ՌԴ ԱԳՆ

Լրագրողների իրավունքները խախտվում են Մերձբալթյան երկրներում և Ուկրաինայում. ՌԴ ԱԳՆ

45
Ռուսաստանի արտաքին քաղաքական գերատեսչությունն անհանգստություն է հայտնել Ուկրաինայում, ինչպես նաև Լատվիայում, Լիտվայում և Էստոնիայում լրագրողների իրավունքների խախտումների վերաբերյալ:

ԵՐԵՎԱՆ, 13 հունվարի – Sputnik. Արևմուտքում հիմնական միտում է դարձել ԶԼՄ-ների վերահսկողությունը և այլընտրանքային տեսակետ ներկայացնող տեղեկատվական աղբյուրներից ազատումը։ Այս մասին ասվում է Ռուսական մամուլի օրվա առթիվ հրապարակված ՌԴ ԱԳՆ հայտարարության մեջ։

Facebook-ում հրապարակված շնորհավորական ուղերձում արտաքին քաղաքական գերատեսչությունն անհանգստություն է հայտնել Ուկրաինայում և Մերձբալթյան երկրներում լրագրողների անվտանգության վերաբերյալ:

«Մինչ օրս որևէ առաջընթաց չկա լրագրող Անատոլի Կլյանի, Անտոն Վոլոշինի, Իգոր Կորնելյուկի, Անդրեյ Ստենինի, Անդրեա Ռոկելիի, Օլես Բուզինայի, Սերգեյ Դոլգովի, Վյաչեսլավ Վերեմիայի, Պավել Շերեմետի և այլոց սպանությունների հետաքննության հարցում։ Ուկրաինայում ԶԼՄ-ների ներկայացուցիչները շարունակում են ֆիզիկական բռնության ենթարկվել, ինչը տեղի է ունենում պաշտոնական Կիևի մտահղացմամբ, որը վաղուց ի վեր բռնել է ԶԼՄ-ների, լրագրողների և այլախոհության ճնշման ճանապարհը»,-ասված է հաղորդագրության մեջ:

ԱԳՆ-ն նաև մտահոգություն է հայտնել Մերձբալթյան երկրներում լրագրողների իրավունքների բազմաթիվ խախտումների կապակցությամբ: Գերատեսչությունը հիշեցրել է, որ 2019 թ․-ին Լիտվայում խորհրդարանականները կոչ են արել արգելափակել Sputnik Լիտվա կայքին հասանելիությունը, իսկ լրատվական գործակալության գլխավոր խմբագիր Մարատ Քասեմը ձերբակալվել և հինգ տարով արտաքսվել է երկրից:

«Փոքրիկ ծակոց»․ Կիսելյովը` Sputnik Լատվիայի և Baltnews-ի աշխատակիցների ձերբակալման մասին

«2020 թ․-ի հունվարի 1-ից քրեական հետապնդման սպառնալիքի տակ Sputnik Էստոնիայի աշխատակիցները դադարեցրել են աշխատանքը։ Ոչ պակաս ծանր իրավիճակ է Լատվիայում․արգելափակվել է RT խմբի յոթ ալիքների վերահեռարձակումը, փակվել է «Բալթյան առաջին ալիքը»։ 2020 թ-ի դեկտեմբերի 3-ին Լատվիայի պետական անվտանգության ծառայությունը ձերբակալել է Sputnik Լատվիա և Baltnews տեղեկատվական պորտալների յոթ աշխատակիցների», - հիշեցրել է ԱԳՆ-ն:

Հաղորդագրության մեջ նշվում է նաև ռուսական ԶԼՄ-ների հանդեպ համաշխարհային, առաջին հերթին՝ ամերիկյան թվային հարթակների ամենաթողության մասին:

«Ռուսական կոնտենտի զանգվածային արգելափակումն ու հեռացումը վերջին ամիսներին համակարգային բնույթ են ստացել և բացահայտ գրաքննություն են ներկայացնում իրենցից։ Սոցիալական ցանցերի շուկայի մոնոպոլիստների խտրական գործողություններում հստակ քաղաքական ենթատեքստ ենք տեսնում, որն ուղղված է ամերիկյան կառավարության արտաքին քաղաքական դիրքորոշման իրականացմանը՝ գլոբալ եթերից դուրս մղելու տեղեկատվության այն աղբյուրները, որոնք այլընտրանքային տեսակետ են ներկայացնում աշխարհում տեղի ունեցող իրադարձությունների վերաբերյալ», - ասված է ԱԳՆ հաղորդագրության մեջ:

Ռուսաստանի ԱԳՆ-ն բոլոր վերոնշյալ դեպքերը գնահատում է որպես ժողովրդավարական հասարակության հիմքերի` ԶԼՄ-ների ազատության և կարծիքների արտահայտման ազատության ոտնահարման ցայտուն օրինակ։

Հիշեցնենք, որ հունվարի 13-ին նշվում է ռուսական մամուլի օրը։ Տոնը նվիրված է ռուսական առաջին տպագիր «Ведомости» թերթի թողարկման ամսաթվին. դրա առաջին համարը լույս է տեսել 1703 թվականի հունվարի 13-ին և կրել է «Տեղեկագրեր զինվորական  այլ գործերի մասին, որոնք արժանի են Մոսկովյան պետությունում և շրջակա այլ երկրներում իմացվելու և հիշվելու» (Ведомости о военных и иных делах, достойных знания и памяти, случившихся в Московском Государстве и во иных окрестных странах):

ՌԴ ԱԳՆ–ն դատապարտել է Լատվիայում Sputnik-ի և Baltnews-ի լրագրողների ձերբակալությունը

45
թեգերը:
Sputnik, Լրագրող, Էստոնիա, Ուկրաինա, Լատվիա, Լիտվա, Ռուսաստան
Ըստ թեմայի
Sputnik Արմենիան DDoS հարձակման է ենթարկվել
Երևան—Մեղրի ճանապարհ

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

80
(Թարմացված է 00:36 28.01.2021)
Ճանապարհների ապաշրջափակումը, Քոչարյանի խոսքով, նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար։

ԵՐԵՎԱՆ, 28 հունվարի – Sputnik. Ճանապարհների վերաբացման հարցը Արցախյան կարգավորման գործընթացում միշտ եղել է այն վերջին ակորդը, որին կողմերը պետք է հասնեին միայն մնացած խնդիրները, այդ թվում՝ Արցախի կարգավիճակի հարցը լուծելուց հետո:

Այսօր հայաստանյան մի քանի կայքերին տված հարցազրույցում նման հայտարարություն արեց ՀՀ երկրորդ նախագահ Ռոբերտ Քոչարյանը:

Այդուհանդերձ, Ռոբերտ Քոչարյանն այս հեռանկարից որոշակի մտավախություններ ունի:

 «Ամենամեծ խնդիրը հետևյալն է՝ Մեղրիի հատվածը վերահսկվելու է ռուս սահմանապահների կողմից, իսկ մնացած հատվածի վրա մենք որևէ ազդեցություն չենք ունենալու: Մինչև Ռուսաստան մոտ 850 կմ է, որից ընդամենը 47 կմ-ն է Մեղրիի հատվածը: Եվ Ադրբեջանը կարող է ուղղակի տարիֆային քաղաքականությամբ այնպես անել, որ այդ երկաթուղուց օգտվելը անիմաստ լինի ընդհանրապես: Իսկ քո 47 կմ-ով դու որևէ հարց չես կարող լուծել, հատկապես, որ այն քո վերահսկողության տակ չի գտնվում»,- ասաց Քոչարյանը:

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

Նրա խոսքով` Ադրբեջանն ունի այն, ինչին ձգտել է, ունի նաև կոմունիկացիաներից օգտվելու լծակ: Իսկ հայկական կողմը ունի հույս, որ ճանապարհները կաշխատեն, բայց չունի որևէ լծակ:

 Բացի այդ, ըստ Քոչարյանի, ճանապարհների ապաշրջափակումը նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար՝ ի դեմս ադրբեջանական ու թուրքական էժան արտադրանքի: Այդ խնդիրներին դիմակայելու ու դրանք հաղթահարելու համար, ըստ Քոչարյանի, ՀՀ իշխանությունը պետք է լուրջ միջոցներ ձեռնարկի ներքին շուկան պաշտպանելու համար:

«Պետք է փոխվի սուբսիդավորման քաղաքականությունը, հակառակ դեպքում մենք ուղղակի անմրցունակ ենք լինելու: Հարյուրավոր, հազարավոր ֆերմերային տնտեսություններ կարող են քայքայվել և հարյուրավոր բիզնեսներ ուղղակի անիմաստ են դառնալու»,- ասաց երկրորդ նախագահը:

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ, որի առաջին հանդիպումը կանցկացվի մինչև 2021 թ.-ի հունվարի 30-ը։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

80
թեգերը:
Եռակողմ հայտարարություն, ապաշրջափակում, Ճանապարհ, Մեղրի, Ռոբերտ Քոչարյան
Ըստ թեմայի
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Արցախում ամեն օր նոր տարածքային կորուստներ են գրանցվում. Քոչարյան
 Կաննի կինոփառատոն

Կաննի կինոփառատոնը կրկին հետաձգվեց

5
(Թարմացված է 22:24 27.01.2021)
Ֆրանսիայում տիրող համաճարակային իրավիճակի պատճառով կազմակերպիչները որոշել են հետաձգել կինոփառատոնը։

ԵՐԵՎԱՆ, 27 հունվարի – Sputnik. Կաննի կինոփառատոնը, որը նախատեսվում էր անցկացնել մայիսին, տեղափոխել են հուլիս։  Տեղեկությունը հրապարակված է փառատոնի Twitter–ի էջում։

Նշվում է, որ իսկզբանե 2021 թվականի մայիսի 11-22-ը նախատեսված կինոփառատոնն այժմ կանցկացվի 2021 թվականի հուլիսի 6-17-ը։

Հետաձգման պատճառը կորոնավիրուսի համավարակն է։

Կաննի միջազգային կինոփառատոնը (Festival international du film de Cannes) կինեմատոգրաֆիայի ամենամյա փառատոն է, աշխարհում ամենահին ու հեղինակավոր փառատոներից մեկը։ Միջոցառումը սովորաբար անցկացվում է մայիսի վերջին Կաննում (Ֆրանսիա)` փառատոների և կոնգրեսների պալատում։

5
թեգերը:
համավարակ, կորոնավիրուս, Ֆրանսիա, Կաննի կինոփառատոն
Ըստ թեմայի
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները
Հայ ռեժիսորի ֆիլմը ներկայացված է Կաննի փառատոնին
Հայերը ֆրանսերեն են սովորել, ֆրանսիացիները` սիրահարվել Արցախին. ֆիլմ, որն ընտրեց Կաննը
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

61
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

61
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան