Կապիտոլիում

«Սոլեյմանիի վրեժը կլուծվի»․ անհայտ անձիք սպառնացել են ինքնաթիռով մխրճվել Կապիտոլիումի մեջ

188
(Թարմացված է 15:59 06.01.2021)
ՀԴԲ-ն հայտարարել է, որ լուրջ է վերաբերվում հասարակական անվտանգության դեմ ուղղված բոլոր սպառնալիքներին:

ԵՐԵՎԱՆ, 6 հունվարի – Sputnik. Նյու Յորքում մի քանի ավիակարգավարներ ձայնագրություն են լսել, որի հեղինակները սպառնացել են ինքնաթիռով մխրճվել Կապիտոլիումի մեջ և վրեժ լուծել իրանցի գեներալ Ղասեմ Սոլեյմանիի մահվան համար։ Տեղեկությունը հայտնում է ՌԻԱ Նովոստին՝ հղում անելով CBS News-ին:

«Չորեքշաբթի մենք ինքնաթիռով կներխուժենք Կապիտոլիում։ Սոլեյմանիի վրեժը կլուծվի»,-մեջբերում է հեռուստաալիքը այն արտահայտությունը, որը կարգավարները լսել են երկու օր առաջ։

Հեռուստաալիքի տվյալներով` թեև իշխանությունները հարձակման այդ սպառնալիքը հավանական չեն համարում, այդուհանդերձ հետաքննում են ավիացիոն հաճախականությունների օգտագործման փաստը։ Իրավիճակն անհանգստություն է առաջացնում, քանի որ կարող է օդաչուներին առնչվել։

Հեռուստաալիքի աղբյուրներն ասել են, որ երեկ կարգավարներին հաղորդագրություն է ուղարկվել՝ ցանկացած սպառնալիքի կամ թռիչքի հետագծից շեղված ինքնաթիռի մասին անհապաղ զեկուցելու անհրաժեշտության մասին հիշեցումով։

ՀԴԲ-ն չի մեկնաբանել այս տեղեկությունը և միայն հայտարարել է, որ լուրջ է վերաբերվում հասարակական անվտանգության դեմ ուղղված բոլոր սպառնալիքներին: ԱՄՆ քաղաքացիական ավիացիայի դաշնային վարչությունից հեռուստաալիքին հայտնել են, որ կապի մեջ են իրավապահ մարմինների հետ։

Աղբյուրների խոսքով՝ անհայտ անձանց հնչեցրած օրը պատահական չի ընտրվել. չորեքշաբթի Կոնգրեսը պետք է հաստատի նախագահական ընտրությունների արդյունքները։

Հիշեցնենք` 2020թ. հունվարի 3-ի գիշերը ԱՄՆ-ն Բաղդադի միջազգային օդանավակայանի շրջանում իրանցի գեներալ, Իսլամական հեղափոխության պահապանների կորպուսի (ԻՀՊԿ) հատուկ ստորաբաժանման հրամանատար Ղասեմ Սոլեյմանիի և «Ալ-Հաշդ աշ-Շաաբի» ղեկավարի տեղակալ Աբու Մահդի ալ-Մուհանդիսի ոչնչացման գործողություն իրականացրեց: Վաշինգտոնում համարում էին, որ նրանք մասնակցել են եղել 2019 թ․-ի դեկտեմբերի 31-ին Բաղդադում ԱՄՆ դեսպանատան վրա հարձակման կազմակերպմանը։ Իրանը ի պատասխան հարվածներ հասցրեց Իրաքի ամերիկյան ռազմակայանին։

Թեհրանը Սոլեյմանիի սպանության համար վրեժխնդիր լինելու 13 սցենար ունի

188
թեգերը:
Ղասեմ Սոլեյմանի, ԱՄՆ
Ըստ թեմայի
Իրան-Հայաստան գազամուղը կշահագործվի լիարժեք կարողությամբ. ՀՀ պատվիրակությունն Իրանում էր
Իրանի դեսպանը ՀՀ էկոնոմիկայի նախարարին առաջարկել է ճանապարհային քարտեզ մշակել
Հայաստանում թուրքական ապրանքները կփոխարինվեն իրանականո՞վ

24 տարի միասին. Գարիկ Մարտիրոսյանի կինը լուսանկար է հրապարակել

1
Զույգի հետևորդները բազմաթիվ շնորհավորանքներ են գրել ու նրանց երկար տարիների միություն մաղթել։

ԵՐԵՎԱՆ, 21 հունվարի - Sputnik. Ճանաչված շոումեն, երգիծաբան Գարիկ Մարտիրոսյանը և նրա կինը` Ժաննա Լևինան, արդեն 24 տարի է, ինչ միասին են։ Այս մասին Ժաննան գրել է Instagram–ի իր էջում ու լուսանկար հրապարակել։

«Այսօր ուղիղ 24 տարի եղավ, որ մենք ծանոթացել ենք»,–գրել է երգիծաբանի կինը։

Посмотреть эту публикацию в Instagram

Публикация от Zhanna Levina/Martirosyan (@jannalevina_martirosyan)

Զույգի հետևորդները բազմաթիվ շնորհավորանքներ են գրել ու նրանց երկար տարիների միություն մաղթել։

«Ամենասիրածս զույգը, շնորհավոր»,«Երջանիկ եղեք», «Ինչ լավն եք, փայլում եք»,–գրել են նրանք։

Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվեց նրանց դուստր Ժասմինը։ Որդին` Դանիելը, լույս աշխարհ եկավ 2009 թվականի հոկտեմբերին։

«Ուշագրավ պատմություն է». Սոբչակը նկատել է, որ Գարիկ Մարտիրոսյանը «Ազերչայ» չի խմում

1
թեգերը:
Ժաննա Լևինա, ամուսնություն, Լուսանկար, Գարիկ Մարտիրոսյան
Ըստ թեմայի
«Նրբագեղ մողեսիկը»․ Գարիկ Մարտիրոսյանի կինը պարծենում է իր գեղեցիկ ոտքերով
«Պարզապես հրաշալի է». Գարիկ Մարտիրոսյանի կինը ցույց է տվել, թե ում հետ է «զվարճանում»
Նա ապրում էր սևահեր կնոջ հետ. Գարիկ Մարտիրոսյանի կինը արխիվային լուսանկար է հրապարակել
Ջո Բայդեն

Բայդենն ասել է, որ Թրամփը «մեծահոգի» գրություն է թողել

15
(Թարմացված է 17:08 21.01.2021)
ԱՄՆ-ում ավանդույթ կա` երդմնակալության օրը պաշտոնը լքող նախագահը լավագույն մաղթանքներով ու խորհուրդներով նամակ է թողնում հաջորդ նախագահին: Սովորաբար նամակը թողնում են օվալաձև աշխատասենյակի սեղանին։

ԵՐԵՎԱՆ, 21 հունվարի – Sputnik. ԱՄՆ նախագահ Ջո Բայդենը հայտնել է, որ նախկին նախագահ Դոնալդ Թրամփն իրեն «մեծահոգի» նամակ է թողել։ Տեղեկությունը հաղորդում է ՌԻԱ Նովոստին։

«Նամակն անձնական է, ես դրա մասին չեմ խոսի, մինչև չզրուցեմ նրա հետ»,-ասել է Բայդենը։

Բայդենի հայտարարությունը հավանաբար հատկապես զարմացրել է նրանց, ովքեր երեկ սոցցանցերում ենթադրություններ էին անում, որ Թրամփը, ամենայն հավանականությամբ, Բայդենին ուղղված երկտողում վատ բաներ է գրել։

Հիշեցնենք` նոյեմբերի 3-ին ԱՄՆ-ում նախագահական ընտրություններ տեղի ունեցան։ Պետության ղեկավարի պաշտոնի հիմնական հավակնորդներն էին դեմոկրատ Ջո Բայդենը և գործող նախագահ, հանրապետական Դոնալդ Թրամփը: Համաժողովրդական քվեարկության և ընտրիչների քվեարկության արդյունքներով հաղթել էր Բայդենը, սակայն Թրամփը չէր ընդունում ընտրությունների արդյունքները և վիճարկում էր դրանք դատարաններում:

«Չի կարելի ժամանակ կորցնել». Բայդենն առաջին գրառումն է արել ԱՄՆ նախագահի Twitter-յան էջում

Հունվարի 6-ին ԱՄՆ գործող նախագահ Դոնալդ Թրամփի կողմնակիցները ներխուժեցին ԱՄՆ Կոնգրեսի շենք՝ ընդհատելով նիստը, որի ընթացքում պետք է հաստատվեին ընտրությունների արդյունքները: Դրանից հետո ԱՄՆ Կոնգրեսը պաշտոնապես հաստատեց Բայդենի հաղթանակը, Թրամփը դատապարտեց Կապիտոլիումում տեղի ունեցած իրադարձություններն ու խոստացավ երաշխավորել իշխանության խաղաղ փոխանցումը:

Ջո Բայդենն ու Կամալա Հարիսը երեկ երդվեցին ու ստանձնեցին ԱՄՆ նախագահի և փոխնախագահի պաշտոնները։

15
թեգերը:
նամակ, Դոնալդ Թրամփ, Ջո Բայդեն, ԱՄՆ
Ըստ թեմայի
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
Հեռացող Թրամփն ու երդմնակալության պատրաստվող Սպիտակ տունը. լուսանկարներ
Թրամփը 73 մարդու ներում է շնորհել. ինքն ու իր ընտանիքի անդամներն այդ ցանկում չկան