրոնացել ենք 3 պատվաստանյութի վրա` ռուսական, չինական և այն պատվաստանյութի, որը մշակել են թուրք գիտնականները։ Ռուսական «Սպուտնիկ V» պատվաստանյութը թունաբանական թերություններ է ունեցել։ Բայց մենք շարունակում ենք աշխատել դրա շուրջ, և եթե այդ թերությունները վերացվեն, ապա մենք պատրաստ ենք ոչ միայն գրանցել ու ձեռք բերել այն, այլև արտադրություն սկսել Թուրքիայում», - ասել է Կոջան լրագրողներին:

Սա առանձնացնում է պատվաստանյութը մյուսներից. մասնագետը նշել է Սպուտնիկ V–ի առավելությունը

Նշենք, որ «Սպուտնիկ V»–ն ընդգրկված է Առողջապահության համաշխարհային կազմակերպության (ԱՀԿ) ցուցակի լավագույն պատրաստուկների տասնյակում:

Պատվաստանյութն արդեն գրանցվել է ոչ միայն Ռուսաստանում, այլև Հայաստանում, Բելառուսում, Արգենտինայում, Մեքսիկայում, Բոլիվիայում, Սերբիայում, Ալժիրում, Պաղեստինում, Վենեսուելայում, Պարագվայում, Լիբանանում, Թուրքմենստանում, Հունգարիայում, ԱՄԷ-ում, Իրանում, Գվինեայում և Թունիսում։

33
թեգերը:
պատվաստանյութ, կորոնավիրուս, Ռուսաստան, Թուրքիա
թեմա:
Կորոնավիրուսը աշխարհում (1004)
Ըստ թեմայի
Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում
«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով
Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու

Մեծ Բրիտանիայի թագուհին կզրկվի ավիապարկից. Եղիսաբեթ II-ը «կիսելու է» ինքնաթիռը Ջոնսոնի հետ

31
(Թարմացված է 23:18 06.03.2021)
Այս պահին կառավարությունը պատրաստում է արտաքին քաղաքականության և պաշտպանության նորացված ռազմավարություն, որը պաշտպանական ծախսերի օպտիմալացում է նախատեսում։

ԵՐԵՎԱՆ, 6 մարտի — Sputnik. Մեծ Բրիտանիայի թագուհի Եղիսաբեթ II-ը կզրկվի ավիապարկից ու հեռահար թռիչքների համար կօգտվի վարչապետի ինքնաթիռից։ Տեղեկությունն այսօր հայտնում է Mail Online պարբերականը:

«Թագուհու ինքնաթիռների պաշտոնական պարկը կվաճառվի պաշտպանական ծախսերի կրճատման պատճառով։ Թագուհին կօգտագործի Բորիս Ջոնսոնի ինքնաթիռը, որը ներկված է ազգային դրոշի գույներով։ Ինքնաթիռները, որոնցից թագավորական ընտանիքն օգտվել է 1980-ականներից, հաջորդ տարվանից դուրս կբերվեն ՌՕՈւ-ի կազմից։ Թագուհին կառավարման ընթացքում առաջին անգամ առանց անձնական ինքնաթիռի կմնա» - նշում է պարբերականը:

Թագավորական ընտանիքին սպասարկում են BAE-146 տարածաշրջանային չորս ինքնաթիռներ, որոնք վերագրվում են Ռազմաօդային ուժերի 32-րդ էսկադրիլիային։ Ստորաբաժանման կազմում է նաև AW-109 ուղղաթիռը, որը թագուհին կշարունակի օգտագործել երկրում ուղևորությունների համար: Ավիատեխնիկան հիմնված է Լոնդոնի արևմուտքում Northolt ռազմաօդային ուժերի բազայում։

Ներկայում կառավարությունը մշակում է արտաքին քաղաքականության և պաշտպանության նորացված ռազմավարություն, որը նախատեսում է պաշտպանական ծախսերի օպտիմալացում ու, մասնավորապես, ցամաքային զորքերի թվաքանակի կրճատում 10 հազարով։ Նաև շահագործումից դուրս են բերում մի շարք նավեր ու ինքնաթիռներ: Սպասվում է, որ ռազմավարությունը կներկայացվի մարտի 16-ին։ Այն վերաբերում է նաև թագավորական ավիապարկի կրճատմանը:

Ինքնաթիռը, որը Եղիսաբեթ 2–րդը պետք է կիսի վարչապետ Բորիս Ջոնսոնի հետ, անցյալ տարի վարչապետ որոշմամբ ազգային դրոշի գույներով է ներկվել: Վարչապետի պաշտոնական ներկայացուցիչը հայտարարել է, որ այդ նպատակի համար ծախսվել է 900 հազար ֆունտ ստեռլինգ։

Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել

31
թեգերը:
Բորիս Ջոնսոն, Վարչապետ, ինքնաթիռ, Եղիսաբեթ 2-րդ
Ըստ թեմայի
Մեգան Մարքլը մեղադրել է թագուհի Եղիսաբեթին
Եղիսաբեթ 2–րդը հիասթափված է արքայազն Հարրիի և Մեգան Մարքլի որոշումից
Եղիսաբեթ II-ին թագուհի դարձրին սերն ու ծխախոտը. արդեն 68 տարվա գահակալություն
Սերգեյ Բեզրուկով

Սերգեյ Բեզրուկովը հենց բեմում սրտի կաթված է ստացել

673
(Թարմացված է 22:05 06.03.2021)
Ռուս դերասանի կերպարանափոխության տաղանդի մասին, որը նրա համար քիչ էր մնում` ճակատագրական դառնա, պատմել է նրա ընկեր ու գործընկեր Դմիտրի Դյուժևը:

ԵՐԵՎԱՆ, 6 մարտի – Sputnik. Ռուսաստանի ժողովրդական արտիստ Սերգեյ Բեզրուկովն այնքան է խորացել դերերից մեկի մեջ, որ քիչ է մնացել մահանա հանդիսատեսի աչքի առաջ։ Գաղտնի կուլիսային միջադեպի մասին հայտնի է դարձել ՏՎՑ հեռուստաալիքի եթերում։

Մարտի 6-ին «Իմ հերոսը» հաղորդման հյուրն էր Դմիտրի Դյուժևը։ Նա հիացմունքով խոսել է Սերգեյ Բեզրուկովի մասին: «Բրիգադա» սերիալի գործընկերը պատմել է այն պահերից մեկի մասին, երբ Սաշա Բելովի դերակատարը թատերական ներկայացման ժամանակ սրտի նոպա է ունեցել:

Դյուժևի խոսքով՝ նա ոչ մի անգամ բեմի վրա Բեզրուկովի պես դերասանի չի հանդիպել։

«Սերյոժան կարող է մեռնել հանդիսատեսի աչքի առաջ, նա նույնիսկ սրտի նոպա է ունեցել բեմի վրա, քանի որ նա այդ ամենի մեջ է ու դրանից քչին չի համաձայնում», – հայտարարել է Դյուժեւը:

Ինքը՝ ժողովրդական արտիստը, չի հերքել գործընկերոջ խոսքերը՝ նշելով, որ ապրում է թատրոնով։

Դեմի Մուրն ուղղակի անճանաչելի է․ դերասանուհին նոր լուսանկարով է պատասխանել քննադատությանը

Ավելի վաղ 47-ամյա Բեզրուկովը խոստովանել էր, որ առողջական խնդիրներ ունի։

Հայտնի դերասանն ասել է նաև, որ թատրոնն իրեն մեծ կինոյի պես եկամուտներ չի բերում։ Բայց նա շարունակում է բեմ դուրս գալ, քանի որ այնտեղ հատուկ հոգեկան վերելք է ապրում։

Շիրվինդտի երևանյան արկածները, կամ ինչու հայտնի դերասանն այլևս սալորի օղի չի խմում

673
թեգերը:
Սերգեյ Բեզրուկով, Թատրոն, կաթված, դերասան
Ըստ թեմայի
«Յան»–երը շատանում են. Պետրոսյանն ու Գալուստյանը համալրել են Պուտինի վստահված անձանց ցուցակը
Սկանդալ Վիսոցկու գերեզմանի հուշարձանի շուրջ. երգչի որդին պատասխանել է դերասանին
Անեչկա, շնորհակալություն. Սերգեյ Բեզրուկովը կրկին հայրացել է
Արխիվային լուսանկար

COVID-19 տարած մարդկանց մեծ մասը հոգեկան խնդիրներ է ունենում. գիտնականների զգուշացումը

4
(Թարմացված է 23:32 06.03.2021)
Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ:

ԵՐԵՎԱՆ, 7 մարտի – Sputnik. Գիտնականները պարզել են, որ COVID-19 տարած մարդկանց զգալի մասը տառապում է նյարդահոգեբանական ու կոգնիտիվ խանգարումներից: Հետազոտությունը հրապարակվել է Frontiers in Psychology ամսագրում։

Օքսֆորդի Բրուքսի համալսարանի մասնագետների տվյալների համաձայն՝ կարճաժամկետ հեռանկարում COVID-19-ով կլինիկապես կայուն հիվանդների 95 տոկոսը տառապում է հետտրավմատիկ սթրեսային խանգարումից: Միևնույն ժամանակ, հիվանդների 17-ից մինչև 42%-ը զգացել են աֆեկտիվ խանգարումներ, օրինակ՝ դեպրեսիա։

«Հիմնական կարճաժամկետ կոգնիտիվ խանգարումներն են ուշադրության խախտումն (45 %) ու հիշողության վատթարացումը (13-ից մինչև 28%)», - նշել են գիտնականները:

Նոր հիվանդություն. հնարավոր է` երեխաները մահացած են ծնվել կորոնավիրուսի պատճառով

Երկարաժամկետ հեռանկարում, ըստ ուսումնասիրության արդյունքների, հոգեվերլուծական խնդիրներն արտահայտվում են աֆեկտիվ խանգարումներով ու հոգնածությամբ: Այնուամենայնիվ, հիվանդները նաև բողոքել են կենտրոնանալու (44%) ու հիշողության (38 - 50%) հետ կապված խնդիրներից:

ԱՀԿ-ի վերջին տվյալներով` աշխարհում 115,2 մլն վարակակիր կա, իսկ Հոպկինսի համալսարանի հաշվարկով՝ նրանց թիվն արդեն գերազանցել է 116 միլիոնը:

Կորոնավիրուսի դինամիկան հասել է 16 տոկոսի. վերահսկողությունը կխստացվի

4
թեգերը:
հոգեբուժարան, սթրես, գիտնական, կորոնավիրուս
թեմա:
Կորոնավիրուսը աշխարհում (1004)
Ըստ թեմայի
Գիտնականներն ասել են` ինչ գույներ ունի կորոնավիրուսը
Գիտնականներն ասել են, թե մարդկությունը քանի տարի է կորցրել կորոնավիրուսի պատճառով
Ո՞վ է ավելի թեթև տանում համավարակը. իտալացի գիտնականների հետազոտությունը