ԵՐԵՎԱՆ, 9 փետրվարի – Sputnik. Թուրքիայում ավտոսրահի աշխատակիցը փորձել է իր ղեկավարին սպանել բավականին բարդ եղանակով՝ նրա թեյի մեջ խառնելով COVID-19–ով վարակված ծանոթի թուքը։
Lad Bible–ը հայտնում է՝ չարագործի ծրագիրը ձախողվել է, և այժմ նա կկանգնի դատարանի առաջ: Տուժածը՝ ավտոսրահի սեփականատեր Իբրահիմ Ունվերդին, ու նրա կինը իրավապահներին պատմել են մահափորձի հանգամանքները:
Տղամարդն ասել է, որ իր աշխատակցին 215 հազար թուրքական լիրա (մոտ 30 հազար դոլար) է տվել ավտոմեքենայի հետ կապված գործարքի համար։ Սակայն հաջորդ օրը աշխատակիցը զանգահարել ու ասել է, որ իրեն գումար է պետք վարկ վճարելու համար, ուստի նա ոչ մի գործարք չի կատարել։
Բացի այդ, Ունվերդին ասել է, որ իրեն փորձել են սպանել բացառապես բարդ եղանակով։ Ավտոսրահի նախկին աշխատակիցը կորոնավիրուսով վարակված տղամարդուց թքի սրվակ է գնել 70 դոլարով ու աննկատ լցրել ղեկավարի թեյի մեջ։ Սակայն Ունվերդին այդպես էլ թեյը չի խմել, այդ պատճառով էլ չի վարակվել։
Իրադարձությունների նման զարգացումից դժգոհ աշխատակիցը փորձել է սպառնալ, որ սպանելու է իր շեֆին, սակայն արդյունքում ձերբակալվել է։
Գիտնականները նշել են` որ ախտանիշների դեպքում կարող է կորոնավիրուսը 12 շաբաթից ավելի տևել
«Ես կնախընտրեի, որ նա ինձ գնդակահարեր, քան վարակեր կորոնավիրուսով։ Իմ երկու ծնողներն էլ խրոնիկ հիվանդություններ ունեն։ Եթե նա վարակեր ինձ, ես պետք է վարակեի իմ շրջապատի բոլոր մարդկանց։ Իսկ եթե նա ուղղակի կրակեր ինձ վրա, միայն ես կմահանայի: Պետք չէ այդքան չար լինել», - ասել է Իբրահիմը պարբերականին:
Չարագործին մեղադրանք է առաջադրվել սպանության փորձի համար։ Առայժմ հայտնի չէ, թե երբ է քննվելու քրեական գործը։
Ի՞նչ վտանգ է ներկայացնում կորոնավիրուսն ատամների համար. գիտնականների նոր բացահայտումը