Ֆրեդերիկ Թաթարյանը (աջից). 7 հունվարի, 2001

Ինչպես հայն օգնեց «Նիցցային» «Պարկ դե Պրենսում» անցկացված վերջին գավաթային եզրափակիչում

149
(Թարմացված է 22:22 05.02.2021)
Ֆրանսիայի հարավն իր յուրատեսակ ֆուտբոլային ավանդույթներով պարտական է հանրահայտ «Օլիմպիկին», որի պատանեկան դպրոցը ֆուտբոլային դարբնոց է եղել բազմաթիվ պատանիների համար։

Տասնամյա ակտիվ կարիերայի ընթացքում նա մեկ հայտնվում էր Մարսելի «Օլիմպիկում», մեկ «Նիցցայում», և լավագույն տարիներն անցկացրեց այդ ակումբներում` դառնալով Ֆրանսիայի կրկնակի չեմպիոն և գավաթակիր։ Այդուհանդերձ Ֆրեդերիկ Թաթարյանի սրտում հատկապես «Նիցցան» ուներ առանձնահատուկ տեղ։

«Տղաներիս ցույց եմ տվել իմ կարիերայի ընթացքում արված լուսանկարները, պատմել եմ այն ամենը, ինչ ապրել եմ «Նիցցայում», և նրանք գիտեն, որ դա այն տեղն է, որտեղ ես ինձ ամենալավն եմ զգացել անձամբ և մասնագիտորեն»,– նշում է անվանի ֆուտբոլիստ, «Նիցցա» ակումբի լավագույն պաշտպաններից մեկը`Ֆրեդերիկ Թաթարյանը։

1997 թվականի մայիսի 10-ը շատերի համար սովորական օրացուցային օր էր, բայց ոչ ֆրանսահայերի, ովքեր անհամբերությամբ սպասում էին Ֆրանսիայի գավաթի հերթական խաղարկության եզրափակիչ մրցավեճին. հանդիպւկո էին «Նիցցան» և «Գենգամը»։

Ֆրանսահայերի ուշադրության կենտրոնում էր «կարմրասևերի» պաշտպան Ֆրեդերիկ Թաթարյանը։

Խաղը հիշարժան էր նաև այն առումով, որ  Ֆրանսիայի գավաթը լեգենդար «Պարկ դե Պրենս» մարզադաշտում խաղարկվում էր վերջին անգամ։ Հետագա տարիներին եզրափակիչ խաղերն անցկացվելու էին արդեն նորակառույց «Ստադ դը Ֆրանս» մարզադաշտում, որտեղ մեկ տարի անց Ֆրանսիայի հավաքականը հռչակվելու էր աշխարհի չեմպիոն։

«Պարկ դե Պրենսի» խորհուրդն այդ օրն ասես ավելի էր մեծացել, ուստի երկու թիմերն էլ ձգտում էին հաջողությամբ նշանավորել մայիսի 10-ը։ Մրցավեճն իսկապես անցավ գրավիչ ու լարված պայքարում, հիմնական ժամանակն ավարտվեց 1-1 հաշվով, և հաղթողը որոշվեց միայն հետխաղյա 11-մետրանոց հարվածաշարով։  Ֆուտբոլային ճակատագիրն ավելի բարեհաճ գտնվեց «Նիցցայի» նկատմամբ, իսկ Ֆրեդերիկ Թաթարյանն անվրեպ իրացրեց հարվածներից մեկը` ամրագրելով «կարմրասևերի» հաղթանակը։

Энтони Гарсиа (слева) из «Лилля» пытается обойти Фредерика Татаряна из «Ниццы» во время 23-го матча чемпионата Франции по футболу в 1-м дивизионе (20 декабря 1996). Ницца
© AFP 2020 / CORR
Ֆրեդերիկ Թաթարյան (աջից). 20 դեկտեմբերի, 1996

Թաթարյանը ծնվել է 1970 թվականի դեկտեմբերի 30-ին Մարսելում։ Ֆրանսիայի հարավն իր յուրատեսակ ֆուտբոլային ավանդույթներով պարտական է հանրահայտ «Օլիմպիկին», որի պատանեկան դպրոցը ֆուտբոլային դարբնոց է եղել բազմաթիվ պատանիների համար։ Նրանք հետագայում իրենց ավանդն են թողել ֆրանսիական ֆուտբոլի տարեգրության մեջ։

Բացառություն չէր նաև տասնամյա Ֆրեդերիկը, ով համարձակ բախեց հանրահայտ ակումբի պատանեկան դպրոցի դուռը. հենց այդտեղ ձևավորվեցին ապագա նշանավոր պաշտպանի յուրահատուկ որակները։

Ֆուտբոլասեր թենիսիստը. ինչպես Էդուարդ Քալանթարյանը մահացած դերասանին «նկատեց» տրիբունայում

Թաթարյանը հանդես է եկել մի շարք ակումբներում`«Մյուլուզ», «Կանն», «Սիոն», «Մարտիգ», «Կրետեյլ», «Տուլոն», սակայն պարբերաբար վերադառնում էր կամ «Օլիմպիկ», կամ «Նիցցա»։

Ֆրանսիայի առաջնություններում մեր ազգակիցը հեղինակել է 25 գոլ, ինչը վատ ցուցանիշ չէ պաշտպանի համար։ Թաթարյանի կարիերայում առավել հաջողակ էին 1990-92 թվականները, երբ նա «Օլիմպիկի» կազմում երկու տարի անընդմեջ դարձավ Ֆրանսիայի չեմպիոն։

Մասնագետները կես կատակ-կես լուրջ այդ հաջողությունը նույնիսկ «ֆուտբոլային դավադրություն» համարեցին ընդդեմ Մոնակոյի, որը երկու տարի անընդմեջ նայեց «Օլիմպիկի» թիկունքին և հանգրվանեց մրցաշարային աղյուսակի երկրորդ հորիզոնականում։ 

Այդուհանդերձ Ֆրեդերիկ Թաթարյանը լիարժեք հաջողություն է համարում Ֆրանսիայի գավաթի հաղթական եզրափակիչը, երբ ինքն արդեն թիմի առանցքային խաղացողներից էր, պաշտպանությունում կատարում էր «առաջին ջութակի» դերը և անմիջական ներդրում ունեցավ այդ հաղթանակում։

2005 թվականին ավարտելով ակտիվ ֆուտբոլիստի կարիերան՝ նա կրկին վերադարձավ հարազատ քաղաք, որտեղ «Նիցցայի» երկրպագուները առանձնահատուկ ջերմությամբ են վերաբերվում հայազգի պաշտպանին։ 

Այժմ բոլոր հուշերը վերակենդանանում են։ Հին ընկերները, վետերան ֆուտբոլիստները զրուցում են ակումբի, արդյունքների մասին, որոնց հասան համատեղ ջանքերով, և իհարկե՝ Ֆրանսիայի գավաթի 1997 թվականի խաղարկության մասին։

Թաթարյանը ոչինչ չի մոռացել, և ոչ ոք չի մոռացել Թաթարյանին։

149
թեգերը:
ֆուտբոլ, հայ, Ֆրանսիա
Ըստ թեմայի
«Շնորհակալություն ամեն ինչի համար, Յուրա». Մոսկվայի «Սպարտակը» հայերեն գրառում է արել
Վարդան Մինասյանը պաշտոնապես գլխավորեց ղազախական «Տարազը»
Հենրիխ Մխիթարյանը չի շտապում երկարաձգել «Ռոմայի» հետ պայմանագիրը
Կարմիր խաչ. արխիվային լուսանկար

Մատվիենկոն ադրբեջանցի գործընկերոջ հետ քննարկել է գերի ընկած հայ կանանց վերադարձի հարցը

36
(Թարմացված է 19:13 01.03.2021)
Վալենտինա Մատվիենկոյի խոսքով՝ երբ խոսքը կանանց մասին է, դա հատկապես զգայուն հարց է։

ԵՐԵՎԱՆ, 1 մարտի – Sputnik. Դաշնային խորհրդի խոսնակ Վալենտինա Մատվիեկոն Ադրբեջանի օրենսդիր իշխանության ղեկավար Սահիբա Գաֆարովայի հետ քննարկել է արցախյան հակամարտության ընթացքում գերի ընկած հայ կանանց հայրենիք վերադառնալու հնարավորությունը։ Այդ մասին Վալենտինա Մատվիենկոն հայտնել է ՌԻԱ Նովոստիին։

«Ես այսօր զրուցել եմ Ադրբեջանի խորհրդարանի խոսնակ Սահիբա Գաֆարովայի հետ, դիմել եմ նրան, որպեսզի այդ կանանց տուն վերադառնալու հնարավորություն ընձեռնվի։ Չէ՞ որ երբ խոսքը կանանց մասին է, դա հատկապես զգայուն հարց է, քանի որ դա ինչ-որ մեկի մայրիկն է, քանի որ երեխաներ կան։ Հույս ունեմ, որ ադրբեջանական կողմը կարձագանքի այս խնդրանքին»,-ասել է Մատվիենկոն։

Ավելի վաղ ՀՀ Ազգային ժողովի նախագահ Արարատ Միրզոյանը դիմել էր Դաշնային խորհրդի խոսնակին՝ խնդրելով աջակցել արցախյան հակամարտության ընթացքում գերեվարված մի քանի կանանց հայրենիք վերադարձնելուն։

Հիշեցնենք` 2020թ.–ի սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 9-ին ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն` ռազմական գործողությունները դադարեցվեցին։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր, որոնք մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

36
թեգերը:
Վալենտինա Մատվիենկո, հայ, Կին, գերի
Ըստ թեմայի
«Թո՛ղ տղաներին բերի, նոր խոսի». Վանեցյանի ասածը զայրացրել է գերիների հարազատներին
Ադրբեջանը փորձում է գերիների հարցը սակարկել. ՀՀ փոխվարչապետի խոսնակ
Անհապաղ ազատ արձակել Ադրբեջանում գերության մեջ պահվող հայ գերիներին. Ժոզեֆ Սիգելե
Ադրբեջանական կողմը մանիպուլյացիայի է ենթարկում հայ գերիների ցուցակը. ՀՀ արտգործնախարար
Ռուս խաղաղապահ

Պետք է պահպանվի շարունակականությունը. Մատվիենկոն՝ Ղարաբաղի վերաբերյալ համաձայնագրի մասին

28
(Թարմացված է 18:34 01.03.2021)
Ռուսաստանի Դաշնության խորհրդի խոսնակի խոսքով՝ Ղարաբաղի վերաբերյալ եռակողմ համաձայնագիրը կայունացրել է իրադրությունը։

ԵՐԵՎԱՆ, 1 մարտի – Sputnik. Ռուսաստանը հուսով է, որ Հայաստանը կհետևի Ղարաբաղի հարցով եռակողմ համաձայնագրին՝ անկախ Երևանում տեղի ունեցող իրադարձություններից։ ՌԻԱ Նովոստիի հետ զրույցում այս մասին ասել է Դաշնության խորհրդի նախագահ Վալենտինա Մատվիենկոն։

«Մենք հույս ունենք, որ Հայաստանի ղեկավարների պատասխանատվությունը շատ մեծ կլինի։ Ինչ իրադարձություններ էլ տեղի ունենան, պետք է շարունակականություն լինի։ Ցանկացած շարժում, ցանկացած քայլ, որը կհակասի այդ համաձայնագրին, կարող է հանգեցնել մեծ ողբերգության, դա չի կարելի թույլ տալ», - նշել է նա։

Ռուսաստանի Դաշնության խորհրդի խոսնակի խոսքով՝ Ղարաբաղի վերաբերյալ եռակողմ համաձայնագիրը կայունություն է բերել Անդրկովկաս։

«Գործընթացները շարունակվում են, դրանք բարդ են, ամեն օր այս կամ այն նրբություններ են ի հայտ գալիս։ Բայց գլխավորը՝ համաձայնությունը ձեռք է բերվել, և այժմ պետք է հասնել նրան, որ այն շարունակի իրականացվել ձեռք բերված պայմանավորվածությունների համաձայն», - ընդգծել է Մատվիենկոն:

Նրա խոսքով՝ եռակողմ համաձայնագիրը, որը ստորագրել են Ռուսաստանի, Հայաստանի և Ադրբեջանի ղեկավարները, շատ կարևոր էր զինված հակամարտության զարգացումը կանխելու տեսանկյունից, և դա Ռուսաստանի նախագահի անձնական մեծ վաստակն է, փոխզիջումներ գտնելու և պայմանավորվելու նրա ունակության արդյունքը:

Վալենտինա Մատվիենկո
© Photo : Пресс-служба Совета Федерации РФ

«Ռուս խաղաղապահների մուտքը պայմաններ ստեղծեց այդ տարածաշրջանի կայունության և խաղաղ կյանքին վերադառնալու համար։ Մեր խաղաղապահները հսկայական աշխատանք են կատարում ականազերծման, բնակարանների և շենքերի վերականգնման ուղղությամբ, օգնում են փախստականների անվտանգ վերադարձի հարցում»,- նշել է Մատվիենկոն:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

28
թեգերը:
Արցախ, Վալենտինա Մատվիենկո, Ռուսաստան, Հայաստան
Ըստ թեմայի
Մարիա Զախարովան խոսել է Լեռնային Ղարաբաղի մասին
Պուտինն ու Էրդողանը քննարկել են Ղարաբաղի սոցիալ-տնտեսական զարգացման հարցը
Ղարաբաղի վերաբերյալ բոլոր պայմանավորվածություններն առայժմ իրագործվում են. Կրեմլ
Նիկոլ Փաշինյանի հանրահավաքը

Փաշինյանը գնում է արտահերթ ընտրության. հայտնի է կարգախոսը

0
ՀՀ վարչապետը մարտահրավեր նետեց խորհրդարանական ընդդիմությանը` եկեք գնանք արտահերթ ընտրությունների։

ԵՐԵՎԱՆ, 1 մարտի - Sputnik. ՀՀ վարչապետ Նիկոլ Փաշինյանն այսօր Հանրապետության հրապարակում հրավիրված հանրահավաքի իր ելույթում հայտարարեց, որ ընդունում է ընդդիմության մարտահրավերը` գնալու արտահերթ ընտրությունների։

Հայտնի է անգամ, թե ինչ կարգախոսով իշխող քաղաքական ուժը կմասնակցի ընտրություններին։

«Մենք անգամ կարգախոսներ էինք մտածել, և այդ կարգախոսներից մեկը հետևյալն էր. «Վերջ թավիշին»»,– ասաց Փաշինյանը` իր մարտահրավերը նետելով խորհրդարանական ընդդիմությանը` եկեք գնանք արտահերթ ընտրությունների։

Վարչապետը նաև հայտարարեց, որ ժողովուրդն է իրեն ընտրել վարչապետ, ժողովուրդն էլ կարող է իրեն պաշտոնանկ անել։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

0
թեգերը:
ընդդիմություն, Ընտրություններ, Հայաստան, Վարչապետ, Նիկոլ Փաշինյան