Ժողովուրդը հաշվետվություն է պահանջում. Արամ Ա–ն ուղերձով է հանդես եկել
(Թարմացված է 13:43 01.01.2021)
Ամանորի իր ուղերձում Արամն Ա–ն նշել է, որ ժողովուրդն այժմ մերժում է ներսից և դրսից իրեն պարտադրված որևէ համաձայնագիր, որը վտանգում է իր գոյության և ինքնության հիմքերը, իր հայրենիքի անկախությունը։ԵՐԵՎԱՆ, 1 հունվարի – Sputnik. Այն, ինչ տեղի ունեցավ Արցախում, չի կարելի մոռացության քողի տակ պահել և մեր կյանքի բնական ընթացքը շարունակել։ Ժողովուրդը հաշվետվություն է պահանջում։ Ամանորի իր ուղերձում ասել է Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը։
«Սակայն հայրենիքի տերն անձերից ու իշխանություններից առաջ մեր ժողովուրդն է, նրա ճակատագիրը, ներկան ու ապագան որոշողը նույնպես ժողովուրդն է։ Ժողովուրդն այժմ մերժում է ներսից և դրսից իրեն պարտադրված որևէ համաձայնագիր, որը վտանգում է իր գոյության և ինքնության հիմքերը, իր հայրենիքի անկախությունը»,–ասում է նա։
Արամ Ա-ն շեշտում է, որ մեր աղոթքներով ու նահատակների արյամբ թրծված Արցախի և Հայաստանի հողերը, մեր ժողովրդի ազատ ու անկախ ապրելու իրավունքը չեն կարող քաղաքական սակարկության և աշխարհաքաղաքական շահերի զոհ դառնալ։
Արամ Առաջինն ասում է նաև, որ վտանգներով ու անկանխատեսելի հետևանքներով ճգնաժամային այս իրավիճակում ճիշտ չէ անտարբեր մնալ, ճիշտ չէ պարտված լինելու հոգեվիճակին գերին դառնալ։
Արամ Ա կաթողիկոսը 2021 թվականը հռչակել է Արցախի տարի
Նրա խոսքով` անհրաժեշտ է հեռու մնալ Հայաստանում և Արցախում ներքին բևեռացումներն ու անկայունությունը խորացնող քայլերից, և հավատով ու հույսով շաղախված նոր էջ բացել մեր կյանքում։ Սա է ներկայի հրամայականը։
«Սգի քողը թող վերանա մեր կյանքից և մեր նահատակների արյունով շաղախված հույսի և սիրո ծիածանը թող կամար կապի մեր երկնքում։ Սգի թափորի փոխարեն մենք կոչված ենք հաղթանակի երթ կազմակերպելու և առաջ քայլելու կողք կողքի»,–ասել է կաթողիկոսն իր ուղերձում։
«Հետևեք` ինչ է կատարվում Բաքվում». Արամ Ա–ն հորդորով դիմել է հայերին
Արամ Ա–ն մաղթել է, որ Աստված մեր նահատակ հերոսներին երկնային խաղաղություն պարգևի, վիրավորներին և բոլոր հիվանդներին՝ շուտափույթ ապաքինում, սգավոր ընտանիքներին՝ մխիթարություն, Հայաստանին ու Արցախին՝ ապահովություն։
Բաքվի արվարձանում պայթյունի հետևանքով 8 մարդ է տուժել. տեսանյութ
(Թարմացված է 00:11 26.01.2021)
Պայթյունը տեղի է ունեցել բնակելի շենքում։ Տուժածներից մեկի վիճակը ծանր է։
ԵՐԵՎԱՆ, 25 հունվարի – Sputnik. Բաքվի արվարձաններից մեկում բնակելի շենքում տեղի ունեցած պայթյունի հետևանքով 8 մարդ Է տուժել։ Տեղեկությունը հայտնում է ՌԻԱ Նովոստին՝ վկայակոչելով դեպքի վայրում աշխատող բժիշկներին։
Ավելի վաղ Ադրբեջանի ԱԻՆ-ը հայտնել էր, որ պայթյունը տեղի է ունեցել Բաքվի արվարձանում գտնվող բնակելի շենքում․ փլատակների տակ կարող են մարդիկ լինել:
«Այս պահին տուժել է ութ մարդ, նրանցից մեկի վիճակը ծանր է»,- լրագրողներին հայտնել են բժիշկները:
Փլատակների տակից դուրս են բերվել 6 մարդ։
Որոնողա-փրկարարարական աշխատանքները շարունակվում են։
Նշենք, որ պայթյունի ալիքից կոտրվել են մոտակա տների լուսամուտների ապակիները։
Ֆիզուլիում ևս մեկ ադրբեջանցի զինծառայող է պայթել ականի վրա
Կրակել են Մարսելի հայկական մշակութային կենտրոնի ուղղությամբ
(Թարմացված է 22:25 25.01.2021)
Կոտրվել է սենյակներից մեկի պատուհանի ապակին, որտեղ այդ պահին երաժշտության դաս էր անցկացվում։
ԵՐԵՎԱՆ, 25 հունվարի – Sputnik. Անհայտ անձը կրակոցներ է արձակել Մարսելի «Սուրբ Սահակ և Սուրբ Մեսրոպ» մշակույթի կենտրոնի ուղղությամբ։ «Հայերն այսօր»-ի հաղորդմամբ՝ դեպքը տեղի է ունեցել նախօրեին՝ հունվարի 24-ին՝ ժամը 18:40-ին:
«Սա հայկական ամենախորհրդանշական կենտրոններից մեկն է: Սրահում շաբաթական սովորում են ավելի քան 250 երեխա: Անհանգստությունս անսահման է: Վստահ եմ՝ կառավարությունը կերաշխավորի հետագա անվտանգ գործունեությունն ապահովելու համար: Մենք անկոտրում ենք», - պարբերականի հետ զրույցում ասել է «Աբովյան» վարժարանի նախագահ Կարեն Խուրշուդյանը:
Արձակված փամփուշտը կոտրել է երկրորդ հարկի պատուհանը, որտեղ այդ պահին դաշնամուրի դաս էր անցկացվում: Բարեբախտաբար, տուժածներ չկան:
Դեպքի առնչությամբ Մշակույթի կենտրոնի նախագահը բողոք է ներկայացրել ոստիկանություն: Ոստիկանության ծառայողներն արդեն այցելել են դեպքի վայր և ուսումնասիրել այն։
Հավելենք, որ Մշակույթի կենտրոնը հայկական կազմակերպությունների համակարգման կենտրոնակայանն է: Արցախյան պատերազմի օրերին այն համակարգում էր Մարսելից և երկրի հարավից դեպի Հայաստան ուղարկվող մարդասիրական օգնությունը:
Ադրբեջանը պատերազմում ՆԱՏՕ–ի զենք է կիրառել. ֆրանսիական AgoraVox
Պարբերականը հիշեցնում է, որ մինչ այս հարձակումը նմանօրինակ դեպքեր տեղի են ունեցել Բեռլինում, Սան Ֆրանցիսկոյում, Փարիզում և Դեսինում, պղծվել էին Կոմիտասի արձանը և Ցեղասպանության հուշահամալիրը: Այս գործողություններում ներգրավված էր «Գորշ գայլեր» թուրք ծայրահեղ ազգայնական խմբավորումը։
Հիշեցնենք՝ նոյեմբերին կազմակերպության գործունեությունը պաշտոնապես արգելվեց Ֆրանսիայի տարածքում:
10 մեքենաներ արգելափակվել էին ձյան մեջ․ փրկարարներն օգնություն են ցուցաբերել
(Թարմացված է 00:04 26.01.2021)
Արգելափակված մեքենաները եղել են Գեղարքունիքի, Արագածոտնի և Կոտայքի մարզերում։
ԵՐԵՎԱՆ, 26 հունվարի – Sputnik. Վերջին մեկ օրվա ընթացքում փրկարարները հանրապետության տարբեր հատվածներում արգելափակումից մեքենաներ են դուրս բերել։ Տեղեկությունը հայտնում է ԱԻՆ մամուլի ծառայությունը։
«Հունվարի 24-ից 25-ն ԱԻՆ ՓԾ ճգնաժամային կառավարման ազգային կենտրոնում 10 ահազանգ է ստացվել հանրապետության տարբեր տարածքներում ձյան մեջ արգելափակված ավտոմեքենաների վերաբերյալ»,- նշված է հաղորդագրության մեջ։
Մասնավորապես, արգելափակված մեքենաները եղել են Գեղարքունիքի մարզի Գավառ, Վարդենիս, Վայոց ձորի մարզի Ջերմուկ, Արագածոտնի մարզի Ապարան քաղաքներում, Ջամշլու գյուղում, Կոտայքի մարզի Գեղարդ գյուղում, Ալագյազ-Վարդաբլուր ավտոճանապարհին։
Դեպքի վայր ժամանած փրկարարներն արգելափակումից դուրս են բերել 10 ավտոմեքենա։ 9 քաղաքացու ցուցաբերվել է համապատասխան օգնություն։