Պատվաստում

Կորոնավիրուսի գաղտնիքները. շատ հարցեր և ոչ մի պատասխան

109
(Թարմացված է 21:55 02.02.2021)
Շվեյցարական թերթը կորոնավիրուսի մասին հարցեր է բարձրացրել, որոնց պատասխանները մինչ օրս հայտնի չեն. կան բազմաթիվ հակասական վարկածներ և ոչ մի ապացուցված փաստարկ:

ԵՐԵՎԱՆ, 3 փետրվարի – Sputnik. Աշխարհում արդեն ավելի քան մեկ տարի է` «մոլեգնում» է կորոնավիրուսի համավարկը: Սակայն շվեյցարական Le Temps թերթը գրում է, որ COVID-ի գաղտնիքը դեռ չի բացահայտվել։

Շատ հարցեր անպատասխան են մնում. օրինակ` մինչ օրս պարզ չէ, թե ինչպես է իրականում սկսվել համաճարակը։ Ընդունված է համարել, որ SARS-CoV-2-ը սկսվել է չղջիկներից Չինաստանում։ Սակայն վիրուսը պետք է փոխակերպվեր, նախքան մարդկանց անցնելը. այդ «միջանկյալ մարմնի» որոնումները դեռ հաջողությամբ չեն պսակվել, դրա գենոմը դեռ բացահայտված չէ, ինչը նշանակում է, որ COVID-ի «ծագումնաբանությունը» դեռ պարզ չէ: Հնարավոր է` վիրուսը պատահաբար դուրս է եկել լաբորատորիայից, բայց այս տարբերակի ապացույցներ դեռևս չկան:

Վիրուսի փոխանցման այլ գաղտնիքների հետ համատեղ` նաև դեռ չի հաստատվել, թե ինչպես է տեղի ունենում դրա փոխանցումը։ Հայտնի չէ, թե որքան երկար է «ձգում» իմունիտետը, և ինչպիսին է մահացության մակարդակը։ Դեռևս անհասկանալի է, թե ինչ դեղերով կարելի է բուժել քովիդը, և ինչու են հիվանդության որոշ դեպքեր ծանր ընթացք ու լուրջ հետևանքներ ունենում, իսկ մյուսները` ոչ:  

Եվս մեկ անբացատրելի երևույթ. համարվում է, որ երեխաների համար այս վիրուսը պակաս վտանգավոր է, սակայն դեռևս հայտնի չէ, թե ինչքանով են երեխաները դառնում հիվանդության փոխանցողներ: Ոչ պակաս հետաքրքիր է, թե արդյոք ընտանի կենդանիները վարակվում են կորոնավիրուսով, թե ոչ:

Ի վերջո, դեռ անպատասխան են նաև հիմնական հարցերը. ինչով և երբ կավարտվի համավարակը, արդյոք վիրուսը սեզոնային բնույթ կկրի, արդյոք մոտ ժամանակներս կնվազի վարակակիրների թիվը, արդյոք արդյունավետ կլինի պատվաստումը. բոլոր այս հարցերին գիտնականները դեռ ի վիճակի չեն պատասխանել:

Ո՞ր վիտամինի պակասն է բարդություններ առաջացնում COVID-19-ի դեպքում

Վերջին տվյալների համաձայն ՝ աշխարհում արդեն ավելի քան 102 մլն մարդ վարակված է COVID 19- ով, մահացել է ավելի քան 2,2 մլն մարդ:

109
թեգերը:
պատվաստանյութ, պատվաստումներ, աշխարհ, կորոնավիրուս
Ըստ թեմայի
Իրանի գերագույն առաջնորդն արգելել է Covid-ի դեմ բրիտանական և ամերիկյան պատվաստանյութերը
Ռուսաստանում կսկսվի COVID-19-ի դեմ զանգվածային պատվաստումը
Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու
Արխիվային լուսանկար

Վրաստանում սկսվել է կորոնավիրուսի 3–րդ ալիքը. մանրամասներ

14
(Թարմացված է 10:17 12.04.2021)
Վարակի տարածման պատճառը բնակիչների զանգվածային հավաքույթներն են՝ հարսանիքներ, ծննդյան հավաքույթներ և այլն։ Բացի այդ, վարակման դեպքերի մեծ մասը կապված է նաև բրիտանական շտամի տարածման հետ։

ԵՐԵՎԱՆ, 12 ապրիլի – Sputnik. Վրաստանում սկսվել է կորոնավիրուսային համավարակի երրորդ ալիքը։ Տեղեկությունը հայտնում է korrespondent-ը՝ հղում անելով վրացական «Ռուսթավի 2» հեռուստաընկերությանը։

«Երկրում արդեն սկսվել է երրորդ ալիքը, սակայն մենք ցանկանում ենք, որ այն հնարավորինս կառավարելի լինի՝ չվերածվելով լայնամասշտաբ համաճարակի», - «Ռուսթավի 2»–ի եթերում ասել է Վրաստանի առողջապահության նախարարության Հիվանդությունների վերահսկման և հանրային առողջության ազգային կենտրոնի ղեկավար Ամիրան Գամկրելիձեն։

Ըստ Գամկրելիձեի՝ վարակի տարածման պատճառը բնակիչների զանգվածային հավաքույթներն են՝ հարսանիքներ, ծննդյան հավաքույթներ և այլն։ Բացի այդ, վարակման դեպքերի մեծ մասը կապված է նաև բրիտանական շտամի տարածման հետ։

Ըստ վերջին տվյալների` Վրաստանում, որի բնակչությունը կազմում է շուրջ 4 միլիոն մարդ, կորոնավիրուսի տարածման սկզբից ի վեր գրանցվել է վարակման ավելի քան 288 հազար դեպք, որից 3877-ը` մահվան ելքով։

Անցած օրվա ընթացքում Վրաստանում գրանցվել է վարակման 707 նոր դեպք։

Լրատվականը հիշեցրել է, որ Վրաստանում կորոնավիրուսի դեմ պատվաստումները սկսվել են մարտի 15-ին, որից երեք օր անց Վրաստանի նախագահ Սալոմե Զուրաբիշվիլին ստացել է AstraZeneca պատվաստանյութի առաջին չափաբաժինը։

Առողջապահության նախկին նախարարը կորոնավիրուսի 3-րդ ալիք չի կանխատեսում

14
Գրիգորի Կարասին

ԵԱՀԿ Մինսկի խմբի համանախագահները կարող էին օգտակար դեր խաղալ. Կարասին

71
(Թարմացված է 21:45 11.04.2021)
Հարցերի հիմնական բլոկը, ըստ Կարասինի, կապված է մարդասիրական խնդիրների հետ․ ռազմագերիների փոխանակման ավարտի, զոհվածների մարմինների վերադարձի, փախստականների և նրանց բնակության համար պատշաճ պայմանների ստեղծման հետ:

ԵՐԵՎԱՆ, 11 ապրիլի - Sputnik. ԵԱՀԿ Մինսկի խմբի համանախագահները կարող էին օգտակար դեր խաղալ Ղարաբաղում իրավիճակի կարգավորման հարցում, կարծում է ՌԴ Դաշնային խորհրդի միջազգային գործերի հանձնաժողովի նախագահ Գրիգորի Կարասինը։ Այդ մասին նա հայտնել է «Коммерсантъ» թերթին տված հարցազրույցում։

«Կարծում եմ, որ նրանք (ԵԱՀԿ Մինսկի խմբի համանախագահները՝ Ռուսաստանը, Ֆրանսիան, ԱՄՆ-ն) այս աշխատանքում կարող էին օգտակար դեր խաղալ։ Այդ «եռյակը» փորձ և մեծ արտաքին աջակցություն ունի։ Կարծում եմ՝ կարելի էր վերսկսել ԵԱՀԿ համանախագահների հովանու ներքո Ադրբեջանի և Հայաստանի արտգործնախարարների կանոնավոր հանդիպումների պրակտիկան, ինչը միջազգային զգալի արձագանք կստանար»,-ասել է Կարասինը «Коммерсантъ» թերթին տված հարցազրույցում, պատասխանելով այն հարցին, թե նախատեսվում է արդյոք Ղարաբաղի գործընթացներում ներգրավել ԵԱՀԿ Մինսկի խմբի համանախագահներին։

Նա հավելել է, որ հիմա հարցերի հիմնական բլոկը կապված է մարդասիրական խնդիրների հետ․ ռազմագերիների փոխանակման ավարտի, զոհվածների մարմինների վերադարձի, փախստականների և նրանց բնակության համար պատշաճ պայմանների ստեղծման հետ: Սուր է նաև Լեռնային Ղարաբաղի տարածքի և դրա շուրջ շրջանների ականազերծման հարցը։

Երևանը չի կարող, Բաքուն չի ցանկանա. փորձագետը՝ Արցախում էսկալացիայի վտանգի մասին

«Իհարկե, շատ բան կախված կլինի նրանից, թե որքան արագ կհաջողվի կողմերի միջև վստահություն հաստատել։ Կոնկրետ քայլեր արդեն արվել են։ Ռուսաստանի նախագահի նախաձեռնությամբ շարունակվում է քաղաքական հարցերի քննարկումը, հանգուցալուծումների որոնում է ընթանում: Ակտիվորեն աշխատում է փոխվարչապետների մակարդակով եռակողմ հանձնաժողովը, որը քննարկում է տնտեսական, տրանսպորտային, լոգիստիկ խնդիրները»,-նշել է սենատորը։

71
թեգերը:
Արցախ, ԵԱՀԿ Մինսկի Խումբ, Գրիգորի Կարասին
Ըստ թեմայի
Նիկոլ Փաշինյանն Արցախի նախագահին ներկայացրել է մոսկովյան այցի արդյունքները
Սերգեյ Վերշինինն ու Վարդան Տողանյանը քննարկել են Արցախում ստեղծված իրավիճակը
ՀՀ նախագահը խոսել է Արցախի հիմնախնդրի ծագման մասին ու հիշեցրել Պուտինի խոսքերը
Попавший под пулеметный обстрел трактор жителя общины Сарушен Виталия Арутюняна

Ադրբեջանական կողմը գնդացիր է կիրառել. մանրամասներ Սարուշենի դեպքից

0
Վերջին շրջանում սա հայերի ու ադրբեջանցիների միջև գրանցված 2-րդ միջադեպն է:

ԵՐԵՎԱՆ, 12 ապրիլի – Sputnik. ԱՀ ՆԳ նախարար Կարեն Սարգսյանի հրամանով Շոշ-Սարուշեն-Կարմիր Շուկա ներպետական մայրուղում տեղակայված ոստիկանական հենակետերում ծառայությունը կշարունակվի ուժեղացված ռեժիմով: Շուրջօրյա դիտարկումներ կատարելու նպատակով, ըստ անհրաժեշտության կավելացվեն հենակետերը: Տեղեկությունը Facebook-ի իր էջում հայտնել է ԱՀ ՆԳ նախարարության տեղեկատվության և հասարակայնության հետ կապերի բաժնի պետ Հունան Թադևոսյանը։

Ապրիլի 7-ին, առավոտյան՝ 09:40-ի սահմաններում, Ադրբեջանի կողմից օկուպացված Սարգսաշեն գյուղի տարածքից, ադրբեջանցիները կրակել էին Սարուշեն գյուղի դաշտերում գյուղատնտեսական աշխատանքներ կատարող Սարուշեն համայնքի բնակիչներ՝ 65-ամյա Շիրին Ադամի Սարգսյանի և 36-ամյա Վիտալի Ալյոշայի Հարությունյանի ուղղությամբ: 

«Ադրբեջանական կողմը կիրառել է գնդացիր, ինչի հետևանքով ջարդվել է Վ.Հարությունյանին պատկանող տրակտորի ձախ կողմի ապակին:
ԱՀ ՆԳ նախարարության ոստիկանության Ասկերանի շրջանային բաժնի հետաքննիչները Շ.Սարգսյանից և Վ.Հարությունյանից բացատրություն են վերցրել, լուսանկարել տեղանքը և տրակտորը, պատրաստել համապատասխան նյութեր, կազմել արձանագրություն՝ ՌԴ խաղաղապահ զորակազմի հրամանատարությանը ներկայացնելու համար»,–գրել է Թադևոսյանը:

Նշենք, որ նշված ճանապարհահատվածում սա հայերի ու ադրբեջանցիների միջև գրանցված 2-րդ միջադեպն է:

0