Քիմ Քարդաշյանն ու Քանյե Ուեսթը

Քանյեն Քիմից բաժանվելուց հետո սկավառակ կթողարկի ու կտեղափոխվի Լոնդոն

425
(Թարմացված է 21:59 12.01.2021)
Քանյե Ուեսթի նոր ալբոմը Քիմի հետ հարաբերությունների ու նրանից բաժանության մասին է լինելու։ Նշվում է, որ Ուեսթը մի քանի ամիս է՝ երգեր է ձայնագրում սկավառակի համար։

ԵՐԵՎԱՆ, 12 հունվարի – Sputnik. Ամերիկացի ռեփեր Քանյե Ուեսթը հայազգի հեռուստաաստղ Քիմ Քարդաշյանից բաժանման մանրամասները կբացահայտի նոր սկավառակում։ Այս մասին տեղեկացնում է The Mirror պարբերականը:

Նշվում է, որ Քանյեի նոր ալբոմը Քիմի հետ հարաբերությունների ու նրանից բաժանության մասին է լինելու, Ուեսթը մի քանի ամիս է՝ երգեր է ձայնագրում սկավառակի համար։

Կայքի աղբյուրը ասել է, որ Քանյեն ամուսնալուծվելուց հետո չի պատրաստվում շարունակել ապրել ԱՄՆ-ում, այլ տեղափոխվելու է Մեծ Բրիտանիա` Լոնդոն։

«Քիմը ու Քանյեն վաճառելու են Լոս Անջելեսի իրենց առաձնատունը, որում ապրել են մոտ վեց տարի։ Քանյեն շատ է եղել Լոնդոնում և հավանել է այն», – ասել է աղբյուրը թերթին ու հավելել, որ ռեփերն արդեն հարմար տուն է փնտրում իր համար Լոնդոնում։

Նշենք, որ զույգի առանձնատան արժեքը 40 մլն դոլար է։

Հիշեցնենք` նրանց ամուսնալուծության մասին խոսակցությունները հատկապես սաստկացան 2020 թվականի ամռանը Հյուսիսային Կարոլինայում Քանյեի սկանդալային ելույթից հետո, երբ նա անդրադարձավ աբորտների թեմային ու պատմեց, որ ինքը գրեթե աբորտի զոհ է դարձել, հետո էլ խոստովանեց, որ Քիմը ցանկացել է աբորտ անել, բայց ինքը խանգարել է:

Դրանից հետո Ուեսթը տասնյակ սկանդալային գրառումներ արեց Twitter-ում, հետո ջնջեց դրանք։ Դրանից մեկում նա գրել էր, որ 2018 թվականից փորձում է բաժանվել Քիմ Քարդաշյանից:

«Այս անգամ ամեն ինչ շատ լուրջ է», Քարդաշյանը և Ուեսթը որոշել են ամուսնալուծվել. ԶԼՄ

Քիմն ու Քանյեն ամուսնացել են 2014 թվականին և 4 երեխա ունեն։ 2015 թվականի ապրիլին Քանյեն միացավ Քիմին Հայաստան կատարած ուղևորության ժամանակ։ Ուեսթը եղել է Գառնիում, Գյումրիում և նույնիսկ անվճար համերգ տվել Երևանի սրտում՝ Կարապի լճում։

425
թեգերը:
ամուսնալուծություն, Քիմ Քարդաշյան, Քանյե Ուեսթ
Ըստ թեմայի
«Տոնական ուսապարկեր Արցախի համար». Քիմ Քարդաշյանը կոչ է անում օգնել արցախցի երեխաներին
Քիմ Քարդաշյանի քույրը դարձել է 2020-ի ամենաբարձր վարձատրվող աստղը
Քիմ Քարդաշյանի անունով կեղծ էջ է բացվել. նպատակը տվյալներ գողանալն է
Բաքվի արվարձանում պայթյունի հետևանքով 8 մարդ Է տուժել

Բաքվի արվարձանում պայթյունի հետևանքով 8 մարդ է տուժել. տեսանյութ

136
(Թարմացված է 00:11 26.01.2021)
Պայթյունը տեղի է ունեցել բնակելի շենքում։ Տուժածներից մեկի վիճակը ծանր է։

ԵՐԵՎԱՆ, 25 հունվարի – Sputnik. Բաքվի արվարձաններից մեկում բնակելի շենքում տեղի ունեցած պայթյունի հետևանքով 8 մարդ Է տուժել։ Տեղեկությունը հայտնում է ՌԻԱ Նովոստին՝ վկայակոչելով դեպքի վայրում աշխատող բժիշկներին։

Ավելի վաղ Ադրբեջանի ԱԻՆ-ը հայտնել էր, որ պայթյունը տեղի է ունեցել Բաքվի արվարձանում գտնվող բնակելի շենքում․ փլատակների տակ կարող են մարդիկ լինել:

«Այս պահին տուժել է ութ մարդ, նրանցից մեկի վիճակը ծանր է»,- լրագրողներին հայտնել են բժիշկները:

Փլատակների տակից դուրս են բերվել 6 մարդ։ 

Որոնողա-փրկարարարական աշխատանքները շարունակվում են։

Նշենք, որ պայթյունի ալիքից կոտրվել են մոտակա տների լուսամուտների ապակիները։

Ֆիզուլիում ևս մեկ ադրբեջանցի զինծառայող է պայթել ականի վրա

 

136
թեգերը:
պայթյուն, Բաքու
Ըստ թեմայի
Ադրբեջանի տիրապետության տակ անցած արցախյան տարածքում բուլդոզերավար է պայթել ականի վրա
Մեղրիում ականի պայթյունի հետևանքով հրշեջ–փրկարարներից մեկը կորցրել է ոտքը
Ջաբրայիլում ականի վրա ևս մեկ ադրբեջանցի է պայթել. վնասվածքները ծանր են
Կոտրվել է սենյակներից մեկի պատուհանի ապակին, որտեղ այդ պահին երաժշտության դաս էր անցկացվում։

Կրակել են Մարսելի հայկական մշակութային կենտրոնի ուղղությամբ

200
(Թարմացված է 22:25 25.01.2021)
Կոտրվել է սենյակներից մեկի պատուհանի ապակին, որտեղ այդ պահին երաժշտության դաս էր անցկացվում։

ԵՐԵՎԱՆ, 25 հունվարի – Sputnik. Անհայտ անձը կրակոցներ է արձակել Մարսելի «Սուրբ Սահակ և Սուրբ Մեսրոպ» մշակույթի կենտրոնի ուղղությամբ։ «Հայերն այսօր»-ի հաղորդմամբ՝ դեպքը տեղի է ունեցել նախօրեին՝ հունվարի 24-ին՝ ժամը 18:40-ին:

«Սա հայկական ամենախորհրդանշական կենտրոններից մեկն է: Սրահում շաբաթական սովորում են ավելի քան 250 երեխա: Անհանգստությունս անսահման է: Վստահ եմ՝ կառավարությունը կերաշխավորի հետագա անվտանգ գործունեությունն ապահովելու համար: Մենք անկոտրում ենք», - պարբերականի հետ զրույցում ասել է «Աբովյան» վարժարանի նախագահ Կարեն Խուրշուդյանը:

Արձակված փամփուշտը կոտրել է երկրորդ հարկի պատուհանը, որտեղ այդ պահին դաշնամուրի դաս էր անցկացվում: Բարեբախտաբար, տուժածներ չկան:

Դեպքի առնչությամբ Մշակույթի կենտրոնի նախագահը բողոք է ներկայացրել ոստիկանություն: Ոստիկանության ծառայողներն արդեն այցելել են դեպքի վայր և ուսումնասիրել այն։

Հավելենք, որ Մշակույթի կենտրոնը հայկական կազմակերպությունների համակարգման կենտրոնակայանն է: Արցախյան պատերազմի օրերին այն համակարգում էր Մարսելից և երկրի հարավից դեպի Հայաստան ուղարկվող մարդասիրական օգնությունը:

Ադրբեջանը պատերազմում ՆԱՏՕ–ի զենք է կիրառել. ֆրանսիական AgoraVox

Պարբերականը հիշեցնում է, որ մինչ այս հարձակումը նմանօրինակ դեպքեր տեղի են ունեցել Բեռլինում, Սան Ֆրանցիսկոյում, Փարիզում և Դեսինում, պղծվել էին Կոմիտասի արձանը և Ցեղասպանության հուշահամալիրը: Այս գործողություններում ներգրավված էր «Գորշ գայլեր» թուրք ծայրահեղ ազգայնական խմբավորումը։

Հիշեցնենք՝ նոյեմբերին կազմակերպության գործունեությունը պաշտոնապես արգելվեց Ֆրանսիայի տարածքում:

200
թեգերը:
կրակոց, Սփյուռք, Մարսել
Ըստ թեմայի
Թուրքիան «չորանում է». Էրդողանը կոչ է արել կիսով չափ նվազեցնել ջրի օգտագործումը
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ
Եվրախորհրդարանը բանաձևով քննադատել է Թուրքիայի ապակայունացնող դերը ԼՂ–ում
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները