ԵՐԵՎԱՆ, 10 հունվարի - Sputnik. Ղրղզստանում կայացած նախագահական ընտրությունների քվեաթերթիկների 92 տոկոսի հաշվարկից հետո պարզ է դարձել, որ նախագահի թեկնածու Սադիր Ժապարովը հավաքել է ձայների 79 տոկոսը և հաղթում Է առաջին փուլում։ Տեղեկությունը հաղորդում Է Sputnik Ղրղզստանը՝ վկայակոչելով երկրի ԿԸՀ-ն:

© Sputnik / Asatur Yesayants

Հայաստանին, Բելառուսին ու Ղրղզստանին ամրության փորձություն բաժին հասավ․ Ստանիսլավ Զաս

Ըստ տվյալների ՝ Ժապարովի օգտին քվեարկել է 1 մլն 40 հազար մարդ։ Երկրորդ տեղում Ադահան Մադումարովն է ՝ 6,6 տոկոսով․ նրա օգտին քվեարկել է 86,5 հազար մարդ:

Ղրղըզստանում հունվարի 10-ին տեղի են ունեցել նախագահի արտահերթ ընտրություններ: Նախկին ընտրություններում ընտրված առաջնորդ Սոորոնբայ Ժեենբեկովը ստիպված էր հրաժարական տալ 2020 թվականի հոկտեմբերին զանգվածային բողոքների ֆոնին:

Երկրի գլխավոր պաշտոնին հավակնում էին 17 մարդ ՝ քաղաքական գործիչներ, պաշտոնյաներ, գործարարներ և ուժայիններ։ Հանրապետությունում և արտասահմանում նախագահական ընտրություններին կարող էին մասնակցել ավելի քան 3,5 մլն ղրղզներ:

ԵՐԵՎԱՆ, 25 հունվարի – Sputnik. ՀՀ առողջապահության նախարարությունը Pfizer դեղագործական ընկերության կողմից արտադրվող կորոնավիրուսային հիվանդության (COVID-19) դեմ պատվաստանյութ ձեռք բերելու նպատակով բանակցություններ չի տանում։ Տեղեկությունը հայտնել է ՀՀ առողջապահության նախարարությունը՝ պատասխանելով Sputnik Արմենիայի գրավոր հարցմանը։

Գերատեսչությունում նշել են նաև, որ այդ ընկերության պատվաստանյութով Իսրայելում COVID-19-ի դեմ պատվաստված բնակչության մոտ առաջացած կողմնակի ազդեցությունների, մասնավորապես կաթվածի ախտանշանների մասին առողջապահության նախարարությունը պաշտոնական տեղեկություն չունի։

Միաժամանակ նախարարությունում հրաժարվել են պարզաբանել՝ ում հետ են բանակցություններ տարվում պատվաստանյութ ձեռք բերելու նպատակով։

© AFP 2020 / KENZO TRIBOUILLARD

Իսրայելում «Pfizer» պատվաստանյութի ներարկումից հետո 13 մարդ դիմային կաթված են ստացել

Նշենք`հունվարի 20-ին հայտնի էր դարձել, որ ՀՀ առողջապահության նախարարությունը որոշում է կայացրել կորոնավիրուսի դեմ պատվաստանյութ գնել AstraZeneca բրիտանա–շվեդական ընկերությունից։ Այն հասանելի կլինի արդեն այս տարվա մարտից ու նախատեսված է բնակչության 3%-ի համար։

1-ին փուլում կպատվաստվեն տարեցների խնամքի կենտրոնների բնակիչները և աշխատակիցները, բուժաշխատողները, սոցիալական խնամքի կենտրոնների աշխատակիցները, 65 տարեկան և բարձր տարիքի անձինք, 16-ից 64 տարեկան խրոնիկ հիվանդները:

Հաջորդ փուլում կպատվաստվեն դասախոսները, ուսուցիչները, արտակարգ իրավիճակների նախարարության աշխատակիցները, զինծառայողները, արդարադատության ոլորտի աշխատակիցները, հանրային տրանսպորտի աշխատակիցները, պետական ծառայողները:

Պուտինն ասաց` ինչու մինչ այժմ չի պատվաստվել կորոնավիրուսի դեմ

ԱՆ հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, իմունականխարգելման ազգային ծրագրի ղեկավար Գայանե Սահակյանը հայտնել էր, որ հայկական կողմը կորոնավիրուսի դեմ չորս տեսակի (այդ թվում՝ ռուսական) հնարավոր մատակարարումների մասին բանակցություններ է տանում։ Նախատեսվում է պատվաստանյութ գնել Հայաստանի բնակչության 10%-ի՝ միայն ռիսկային խմբերի համար։

Հիշեցնենք՝ Հայաստանը որպես օգնություն ստացել է ռուսական «Սպուտնիկ V»-ի մի փոքր խմբաքանակ։ Դրանով պատվաստվել է նույնիսկ առողջապահության նախկին նախարար Արսեն Թորոսյանը։