Հենրիխ Մխիթարյան

Հենրիխ Մխիթարյանը կտեղափոխվի՞ «Յուվենտուս»

188
(Թարմացված է 21:24 08.02.2021)
Հենրիխ Մխիթարյանը իտալական Ա սերիայում հիանալի մրցաշրջան է անցկացնում «Ռոմայի» կազմում։ Հայ ֆուտբոլիստի հաջողությունները ոգևորել են ոչ միայն մայրաքաղաքը ներկայացնող ակումբին, այլ իտալական գրանդին՝ «Յուվենտուսին»։

ԵՐԵՎԱՆ, 8 փետրվարի – Sputnik, Խաչիկ Չախոյան․ Իտալական լրատվամիջոցները տեղեկություններ են տարածել, որ Հայաստանի ֆուտբոլի ազգային հավաքականի ավագ և իտալական «Ռոմայի» կիսապաշտպան Հենրիխ Մխիթարյանի ծառայություններով հետաքրքրված է «Ծեր սինյորան»։ Հնարավոր է, արդյո՞ք հայ ֆուտբոլիստի տրանսֆերը «Յուվենտուս»։ Այս հարցին կարելի է պատասխանել՝ ինչու՞ ոչ։

Մխիթարյանի պայմանագիրը «Ռոմայի» հետ ավարտվում է այս տարվա ամռանը։ Բնականաբար այդ գործոնը ստիպել է «Ռոմային» սկսել բանակցությունները հայ ֆուտբոլիստի հետ պայմանագիրը երկարաձգելու համար։ Բանակցությունների ընթացքի մասին տեղեկություններ կային վաղուց։ Միևնույն ժամանակ նշվում էր, որ Մխիթարյանը չի շտապում վերջնական որոշում կայացնել «Ռոմայի» հետ իր պայմանագիրը երկարաձգելու համար։ Չմոռանանք, որ հայ ֆուտբոլիստը գտնվում է հիանալի մարզավիճակում, ու դարձել է «Ռոմայի» եթե ոչ առաջատարը, ապա լավագույններից մեկը։ Բացի այդ կա նաև Մինո Ռայոլայի գործոնը։

Հենրիխի իտալացի գործակալը շատ լավ հարաբերությունների մեջ է «Յուվենտուսի» ղեկավարության հետ։ Բացի այդ, մեր ֆուտբոլիստի խաղային վիճակագրությունը լավն է այս առաջնությունում` 9 գոլ և 8 գոլային փոխանցում։ Իտալիայի ամենատիտղոսակիր թիմը, կարծում ենք, սպասելու է մինչև ամառ` Հենրիխի պայմանագրի ավարտը, և հայ ֆուտբոլիստը ստանա ազատ խաղացողի կարգավիճակ, այդ դեպքում անմիջապես կհետևի առաջարկը, որը արդեն հիմա նախապատրաստվում է։

Մյուս կողմից էլ «Ռոման» շատ լավ հասկանում է, որ 32-ամյա ֆուտբոլիստին իր թիմում պահելու համար հարկավոր է առաջարկ, որին մերժելը դժվար կլինի։ Չենք կարծում, թե մեկ տարվա պայմանագիր առաջարկող ակումբը կհետաքրքրի Մխիթարյանին։ Մի խոսքով, քանի որ չկա պաշտոնական ոչ մի հայտարարություն «Ռոմայի» հետ պայմանագիրը չերկարաձգելու և «Յուվենտուսի» հետ նոր պայմանագիր ստորագրելու մասին, հիմա մնում է միայն ենթադրել, թե որտեղ կշարունակի Մխիթարյանը ֆուտբոլիստի իր կարիերան։ Բայց «Յուվենտուսը» կարող է շատ լավ շարունակություն լինել մեր ֆուտբոլիստի կարիերայի համար։

Հենրիխ Մխիթարյանը նշում է ծննդյան 32-ամյակը

Ավելացնենք, որ եթե «Յուվենտուսը» ցանկանա ձեռք բերել Մխիթարյանի տրանսֆերը, ապա դա Թուրինյան ակումբի երկրորդ փորձը կլինի։ 2015 թվականին իտալական թիմը պատրաստ էր հայ ֆուտբոլիստի տեղափոխության համար 15 մլն եվրո վճարել Դորտմունդի «Բորուսիային»։

188
թեգերը:
Յուվենտուս, Իտալիա, ֆուտբոլիստ, ֆուտբոլ, «Ռոմա» ֆուտբոլային ակումբ, Հենրիխ Մխիթարյան
թեմա:
Հենրիխ Մխիթարյան (342)
Ըստ թեմայի
Հնդիկ ընտանիքն իր ռեստորանում պատերազմի օրերին կերակրել է 500 արցախցու. տեսանյութ
«Արարատ» ֆուտբոլային թիմը ընկերական խաղում խոշոր հաշվով հաղթել է ռուսական «Ռոդինային»
Ինչպես հայն օգնեց «Նիցցային» «Պարկ դե Պրենսում» անցկացված վերջին գավաթային եզրափակիչում
Автотрасса Север-юг

Ստորջրյա քարեր «Հյուսիս–Հարավ» ճանապարհին. պե՞տք է արդյոք այն հիմա

154
(Թարմացված է 23:43 28.02.2021)
«Հյուսիս–Հարավը» անկախ Հայաստանի պատմության մեջ ամենամեծ նախագծերից մեկն է, որի իրականացման հարցում շահագրգռված է ոչ միայն Երևանը, այլև Թեհրանն ու Թբիլիսին։

Լաուրա Սարգսյան, Sputnik Արմենիա

«Հյուսիս–Հարավ» ավտոմայրուղու նախագիծը ժամանակակից իրողություններում ու 2020 թվականի նոյեմբերի 9-ին Հայաստանի, Ռուսաստանի և Ադրբեջանի առաջնորդների եռակողմ հայտարարությամբ նախատեսված տրանսպորտային հաղորդակցությունների ապաշրջափակման համատեքստում չի կորցրել իր կարևորությունն ու նշանակությունը։ Ավելին, տրանսպորտային հաղորդակցությունների ոլորտի մասնագետները շարունակում են պնդել, որ ճանապարհը կարևոր է ոչ միայն Երևանի համար։

Դեռ երկու տարի առաջ նախագիծը հետաքրքրեց Չինաստանի գործընկերներին։ Փորձագետներն այն ժամանակ նշեցին, որ նախագծի իրականացման պարագայում ճանապարհը կարող է դառնալ «Նոր մետաքսի ճանապարհ» գլոբալ նախագծի մի մասը։

Նախագծի իրականացումն ու ավտոճանապարհի շահագործումը թույլ կտան Հայաստանին կարևոր տարանցիկ հանգույց դառնալ, որը կձևավորի Պարսից ծոց–Սև ծով միջանցքը, և երկիրը դուրս կբերի տրանսպորտային շրջափակումից։

Այս նախագծի կարևորությունը Երևանում հասկանում էին իշխանափոխությունից և՛ առաջ, և՛ հետո։ Իսկ օրերս Գյումրիում ՀՀ վարչապետ Նիկոլ Փաշինյանի հետ խորհրդակցության ժամանակ հայտարարվել էր 2021 թվականին Թալին–Լանջիկ և Լանջիկ–Գյումրի հատվածի կառուցման մասին։

Ի՞նչ է հայտնի նախագծի մասին, և ե՞րբ այն կավարտվի

Հասկանալու համար, թե ինչ աշխատանքներ են իրականացվել ավտոմայրուղու շինարարության նախագծի իրականացման շրջանակում, մենք դիմեցինք ՀՀ տարածքային կառավարման և ենթակառուցվածքների նախարարություն։ Գերատեսչության ճանապարհային դեպարտամենտից մեզ պատասխանեցին, որ «Հյուսիս–Հարավ» տրանսպորտային միջանցքը լայնածավալ նախագիծ է, որը բաղկացած է 5 տրանշից։

«Աշխատանքներն ամբողջությամբ ավարտվել են Տրանշ-1–ում. կառուցվել է Երևան–Աշտարակ, Երևան–Արտաշատ 31-կիլոմետրանոց ճանապարհը և 2016 թվականին հանձնվել շահագործման», – ասացին դեպարտամենտում։

Գերատեսչությունից նշեցին, որ ներկա պահին Տրանշ-2-ի անավարտ աշխատանքների ծավալի գնահատում է իրականացվում (Աշտարակ-Թալին 42 կմ երկարությամբ ճանապարհահատված)։ 2021 թվականի վերջին կապալառուի միջազգային մրցույթ կհայտարարվի։

Ապաշրջափակում չի կարող լինել, քանի դեռ գերիների հարցը չի լուծվել․ փորձագետ

Դեպարտամենտից հիշեցրին, որ նշված տրանշով զբաղվում էր իսպանական Corsan Corviam Construccion S.A. ընկերությունը, որը 2018 թվականին դադարեցրեց շինարարական աշխատանքներն ու հեռացավ հայաստանյան շուկայից։ 2019 թվականի հուլիսին ընկերության հետ պայմանագիրը խզվեց կապալառուի կողմից պայմանագրի բազմաթիվ խախտումների, ինչպես նաև նրա անվճարունակության  պատճառով։

2019 թվականի նոյեմբերին Միջազգային առևտրային պալատ դիմում էր ներկայացվել կապալառուի դեմ արբիտրաժային քննություն սկսելու մասին։ Գործընթացը շարունակվում է։

Գերատեսչությունից պարզաբանեցին, որ ներկա պահին շինարարական աշխատանքներ են իրականացվում Տրանշ-3-ում (Թալին–Լանջիկ` 18,7 կմ, Լանջիկ–Գյումրի` 27,5 կմ, ճանապարհների ընդհանուր երկարությունը` 46,2 կմ)։ Բացի այդ, նախագծման աշխատանքներ են տարվում 3 ենթահատվածից բաղկացած Տրանշ-4–ի շրջանակում Քաջարան–Ագարակ հատվածում։

«Նախագծի շինարարության ավարտի մասին կարելի է հստակ հայտարարել` տրանշներում ֆինանսական աղբյուրների ճշգրտումից և շինարարության մեկնարկից հետո», – հայտարարեցին դեպարտամենտում։

Ներկա պահին շինարարական աշխատանքներ են ընթանում Թալին–Լանջիկ, Լանջիկ–Գյումրի ճանապարհահատվածներում։ Կապալառուն չինական Sinohydro Corporation ընկերությունն է։ Արդեն իրականացվել են հիմքի և ենթահիմքի աշխատանքները։ Ճանապարհի որոշ հատվածներ պատրաստ են ասֆալտապատման համար, գործընթացը կմեկնարկի 2021 թվականին։

Տրանշ–3-ի շինարարությունը նախատեսվում է ավարտել 2022 թվականի վերջին - 2023 թվականի սկզբին։

Իսկ փաստացի՞

Հայաստանի տրանսպորտային առաքողների միության ղեկավար Եղիշե Հովհաննիսյանը տրանսպորտային միջանցքը Երևանի համար կարևոր է համարում։ Sputnik Արմենիայի հետ զրույցում նա նշեց, որ ճանապարհի նշանակությունը չի փոխվում տարածաշրջանում տրանսպորտային հաղորդակցությունների ապաշրջափակման մասին հայտարարությունների համատեքստում։

«Ճանապարհը ապաշրջափակման հարցի հետ անուղղակիորեն է կապված, այդ մայրուղին իր գործառույթն ունի, այն սկսել են կառուցել և այն գործելու է», – ասաց Հովհաննիսյանը։

Նա հիշեցրեց, որ իսկզբանե «Հյուսիս–Հարավ»–ը նախատեսված էր որպես տարանցիկ և կենտրոնական մայրուղի հայկական բեռների տեղափոխման համար, որը հնարավորություն  կտա Իրանին, Վրաստանին, Հայաստանին կոմունիկացիոն կապ ունենալ։

Հայաստանը, Շիրակի մարզը, Գյումրին պետք է կառուցենք նորովի. Փաշինյան

Մայրուղին նախևառաջ նախատեսված է տարանցման համար և, ըստ էության, շարունակում է այդպիսին մնալ։ Ըստ նրա` միջանցքի գործարկումը թույլ կտա աշխուժացնել տրանսպորտային լոգիստիկան։ Ճանապարհը թույլ կտա Իրանից և Հայաստանից բեռներին անմիջապես ելք ապահովել դեպի վրացական Փոթի և Բաթում նավահանգիստներ։

«Այստեղ ուղիղ ճանապարհ կլինի դեպի ծով Վրաստանի տարածքով, ինչը կարևոր է ինչպես Երևանի, այնպես էլ Թեհրանի համար։ Ճանապարհը կապելու է Պարսից ծոցն ու Սև ծովը», – ասաց Հովհաննիսյանը։

Փորձագետն ընդգծեց, որ ավտոճանապարհը ծովայինից բավական կարճ է։  Իսկ լոգիստիկայում առանձնակի տեղ ու դեր ունեն ժամանակի և ծախսի գործոնները։

«Հյուսիս–Հարավ» նախագիծն անկախ Հայաստանի պատմության մեջ ամենալայնածավալ նախագծերից մեկն է։  Ճանապարհը կկրճատի տարածությունը իրանական սահմանից մինչև վրացական սահման 550 կմ–ից մինչև 490 կմ և կհեշտացնի ելքը դեպի Սև ծով ոչ միայն Հայաստանի, այլև Իրանի համար։

154
թեգերը:
Իրանի Իսլամական Հանրապետություն, Վրաստանի Հանրապետություն, Հայաստան, «Հյուսիս–հարավ» ավտոճանապարհ
Ըստ թեմայի
Երկաթուղային հաղորդակցության սխեման Հարավային Կովկասում` ապաշրջափակումից հետո
Ֆրանսիական ռազմական օգնությունը Հայաստանին. ի՞նչ է թաքնված դրա հետևում
«Հյուսիս–հարավ» ճանապարհի շինարարությունը շարունակվում է. մանրամասներ
Ֆուտբոլ

17-ամյա հայ ֆուտբոլիստի գոլը հաղթանակ պարգևեց մոսկովյան «Դինամոյին»․ տեսանյութ

70
(Թարմացված է 21:29 28.02.2021)
Արսեն Զախարյանը 2020-2021 մրցաշրջանից հանդես է գալիս Մոսկվայի «Դինամոյի» երկրորդ թիմի կազմում։

ԵՐԵՎԱՆ, 28 փետրվարի – Sputnik․ Ռուսաստանի առաջնության 20–րդ տուրում Մոսկվայի «Դինամոյի» 17–ամյա կիսապաշտպան Արսեն Զախարյանն իր թիմին հաղթանակ պարգևեց։ «Ախմատ Արենա» մարզադաշտում անցկացված արտագնա խաղում «Դինամոն» հանդիպեց դաշտի տերերի՝ Գրոզնիի «Ախմատի» հետ և առավելության հասավ 2։1 հաշվով։

7-րդ րոպեին հաշիվը բացեց մոսկվացիների կիսապաշտպան Դանիլ Ֆոմինը՝ իրացնելով 11-մետրանոցը։ 30 րոպե անց «Դինամոյի» 17-ամյա կիսապաշտպան Արսեն Զախարյանը մեծացրեց մոսկովյան ակումբի առավելությունը:

Посмотреть эту публикацию в Instagram

Публикация от Тинькофф РПЛ (@premierliga)

Երկրորդ խաղակեսում դաշտի տերերի միակ գոլի հեղինակ դարձավ «Ախմատի» կիսապաշտպան Անտոն Շվեցը:

Գոլ և գոլային փոխանցում, կամ Ալեքսանդր Կարապետյանի դեբյուտը Հայաստանի բարձրագույն խմբում

Նշենք, որ Արսեն Զախարյանը ծնունդով Սամարայից է, «Крылья Советов» ակումբի սան: 2020-2021 մրցաշրջանից սկսել է հանդես գալ Մոսկվայի «Դինամոյի» երկրորդ թիմում:

«Դա իմ կյանքի ամենագեղեցիկ որոշումն էր». ինչո՞ւ են ֆուտբոլիստները դաջվածքներ անում

2020 թվականի հոկտեմբերին Զախարյանն ընդգրկվել է աշխարհի 60 լավագույն երիտասարդ ֆուտբոլիստների (2003 թվականին ծնված) ցուցակում, որն ամեն տարի կազմում է բրիտանական հեղինակավոր The Guardian պարբերականը։

Հայաստանի Պրեմիեր լիգայի գարնանային հատվածը պաշտոնապես մեկնարկեց. լուսանկարներ

70
թեգերը:
տեսանյութ, գոլ, ֆուտբոլիստ, ֆուտբոլ
Ըստ թեմայի
Մալխաս Ամոյանը Կիևի մրցաշարի չեմպիոն է դարձել. տեսանյութեր և լուսանկարներ
Հայ ըմբիշներից երկուսը Կիևի մրցաշարից կվերադառնան բրոնզե մեդալներով
Արթուր Ալեքսանյանը հրաժարվել է բրոնզե մեդալի համար պայքարից
ՃՏՊ, արխիվային լուսանկար

Վրաերթ Արարատի մարզում. տղամարդը մի քանի մետր շպրտվել է ու տեղում մահացել

0
(Թարմացված է 00:19 01.03.2021)
Վարորդը փախուստի չի դիմել, փորձել է օգնություն ցուցաբերել վրաերթի ենթարկված տղամարդուն։

ԵՐԵՎԱՆ, 28 փետրվարի – Sputnik. Այսօր՝ փետրվարի 28-ին, մահվան ելքով վրաերթ է տեղի ունեցել Արարատի մարզում: Ժամը 20:30–ի սահմանում Նիզամի գյուղի բնակիչ, 38-ամյա Էդուարդ Աբրահամյանը՝ Նիզամի գյուղի կենտրոնական փողոցում իր վարած «Mercedes» մակնիշի ավտոմեքենայով վրաերթի է ենթարկել համագյուղացուն` 76-ամյա Միրզա Աբրամովին: Տեղեկությունը հայտնում է shamshyan.com–ը։

Ըստ կայքի` վարորդը փախուստի չի դիմել, փորձել է օգնություն ցուցաբերել վրաերթի ենթարկվածին, սակայն վերջինս, որ հարվածից մի քանի մետր շպրտվել է, տեղում մահացել է:

Սպանություն Լոռիում. 35–ամյա տղամարդը մահացել է մինչև հիվանդանոց հասնելը

Փաստի առթիվ հարուցվել է քրեական գործ ՀՀ ՔՕ 242 հոդվածի 2-րդ մասի հատկանիշներով:

Քննիչի հանձնարարականով ավտոմեքենան տեղափոխվել է ոստիկանության Մասիսի բաժնի պահպանվող հատուկ տարածք:

Փարաքար-Մուսալեռ ավտոճանապարհին բախվել են «Mazda»-ն և «Honda Elison»-ը․ կա զոհ

0
թեգերը:
վարորդ, Մահ, Վրաերթ, Արարատի մարզ, Հայաստան
Ըստ թեմայի
Երկու անգամ նույն տունն է մտել գողության համար, Սևանի ոստիկանները բռնել են դեպքի վայրում
Հրդեհ Աբովյան քաղաքում. այրված կրպակում դիակ են հայտնաբերել
Նուբարաշենի գերեզմանները թալանել են. ոստիկանները հայտնաբերել են գողերին