ԱՄՆ-ն Թուրքիային կոչ է արել ազատ արձակել թուրք ընդդիմադիր գործիչներին

18:37 24.01.2021

Բայդենի վարչակազմը կանգնել է Էրդողանի իշխանությունների կողմից հետապնդվող երկու հայտնի թուրք գործիչների կողքին։

ԵՐԵՎԱՆ, 24 հունվարի – Sputnik. ԱՄՆ պետդեպարտամենտը Թուրքիայի իշխանություններին կոչ է արել ազատ արձակել քրդամետ «Ժողովուրդների դեմոկրատական» կուսակցության առաջնորդ Սելահաթին Դեմիրթաշին և գործարար ու բարերար Օսման Քավալաին։

Ամերիկյան արտաքին քաղաքական գերատեսչության մեկնաբանությունում, որը տրամադրվել է թուրքական Ahval պարբերականին, ասվում է, որ ԱՄՆ-ն նախկինի պես լուրջ անհանգստացած է այն ճնշումներով, որոնք Թուրքիան գործադրում են քաղաքացիական հասարակության, ԶԼՄ-ների, քաղաքական և այլ կազմակերպությունների ներկայացուցիչների դեմ:

«Ոչ կոռեկտ են». Պեսկովի արձագանքը` Ռուսաստանի ցույցերի վերաբերյալ ԱՄՆ–ի հայտարարությանը

Հայտարարության մեջ ասվում է, որ կարծիքի արտահայտման, խաղաղ և այլ հավաքների ազատության իրավունքը հիմնարար է ցանկացած առողջ ժողովրդավարության համար:

Պարբերականը հիշեցնում է, որ ուրբաթ դատարանը վճռել է շարունակել Քավալայի դատավարությունը, որը մեղադրվում է 2016-ի հուլիսին հեղաշրջման փորձի կազմակերպման մասնակցության մեջ։Ինչ վերաբերում է Դեմիրթաշին, ապա հունվարի 21-ին Եվրոպական խորհրդարանի անդամները կոչ են արել Անկարային անհապաղ և անվերապահ ազատ արձակել նրան՝ ՄԻԵԴ-ի ավելի վաղ կայացած որոշումներին համապատասխան:

ԱՄՆ պետդեպարտամենտն իր աջակցությունն է հայտնում Եվրախորհրդարանի հունվարի 21-ի բանաձևին՝ պնդելով, որ ԺԴԿ-ի առաջնորդին անհապաղ ազատ արձակեն: Դեմիրթաշը ճաղերի հետևում է 2016-ի նոյեմբերից ՝ Քրդստանի աշխատավորական կուսակցության հետ կապեր ունենալու մեղադրանքով։

«Թուրքական բանակը կարող է մի գիշեր գնալ այնտեղ». Էրդողանը սպառնացել է Սինջար մտնել

Վաշինգտոնը Թուրքիային կոչ է անում պահպանել միջազգային պարտավորությունները և պաշտպանել իր սահմանադրությամբ երաշխավորված հիմնական ազատությունները։

Նշենք, որ հայազգի գործիչ, խորհրդարանի պատգամավոր Կարո Փայլանը նույնպես «Ժողովուրդների դեմոկրատական» կուսակցության անդամ է։

թեգերը:

ընդդիմություն, Թուրքիա, Ջո Բայդեն, ԱՄՆ

Ըստ թեմայի
«Առանց Նիկոլ Հայաստան». Երևանում բողոքի ավտոերթ էր. տեսանյութ

«Բացեք երկիրը»․ Թբիլիսիում բողոքի ակցիա է կորոնավիրուսային սահմանափակումների դեմ

«Ակցիաները բազմամարդ չեն, շատերն ընտրում են Պուտինին». Պեսկով

Նոր ձևաչափ, նոր կանոններ. հայտնի են «Եվրատեսիլ 2021» երգի մրցույթի անցկացման պահանջները

16:00 03.03.2021(Թարմացված է 15:46 03.03.2021)

Մրցույթի ողջ ընթացքում կազմակերպիչները, արտիստները, լրագրողները պարբերաբար կորոնավիրուսի թեստ պետք է հանձնեն։

ԵՐԵՎԱՆ, 3 մարտի — Sputnik. «Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Այս մասին տեղեկանում ենք մրցույթի պաշտոնական կայքից։

Նշվում է, որ Ռոտերդամում անցկացվելիք մրցույթի նոր կանոնները կապված են համաճարակաբանական իրավիճակի և կորոնավիրուսի տարածման կանխարգելման հետ։

Մրցույթի պաշտոնական կայքում տեղադրված մամուլի հաղորդագրության մեջ հստակեցված է, որ «Եվրատեսիլին» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։

Սիրուշոն կերգի Ռիբակի հետ. վերջինս հայ երգչուհուն «Եվրատեսիլի» լեգենդ է անվանել

Դե իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։

Մրցույթի մասնակից երկրների պատվիրակությունները հիմնականում հյուրանոցներում կլինեն և բեմ կբարձրանան միայն փորձերի համար։

Այս տարի մրցույթին մասնակից երկրների պատվիրակությունների կազմերը ևս կկրճատվեն։

Նշվում է, որ մրցույթը տեղում կարող են լուսաբանել միայն 500 լրագրողներ, ևս 1000-ին հնարավորություն կտրվի աշխատել առցանց մամուլի կենտրոնում։

Դե իսկ մրցույթին հանդիսատեսի մասնակցության հարցը դեռևս քննարկման փուլում է։ Որոշման մասին կազմակերպիչները կհայտնեն ավելի ուշ։

«Մանկական Եվրատեսիլ-2020» - ում հաղթել է Ֆրանսիայի ներկայացուցիչ Վալենտինա Տրոնելը

Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:

Ավելի ուշ Հայաստանի Հանրային հեռուստաընկերությունը Facebook-ի պաշտոնական էջում հայտնեց, որ 2021թ. Եվրատեսիլի անցկացման և Հայաստանի պատվիրակի մասնակցության վերաբերյալ տեղեկություն դեռ չկա․ պարզ չէ՝ Հայաստանը «Եվրատեսիլ 2021»-ին Աթենա Մանուկյա՞նը կներկայացնի, թե՞ նոր մասնակից կընտրեն, բայց մի բան հստակ է՝ «Եվրատեսիլ 2021»-ին երկիրը պետք է ներկայանա նոր երգով։

Հավելենք, որ Հայաստանը չմասասնակցեց նաև «Մանկական Եվրատեսիլ-2020» երգի միջազգային մրցույթին։ Մրցույթի պաշտոնական կայքում նշվում էր, որ պատճառը Հայաստանում հայտարարված ռազմական դրությունն է և Լեռնային Ղարաբաղում ընթացող պատերազմը։

թեգերը:

կարանտին, կորոնավիրուս, Նիդեռլանդներ, մրցույթ, երգ, Եվրատեսիլ