Ինսուլին

Պարզ միջոց դիաբետը հաղթահարելու համար. գիտնականները նոր հետազոտություն են արել

151
(Թարմացված է 18:07 26.01.2021)
Գիտական հետազոտությանը մասնակցել է 47-ից մինչև 67 տարեկան 1357 մարդ։ Նրանց մեծ մասն ունեցել է ավելորդ քաշ կամ ճարպակալում։

 

12 շաբաթ ցածր ածխաջրածնային դիետա պահող մարդիկ գրեթե մեկ երրորդով նվազեցնում են երկրորդ տիպի դիաբետի ռիսկը, գրում է Diabetes.co.uk կայքը` հղում անելով ԱՄՆ-ի Տեխասի A&M համալսարանի հետազոտության տվյալներին:

Գիտական հետազոտությանը մասնակցել է 47-ից մինչև 67 տարեկան 1357 մարդ։ Նրանց մեծ մասն ունեցել է ավելորդ քաշ կամ ճարպակալում։ Հետազոտության մասնակիցները 12 շաբաթվա ընթացքում ընդունել են ցածր ածխաջրածիններով սննդակարգ, իսկ կես տարի ու մեկ տարի անց մասնագետները նորից գնահատել են նրանց վիճակը:

Ընդգծվում է, որ հիվանդները հրաժարվել են օսլա պարունակող ածխաջրերից, որոնք կան մակարոնեղենի և կարտոֆիլի մեջ: Գիտնականները եկել են այն եզրակացության, որ այսպես նրանք ձեռք են բերում մեծ հնարավորություն է թուլացնել հիվանդության ախտանիշները։ Գիտափորձի հեղինակները նշել են, որ ապագայում իրենք դեռ պետք է մի շարք հետազոտություններ անցկացնեն` կալորիաների հսկողությամբ, որպեսզի համոզվեն, որ ցածր ածխաջրային դիետաները դրական ազդեցություն են ունենում քաշի կայուն կորստի և դիաբետի ռիսկի նվազեցման վրա:

Ինչպես չկորցնել հիշողությունը և սուր միտք ունենալ. գիտնականները տարրական միջոց են գտել

151
թեգերը:
դիետա, գիտնական, դիաբետ
Ըստ թեմայի
Ի՞նչ է կատարվում օրգանիզմում, երբ նարինջ ենք ուտում
Ի՞նչ է տեղի ունենում օրգանիզմում, երբ մանդարին ենք ուտում
Ինչպե՞ս է եղանակային փոփոխությունն ազդում մարդու օրգանիզմի վրա. պարզաբանում է Մանուկյանը

Մոսկվայի կենտրոնում պայթյուններ են հնչել․ տեսանյութ

279
(Թարմացված է 19:37 19.06.2021)
Տեսանյութում երևում է, որ ծխի սյուն է բարձրանում, և բազմաթիվ պայթյուններ են լսվում։

ԵՐԵՎԱՆ, 19 հունիսի – Sputnik․ Մոսկվայի կենտրոնում՝ Լուժնեցկայա առափնյակում, մի քանի պայթյուն է հնչել։ Ականատեսները սոցցանցերում տեսանյութեր ու լուսանկարներ են հրապարակում, որոնցում ծխի բարձր սյուն է երևում։

Նախնական տվյալներով՝ հրդեհ է բռնկվել հրատեխնիկայի պահեստում։ տեղեկություններն այն մասին, որ հենց այդ պահեստն է հրդեհվել, ճշգրտվում են:

Ռուսաստանում ինքնաթիռի կոշտ վայրԷջքի հետևանքով մարդիկ են մահացել

ТАСС-ի տվյալներով՝ վառվող պահեստից կրակն անցել է հարևան շինությանը։ Հիմա հրդեհի մակերեսը կազմում է 150 քառակուսի մետր։ Հայտարարվել է հրդեհի բարդության 2-րդ աստիճան (բարդության աստիճաններն ընդհանուր հինգն են)։

Տեղատարափ անձրևները հեղեղել են Ղրիմը. ավելի քան 1700 մարդու են տարհանել

 

279
թեգերը:
տեսանյութ, պայթյուն, Մոսկվա
Ամրոցի ավերակներ

Թուրքիայում Ուրարտուի ժամանակաշրջանի հնագույն ամրոցի ավերակներ են հայտնաբերվել

31
(Թարմացված է 19:21 19.06.2021)
Վանից ոչ հեռու հնագետները հնագույն ամրոց են հայտնաբերել։ Գտնված բեկորների թվագրումը թույլ է տալիս խոսել գտածոյի շուրջ 3000-ամյա պատմության մասին։

ԵՐԵՎԱՆ, 19 հունիսի – Sputnik. Արևելյան Անատոլիայում պեղումների ժամանակ մի խումբ թուրք հնագետներ հայտնաբերել են Ուրարտու պետության ժամանակաշրջանում կառուցված հնագույն ամրոցի ավերակներ։ Ամրոցը գտնվում է լեռներում, գիտնականները կարծում են, որ շինությունը մոտ 2800 տարեկան է։ Գտածոյի մասին հայտնում է Anadolu Agency-ն։

Մեծամորի պեղումների գտածոները զարմացրել են միջազգային հնագետներին

Հնագույն ամրոցը հայտնաբերվել է ծովի մակարդակից 2,5 կմ բարձրության վրա։ Հնագիտական աշխատանքների ընթացքում մշակութային շերտ է բացվել կրաքարային բլոկներից կառուցված հզոր ամրությունների ավերակներով և ջրի հավաքման համար նախատեսված, ավելի քան վեց մետր խորությամբ տարողունակ ամբար: Բացի այդ, ինչպես բնորոշ է նման օբյեկտներին, հայտնաբերվել են կավե սպասքի բազմաթիվ բեկորներ։

Գիտնականները ենթադրում են, որ ամրոցը կառուցվել է Ուրարտուի թագավորության ժամանակաշրջանում, բայց ավելի շատ օգտագործվել է միջնադարում։

Եգիպտոսում «Ոսկե քաղաք» են հայտնաբերել

31
թեգերը:
ավերակներ, Ուրարտու, Թուրքիա
Կոնստանտին Օրբելյան

Կոնստանտին Օրբելյանը կշարունակի՞ ղեկավարել օպերայի թատրոնը. մաեստրոն փակագծեր է բացել

6
(Թարմացված է 20:01 19.06.2021)
Մաեստրոն ասում է, որ Երևանի օպերային թատրոնի ստեղծագործական գործունեության համար պետք է բարենպաստ պայմաններ ստեղծվեն: Նա նախատեսում է թատրոնի ստեղծագործական կյանքում ներգրավել արտերկրում աշխատող հայ արտիստներին։

ԵՐԵՎԱՆ, 19 հունիսի – Sputnik. Օպերայի և բալետի ազգային ակադեմիական թատրոնի տնօրեն և գեղարվեստական ղեկավար Կոնստանտին Օրբելյանը Հայաստան կվերադառնա հունիսի վերջին: Այդ ժամանակ էլ կորոշվի՝ նա կմնա ներկայիս պաշտոնում, թե կհեռանա պաշտոնից։

Ավելի վաղ հայտնի էր դարձել, որ Օրբելյանը նշանակվել է Նյու Յորքի քաղաքային օպերայի երաժշտական տնօրեն և գլխավոր դիրիժոր ու հիմա գտնվում է ԱՄՆ-ում:

Sputnik Արմենիայի հետ զրույցում մաեստրոն նշեց, որ նոր նշանակումն իր համար մասնագիտական գործունեության ևս մեկ կարևոր փուլ է դարձել, որը պատասխանատու և ստեղծագործական ներդրում է պահանջում: Օրբելյանն ընդգծեց, որ իր համար մեծ պատիվ է ստանձնել այդ աշխատանքը։ Նա վստահ է, որ ստեղծագործական մեծ կոլեկտիվի հետ կկարողանա նոր բարձունքների հասնել։

«Հայրենիքում իմ հետագա գործունեության հետ կապված շատ հարցեր պարզ կդառնան որոշ ժամանակ անց, բայց վստահեցնում եմ ձեզ, որ ստեղծագործական գործունեության ընթացքում համատեղելիությունը շատ առումներով կարող է օգտակար լինել ավելի մեծ արդյունքների հասնելու համար»,-ասաց Օրբելյանը։

Նրա խոսքով՝ համատեղումը շատ գործնական և լայնորեն կիրառվող տարբերակ է միջազգային պրակտիկայում։ Դիրիժորը հորդորեց սպասել երկրում ընթացող իրադարձությունների զարգացմանը (ընտրությունների արդյունքներին. խմբ.), ինչպես նաև կրթության, գիտության, մշակույթի և սպորտի նախարարության արձագանքին ու առաջարկություններին՝ իր հետագա գործունեության հետ կապված:

Օրբելյանն ընդգծեց, որ Երևանի օպերային թատրոնում աշխատելու ընթացքում իրեն հաջողվել է տասնյակ լայնածավալ նախագծեր իրականացնել: Սակայն հանգամանքների բերումով շատ նախագծեր անավարտ են մնացել։

«Սկզբում մեր գործունեությանը խանգարեց բոլորին հայտնի նախարարի պաշտոնակատարը, չնայած որ նա իր առջև միանգամայն այլ նպատակներ պետք է դներ։ Հետո՝ համավարակը, պատերազմը»,-ավելացրեց նա։

Թատրոնի թատերախումբը փորձում էր փոխել իր գործունեության ձևաչափը, և պատերազմի ժամանակ նրանք փորձում էին հնարավորինս օգտակար լինել ռազմաճակատի համար։ Օրբելյանը խոստովանեց, որ մտահղացումներն ամբողջությամբ իրականացնել չի հաջողվել, միաժամանակ հույս հայտնեց, որ կկարողանա ավարտել սկսածը:

Նրա խոսքով` թատրոնը նոր ներկայացումների կարիք ունի, եղածներից մի քանիսն էլ պետք է նորից բեմադրել։ Օպերային բեմադրությունների ոլորտը ենթադրում է աշխատանքների 3-5 տարվա պլանավորում, սակայն հիմա դա գրեթե անհնար է դարձել, քանի որ շատ բան կախված է երկրում տեղի ունեցող իրադարձություններից։

Օրբելյանը պարզաբանեց, որ երկիրն առայժմ անցումային փուլում է, ուստի շատ հարցեր դեռ պարզ չեն: Չնայած դրան՝ 2020 թ․-ից թատրոնը փորձում է գործունեությունը պլանավորել այնպես, որ ժամանակին համընթաց ընթանա։

«Վերջերս մենք առաջնախաղ ունեցանք, և եթե ամեն բան լավ լինի, մենք կկարողանանք իրագործել անավարտ ծրագրերը։ Շատ պլաններ կան, իսկապես շատ աշխատանք կա, պարզապես պետք է բարենպաստ մթնոլորտ լինի, և այդ դեպքում մենք ամեն ինչ կանենք, որ հանրությունը շարունակի բարձրագույն էսթետիկ հաճույք ստանալ Երևանի օպերայի և բալետի թատրոնում»,-ասաց դիրիժորը։

Նա նախատեսում է թատրոնի ստեղծագործական աշխատանքում ներգրավել արտերկրում աշխատող հայ արտիստներին։

Մաեստրոն կարծում է, որ Երևանի օպերային թատրոնը աշխարհի միակ ստեղծագործական օջախն է, որը պարտավոր է միավորել ամբողջ աշխարհի հայերի գեղարվեստական ներուժը, հօգուտ Հայաստանի օգտագործել օպերայի, բալետի արտիստների, կոմպոզիտորների, դիրիժորների հնարավորությունները։

Ինչ վերաբերում է այն հարցին, թե երբ կվերադառնա Երևան, Օրբելյանը պարզաբանեց, որ մեծ հույս ունի Երևանում լինել հունիսի վերջին։

Հիշեցնենք՝ Օրբելյանի լիազորությունները որպես թատրոնի տնօրեն դադարեցվել էին 2019թ․-ի մարտի 29-ին՝ այն ժամանակվա մշակույթի նախարարի ժ․պ․ Նազենի Ղարիբյանի որոշմամբ, ինչն առաջացրել էր թատրոնի աշխատակիցների և շարքային քաղաքացիների դժգոհությունը։ Ընդ որում՝ Օրբելյանը շարունակում էր մնալ թատրոնի գեղարվեստական ղեկավար։ 2020թ․-ի փետրվարին նրան վերականգնեցին տնօրենի պաշտոնում, սակայն դրանից հետո նա հեռացավ Հայաստանից։

Կոնստանտին Օրբելյանը շահել է դատն ընդդեմ ԿԳՄՍ նախարարության

6
թեգերը:
Օպերայի և բալետի ազգային ակադեմիական թատրոն, Կոնստանտին Օրբելյան, Հայաստան
Ըստ թեմայի
«Կգրկեմ ու կհամբուրեմ Նազենի Ղարիբյանին». Օրբելյան
«Օրբելյանը փողը չի՞ տվել». ինչո՞ւ է Օպերային թատրոնի երգչախումբը վրդովված
Կվերադառնա «աշխարհի միակ թատրոն»․ Օրբելյանի անկեղծ պատասխանները «վատ հարցերին»