Ռուսաստանում COVID-19-ի դեմ պատվաստանյութի փորձարկում

Հրապարակվել են «Սպուտնիկ պատվաստանյութի հետազոտությունների երրորդ փուլի արդյունքները

64
(Թարմացված է 20:18 02.02.2021)
Կլինիկական հետազոտությունների երրորդ փուլի ընթացքում «Սպուտնիկ V»-ն արդյունավետության, իմունոգենության և անվտանգության բարձր ցուցանիշներ է գրանցել։

ԵՐԵՎԱՆ, 2 փետրվարի – Sputnik. «Lancet» գիտական ամսագիրը հրապարակել է կորոնավիրուսի դեմ ռուսական «Սպուտնիկ V» պատվաստանյութի կլինիկական հետազոտությունների երրորդ փուլի արդյունքները։ ՌԻԱ Նովոստիի փոխանցմամբ` տեղեկությունը հայտնել է Ուղիղ ներդրումների ռուսաստանյան հիմնադրամը (ՈւՆՌՀ)։

ՌԴ առողջապահության նախարարությունը «Սպուտնիկ V»-ն գրանցել է 2020թ․-ի օգոստոսին։ Պատվաստանյութը մշակել է Գամալեայի անվան համաճարակաբանության և մանրէաբանության ազգային հետազոտական կենտրոնը՝ Ուղիղ ներդրումների ռուսաստանյան հիմնադրամի աջակցությամբ։ Ստեղծվել է մարդու ադենովիրուսային վեկտորների՝ լավ ուսումնասիրված հարթակների հիման վրա։ Դա COVID-19-ը կանխարգելող աշխարհում գրանցված առաջին դեղանյութն է։

Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը

«Գամալեայի անվան ՀՄԱՀԿ-ն և ՈւՆՌՀ-ն «The Lancet»-ում՝ աշխարհի հնագույն և ամենահարգված բժշկական ամսագրերից մեկում, հայտարարում են «Սպուտնիկ V» պատվաստանյութի կլինիկական հետազոտության 3-րդ փուլի արդյունքների մասին, որոնք հաստատում են դրա բարձր արդյունավետությունն ու անվտանգությունը»,-հայտարարել է հիմնադրամը։

ՈւՆՌՀ-ի գլխավոր տնօրեն Կիրիլ Դմիտրիևը հրապարակումն անվանել է մեծ իրադարձություն համավարակի դեմ պայքարում: «Ամսագրի հրապարակած տվյալներն ապացուցում են, որ «Սպուտնիկ V»–ն ոչ միայն աշխարհում առաջին գրանցված պատվաստանյութն է, այլ նաև լավագույններից մեկը։ Այն լիովին պաշտպանում է կորոնավիրուսով հիվանդանալու ծանր դեպքերից՝ ըստ անկախ փորձագետների հավաքած և գնահատած տվյալների, որոնք հրապարակվել են ամսագրում»,-նշել է նա։

III փուլի արդյունքները

Կլինիկական հետազոտությունների երրորդ փուլի ընթացքում «Սպուտնիկ V»-ն ցույց տվեց արդյունավետության, իմունոգենության և անվտանգության բարձր ցուցանիշներ։

Պատվաստանյութի արդյունավետությունը կազմել է 91,6 տոկոս՝ 19866 կամավորների տվյալների վերլուծության հիման վրա, որոնք ստացել են պատվաստանյութի կամ պլացեբոյի առաջին և երկրորդ ներարկումը: Վերահսկողության վերջնական կետի հասնելու պահին կորոնավիրուսով հիվանդանալու 78 հաստատված դեպք է եղել:

Միևնույն ժամանակ «AstraZeneca»-ի արդյունավետությունը 62,1% է, Sinovac–ինը` 50,4%, «Sinopharm»-ինը՝ 79,3%։ Հիմա «Սպուտնիկ V»-ի երկու բաղադրիչներից մեկի հետ համադրությունը «AstraZeneca» ընկերությանն օգնում է իր պատվաստանյութի արդյունավետությունը հասցնել 62,1%-ից բարձր մակարդակի։

«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին

Հետազոտության կարևոր մասը դարձել է 60-ից բարձր տարիքի կամավորների մասնակցությունը (պատվաստանյութի խմբում ամենատարեց մասնակիցը 87 տարեկան է եղել, իսկ պլացեբոյի խմբում՝ 84 տարեկան): Տարեցների համար անվտանգության ցուցանիշները բարձր են եղել։ 60-ից բարձր տարիքի 2144 կամավորների համար արդյունավետությունը կազմել է 91,8 տոկոս և վիճակագրորեն չի տարբերվում 18-60 տարեկան կամավորների տվյալներից:

«Հետազոտության արդյունքների համաձայն՝ պատվաստանյութը լիարժեք պաշտպանություն է ապահովում նոր կորոնավիրուսային հիվանդության ծանր դեպքերից: Կորոնավիրուսով հիվանդության բոլոր 20 հաստատված ծանր դեպքերը գրանցվել են պլացեբոյի խմբում և ոչ մեկը՝ պատվաստանյութ ստացածների խմբում»,-ընդգծել են ՈւՆՌՀ-ում։

Կամավորների ավելի քան 98%-ի մոտ ձևավորվել է հումորալ իմունային պատասխան, 100%-ի մոտ՝ բջջային իմունային պատասխան։

Հետազոտությունը ցույց է տվել, որ «Սպուտնիկ V» դեղամիջոցով պատվաստված կամավորների մոտ վիրուսը չեզոքացնող հակամարմինների մակարդակը 1,3-1,5 անգամ շատ է, քան կորոնավիրուսով վարակված և առողջացած հիվանդների հակամարմինների մակարդակը: Մյուս պատվաստանյութերը ցուցադրել են կորոնավիրուսից առողջացած մարդկանց հետ հակամարմինների գրեթե նույն կամ ավելի ցածր մակարդակ, ՌԻԱ Նովոստիին հայտնել են ՈւՆՌՀ-ում:

«Սպուտնիկ V»-ն նաև անվտանգության բարձր ցուցանիշներ է ցուցադրել։ Անցանկալի երևույթների մեծ մասը (94%) ընթացել են թեթև ձևով։ Բացակայել են ուժեղ ալերգիկ ռեակցիաներն ու անաֆիլակտիկ շոկը։ Ընդ որում՝ պատվաստվածների խմբում լուրջ անցանկալի երևույթների մակարդակն ավելի քիչ է եղել, քան այլ պատվաստանյութերի դեպքում․ «Սպուտնիկ V»-ի դեպքում՝ 0,27% (պատվաստվածների թվից՝ տոկոսով արտահայտված), «AstraZeneca»-ի դեպքում՝ 0,66%, Pfizer-ի դեպքում՝ 0,58%, Moderna-ի դեպքում՝ 0,97%։ Տվյալների մոնիտորինգի անկախ կոմիտեի եզրակացությունները հաստատել են պատվաստումների հետ կապված անցանկալի երևույթների բացակայությունը:

Ինչպես են իրենց զգում «Սպուտնիկ V» պատվաստանյութ ստացած քաղաքացիները․ ՀՀ ԱՆ պատասխանը

64
թեգերը:
պատվաստանյութ, կորոնավիրուս, Ռուսաստան
թեմա:
Կորոնավիրուսը աշխարհում (1020)
Ըստ թեմայի
Պատվաստվե՞լ, թե՞ ոչ. օգտակար տեղեկություններ կորոնավիրուսի պատվաստանյութի մասին
Ռուսական «Սպուտնիկ V» պատվաստանյութն ուղարկվել է Արգենտինա. տեսանյութ
Իրանի գերագույն առաջնորդն արգելել է Covid-ի դեմ բրիտանական և ամերիկյան պատվաստանյութերը
Արևմուտքը պատրաստ է կռիվ տալ պատվաստանյութի համար
Արխիվային լուսանկար

Իտալական ընկերությունը հերքել է Բաքվում «Հաղթանակի թանգարանի» կառուցմանը մասնակցելու լուրը

183
(Թարմացված է 21:54 18.04.2021)
Իտալական ճարտարապետական ընկերությունը հատուկ նամակ է հղել Վենետիկում Հայաստանի հյուպատոսությանը։

ԵՐԵՎԱՆ, 18 ապրիլի – Sputnik. Իտալիայի ճարտարապետական «120 grammi» ընկերությունը հերքել է իր մասնակցությունը Ադրբեջանում «Հաղթանակի թանգարանի» կառուցմանը, որտեղ ներկայացված են հայ զինվորները՝ նվաստացուցիչ կերպարներով: Facebook-ի իր էջում այս մասին տեղեկացրել է Վենետիկում ՀՀ պատվո հյուպատոսությունը։

Հատուկ հայտարարություն կլինի. Թաթոյանը` Ադրբեջանում բացված «պուրակի» մասին

«Անդրադառնալով Ադրբեջանում «Հաղթանակի թանգարանի» կառուցմանը «120 grammi» ճարտարապետական ընկերության 
ներգրավման մասին շրջանառվող լուրերին՝ հաստատում ենք, որ ստացել ենք այդ լուրի պաշտոնական հերքումը վերոհիշյալ ընկերության  կողմից: Հյուպատոսությանն ուղարկված հաղորդագրությունում «120 grammi» ճարտարապետական ընկերությունը վերահաստատում է, որ իրենք ոչ մի կերպ մասնակցություն չեն ունեցել այս նախագծին, որը հարուցել է Հայ համայնքի վրդովմունքը և ոչ միայն»,-նշված է հաղորդագրության մեջ:

Ավելի վաղ Ադրբեջանի նախագահը «Նոր հայացք դեպի Հարավային Կովկաս. զարգացում և համագործակցություն հետկոնֆլիկտային շրջանում» համաժողովին ունեցած իր ելույթում նշել էր, որ իտալական ընկերություններին արդեն հրավիրվել են մասնակցելու թանգարանների և ռազմական հուշահամալիրների կառուցման նախագծին:

Ադրբեջանում բացված «պուրակ-թանգարանը» նախատեսված է նաև երեխաների համար. ՀՀ ՄԻՊ-ի արձագանքը

183
թեգերը:
Իլհամ Ալիև, Պատերազմ, Թանգարան, Բաքու, Իտալիա
Ըստ թեմայի
Միջնորդները դռնից դուրս չեկան, կամ Ալիևը փոխե՞լ է վերաբերմունքը բանակցությունների հարցում
«Նրանք ունեն 10 000 դասալիք». Ալիևի հայտարարություններին արձագանքել է ՀՀ օմբուդսմանը
Ալիևը Լուկաշենկոյի միջոցով Երևանին առաջարկում էր փողով լուծել ղարաբաղյան հակամարտությունը
ԱԳՆ խոսնակ Աննա Նաղդալյանը պատասխանել է Ալիևի հայտարարություններին
Ալեքսանդր Լուկաշենկո. արխիվային լուսանկար

ԱՄՆ-ն հերքում է Լուկաշենկոյի սպանության և Բելառուսի հեղաշրջման ծրագրին իր մասնակցությունը

103
(Թարմացված է 20:50 18.04.2021)
Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։

ԵՐԵՎԱՆ, 18 ապրիլի – Sputnik. ԱՄՆ-ն հերքում է Բելառուսի նախագահ Ալեքսանդր Լուկաշենկոյի մահափորձին առնչություն ունենալը։ ՌԻԱ Նովոստիին այս մասին ասել է պետդեպարտամենտի ներկայացուցիչը։

«Մենք տեսել ենք ռուսական պետական ԶԼՄ-ների հաղորդագրությունները Ալեքսանդր Լուկաշենկոյի դեմ ենթադրյալ դավադրության մասին, ինչպես նաև հենց նրա հայտարարությունները։ Ցանկացած ենթադրություն, որ ԱՄՆ իշխանությունները կանգնած են եղել Լուկաշենկոյի մահափորձի հետևում կամ մասնակցել են դրան, բացարձակ սուտ է», - ասել է պետդեպարտամենտի ներկայացուցիչը։

Երեկ` ապրիլի 17–ին, Լուկաշենկոն հայտարարել է մի խումբ մարդկանց ձերբակալության մասին, որոնք մահափորձ են պատրաստել իր և իր երեխաների դեմ։ Բելառուսի Հանրապետության նախագահի տվյալներով՝ դրանում ներգրավված են ԱՄՆ-ի հատուկ ծառայությունները։ Ինչպես հաղորդել է Անվտանգության դաշնային բյուրոյի հանրային կապերի կենտրոնը, Մոսկվայում ձերբակալվել են ԱՄՆ-ի և Բելառուսի երկքաղաքացիություն ունեցող իրավաբան Յուրի Զենկովիչը և բելառուս քաղաքագետ Ալեքսանդր Ֆեդուտան, որոնք ռազմական հեղաշրջում են նախապատրաստել մայիսի 9-ին Մինսկում։

Բելառուսի Անվտանգության պետական կոմիտեի տվյալներով՝ այդ խմբի մեջ է մտել նաև ընդդիմության առաջնորդ Գրիգորի Կոստուսևը։ Նա ձերբակալվել է հանրապետության տարածքում։

Նշվել է, որ երկու ձերբակալվածները ծրագրել են ռազմական հեղաշրջում այդ երկրում գունավոր հեղափոխությունների մշակված սցենարով, ինչպես նաև նախագահ Ալեքսանդր Լուկաշենկոյին հեռացնելը։ Հատուկ ծառայությունների տվյալներով՝ նրանք ցանկացել են սպանել կամ համակենտրոնացման ճամբար ուղարկել բարձրաստիճան բելառուս պաշտոնյաներին։

ԱԴԲ-ում նշել են, որ նախազգուշացնող տեղեկությունները ստացել են բելառուս գործընկերներից։ Զենկովիչը և Ֆեդուտան մեսենջերով քննարկել են ընդվզումը, բայց ամեն դեպքում որոշել են Մոսկվայում հանդիպում կազմակերպել հանրապետության ընդդիմադիր գեներալների հետ։ Մայրաքաղաքի ռեստորաններից մեկում հայտարարել են, որ անհրաժեշտ է հեռացնել Բելառուսի բարձրագույն ղեկավարությանը, գրավել ռադիոն և հեռուստակենտրոնները, արգելափակել երկրի էներգահամակարգերը։ Զինված խռովության մեջ հատուկ դեր է հատկացվել պարտիզաններին, որոնք գտնվել են գաղտնի բազաներում։

Ո՞ր հետախուզության համար են աշխատում նրանք, ովքեր չեն համալրել ԱՄՆ–ի «սև ցուցակը»

Ընդվզման արդյունքում ձերբակալվածները ցանկացել են փոխել Բելառուսի սահմանադրական կարգը, լուծարել նախագահի պաշտոնը և երկրի ղեկավարումը հանձնել Ազգային հաշտեցման կոմիտեին։ ԱԴԲ-ին հայտնի է դարձել, որ նոր ռեժիմի օրոք Զենկովիչը պետք է համակարգեր խորհրդարանը, իսկ Ֆեդուտան՝ գաղափարախոսությունը։

Խռովությունը նախատեսվել էր մայիսի 9-ին։

Ավելի վաղ Լուկաշենկոն պատմել է իր և իր երեխաների դեմ մահափորձը կանխելու մասին, որում, նրա կարծիքով, ներգրավված են ամերիկյան իշխանությունները։ Նա շնորհակալություն է հայտնել ՌԴ նախագահ Վլադիմիր Պուտինին այդ նենգ պլանները ձախողելու հարցում օգնության համար։

Ռուսաստանն ու ԱՄՆ-ն կիսում են եվրոպական շուկան. ո՞վ կլցնի գազի պահեստարանները

103
թեգերը:
Ռուսաստան, մահափորձ, Ալեքսանդր Լուկաշենկո, ԱՄՆ
Ըստ թեմայի
Սերժ Սարգսյանը պատասխանել է Ալեքսանդր Լուկաշենկոյի հայտարարությանը
C-400–ներն ու մեծ քաղաքականությունը. կշահի՞ արդյոք Հայաստանը ԱՄՆ–Թուրքիա հակամարտությունից
ԱՄՆ-ն Աֆղանստանում ա՞յլ նպատակներ ունի
Քիմ և Քորթնի Քարդաշյան. արխիվային լուսանկար

«Իմ հայ թագուհի Քորթնի Քարդաշյան». Քիմը շնորհավորել է քրոջ ծննդյան տոնը. լուսանկարներ

0
Քիմ Քարդաշյանը գրել է, որ Քորթնին միշտ գիտի, թե ինչ է ուզում այս կյանքում։

ԵՐԵՎԱՆ, 18 ապրիլի – Sputnik. Ամերիկահայ հեռուստաաստղ Քիմ Քարդաշյանը յուրահատուկ կերպով է շնորհավորել ավագ քրոջը` Քորթնի Քարդաշյանին ծննդյան օրվա առթիվ։ Նա Քորթնիի հետ տարբեր ժամանակներում արված լուսանկարներ է հրապարակել, որոնց մեջ կա նաև Հայաստան կատարած այցը։

«Ծնունդդ շնորհավոր, իմ հայ թագուհի Քորթնի Քարդաշյան։ Մոլորակի այն մարդն ես, ում ես շատ երկար ժամանակ է ինչ ճանաչում եմ։ Քո նմանը չկա։ Դու միշտ գիտես ինչ ես ուզում այս կյանքում, և երբեք չես համապատասխանում ուրիշների իդեալներին, ես այնքան եմ հիանումքեզնով: Դու միշտ ճշտի կողմից ես և դարձել ես լավագույն հոգեթերապևտը, որի մասին կարող է երազել ցանկացած աղջիկ։ Ես սիրելու եմ քեզ մինչև վերջին շունչս։ Քեզ լավագույն տարեդարձն եմ մաղթում, դու արժանի ես այս ամենին»,– գրել է Քիմը։

Նշենք, որ այսօր Քորթնին նշում է իր ծննդյան 42–րդ տարեդարձը։ Նա Instagram-ում հրապարակել է նախօրեին իր նոր ընկերոջ՝ ամերիկացի երաժիշտ Թրևիս Բարքերի մատուցած օրիգինալ անակնկալը և երկրպագուներին ցույց տվել տան անկյունում կակաչների ահռելի փունջն ու առաստաղից թելով կախված բազմաթիվ գարդենիաները։

Նշենք, որ վերջերս հայտնի դարձավ, որ Քորթնին նոր ընտրյալ ունի։ Օրեր առաջ նա հանգստյան օրերն անցկացրել էր Թրևիս Բարքերի հետ։
Ընտանեկան հանգստից լուսանկարներ են հրապարակել ինչպես Քորթնի Քարդաշյանը, այնպես էլ հայտնի երաժիշտը։

Նշենք, որ Քորթնին նախկինում հանդիպում էր Սքոթ Դիսիքի հետ, որից ունի 3 երեխա, իսկ Բարքերն իր նախորդ ամուսնությունից մեկ դուստր և մեկ որդի ունի։ Զույգն իր ժամանակի զգալի մասն անց է կացնում երեխաների հետ։

«Ամենաթույն մորաքույրը»․ Քիմ Քարդաշյանն ու զարմիկը խախտել են Քորթնիի սահմանած «կանոնները»

0
թեգերը:
Ծննդյան օր, Քորթնի Քարդաշյան, Քիմ Քարդաշյան
Ըստ թեմայի
Քիմ Քարդաշյանը միլիարդատեր է դարձել և ընդգրկվել աշխարհի ամենահարուստ մարդկանց ցուցակում
Արմենչիկ և ոչ միայն. Քորթնի Քարդաշյանը գաղտնազերծել է իր հայկական «փլեյլիստը»
Ինչո՞ւ վճարել պրոֆեսիոնալ լուսանկարիչներին․ Քորթնի Քարդաշյանը որդուն գործի է դրել
Քիմ և Քորթնի Քարդաշյանները գովազդում են ռուս գործարարի ստարտափը