Ջավադ Հովհաննիսյանը

Հայազգի նորարարը ապագայի շախմատ է ստեղծել. ո՞րն է նոր խաղի «գաղտնիքը» 

493
(Թարմացված է 23:47 05.01.2021)
Շախմատային կոմպոզիցիայի գծով ռուսաստանցի գրոսմայստեր Օլեգ Պերվակովի կարծիքով` Ջավադ Հովհաննիսյանի մշակած նոր կանոնների շնորհիվ խաղի դրամատուրգիան ավելի անկանխատեսելի և խորը կլինի։

Լիլիթ Հարությունյան, Sputnik Արմենիա

Ավանդական շախմատը շատերին արդեն միապաղաղ է թվում։ Խաղին թարմ շունչ հաղորդելու համար նորարար Ջավադ Հովհաննիսյանը բավական հետաքրքրաշարժ կանոններ է մշակել։

Ըստ նրա` դեբյուտների նոր տարբերակների առաջացումն արդեն գրեթե անհնար է, ամեն ինչ հաշվարկված է այս խաղում։

Автор идеи модернизированных шахмат Джавад Ованнисян
© Sputnik / Andranik Ghazaryan
Ջավադ Հովհաննիսյանը

«Ներկայումս դեբյուտները վարժեցված քայլերով են ուղեկցվում, որոնք այնքան ծանոթ են շախմատի բոլոր սիրահարներին, որ չեն կարող զարմացնել նրանց։ Դասական շախմատն իրեն սպառել է։ Հարյուր տարի առաջ խաղի ներկայիս տարբերակն արդիական էր, իսկ այսօր ամեն ինչ համակարգիչն է հաշվարկում», – ասում է Հովհաննիսյանը։

Նա կարծում է, որ շախմատային աշխարհի «բնակիչները» նոր դերերի համար բավական հասունացել են։ Իր մշակած կանոնները հին խաղին սուր զգացողություններ կհաղորդեն և նոր հնարավորություններ կբացեն անսպասելի կոմբինացիաների համար։

Շախմատային հետախուզական խումբ

Հովհաննիսյանի կարծիքով` եթե ելնենք նրանից, որ շախմատի տախտակը մարտի դաշտ է, ապա ո՞ւր մնաց  հետախուզությունը, առանց որի պատերազմ չի լինում։

Նրա մտքի նորարարությունն այն է, որ յուրաքանչյուր խաղաքարի տակ նշվում է նրա հատուկ նշանը` նավակ, թագուհի, փիղ կամ ձի։ Այդ դեպքում միմյանցից ոչ մի բանով չտարբերվող զինվորները տարբեր կարգավիճակներ են ստանում և «անհատներ» դառնում։

«Դասական շախմատի կանոններով, զինվորը վերջին հորիզոնականին հասնելով, թագուհու է վերածվում։ Իսկ իմ տարբերակում այն կարող է վերածվել միայն այն խաղաքարի, որի խորհրդանիշը նշված է նրա տակ։ Ընդ որում, յուրաքանչյուր խաղաքարի խորհրդանիշը հակառակորդին չի երևում», – ասում է Ջավադը։

Զինվորներն այս համատեքստում «գաղտնի գործակալներ են», որոնք նաև միմյանց հետ փոխվելու իրավունք ունեն։ Օրինակ՝ տեսնելով, որ հակառակորդը մտադիր է վերցնել ձեր արժեքավոր զինվորին, դուք կարող եք տեղերով փոխել այն մեկ այլ` ավելի  պակաս արժեքավոր զինվորի հետ` նրան զիջելով հակառակորդին։

Բացի այդ, համակարգչային միջամտությունը նվազագույնի կհասցվի, չէ՞ որ զինվորների տակ թաքնված խորհրդանիշերի մասին տեղեկությանը չտիրապետելով՝ համակարգչին դժվար կլինի վերլուծել իրավիճակի զարգացումն ու տարբերակներ առաջարկել։

Թագավորը ձիու վրա

Ջավադ Հովհաննիսյանն առաջարկում է  էնդշպիլում գերուժով օժտել նաև թագավորին։ Խաղացողը կկարողանա անել դա, եթե վերջին հորիզոնական է հասնում ձիու խորհրդանիշով իր զինվորը։

Այդ դեպքում թագավորը միաժամանակ ստանում է և՛ թագուհու, և՛ ձիու քայլերը` դառնալով խաղի ամենաունիվերսալ խաղաքարը։

Модернизированные шахматы Джавада Ованнисяна, где каждая пешка имеет свой знак
© Sputnik / Andranik Ghazaryan
Ջավադ Հովհաննիսյանի ստեղծած շախմատը

«Ի՞նչ թագավոր առանց ձիու։ Խաղի սկզբում նա լավ պաշտպանված է, բայց էնդշպիլում, կորցնելով զորքին, նա պետք է կարողանա ինքնապաշտպանվել։ Իսկ երբ «թագավորը» հայտնվում է ձիու վրա, գերուժեղ խաղաքար է դառնում, որը կարող է փոխել խաղի ընթացքը։ Նման թագավորին մատ անելը շատ դժվար կլինի, այն դեպքում, երբ նա միայնակ կարող է հաղթել ձիու վրա չհայտնված իր հակառակորդին», – ասում է գաղափարի հեղինակը։

Ապագայի շախմատ

Նոր շախմատին արդեն ծանոթացել  են ոլորտի մի շարք ներկայացուցիչներ, այդ թվում ռուսաստանցի շախմատային կոմպոզիտոր, շախմատային կոմպոզիցիայի գծով գրոսմայստեր Օլեգ Պերվակովը։ Հովհաննիսյանի մշակումների վերաբերյալ նա նշել է՝  նոր շախմատը մեծ ապագա ունի։

Модернизированные шахматы Джавада Ованнисяна, где каждая пешка имеет свой знак
© Sputnik / Andranik Ghazaryan
Ջավադ Հովհաննիսյանի ստեղծած շախմատը

«Շախմատը, որում զինվորը հանդես է գալիս որպես «անսպասելի ֆիգուր» և որտեղ կրիտիկական պահին, ինչպես և իրական պատերազմում, նախ անհրաժեշտ է հետախուզում իրականացնել՝ պարզելու համար զինվորի «դեմքը», հետաքրքրություն չառաջացնել չի կարող։ Խաղի դրամատուրգիան ավելի անկանխատեսելի և խորը կդառնա։ Արագ շախմատն ու բլիցն էլ ավելի վառ գույներ կստանան։ Խաղը, որում հետախուզում է գործում, խորհրդավոր և մեծամասամբ անկանխատեսելի է դառնում», – մի քանի տարի առաջ գրել է նա Ջավադ Հովհաննիսյանին։

Հայ շախմատիստի մասին հարցն օգնեց լրագրողին գումար շահել ռուսական «Ինչ, որտեղ, երբ»- ում

Հայտնի շախմատիստ, միջազգային վարպետ, Հայաստանի և ՖԻԴԵ–ի վաստակավոր մարզիչ Աշոտ Նադանյանն իր հերթին գրել է. «Մարդկային չափանիշներով շախմատն արդեն հասել է իր զառամյալ տարիքին և, ցավոք, նրան անխուսափելի վախճան է սպասում։ Եվ այդ համատեքստում Ջավադ Հովհաննիսյանի նոր շախմատը կարող է հին խաղի ռեինկարնացիա լինել, դառնալ նրա ապագան»։

Модернизированные шахматы Джавада Ованнисяна, где каждая пешка имеет свой знак
© Sputnik / Andranik Ghazaryan
Ջավադ Հովհաննիսյանի ստեղծած շախմատը

Նորարարը հպարտությամբ նշում է, որ անցած տարի Հայաստանի նախագահ Արմեն Սարգսյանը ևս հետաքրքրվել է արդիականացված շախմատով։ Մասնավորապես նա նշել է, որ այս խաղը կարող է հայկական ապրանքանիշի կարևոր տարր դառնալ։

493
թեգերը:
Ռուսաստան, հայ, շախմատիստ, շախմատ
Ըստ թեմայի
Էլի վատ չէ. հայ գիտնականներն ԱԹՍ–ից «չվախեցող» ներկ են ստեղծել
Օգնո՞ւմ է վիտամին D-ն կորոնավիրուսի դեմ պայքարում. մեկնաբանում են գիտնականները
Գիտնականները նշել են COVID-19 վարակի վտանգը նվազեցնող լավագույն դիետան
Երևան—Մեղրի ճանապարհ

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

97
(Թարմացված է 00:36 28.01.2021)
Ճանապարհների ապաշրջափակումը, Քոչարյանի խոսքով, նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար։

ԵՐԵՎԱՆ, 28 հունվարի – Sputnik. Ճանապարհների վերաբացման հարցը Արցախյան կարգավորման գործընթացում միշտ եղել է այն վերջին ակորդը, որին կողմերը պետք է հասնեին միայն մնացած խնդիրները, այդ թվում՝ Արցախի կարգավիճակի հարցը լուծելուց հետո:

Այսօր հայաստանյան մի քանի կայքերին տված հարցազրույցում նման հայտարարություն արեց ՀՀ երկրորդ նախագահ Ռոբերտ Քոչարյանը:

Այդուհանդերձ, Ռոբերտ Քոչարյանն այս հեռանկարից որոշակի մտավախություններ ունի:

 «Ամենամեծ խնդիրը հետևյալն է՝ Մեղրիի հատվածը վերահսկվելու է ռուս սահմանապահների կողմից, իսկ մնացած հատվածի վրա մենք որևէ ազդեցություն չենք ունենալու: Մինչև Ռուսաստան մոտ 850 կմ է, որից ընդամենը 47 կմ-ն է Մեղրիի հատվածը: Եվ Ադրբեջանը կարող է ուղղակի տարիֆային քաղաքականությամբ այնպես անել, որ այդ երկաթուղուց օգտվելը անիմաստ լինի ընդհանրապես: Իսկ քո 47 կմ-ով դու որևէ հարց չես կարող լուծել, հատկապես, որ այն քո վերահսկողության տակ չի գտնվում»,- ասաց Քոչարյանը:

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

Նրա խոսքով` Ադրբեջանն ունի այն, ինչին ձգտել է, ունի նաև կոմունիկացիաներից օգտվելու լծակ: Իսկ հայկական կողմը ունի հույս, որ ճանապարհները կաշխատեն, բայց չունի որևէ լծակ:

 Բացի այդ, ըստ Քոչարյանի, ճանապարհների ապաշրջափակումը նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար՝ ի դեմս ադրբեջանական ու թուրքական էժան արտադրանքի: Այդ խնդիրներին դիմակայելու ու դրանք հաղթահարելու համար, ըստ Քոչարյանի, ՀՀ իշխանությունը պետք է լուրջ միջոցներ ձեռնարկի ներքին շուկան պաշտպանելու համար:

«Պետք է փոխվի սուբսիդավորման քաղաքականությունը, հակառակ դեպքում մենք ուղղակի անմրցունակ ենք լինելու: Հարյուրավոր, հազարավոր ֆերմերային տնտեսություններ կարող են քայքայվել և հարյուրավոր բիզնեսներ ուղղակի անիմաստ են դառնալու»,- ասաց երկրորդ նախագահը:

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ, որի առաջին հանդիպումը կանցկացվի մինչև 2021 թ.-ի հունվարի 30-ը։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

97
թեգերը:
Եռակողմ հայտարարություն, ապաշրջափակում, Ճանապարհ, Մեղրի, Ռոբերտ Քոչարյան
Ըստ թեմայի
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Արցախում ամեն օր նոր տարածքային կորուստներ են գրանցվում. Քոչարյան
 Կաննի կինոփառատոն

Կաննի կինոփառատոնը կրկին հետաձգվեց

6
(Թարմացված է 22:24 27.01.2021)
Ֆրանսիայում տիրող համաճարակային իրավիճակի պատճառով կազմակերպիչները որոշել են հետաձգել կինոփառատոնը։

ԵՐԵՎԱՆ, 27 հունվարի – Sputnik. Կաննի կինոփառատոնը, որը նախատեսվում էր անցկացնել մայիսին, տեղափոխել են հուլիս։  Տեղեկությունը հրապարակված է փառատոնի Twitter–ի էջում։

Նշվում է, որ իսկզբանե 2021 թվականի մայիսի 11-22-ը նախատեսված կինոփառատոնն այժմ կանցկացվի 2021 թվականի հուլիսի 6-17-ը։

Հետաձգման պատճառը կորոնավիրուսի համավարակն է։

Կաննի միջազգային կինոփառատոնը (Festival international du film de Cannes) կինեմատոգրաֆիայի ամենամյա փառատոն է, աշխարհում ամենահին ու հեղինակավոր փառատոներից մեկը։ Միջոցառումը սովորաբար անցկացվում է մայիսի վերջին Կաննում (Ֆրանսիա)` փառատոների և կոնգրեսների պալատում։

6
թեգերը:
համավարակ, կորոնավիրուս, Ֆրանսիա, Կաննի կինոփառատոն
Ըստ թեմայի
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները
Հայ ռեժիսորի ֆիլմը ներկայացված է Կաննի փառատոնին
Հայերը ֆրանսերեն են սովորել, ֆրանսիացիները` սիրահարվել Արցախին. ֆիլմ, որն ընտրեց Կաննը
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

87
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

87
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան