Կործանված ինքնաթիռի ուղևորների հարազատները

Ինդոնեզիայում ուղևորատար ինքնաթիռ է կործանվել. առնվազն 50 զոհ կա

64
(Թարմացված է 18:33 09.01.2021)
Boeing 737−500 ինքնաթիռը Ջակարտայից ուղղություն է վերցրել դեպի Կալիմանտան կղզու ինդոնեզիական Պոնտիանակ քաղաք, սակայն շուտով ինքնաթիռի հետ կապը կորել է։

ԵՐԵՎԱՆ, 9 հունվարի - Sputnik. Ինդոնեզիական Sriwijaya Air ավիաընկերության ուղևորատար ինքնաթիռը, որում ավելի քան 50 ուղևոր կար, Ջակարտայից ոչ հեռու ջուրն է ընկել։ Արդեն գտնվել են ինքնաթիռի մնացորդներն ու զոհերի մարմինները, հայտնում է ՌԻԱ Նովոստին` հղում անելով «Սինխուա» գործակալությանը։

Flightradar24 ծառայության տվյալների համաձայն` Boeing 737−500 ինքնաթիռը Ջակարտայից ուղղություն է վերցրել դեպի ինդոնեզիական Պոնտիանակ քաղաքը Կալիմանտան կղզում, սակայն շուտով ինքնաթիռի հետ կապը կորել է։

CNN Indonesia-ի տվյալներով` օդ բարձրանալուց հետո լայները շարժվել է Ճավայի ծովի ուղղությամբ և հասցրել է երեք կիլոմետր բարձրություն հավաքել, ինչից հետո մոտ մեկ րոպեի ընթացքում իջել է գրեթե ծովի մակարդակին, ապա կապը կորել է։

Այն մասին, որ Ջակարտայից օդ բարձրանալուց 4 րոպե հետո ինքնաթիռը կտրուկ անկում է կատարել ավելի քանի 10 հազար ոտնաչափով, հայտնում է նաև Flightradar24-ը։

Տղամարդն ավիավթարից մի քանի րոպե առաջ մորը սելֆի է ուղարկել

Flightradar24–ի տվյալներով` չվերթն իրականացնում էր մի ինքնաթիռ, որի առաջին թռիչքը եղել է 1994 թ.-ին։

Ինդոնեզիայի տրանսպորտի նախարարությունը հաստատել է Ջակարտայից դեպի Պոնտիանակ SJ182 չվերթն իրականացնող ինքնաթիռի հետ կապի կորուստը։

Ձկնորսների գտած ինքնաթիռի ենթադրյալ մնացորդների և իրերի պատկանելությունը դեռ հաստատված չէ։

Ավիավթար ԱՄՆ–ում. օդաչուն մխրճվել է սեփական տան մեջ. տեսանյութ

64
թեգերը:
Ինդոնեզիա, Զոհ, ինքնաթիռ, ավիավթար
թեմա:
Վթար, պատահար, սպանություն, գողություն (2881)
Ըստ թեմայի
ԵԱՏՄ–ում կարող է ստեղծվել ավիավթարների հետաքննության կառույց
Ալմաթիում տեղի ունեցած ավիավթարի զոհերի թիվն աճում է. նորածինը ողջ է մնացել
Իրանում ավիավթարից մեկ օր առաջ ուկրաինական ինքնաթիռը Երևանում է եղել
Հայաստան է ժամանել Ռուսաստանի Դաշնության զինված ուժերի պատվիրակությունը

Հայաստան է ժամանել ՌԴ զինված ուժերի պատվիրակությունը. օրակարգը հայտնի է

7
(Թարմացված է 19:51 25.01.2021)
Անցկացվում են հայ-ռուսական երկկողմ ռազմական համագործակցության շտաբային բանակցություններ։

ԵՐԵՎԱՆ, 25 հունվարի – Sputnik. Այսօր Հայաստան է ժամանել Ռուսաստանի Դաշնության զինված ուժերի պատվիրակությունը։ Տեղեկությունը հայտնում է ՀՀ պաշտպանության նախարարության մամուլի ծառայությունը։

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Պատվիրակությունը գլխավորում է ՌԴ ԶՈւ գլխավոր շտաբի պետի տեղակալ, գեներալ-գնդապետ Սերգեյ Իստրակովը։ Այցի նպատակը հայ-ռուսական երկկողմ ռազմական համագործակցության բոլոր ուղղություններով շտաբային բանակցությունների մասնակցելն է։

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Այսօր արդեն պատվիրակության ղեկավարին ընդունել է ՀՀ պաշտպանության նախարար Վաղարշակ Հարությունյանը։

ՌԴ ԶՈւ գլխավոր շտաբի պետի տեղակալ Սերգեյ Իստրակովը հանդիպել է նաև ՀՀ զինված ուժերի գլխավոր շտաբի պետ, գեներալ-գնդապետ Օնիկ Գասպարյանի հետ:

Штабные переговоры по всем направлениям армяно-российского двустороннего военного сотрудничества (25 января 2021). Еревaн
Հայաստան է ժամանել Ռուսաստանի Դաշնության զինված ուժերի պատվիրակությունը

Հանդիպումների ընթացքում նախանշվել են առաջիկա աշխատանքների ծավալն ու ուղղությունները:

Դավիթ Տոնոյանն ասել է` որքանով է Ռուսաստանն աջակցել իր դաշնակից Հայաստանին

7
Глава МИД Армении Ара Айвазян перед началом заседания Комиссии парламента по внешним связям (14 января 2021). Еревaн

Արա Այվազյանն Արցախի հուշարձանների հարցը քննարկել է ՅՈՒՆԵՍԿՕ-ի գլխավոր տնօրենի հետ

8
(Թարմացված է 19:21 25.01.2021)
Նախարարն ընդգծել է Արցախի հայկական մշակութային ժառանգության համամարդկային կարևորությունը՝ անընդունելի համարելով դրանց պաշտպանության հարցի քաղաքականացումը և այդ գործընթացում արհեստական խոչընդոտներ ստեղծելու ադրբեջանական կողմի պրակտիկան:

ԵՐԵՎԱՆ, 25 հունվարի – Sputnik. ՀՀ ԱԳ նախարար Արա Այվազյանն այսօր հեռախոսազրույց է ունեցել ՅՈՒՆԵՍԿՕ-ի Գլխավոր տնօրեն Օդրի Ազուլեի հետ։ Տեղեկությունը հայտնում են ՀՀ ԱԳՆ մամուլի ծառայությունից։

Զրուցակիցներն հերթական անգամ անդրադարձ են կատարել ԼՂ հակամարտության գոտում հայկական պատմական, կրոնական ժառանգության պահպանման հարցերին և այդ համատեքստում ՅՈՒՆԵՍԿՕ-ի հետ համագործակցության հեռանկարներին: Նախարար Այվազյանը նշել է, որ հայկական պատմամշակութային կոթողները տարածաշրջանի հարուստ ժառանգության անբաժան մասն են կազմում՝ դրանց պաշտպանության ուղղությամբ ակնկալելով ՅՈՒՆԵՍԿՕ-ի ակտիվ ներգրավվածությունը:

Նախարար Այվազյանն ընդգծել է Արցախի՝ ադրբեջանական վերահսկողության ներքո հայտնված տարածքներում հայկական պատմամշակութային, կրոնական ժառանգության պահպանության ուղղությամբ քայլերի ձեռնարկման հրատապությունը, որն առավել ընդգծվում է հայկական ժառանգության դիտավորյալ ոչնչացման և դրանց ինքնության խեղաթյուրման ուղղությամբ ձեռնարկվող քայլերի ֆոնին։

Ողջունելով ՅՈՒՆԵՍԿՕ-ի փաստահավաք առաքելություն ուղարկելու որոշումը՝ Հայաստանի արտաքին քաղաքական գերատեսչության ղեկավարն ընդգծել է Արցախի հայկական մշակութային ժառանգության համամարդկային կարևորությունը՝ անընդունելի համարելով դրանց պաշտպանության հարցի քաղաքականացումը և այդ գործընթացում արհեստական խոչընդոտներ ստեղծելու ադրբեջանական կողմի պրակտիկան:

Ալիևը պատասխանել է ՅՈւՆԵՍԿՕ–ի՝ Արցախ փորձագետների խումբ ուղարկելու առաջարկին

Նշենք, որ տևական ժամանակ է ՅՈՒՆԵՍԿՕ–ն սպասում է Ադրբեջանի իշխանությունների համաձայնությանը` Ադրբեջանի վերահսկողության տակ անցած Արցախի տարածքների հուշարձանների ուսումնասիրության համար մասնագետների խումբ ուղարկելու համար։

8
թեգերը:
Ադրբեջան, Արա Այվազյան, ՅՈՒՆԵՍԿՕ, Հուշարձան, Լեռնային Ղարաբաղ, Արցախ
Ըստ թեմայի
Պետք չէ բարբարոսներից գթասրտություն ակնկալել. մշակութաբանը` ՅՈւՆԵՍԿՕ–ի առաջարկի մասին
ՀՀ ԱԳՆ պատասխանը ՅՈՒՆԵՍԿՕ–ին. Ադրբեջանը մեղադրանքը շուռ տալու քարոզչական փորձ է կիրառել
Բաքուն ՅՈւՆԵՍԿՕ-ին չի ենթարկվում․ ինչ պետք է անել Արցախի ժառանգությունը պահպանելու համար