Դոնալդ Թրամփ. արխիվային լուսանկար

Ոչ մի զիջում. Facebook-ը նույնպես արգելափակել է Թրամփի էջը

101
(Թարմացված է 22:41 07.01.2021)
Սոցցանցերի ղեկավարները դժգոհ են Թրամփի գործողություններից Կապիտոլիումի գրոհի համատեքստում։

ԵՐԵՎԱՆ, 7 հունվարի - Sputnik. Սոցցանցերը շարունակում են արգելափակել ԱՄՆ նախագահ Դոնալդ Թրամփի օգտահաշիվները։ Facebook-ի ղեկավարության որոշմամբ՝ Թրամփի՝ Facebook-ի և Instagram-ի էջերն առնվազն երկու շաբաթով արգելափակված կմնան, մինչև նրա նախագահության ժամկետն ավարտվի։

Ինչպես հայտարարել է աշխարհի խոշորագույն սոցիալական ցանցի հիմնադիր Մարկ Ցուկերբերգը Facebook-ի իր էջում, արգելափակումը կտևի այնքան, մինչև «իշխանության խաղաղ փոխանցումն ավարտվի», այսինքն՝ մինչև ԱՄՆ նորընտիր նախագահ Ջո Բայդենի երդմնակալությանը:

Ցուկերբերգը Թրամփին մեղադրել է ժողովրդավարական ճանապարհով ընտրված կառավարությանը տապալելու նպատակով Facebook-ը բռնության բորբոքման համար օգտագործելու մեջ։

Թրամփի կողմնակիցները շրջափակել են ԱՄՆ սենատի դահլիճը. բախումների հետևանքով կան տուժածներ

«Վերջին մի քանի տարիների ընթացքում մենք թույլ ենք տվել նախագահ Թրամփին օգտագործել այս հարթակը մեր սեփական կանոններին համապատասխան՝ երբեմն հեռացնելով բովանդակությունը կամ պիտակավորելով նրա գրառումները, երբ դրանք խախտում էին մեր քաղաքականությունը: Մենք դա արել ենք այն պատճառով, որ կարծում ենք՝ հասարակությունն իրավունք ունի հնարավորինս լայն հասանելիություն ունենալու քաղաքական խոսքին, նույնիսկ՝ վիճահարույց ելույթին։ Բայց ներկայիս իրավիճակը սկզբունքորեն այլ է. այն կապված է մեր հարթակը ժողովրդավարական ճանապարհով ընտրված կառավարության դեմ բռնի ապստամբություն հրահրելու համար օգտագործման հետ»,- գրել է Ցուկերբերգը։

Ավելի վաղ հայտնի էր դարձել, որ Twitter-ն անորոշ ժամանակով արգելափակել է Թրամփի հաշիվը: Միկրոբլոգների պորտալի ղեկավարությունը սպառնացել էր նրա օգտահաշիվն արգելափակել մշտական։ Պատճառը հրապարակված տեսանյութն էր, որում Թրամփը դիմել էր Կապիտոլիումի մոտ բողոքի ակցիայի մասնակիցներին, նրանց կոչ արել տուն գնալ և հայտարարել նրանցից «գողացված» ընտրությունների մասին:

Թրամփի կողմնակիցները փորձել են ներխուժել Կապիտոլիում. տեսանյութ

101
թեգերը:
Instagram, Facebook, Դոնալդ Թրամփ
Ըստ թեմայի
Հեռախոսային իրավունք․ Թրամփը վերջին ուժերն է մարտի նետում
Եվ այնուամենայնիվ Բայդենը․ ի՞նչը խանգարեց Թրամփին, որ ռևանշ վերցնի
Թրամփը փորձում է զավթել իշխանությունը. Սպիտակ տան աղբյուրներն ահազանգում են
Բաքվի արվարձանում պայթյունի հետևանքով 8 մարդ Է տուժել

Բաքվի արվարձանում պայթյունի հետևանքով 8 մարդ է տուժել. տեսանյութ

115
(Թարմացված է 00:11 26.01.2021)
Պայթյունը տեղի է ունեցել բնակելի շենքում։ Տուժածներից մեկի վիճակը ծանր է։

ԵՐԵՎԱՆ, 25 հունվարի – Sputnik. Բաքվի արվարձաններից մեկում բնակելի շենքում տեղի ունեցած պայթյունի հետևանքով 8 մարդ Է տուժել։ Տեղեկությունը հայտնում է ՌԻԱ Նովոստին՝ վկայակոչելով դեպքի վայրում աշխատող բժիշկներին։

Ավելի վաղ Ադրբեջանի ԱԻՆ-ը հայտնել էր, որ պայթյունը տեղի է ունեցել Բաքվի արվարձանում գտնվող բնակելի շենքում․ փլատակների տակ կարող են մարդիկ լինել:

«Այս պահին տուժել է ութ մարդ, նրանցից մեկի վիճակը ծանր է»,- լրագրողներին հայտնել են բժիշկները:

Փլատակների տակից դուրս են բերվել 6 մարդ։ 

Որոնողա-փրկարարարական աշխատանքները շարունակվում են։

Նշենք, որ պայթյունի ալիքից կոտրվել են մոտակա տների լուսամուտների ապակիները։

Ֆիզուլիում ևս մեկ ադրբեջանցի զինծառայող է պայթել ականի վրա

 

115
թեգերը:
պայթյուն, Բաքու
Ըստ թեմայի
Ադրբեջանի տիրապետության տակ անցած արցախյան տարածքում բուլդոզերավար է պայթել ականի վրա
Մեղրիում ականի պայթյունի հետևանքով հրշեջ–փրկարարներից մեկը կորցրել է ոտքը
Ջաբրայիլում ականի վրա ևս մեկ ադրբեջանցի է պայթել. վնասվածքները ծանր են
Կոտրվել է սենյակներից մեկի պատուհանի ապակին, որտեղ այդ պահին երաժշտության դաս էր անցկացվում։

Կրակել են Մարսելի հայկական մշակութային կենտրոնի ուղղությամբ

183
(Թարմացված է 22:25 25.01.2021)
Կոտրվել է սենյակներից մեկի պատուհանի ապակին, որտեղ այդ պահին երաժշտության դաս էր անցկացվում։

ԵՐԵՎԱՆ, 25 հունվարի – Sputnik. Անհայտ անձը կրակոցներ է արձակել Մարսելի «Սուրբ Սահակ և Սուրբ Մեսրոպ» մշակույթի կենտրոնի ուղղությամբ։ «Հայերն այսօր»-ի հաղորդմամբ՝ դեպքը տեղի է ունեցել նախօրեին՝ հունվարի 24-ին՝ ժամը 18:40-ին:

«Սա հայկական ամենախորհրդանշական կենտրոններից մեկն է: Սրահում շաբաթական սովորում են ավելի քան 250 երեխա: Անհանգստությունս անսահման է: Վստահ եմ՝ կառավարությունը կերաշխավորի հետագա անվտանգ գործունեությունն ապահովելու համար: Մենք անկոտրում ենք», - պարբերականի հետ զրույցում ասել է «Աբովյան» վարժարանի նախագահ Կարեն Խուրշուդյանը:

Արձակված փամփուշտը կոտրել է երկրորդ հարկի պատուհանը, որտեղ այդ պահին դաշնամուրի դաս էր անցկացվում: Բարեբախտաբար, տուժածներ չկան:

Դեպքի առնչությամբ Մշակույթի կենտրոնի նախագահը բողոք է ներկայացրել ոստիկանություն: Ոստիկանության ծառայողներն արդեն այցելել են դեպքի վայր և ուսումնասիրել այն։

Հավելենք, որ Մշակույթի կենտրոնը հայկական կազմակերպությունների համակարգման կենտրոնակայանն է: Արցախյան պատերազմի օրերին այն համակարգում էր Մարսելից և երկրի հարավից դեպի Հայաստան ուղարկվող մարդասիրական օգնությունը:

Ադրբեջանը պատերազմում ՆԱՏՕ–ի զենք է կիրառել. ֆրանսիական AgoraVox

Պարբերականը հիշեցնում է, որ մինչ այս հարձակումը նմանօրինակ դեպքեր տեղի են ունեցել Բեռլինում, Սան Ֆրանցիսկոյում, Փարիզում և Դեսինում, պղծվել էին Կոմիտասի արձանը և Ցեղասպանության հուշահամալիրը: Այս գործողություններում ներգրավված էր «Գորշ գայլեր» թուրք ծայրահեղ ազգայնական խմբավորումը։

Հիշեցնենք՝ նոյեմբերին կազմակերպության գործունեությունը պաշտոնապես արգելվեց Ֆրանսիայի տարածքում:

183
թեգերը:
կրակոց, Սփյուռք, Մարսել
Ըստ թեմայի
Թուրքիան «չորանում է». Էրդողանը կոչ է արել կիսով չափ նվազեցնել ջրի օգտագործումը
Ադրբեջանն ու Թուրքիան կրկին համատեղ զորավարժություններ կանցկացնեն. տեսանյութ
Եվրախորհրդարանը բանաձևով քննադատել է Թուրքիայի ապակայունացնող դերը ԼՂ–ում
Մերկասառույց

10 մեքենաներ արգելափակվել էին ձյան մեջ․ փրկարարներն օգնություն են ցուցաբերել

0
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։

ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։

«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։

Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։

Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։

0
թեգերը:
ավտոմեքենա, ձյուն, Ճանապարհ
թեմա:
Վթար, պատահար, սպանություն, գողություն
Ըստ թեմայի
Գորիս-Տաթև ճանապարհը բքի պատճառով փակ է
Մի քանի օր շարունակ ձյուն չի տեղա. եղանակի տեսություն
Առատ ձյուն, ավտոերթ, դատ, հերոս-եղբայրներ. շաբաթվա տպավորիչ լուսանկարները