«Տոմագավկ» հրթիռի արձակումը «USS Cape St. George» հածանավից. 23 մարտի, 2003 թվական

Ինչու է ՆԱՏՕ-ն սադրում, իսկ Ռուսաստանը կանխարգելում ռազմական միջադեպերը

132
(Թարմացված է 19:22 29.12.2020)
ԱՄՆ-ի ու ՆԱՏՕ-ի հետ հակադրության իրավիճակում Ռուսաստանն ընտրում է «վատ խաղաղությունն» ու վստահ է, որ «գործընկերները» դեռ պատրաստ չեն հատել «կարմիր գիծը»։

Ալեքսանդր Խրոլենկո, ռազմական վերլուծաբան

Գերտերության ժամանակակից մարտական գործողությունները դատապարտված են էսկալացիայի ալգորիթմով սրընթաց զարգացման, ընդհուպ մինչև զենքի բոլոր տեսակներով հակառակորդի ամբողջական ոչնչացում (կամ նրա կապիտուլյացիա)։ Ռուսաստանին պատերազմ պետք չէ։ Մոսկվան ընտրում է «վատ խաղաղությունը» հստակ հասկանալով, որ սպառազինության տեխնոլոգիաների հարցում հետ մնացող «գործընկերները» որոշ ժամանակ չեն կարող հատել «կարմիր գիծը»։

Ռուսաստանի պաշտպանության փոխնախարար Ալեքսանդր Ֆոմինը դեկտեմբերի 27-ին հայտարարել է․ «Ոչ ոքի խորհուրդ չէի տա փորձել Ռուսաստանի հետ երկխոսություն վարել «ուժի դիրքից»։ Բացի այն, որ ուժի կիրառման սպառնալիքը ՄԱԿ-ի կանոնադրության ուղղակի խախտում է, նման գործողությունները մեր կողմից անպատասխան չեն մնա»։

Ռուսաստանի պաշտպանության  նախարարությունը զգուշացնում է «գործընկերներին». «ՆԱՏՕ-ի ակտիվությունը Ռուսաստանի սահմանների մոտ կարող է հանգեցնել լուրջ միջադեպերի»։ Սուր ազդեցության են արժանանում Հյուսիսատլանտյան դաշինքի ներկայության աճը Ռուսաստանի սահմանների մոտ ու առանձին արևմտյան քաղաքական գործիչների անպատասխանատու հայտարարությունները։

Ավելի վաղ ՌԴ պաշտպանության նախարար Սերգեյ Շոյգուն նշել էր, որ 2020 թվականին 15%-ով աճել է «ռուսական սահմանների մոտակայքում ամերիկյան մարտական ինքնաթիռների ու նավերի հետախուզական ու ցուցադրական գործողությունների ակտիվությունը․․․ ԱՄՆ-ն սկսել է Գերմանիայից Լեհաստան ու բալթյան երկրներ վերատեղակայել մարտական ստորաբաժանումները։ Ընդլայնվում է ամերիկյան նավերի ներկայությունն արկտիկական տարածաշրջանում։

Ռուսաստանում անհիմն են համարում ԱՄՆ Ֆիննախի վրա կիբեռհարձակում գործելու մեղադրանքները

Համակարգային բնույթ են ստացել ՆԱՏՕ-ի վարժանքները, որոնք անցկացվում են միաժամանակ Ռուսաստանի արևմտյան, հարավային ու արևելյան սահմանների մոտ։ Միայն օգոստոս-սեպտեմբերին դրանց մասնակցել է 55 մարտական ինքնաթիռ, այդ թվում նաև ռազմավարական ռմբակոծիչներ ու բարձր ճշգրտության զենք կրող 12 նավ»։

Այս իրավիճակում ՌԴ-ն «հայելային» միջոցներ է կիրառում ու զգալիորեն առաջ է ընկնում Արևմուտքից բարձ տեխնոլոգիական սպառազինության ոլորտում։

Մոլագար ինտեգրացիա

Եթե Պենտագոնն ու նրա եվրոպացի գործընկերները ռազմական գործողությունների ռուսական թատերաբեմում ունենային ռազմական հաջողության հնարավորության գոնե կեսը, Մոսկվան վաղուց կզգար ՆԱՏՕ-ի «ուժի կենտրոնացում»՝ «ռեժիմի շտկման» ու հետագայում երկրի տարածքը հավաքական Արևմուտքի շահերի համար շահագործելու նպատակով։ Ոչ ոք չի մոռացել «Միացյալ ուժը» Հարավսլավիայում, «Փոթորիկն անապատում» Իրաքում, «Ոդիսևսի լուսաբացը» Լիբիայում։ Սակայն նման գործողությունների համար Վաշինգտոնի ու Բրյուսելի ձեռքերը չափազանց կարճ են։ Արևմուտքը պարզապես պատասխան չունի բարձր տեխնոլոգիական ռուսական «Ավանգարդներին», «Իսկանդերներին», «Ցիրկոններին», «Կինժալներին», «Պոսեյդոններին», «Բորեյ-Ա»-ներին, «Յասեն-Մ»-երին։ Նույնիսկ բնութագրերով մոտ նմանատիպ ոչինչ չունեն։

Սակայն հիպերձայնային զենքի ոլորտում հետ մնալով հանդերձ՝ ԱՄՆ-ն շարունակում է ձգտել «ինտեգրված հզորության» մարտական կիրառման բոլոր ոլորտներում։ 2020 թվականի վերջում Պենտագոնը «Առավելություն ծովում» նոր ռազմավարություն է հրապարակել։ Ըստ փաստաթղթի՝ պետք է ինտեգրված ծովային ուժ ստեղծվի ՌԾՈւ, ծովային հետևակի ու ԱՄՆ առափնյա պաշտպանության հիման վրա։ Այդ ուժը պետք է ապահովի համաշխարհային օվկիանոսում ԱՄՆ-ի գերակայությունն այլ երկրների նկատմամբ, իսկ «ԱՄՆ գործողություններն ընթացիկ տասնամյակում կորոշեն ուժերի ծովային բալանսը XXI դարի մնացած տարիների համար»։

Ինչո՞վ է պայմանավորված առաջիկա 80 տարիների համար համաշխարհային օվկիանոսը ռազմականացնելու ամերիկյան ծրագիրը։ Բնականաբար՝ Չինաստանի ՌԾՈւ-ի աճող հզորությամբ պայմանավորված տագնապով ու «Ռուսաստանի աճող ագրեսիվ պահվածքով»։ Իբր Չինաստանի «Մեկ գոտի, մեկ ճանապարհ» նախաձեռնության հետևում առանցքային ծովային ճանապարհները վերահսկելու նպատակով ռազմական էքսպանսիա է թաքնված։ Ռուսաստանն էլ «հակամարտության   ընթացքում կարող է կինետիկ կամ կիբեռհարված հասցնել Վաշինգտոնին, եվրոպական մայրաքաղաքներին կամ հարձակվի ստորջրյա հաղորդակցման կաբելների վրա, ինչը հետևանքներ կունենա գլոբալ տնտեսության վրա»։

Թուրքիան «ճերմակ ձի հեծած» պետք է մուտք գործեր Արցախ, կամ ԱՄՆ-ի ձախողումը տարածաշրջանում

Ռազմավարության հեղինակները, որոնք զինվորական բարձրաստիճան պաշտոնյաներ են, ակնհայտորեն չափազանցրել են տագնապը՝ ծովի հետ կապված 30 միլիոն ամերիկյան աշխատակիցների, տարեկան 5,4  տրիլիոն դոլար արժողությամբ 90% առևտրային բեռնափոխադրումների ու ստորջրյա կաբելներով փոխանցվող տեղեկության հոսքերի համար։

Ծովակալները հակված են նաև վտանգավոր ֆանտազիաների։ «Հեռահար համակարգերն ու հիպերձայնային զենքը երկրային թիրախներին հարվածներ հասցնելու գլոբալ հնարավորություններ կապահովեն։ Լոգիստիկ ու օժանդակ նավերը դուրս կգան լրացուցիչ լիցքավորում անելու, վերազինելու, պաշարները ու կենդանի ուժը համալրելու, վերանորոգումներ անելու համար։ Առափնյա պահպանության ծառայությունը կապահովի վստահելի ու արդյունավետ ծովային տրանսպորտային համակարգ, որն անհրաժեշտ է պատերազմի պայմաններում ուժերը պահելու համար»։ Ջանքերի ամբողջությամբ՝ «ծովերը կմնան ԱՄՆ վերահսկողության տակ»։ (Ահա թե ինչու ԱՄՆ-ն չի վավերացրել միջազգային գործունեության հիմնարար փաստաթուղթը՝ 1982 թվականի Ծովային իրավունքի վերաբերյալ ՄԱԿ-ի կոնվենցիան)։

Ակնհայտ անպատասխանատվություն՝ անմտության շեմին։ Պե՞տք է արդյոք հիշեցնել, որ ԱՄՆ օդային բազավորման հիպերձայնային HAWC հրթիռի առաջին փորձարկումը դեկտեմբերի 25-ին տապալվեց, իսկ այլ հրթիռներ չկան ու 2020 թվականին էլ փորձարկումներ չեն լինի։ Ամերիկյան «հեռահար համակարգերը» երբեք ստուգում չեն անցել բարձր տեխնոլոգիական մրցակիցների հետ պայքարում, փոխարենը վատ զինված թալիբները փաստացի հաղթեցին ԱՄՆ-ին ու նրա դաշնակիցներին 20 տարի տևած աֆղանական պատերազմում։

«Գլխավոր հակառակորդների» (Ռուսաստան ու Չինաստան) հետ իրական պատերազմում ԱՄՆ ՌԾՈւ ավիակիր խմբավորումները լավ նկատելի թիրախ կլինեն հականավային ու հիպերձայնային հրթիռների համար։ Նշենք, որ ՆԱՏՕ-ի շրջանակում նրանց եվրոպացի դաշնակիցների մարտական արդյունավետությունը նույնպես ակնհայտ չէ։

Պենտագոնի՝ 2020 թվականի նմանությամբ նոր ռազմավարությունը միայն կրկնում է «մամռապատ» թեզերը․ Միացյալ Նահանգների շահերն ամենից վեր են, այս մոլորակում հարևանների կարծիքը ոչինչ է, ու այն ճնշվելու է «բոլոր ոլորտներում ինտեգրված ծովային հզորությամբ» (Integrated All-Domain Naval Power)՝ ծովում, ցամաքում, օդում, տիեզերքում ու կիբեռտարածությունում։ Իրականության հետ ոչ մի կապ չունի, բայց հաճելի է շոյել ինքնասիրությունն ու եվրոպական ծառաներին «ամերիկյան բացառիկության» մասին հին ու բարի լեգենդներով։

ՆԱՏՕ-ն Սև ծով է դուրս գալիս․ դաշինքը կնեղի՞ Ռուսաստանին Ղրիմում

Ռուսաստանն ու Չինաստանը չափազանց գնահատում են համակեցությունն ու զարգացումը։ Նրանք պահպանել են պատմական հիշողությունը նախորդ հարյուրամյակի պատերազմների միլիոնավոր զոհերի մասին։ Երկրորդ համաշխարհային պատերազմի տարիներին ԱՄՆ-ն ավել քիչ մարդ է կորցրել, քան 2020 թվականին կորոնավիրուսի համավարակի պատճառով, ամերիկյան քաղաքները եպբել չեն ռմբակոծվել։ ԶԼՄ-ներն ու Հոլիվուդը վերջնականապես համոզել են Սպիտակ տանն ու ամերիկյան հասարակությանը միջազգային ասպարեզում իրենց երկրի անխոցելիության ու ամենաթողության մեջ։

ԱՄՆ-ի ու ՆԱՏՕ-ի հետ դիմակայության՝  ոչ Կրեմլի նախաձեռնությամբ ստեղծված իրավիճակում (ռազմական սադրանքներ ու ոչ լեգիտիմ պատժամիջոցներ), տնտեսապես կայուն, հրթիռամիջուկային Ռուսաստանը խաղաղասիրաբար ու վստահ հակադարձում է դաշինքի սադրիչ «խայթոցներին» իր սահմանների մոտակայքում, նաև՝ Մերձավոր Արևելքում ու Աֆրիկայում։

132
թեգերը:
սպառազինություն, Ռուսաստան, ԱՄՆ, ՆԱՏՕ
Ըստ թեմայի
«Նոնայի» փոխարեն «Լոտոս». Ռուսաստանը նորագույն ինքնագնաց թնդանոթ է փորձարկել
«Փոխել Թուրքիայի պահվածքը»․ ինչի՞ համար է Արևմուտքը պատժում Էրդողանին
Տարվա արդյունքները. «ցիրկոնապատում» և ՌԴ ռազմածովային նավատորմի 40 նոր նավ
Երևան—Մեղրի ճանապարհ

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

135
(Թարմացված է 00:36 28.01.2021)
Ճանապարհների ապաշրջափակումը, Քոչարյանի խոսքով, նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար։

ԵՐԵՎԱՆ, 28 հունվարի – Sputnik. Ճանապարհների վերաբացման հարցը Արցախյան կարգավորման գործընթացում միշտ եղել է այն վերջին ակորդը, որին կողմերը պետք է հասնեին միայն մնացած խնդիրները, այդ թվում՝ Արցախի կարգավիճակի հարցը լուծելուց հետո:

Այսօր հայաստանյան մի քանի կայքերին տված հարցազրույցում նման հայտարարություն արեց ՀՀ երկրորդ նախագահ Ռոբերտ Քոչարյանը:

Այդուհանդերձ, Ռոբերտ Քոչարյանն այս հեռանկարից որոշակի մտավախություններ ունի:

 «Ամենամեծ խնդիրը հետևյալն է՝ Մեղրիի հատվածը վերահսկվելու է ռուս սահմանապահների կողմից, իսկ մնացած հատվածի վրա մենք որևէ ազդեցություն չենք ունենալու: Մինչև Ռուսաստան մոտ 850 կմ է, որից ընդամենը 47 կմ-ն է Մեղրիի հատվածը: Եվ Ադրբեջանը կարող է ուղղակի տարիֆային քաղաքականությամբ այնպես անել, որ այդ երկաթուղուց օգտվելը անիմաստ լինի ընդհանրապես: Իսկ քո 47 կմ-ով դու որևէ հարց չես կարող լուծել, հատկապես, որ այն քո վերահսկողության տակ չի գտնվում»,- ասաց Քոչարյանը:

Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան

Նրա խոսքով` Ադրբեջանն ունի այն, ինչին ձգտել է, ունի նաև կոմունիկացիաներից օգտվելու լծակ: Իսկ հայկական կողմը ունի հույս, որ ճանապարհները կաշխատեն, բայց չունի որևէ լծակ:

 Բացի այդ, ըստ Քոչարյանի, ճանապարհների ապաշրջափակումը նաև լուրջ խնդիրներ է ստեղծելու Հայաստանի գյուղատնտեսության ու վերամշակող արդյունաբերության համար՝ ի դեմս ադրբեջանական ու թուրքական էժան արտադրանքի: Այդ խնդիրներին դիմակայելու ու դրանք հաղթահարելու համար, ըստ Քոչարյանի, ՀՀ իշխանությունը պետք է լուրջ միջոցներ ձեռնարկի ներքին շուկան պաշտպանելու համար:

«Պետք է փոխվի սուբսիդավորման քաղաքականությունը, հակառակ դեպքում մենք ուղղակի անմրցունակ ենք լինելու: Հարյուրավոր, հազարավոր ֆերմերային տնտեսություններ կարող են քայքայվել և հարյուրավոր բիզնեսներ ուղղակի անիմաստ են դառնալու»,- ասաց երկրորդ նախագահը:

Հիշեցնենք, որ 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։

Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։

Եռակողմ նոր հայտարարության մեջ նշվում է, որ 3 երկրների փոխվարչապետների համանախագահությամբ ստեղծվում է աշխատանքային խումբ, որի առաջին հանդիպումը կանցկացվի մինչև 2021 թ.-ի հունվարի 30-ը։

Հանդիպման արդյունքների հիման վրա կկազմվի 9-րդ կետի կիրառումից բխող աշխատանքների հիմնական ուղղությունների ցանկը՝ որպես գերակայություններ ընդունելով երկաթուղային և ճանապարհային հաղորդակցությունները, ինչպես նաև կսահմանի Հայաստանի, Ադրբեջանի ու Ռուսաստանի միջև համաձայնեցված այլ ուղղություններ:

135
թեգերը:
Եռակողմ հայտարարություն, ապաշրջափակում, Ճանապարհ, Մեղրի, Ռոբերտ Քոչարյան
Ըստ թեմայի
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Արցախում ամեն օր նոր տարածքային կորուստներ են գրանցվում. Քոչարյան
 Կաննի կինոփառատոն

Կաննի կինոփառատոնը կրկին հետաձգվեց

7
(Թարմացված է 22:24 27.01.2021)
Ֆրանսիայում տիրող համաճարակային իրավիճակի պատճառով կազմակերպիչները որոշել են հետաձգել կինոփառատոնը։

ԵՐԵՎԱՆ, 27 հունվարի – Sputnik. Կաննի կինոփառատոնը, որը նախատեսվում էր անցկացնել մայիսին, տեղափոխել են հուլիս։  Տեղեկությունը հրապարակված է փառատոնի Twitter–ի էջում։

Նշվում է, որ իսկզբանե 2021 թվականի մայիսի 11-22-ը նախատեսված կինոփառատոնն այժմ կանցկացվի 2021 թվականի հուլիսի 6-17-ը։

Հետաձգման պատճառը կորոնավիրուսի համավարակն է։

Կաննի միջազգային կինոփառատոնը (Festival international du film de Cannes) կինեմատոգրաֆիայի ամենամյա փառատոն է, աշխարհում ամենահին ու հեղինակավոր փառատոներից մեկը։ Միջոցառումը սովորաբար անցկացվում է մայիսի վերջին Կաննում (Ֆրանսիա)` փառատոների և կոնգրեսների պալատում։

7
թեգերը:
համավարակ, կորոնավիրուս, Ֆրանսիա, Կաննի կինոփառատոն
Ըստ թեմայի
Գեղեցկության և շքեղության վերջին ակորդը Կաննում. կինոփառատոնի վերջին լուսանկարները
Հայ ռեժիսորի ֆիլմը ներկայացված է Կաննի փառատոնին
Հայերը ֆրանսերեն են սովորել, ֆրանսիացիները` սիրահարվել Արցախին. ֆիլմ, որն ընտրեց Կաննը
Второй президент Республики Армения Роберт Кочарян в гостях у Sputnik Армения

«Մասնակցելու ենք և կրելու ենք». Քոչարյանը կմասնակցի արտահերթ ընտրություններին

152
(Թարմացված է 01:27 28.01.2021)
Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու մասին:

ԵՐԵՎԱՆ, 28 հունվարի - Sputnik. ՀՀ երկրորդ նախագահ Ռոբերտ Քոչարյանը կմասնակցի առաջիկա արտահերթ ընտրություններին՝ իր քաղաքական թիմով:
Այս մասին նա հայտարարեց այսօր հայաստանյան մի քանի կայքերին տված հարցազրույցում:

«Մասնակցելու ենք և կրելու ենք»,- ասաց Քոչարյանը՝ հավելելով, որ դրա համար ունի քաղաքական թիմ, հետևորդներ ու անհրաժեշտ գործիքակազմ:

Իսկ թե ինչու մինչև հիմա ակտիվություն չի դրսևորել ՀՀ գործող իշխանոթյան դեմ այքարում, Քոչարյանը մեկնաբանեց նրանով, որ չի ցանկացել իշխանությունների հնարավորություն տալ իր վերադարձով վախեցնել թիմակիցներին:

«Ես ինձ հեռու պահեցի այդ գործընթացներից, որ իմ գործոնը չօգտագործվի այդ 20-30 պատգամավորներին վախեցնելու համար»,- ասաց Քոչարյանը:

Ինչ վերաբերում է Փաշինյանի հրաժարականը պահանջող քաղաքական ուժերին, երկրորդ նախագահը շեշտեց, որ կիսում է նրանց դիրքորոշումը ՀՀ ժամանակավոր կառավարություն ստեղծելու ու արտահերթ ընտրություններ կազմակերպելու առումով, հատկապես, որ ժամանակավոր կառավարության ղեկավարը չի մասնակցելու ընտրություններին՝ հնարավոր չարաշահումներ թույլ չտալու համար:

Ի՞նչ մտավախություններ ունի Ռոբերտ Քոչարյանը ճանապարհների ապաշրջափակման հեռանկարից

Նշենք, որ նոյեմբերի 9–ի եռակողմ հայտարարությունից հետո Հայաստանի ընդդիմադիր կուսակցությունները պահանջում են վարչապետ Նիկոլ Փաշինյանի հրաժարականը։ Նրանք ժամանակավոր` ազգային համաձայնության կառավարության վարչապետի միասնական թեկնածու են առաջարկում Վազգեն Մանուկյանին։

Արցախում ամեն օր նոր տարածքային կորուստներ են գրանցվում. Քոչարյան

Իշխանությունը, սակայն, այդ տարբերակին համաձայն չէ։ Նրանք առաջարկում են միանգամից գնալ արտահերթ խորհրդարանական ընտրությունների։

152
թեգերը:
ընդդիմություն, Հայաստան, Ազգային ժողովի ընտրություններ, Ընտրություններ, Ռոբերտ Քոչարյան
Ըստ թեմայի
Եթե ՀՀ վարչապետը լիներ թուրքական գործակալ, կաներ այն ամենը, ինչ արվել է. Ռոբերտ Քոչարյան
Ինչու էր թշնամին խնայում Արցախի նախագահի նստավայրը. Քոչարյանն իր վարկածը ներկայացրեց
Ռուսաստանի գործընկեր ու դաշնակից երկրից Հայաստանը վերածվել է ՌԴ–ի պրոտեկտորատի. Քոչարյան