Պիեռ Կարդեն

Մահացել է Պիեռ Կարդենը

82
(Թարմացված է 16:19 29.12.2020)
Աշխարհահռչակ դիզայները 98 տարեկան էր։

ԵՐԵՎԱՆ, 29 դեկտեմբերի – Sputnik. Կյանքից հեռացել է նորաձևության աշխարհի կարկառուն դեմքերից մեկը` Պիեռ Կարդենը։ Տեղեկությունը հայտնում է AFP–ն։ Կարդենը 98 տարեկան էր դարձել այս տարվա հուլիսին։ 

​Նա մահացել է Փարիզի արևմուտքում գտնվող հիվանդանոցում։

Պիեռ Կարդենը 14 տարեկանից ուսումնասիրել է շինարարության և նորաձևության հիմունքները: 1939 թվականին տանից հեռանալով, մեկնել է Վիշի, որտեղ աշխատել է որպես դերձակ` կարելով հագուստներ հիմնականում կանանց համար: Երկրորդ համաշխարհային պատերազմի տարիներին աշխատել է Կարմիր խաչում: Պատերազմից հետո, 1945 թվականին տեղափոխվել է Փարիզ, որտեղ ուսումնասիրել է ճարտարապետություն և աշխատել նկարիչ-ձևավորող Ժաննա Պակենի նորաձևության տանը: Նա աշխատել է նաև Էլզա Սկիապարելլիի հետ, իսկ 1947 թվականից` Քրիստիան Դիորի մոտ: 1946 թվականին ստեղծել է Ժան Կոկտոյի «Գեղեցկուհին և հրեշը» կինոնկարի հանդերձանքը: 1950 թվականին հիմնադրել է իր սեփական նորաձևության տունը: Սկսնակ դիզայներին Քրիստիան Դիորը խորհուրդ է տվել. «Վաճառիր թանկ, քանի որ տաղանդը պետք է գնահատվի»:

Պիեռ Կարդենն ավելի քան 500 գյուտ է արտոնագրել նորաձևության բնագավառում: Դրանցից են գունավոր զուգագուլպաները և բարձր կրկնակոշիկները, ծաղկավոր փողկապները, առանց օձիքի երկար պիջակները, կոճակներով նեղ տաբատները` սկզբնապես նախատեսված «Բիթլզ» խմբի համար և այլն: Նա առաջիններից մեկն էր, որ զբաղվեց ջինսե հագուստների ուղղությամբ և երեխաների ու երիտասարդների հագուստներով: Նա առաջիններից մեկը սկսեց իր հագուստներն ու օծանելիքները վաճառել առավել ցածր գներով` դրանք հասանելի դարձնելով սպառողների լայն շրջանակների համար: Բացի այդ, Պիեռ Կարդենը զբաղվել է կահույքի, ավտոմեքենաների և ինքնաթիռների սրահների դիզայնով:

Գրիգոր Ջաբոթյանը խելքահան է անում նորաձևությանը հետևող կանանց, անգամ թագուհիներին

Պիեռ Կարդենը Փարիզի հանրահայտ «Մաքսիմ» ռեստորանի և համանուն առևտրային ապրանքանիշի սեփականատերն էր: 1970 թվականին որպես սեփականություն ձեռք էր բերել Փարիզի Café des Ambassadeurs թատերական համալիրը և իր պատվին վերանվանել Espace Pierre Cardin: Որպես Մառլեն Դիտրիխի վերջին համերգային շրջագայության պրոդյուսեր, ելույթների համար նրան էր տրամադրել այդ համալիրի համերգային դահլիճը: Տարիների ընթացքում Պիեռ Կարդենը Փարիզի 8-րդ շրջանում և Ելիսեյան պալատի շրջակայքում ձեռք էր բերել բազմաթիվ անշարժ գույք:

Պարգևատրվել է մի շարք ֆրանսիական և արտասահմանյան մրցանակներով ու պարգևներով:

Գյումրեցի երիտասարդը «հեղափոխություն» է անում նորաձևության ոլորտում. լուսանկարներ

82
թեգերը:
նորաձևություն, Մահ, Ֆրանսիա
ԱՄՆ-ի ռազմածովային ուժերի ֆրեգատը

«Գաղտնազերծել են շրջանները»․ ո՞ր կողմ է ուղղված ԱՄՆ ռազմական նավատորմի զենքը

16
«Զսպել ու հաղթել». ԱՄՆ ՌԾՈւ շտաբի պետ ծովակալ Մայքլ Հիլդեյը ներկայացրել է առաջիկա տասնամյակի «Նավիգացիոն ծրագիրը»։

ԵՐԵՎԱՆ, 18 հունվարի - Sputnik, Նիկոլայ Պրոտոպոպով․ Փաստաթղթի ամենակարևոր կետն այն է, որ ամերիկյան նավատորմը պետք է գերակայի Համաշխարհային օվկիանոսում։ Գլոբալ վերահսկողության նպատակը մեկն է` ամերիկացիների հանգիստ ու կուշտ կյանքը հայրենիքում։ Սակայն տեքստում այլ երկրների դեմ հստակ ու չթաքցված ագրեսիա կա։ ՌԻԱ Նովոստիի նյութում ընթերցեք, թե ինչ մտահաղացումներ ունեն վաշինգտոնյան ծովակալները։

Համաշխարհային մրցակիցներ

Փաստաթղթի հեղինակներն ընդգծում են` ամերիկյան նավատորմը ներգրավվել է երկարաժամկետ մրցակցության մեջ, որը սպառնում է ԱՄՆ քաղաքացիների անվտանգությանն ու կենսակերպին։ ՌԾՈւ-ի հրամանատարությունը րոպե առաջ պետք է սկսի գործել ոչ միայն այս տասնամյակում, այլև ամբողջ XXI դարում ուժերի հավասարակշռությունը պահպանելու համար։

Հիմնական մրցակիցներն ու գլոբալ հանգստությունը «խախտողները» Ռուսաստանն ու Չինաստանն են։ Ամերիկյան ծովակալների կարծիքով՝ այդ երկրները խափանում են տևական ժամանակ ամբողջ աշխարհին օգուտ տվող ծովային ազատությունը։

Մոսկվան ու Պեկինը փորձում են «անարդարացիորեն վերահսկել» տարածքային ջրերից դուրս գտնվող արժեքավոր ծովային ռեսուրսների հասանելիությունը, «վախեցնում են հարևաններին»՝ «իրենց հավակնությունները ուժով պարտադրելով նրանց», «հեռահար հրթիռների թիրախում են պահում ջրային կարևորագույն ուղիները»:

Ամերիկացիներին կտրականապես դուր չի գալիս Ռուսաստանի կողմից ժամանակակից հրթիռային նավերի և սուզանավերի, գերձայնային հրթիռների, մարտավարական միջուկային զենքի մշակումը։ Պենտագոնը պնդում է, որ ռուսական նավատորմն ակտիվությունն ուժեղացնում է ամբողջ աշխարհում, ուժերն ավելի ու ավելի է մոտեցնում Միացյալ Նահանգների ափերին, ուստի «անհրաժեշտ է հուսալիորեն վերահսկել Ռուսաստանին»։

Ռուսական զենք․ ինչ են իրենցից ներկայացնում առաջին սերիական Սու-57-ն ու «Օխոտնիկ» ԱԹՍ-ն

Անհանգստություն է առաջացնում նաև արագ զարգացող չինական նավատորմը, որը, ամերիկացի վերլուծաբանների կարծիքով, խոշորագույնն է աշխարհում։ Պեկինն իբր մարտահրավեր է նետում Վաշինգտոնին ու նրա դաշնակիցներին ու դառնում ամենասուր և երկարաժամկետ սպառնալիքը։

Միևնույն ժամանակ նշվում է, որ ԱՄՆ-ն ծովային տերություն է, և նրա բարգավաճումն ու անվտանգությունը կախված են ծովում առավելությունը պահպանելու ունակությունից: Դրա համար անհրաժեշտ է սեփական ռազմածովային հզորությունը տարածել «համաշխարհային օվկիանոսի յուրաքանչյուր անկյունում»։ Ամերիկացիները շարունակելու են լողալ և թռչել ամենուր, որտեղ միջազգային իրավունքը թույլ է տալիս, ինչպես նաև ուժեր տեղակայել աշխարհի տարբեր շրջաններում՝ մրցակիցների «ավելորդ ծովային հավակնությունները» վիճարկելու և նրանց մարտական հնարավորությունները չեզոքացնելու համար:

Նավատորմի հզորացում

Այսպես, բալիստիկ հրթիռներով ատոմային սուզանավերը «ԱՄՆ-ին պաշտպանում են միջուկային հարձակումից», իսկ հատուկ գործողությունների ուժերը «պատրաստ են անակնկալի բերել ամենաուժեղ հակառակորդին»: Ծովակալները վստահեցնում են, որ ռազմածովային ուժերը կարող են դեսանտ իջեցնել ցանկացած ափ՝ ցամաքային ուժերին աջակցելու համար։

Ռազմածովային ուժերը «տիրապետում են ագրեսիայի զսպման համար անհրաժեշտ բոլոր ուժերին, այդ թվում՝ ոչ ավանդականներին»: Նկատի ունեն, մասնավորապես, տեղեկատվական, կիբեռնետիկ տեխնոլոգիաները և սպառազինության այլ տեսակները, որոնք թույլ են տալիս հարձակվել ծովից, ջրի տակից և օդից ։

Ծովում ժամանակակից դիմադրության հարցում առաջիկա տարիներին ԱՄՆ-ն նշանակալի դեր է հատկացնում արհեստական ինտելեկտին։ Ռազմածովային ուժերը հավատացնում են, որ այդպիսի համակարգերն ապացուցել են մարտերի ընթացքում արդյունավետությունն ու առավելությունը, ուստի նավատորմը կարդիականացվի դրանց զանգվածային օգտագործմամբ։

Անօդաչու ծովային հարթակները նույնպես «կենսական նշանակություն ունեն»։ Դրանք առավելություն կապահովեն հետախուզության, դիտարկման հարցերում և կավելացնեն նավատորմի հարձակողական հնարավորությունները։ Տասնամյակի ավարտին ռազմածովային ուժերի անձնակազմը պետք է կարողանա վստահ և համակարգված աշխատել ռոբոտացված սարքերի հետ սերտ կապով:

Ռուսական զենքը կարողանում է անշեղորեն խոցել. 2020 թվականի նախնական արդյունքները

ԱՄՆ-ի ՌԾՈւ հրամանատարությունը գտնում է, որ նախատեսված բոլոր ծրագրերի իրականացման համար նավատորմը պետք է ուժեղացնել և ընդլայնել ։ Ավելի շատ ատոմային սուզանավեր և բարձր հարձակողական հնարավորություններով վերերկրյա նավեր են անհրաժեշտ։ Ընդ որում՝ նոր նավերը պետք է կոմպակտ լինեն, ինչպես, օրինակ, «Constellation» («Համաստեղություն») դասի հեռանկարային հետախուզանավերը։

Պենտագոնը չի մոռանում նաև ավիակիրների մասին։ Դա առաջվա պես ՌԾՈւ-ի հպարտությունն է և ուժի ցուցադրման գլխավոր գործիքը։ Նշվում է նավատորմի ստորջրյա ուժերի առանձնահատուկ նշանակությունը։ Այստեղ առաջնահերթությունը տրվում է «Կոլումբիա» դասի ատոմային ռազմավարական սուզանավերին, ինչպես նաև բազմաթիրախային «Վիրջինիային»։

«Թվեր» ու լազերներ

Ռազմածովային ուժերի հրամանատարությունը խոստովանում է, որ միայն տեխնիկայով հարցը չի լուծվի։ Պետք է հանգամանորեն զբաղվել անձնակազմի պատրաստականությամբ, այդ թվում՝ հակառակորդի վարքագծի նրբությունները ավելի լավ հասկանալու համար: Ծովակալների կարծիքով՝ «նավաստիները պետք է ոչ թե պարզապես հետևեն և արագ արձագանքեն սպառնալիքներին, այլ բնազդաբար կանխագուշակեն հակամարտող կողմի գործողությունները՝ այս կամ այն երկրի քաղաքացիների մտածելակերպի առանձնահատկությունների խորը իմացության շնորհիվ»:

«Առաջիկա հակամարտությունների» սցենարները կմշակվեն ամբողջ երկրագնդում՝ Հեռավոր Հյուսիսից մինչև Խաղաղ օվկիանոսի արևմտյան հատվածը: Այս տարի, օրինակ, ԱՄՆ ՌԾՈւ-ն մի քանի ավիակիր խմբերի լայնածավալ զորավարժություններ կանցկացնի դեսանտային գործողություններով։

Այնտեղ առաջին անգամ գործի կդրվեն փոքր մարտավարական կիբեռխմբեր, որոնք նոր հարձակողական զենք և տեղեկատվական ռեսուրսներ են կիրառում։ Ավելի վաղ ծովակալ Գիլդեյն ասել էր, որ այդ զորավարժությունների մասշտաբները «չտեսնված կլինեն նորագույն պատմության մեջ»:

ԱՄՆ Ռազմածովային ռազմավարության մեջ տեղեկատվական և թվային տեխնոլոգիաները կարևոր տեղ ունեն: Հիմա առանց դրանց անհնար են մարտական գործողությունները։ «Թվայինը» լուծում է ամեն ինչ, թույլ է տալիս արագ և արդյունավետ ծովային ու ցամաքային պայքար վարել։

ՌԾՈւ-ն կարծում է, որ «ԱՄՆ-ի հակառակորդները հույս ունեն նավատորմի պաշտպանությունը ճեղքել հսկայական քանակությամբ հրթիռներով»։ Այդ պատճառով Պենտագոնը կգործարկի հայտնաբերման և շարժական բազմաթիվ համակարգեր, սուզանավերի և ծովային ԱԹՍ-ների ռադարներ, կուժեղացնի նավերի և ինքնաթիռների պաշտպանական հնարավորությունները: Ընդ որում՝ մերձամարտում, սովորականի հետ մեկտեղ, նախատեսվում է նաև էներգետիկ զենք կիրառել։

Սիրիայից Կովկաս․ ի՞նչ են ցույց տվել ռուսական ուղղաթիռների փորձարկումները

16
թեգերը:
Զենք, նավատորմ, ԱՄՆ
Ըստ թեմայի
Ս-500 համակարգն առաջին գնորդներն ունի սպառազինությունների համաշխարհային շուկայում
Միայն զինվորի խիզախությամբ հաղթանակի չեն հասնում. Հայաստանի ռազմական սխալները Ղարաբաղում
Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են
Սերգեյ Լավրով

Պատճառ չկա, որ Հայաստանի պաշտոնյաները չայցելեն Ղարաբաղ. Լավրով

127
(Թարմացված է 15:16 18.01.2021)
Ռուսաստանի արտգործնախարարը մեկնաբանել է Ադրբեջանի ղեկավարության հայտարարությունը, որում նրանք արձագանքել էին ՀՀ արտգործնախարարի՝ Ստեփանակերտ կատարած այցին։

ԵՐԵՎԱՆ, 18 հունվարի – Sputnik. Ռուսաստանի արտգործնախարար Սերգեյ Լավրովը պատճառ չի տեսնում, որ Հայաստանի պաշտոնյաները Լեռնային Ղարաբաղ չայցելեն։ Նա այդ մասին ասել է այսօր ասուլիսի ժամանակ՝ պատասխանելով ադրբեջանցի լրագրողի հարցին։

Հունվարի սկզբին Ադրբեջանի նախագահը սպառնալիքներ էր հնչեցրել Հայաստանի հասցեին՝ ՀՀ արտգործնախարար Արա Այվազյանի՝ Ստեփանակերտ կատարած այցի պատճառով։ Ալիևն ասել էր, որ պետք է վերջ տալ դրան, թե չէ Հայաստանն ավելի շատ կզղջա դրա համար։

Լավրովը հիշեցրել է, որ Հայաստանի ու Արցախի հայերի կապը պետք է պահպանվի, ու բոլորը համամիտ են այդ հարցում։

«Եվ եթե բոլորը համամիտ են, ապա այնպիսի պատճառներ չեմ տեսնում, որոնք պետք է խանգարեն այդ մակարդակով շփումներին։ Հայաստանի պաշտոնյաները ներգրավված են Լեռնային Ղարաբաղին մարդասիրական օգնություն ցուցաբերելու հարցում, ինչը ոչ մի բացասական հույզեր չի առաջացնում Բաքվում։ Տարօրինակ կլիներ, եթե այլ կերպ լիներ», - ավելացրել է Լավրովը։

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։ 

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ, որի առաջին հանդիպումը կանցկացվի մինչև 2021 թ.-ի հունվարի 30-ը։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

Եռակողմ հայտարարությունը հետևողականորեն իրականացվում է. Պուտին

Աշխատանքային խումբը մինչև 2021 թ. մարտի 1-ը կողմերի կողմից ամենաբարձր մակարդակով հաստատման կներկայացնի Ադրբեջանի և Հայաստանի տարածքով իրականացվող միջազգային փոխադրումների կազմակերպման, իրականացման և անվտանգության ապահովման համար անհրաժեշտ նոր տրանսպորտային ենթակառուցվածքների օբյեկտների վերականգնման և կառուցման միջոցառումների իրականացման ցանկ և ժամանակացույց։

Հայաստանի կողմից աշխատանքային եռակողմ խմբի համանախագահն է ՀՀ փոխվարչապետ Մհեր Գրիգորյանը։

Հավելենք, որ մինչ մոսկովյան այցը ՀՀ վարչապետ Նիկոլ Փաշինյանի մամուլի խոսնակը հայտարարել էր, որ հայկական կողմի համար սկզբունքային է գերիների վերադարձի, ադրբեջանցիների թիկունքում մնացած մեր զինվորների որոնողափրկարարական աշխատանքների, զոհվածների մարմինների հայտնաբերման, անհետ կորածների ճակատագիրը պարզելու խնդիրը: 

Սակայն Փաշինյանը եռակողմ հանդիպմանը հաջորդած ճեպազրույցի ժամանակ հայտարարեց, որ ռազմագերիների հարցը լուծել չի հաջողվել։

Ցավոք սրտի, չհաջողվեց լուծել ռազմագերիների հարցը. Փաշինյան

127
թեգերը:
Սերգեյ Լավրով, Արցախ, Ռուսաստան, Հայաստան
Ըստ թեմայի
Պուտինն Անվտանգության խորհրդի հետ քննարկել է Փաշինյանի ու Ալիևի հետ հանդիպման արդյունքները
Լավրովը Արա Այվազյանի հետ քննարկել է հունվարի 11-ի պայմանավորվածությունների իրականացումը
Լավրովն «էկզոտիկ» է համարել Ղարաբաղը Ռուսաստանի կազմ մտցնելու առաջարկը
Էդուարդ Աղաջանյան

Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը

62
(Թարմացված է 17:26 18.01.2021)
Նիկոլ Փաշինյանը որոշել է, որ իր աշխատակազմը պետք է ղեկավարի ՀՀ առողջապահության նախկին նախարարը։

ԵՐԵՎԱՆ, 18 հունվարի – Sputnik. Էդուարդ Աղաջանյանն ազատվել է Հայաստանի Հանրապետության վարչապետի աշխատակազմի ղեկավարի պաշտոնից։ Նիկոլ Փաշինյանը ստորագրել է որոշումը։

Փաշինյանի մեկ այլ որոշմամբ` վարչապետի աշխատակազմի ղեկավար է նշանակվել է Արսեն Թորոսյանը։

Հիշեցնենք` այսօր հայտնի դարձավ, որ ՀՀ առողջապահության նախարար Արսեն Թորոսյանը պաշտոնից ազատվելու դիմում է ներկայացրել։ Նրա փոխարեն նշանակվել է Անահիտ Ավանեսյանը։

62
թեգերը:
Արսեն Թորոսյան, Էդուարդ Աղաջանյան, Հայաստան
Ըստ թեմայի
Երևանի Կենտրոն վարչական շրջանի նախկին ղեկավարը նոր պաշտոն է ստացել
Փոխվարչապետի աշխատակազմի նախկին ղեկավարը նոր պաշտոն է ստացել
Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել