ՄԻԵԴ

Ադրբեջանը ՄԻԵԴ-ին առաջին անգամ տրամադրել է գերիների մասին տեղեկություն

304
(Թարմացված է 09:34 05.12.2020)
ՄԻԵԴ-ը սահմանել է ժամկետ Ադրբեջանում պահվող ռազմագերիների և քաղաքացիական անձանց վերաբերյալ բժշկական փաստաթղթեր և լուսանկարներ տրամադրելու համար:

ԵՐԵՎԱՆ, 4 դեկտեմբերի - Sputnik. ՀՀ կառավարության դիմումի հիման վրա այսօր Ադրբեջանը ՄԻԵԴ-ին առաջին անգամ տրամադրել է մանրամասն տեղեկատվություն Ադրբեջանում պահվող մի շարք ռազմագերիների և քաղաքացիական անձանց վերաբերյալ: Տեղեկությունը հայտնում է ՄԻԵԴ–ում հայկական ներկայացուցչությունը։

«ՄԻԵԴ-ը մինչև դեկտեմբերի 11-ը ժամկետ է սահմանել Ադրբեջանում պահվող ռազմագերիների և քաղաքացիական անձանց վերաբերյալ բժշկական փաստաթղթեր և լուսանկարներ տրամադրելու համար»,–ասված է հաղորդագրության մեջ:

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի:

304
թեգերը:
Հայաստան, Ադրբեջան, ռազմագերի, գերի, Մարդու Իրավունքների Եվրոպական դատարան (ՄԻԵԴ)
Ըստ թեմայի
Գերիների ու անհետ կորածների անմեղության կանխավարկածը. ինչո՞ւ նրանց գումար չի տրվում
Ադրբեջանի ՊՆ–ն հայտնել է իր զոհերի, վիրավորների, գերի ընկածների ու անհետ կորածների թիվը
Անհիմն են Ադրբեջանի այն պնդումները, որ հակամարտությունը հանգուցալուծված է. Արա Այվազյան
Մակրոնն ու Էրդողանը

«Սիրելի Թայիփ»․ Մակրոնն Էրդողանին «շատ լավ նամակ» է գրել

522
(Թարմացված է 19:18 15.01.2021)
Ըստ ամենայնի՝ Ֆրանսիայի նախագահի նախաձեռնությունը նույնիսկ Անկարային է զարմացրել։ Թուրքիայի արտգործնախարարն ասել է, որ Էրդողանը դրական է արձագանքել ֆրանսիացի գործընկերոջ նամակին։

ԵՐԵՎԱՆ, 15 հունվարի – Sputnik. Ֆրանսիայի նախագահ Էմանուել Մակրոնը «շատ լավ» նամակ է հղել Թուրքիայի նախագահ Թայիփ Էրդողանին, որում Անկարայի ու Փարիզի հարաբերությունները բարելավելու ցանկություն է հայտնել։ Տեղեկությունը հայտնել է Թուրքիայի արտգործնախարար Մևլյութ Չավուշօղլուն։

«Երկու օր առաջ մենք շատ լավ ու դրական նամակ ենք ստացել Մակրոնից։ Նամակում նա հարաբերությունները զարգացնելու ու մեր նախագահի հետ հանդիպելու ցանկություն է հայտնել։ Նա նույնիսկ ձեռքով թուրքերեն ողջույնի խոսք էր գրել․ «Սիրելի Թայիփ», - Sabah թերթը մեջբերում է Չավուշօղլուի խոսքերը։

Նրա խոսքով՝ Թուրքիայի առաջնորդը դրական է արձագանքել ֆրանսիացի գործընկերոջ նամակին։

«Մեր նախագահն ասել է․ «Հաճույքով կհանդիպենք»։ Խոսքն առաջին հերթին տեսակապի ու հեռախոսային բանակցությունների մասին է», - ավելացրել է թուրք նախարարը։

Ավելի վաղ Չավուշօղլուն ասել էր, որ Անկարան պատրաստ է կարգավորել հարաբերությունները Ֆրանսիայի հետ՝ չնայած որոշ հարցերում առկա լուրջ տարաձայնություններին, որոնց պատճառով երկրների միջև զգալի լարվածություն է առաջացել։

Թուրքիայի ու Ֆրանսիայի հարաբերություններում սառնություն էր առաջացել ու սկսել էր աճել, քանի որ երկրները տարաձայնություններ ունեն մի շարք կոնֆլիկտային՝ Սիրիայի, Լիբիայի, Արևելյան Միջերկրական ծովի ու վերջերս արդեն Արցախի վերաբերյալ հարցերում։

Նիկոլ Փաշինյանը հեռախոսազրույց է ունեցել Էմանուել Մակրոնի հետ. խոսել են նաև Արցախի մասին

Հոկտեմբերի 16-ին Փարիզի մերձակայքում՝ Կոնֆլան-Սենտ-Օնորին քաղաքում, գլխատվել էր պատմության ուսուցիչ Սամուել Պատին։ Սպանությունը տեղի էր ունեցել այն դպրոցի մոտակայքում, որտեղ նա դասավանդում էր։ Դրանից հետո Մակրոնը հայտարարել էր, որ երկիրը չի հրաժարվի Մուհամադ մարգարեի ծաղրանկարներ հրապարակելուց։ Մի շարք մուսուլմանական երկրներում ֆրանսիական արտադրանքը բոյկոտելու կոչեր էին սկսել հնչել։ Էրդողանը երկու երկրների հարաբերությունների սրացման ֆոնին կոչ էր արել Թուրքիայի բնակիչներին հրաժարվել ֆրանսիական ապրանքներից։

Էրդողանը նույնիսկ կասկածի տակ էր դրել Ֆրանսիայի նախագահ Էմանուել Մակրոնի հոգեկան առողջությունն այն բանից հետո, երբ նա խոսել էր «լուսավոր իսլամի» կառուցման անհրաժեշտության մասին։ Փարիզն Անկարայից հետ էր կանչել իր դեսպանին խորհրդատվությունների համար։ Էրդողանը մեղադրել էր ֆրանսիացի գործընկերոջն իսլամի դեմ «ատելության քարոզչություն» կազմակերպելու մեջ։ Դեկտեմբերի սկզբին Էրդողանը հույս էր հայտնել, որ Ֆրանսիան «հնարավորինս արագ կազատվի» Մակրոնից, նաև բազմիցս վիրավորանքներ էր հնչեցրել նրա հասցեին։

522
թեգերը:
Ֆրանսիա, Թուրքիա, Ռեջեփ Թայիփ Էրդողան, Էմանուել Մակրոն
Ըստ թեմայի
«Ես հավատում եմ հարգանքին». Մակրոնը չի պատասխանել Էրդողանին
«Նույնիսկ Փաշինյանը չի համարձակվում դա անել»․ Էրդողանն Արցախի թեմայով կշտամբել է Մակրոնին
Պուտինն ու Մակրոնը քննարկել են իրավիճակը Լեռնային Ղարաբաղում
«Սողոմոնի երգերը» ֆիլմը

«Սողոմոնի երգերը»․ Հայաստանից «Օսկարի» առաջադրված ֆիլմի իրավունքը գնել է Cloudburst-ը

121
(Թարմացված է 18:11 15.01.2021)
Ֆիլմը պատմում է մեծ հայ կոմպոզիտոր Կոմիտասի մասին, նաև մանկական ընկերության, որը դաժանորեն ընդհատվել է համիդյան ջարդերի պատճառով։

ԵՐԵՎԱՆ, 15 հունվարի — Sputnik. Cloudburst Entertainment ընկերությունը գնել է «Սողոմոնի երգերը» ֆիլմի իրավունքը, որը «Միջազգային լիամետրաժ ֆիլմ» անվանակարգում Հայաստանը ներկայացրել էր «Օսկար» 93-րդ մրցանակաբաշխությանը։ Տեղեկությունը հայտնում է Deadline առցանց ամսագիրը։

Արման Նշանյանի «Սողոմոնի երգերը» պատմական դրաման, որը նա ստեղծել է օսկարակիր պրոդյուսեր ու «Կանաչ գիրքը» ֆիլմի համահեղինակ Նիկ Վալելոնգի (Vallelonga Productions-ից) ու Ասկո Հակոբյանի (Oscar Gold Productions-ից) հետ, էկրաններ դուրս կգա 2021 թվականին։

Սցենարի հեղինակը Օդրի Գևորգյանն է։ Ֆիլմի հիմքում իրական իրադարձություններ են։ «Սողոմոնի երգերն» պատմում են Օսմանյան կայսրությունում 1881 – 1915 թվականներին տեղի ունեցած իրադարձությունների մասին։

Ֆիլմը Սողոմոն վարդապետի՝ մեծ հայ երգահան Կոմիտասի կյանքի մասին է, նաև ընկերության մասին, որը դաժանորեն ընդհատվել է համիդյան ջարդերի պատճառով։

Ֆիլմի հերոսներից մեկն անվախ թուրք կին է, որը վտանգում է իր ու իր ընտանիքի կյանքը՝ կրոնական հողի վրա հետապնդվող լավագույն ընկերուհուն փրկելու համար։ Ֆիլմն ավարտվում է Կոմիտասի վերջին համերգով։

Ֆիլմում նկարահանվել են Սամվել Թադևոսյանը, Արևիկ Գևորգյանը, Տաթև Հովակիմյանը, Սոս Ջանիբեկյանը, Արման Նշանյանը, Արտաշես Ալեքսանյանն ու Ժան-Պիեր Նշանյանը։ Ֆիլմի գործադիր պրոդյուսերը Կարո Կավուկջյանն է։

 

121
թեգերը:
Հայաստան, Կոմիտաս, «Օսկար» մրցանակաբաշխություն, ֆիլմ, կինո
Ըստ թեմայի
«Գրողը տանի, ի՞նչ է այնտեղ կատարվում». Թրամփը` «Օսկար» հանձնելու մասին. տեսանյութ
Մահացել է «Քամուց քշվածները» ֆիլմում Մելանիին մարմնավորած օսկարակիր դերասանուհին
Հայկական ընկերությունը երկրորդ անգամ փաթեթավորման դիզայնի «Օսկար» է ստացել
Կառլեն Խաչատրյան

Ինչո՞վ է զբաղված ՏՄՊՊՀ-ն և ինչո՞ւ դեղատներն անբարեխիղճ գործելաոճի համար չեն պատժվում

0
Տնտեսագետ Կառլեն Խաչատրյանը Sputnik Արմենիայի եթերում թվարկել է այն հնարավոր գործոնները, որոնք ձևավորում են դեղորայքի շուկայում գների թռիչքային աճը։
«Դեղորայքի թանկացման հարցում էական նշանակություն ունի դոլարի արժեվորումը, սակայն չեմ բացառում նաև սպեկուլյատիվ գործոնները». Կառլեն Խաչատրյան

Դեղորայքի գների բարձրացման հարցում էական նշանակություն ունի դոլարի արժեվորումը, սակայն, չի բացառվում, որ գործ ունենք նաև գերիշխող դիրքի չարաշահման ու սպեկուլյատիվ գործոնների հետ։ Sputnik Արմենիայի հետ զրույցում նման կարծիք հայտնեց տնտեսագետ Կառլեն Խաչատրյանը` մեկնաբանելով մամուլում տարածված տեղեկությունները, թե դեղերի շուկան դուրս է եկել վերահսկողությունից, իսկ դեղատները նման անբարեխիղճ գործելաոճի համար չեն պատժվում։

«Վերջին 2 ամիսների ընթացքում դոլարը մոտ 10 տոկոսով է արժեվորվել, սակայն այն դեպքերում, երբ քաղաքացիները հանդիպում են 65-70 տոկոսով դեղերի գնի բարձրացման, թանկացումը միայն դոլարի փոխարժեքով չի կարելի պայմանավորել»,- ասաց նա։

Հայաստանում դեղորայքի շուկայում առկա չարաշահումների ուսումնասիրությամբ զբաղվում է ՏՄՊՊՀ-ն, որն, ըստ Խաչատրյանի, վերջին 2.5 տարում այնքան էլ բարեխիղճ չի գործում։

«Վերջին 2-2.5 տարիների ընթացքում պետական որևէ մարմին իր գործառույթները պատշաճ մակարդակով չի իրականացնում կամ կադրային բավարար ներուժ չկա, ղեկավար անձնակազմը պատրաստ չէ, պահանջկոտ չէ, դրա համար էլ այս իրավիճակում ենք»,- նշեց տնտեսագետը։

Նրա համոզմամբ, եթե ոլորտի համար պատասխանատու հանձնաժողովը տարբեր պատճառաբանություններով մեկնաբանություններ չի ներկայացնում կամ փորձում է իր գործառույթները չկատարելը քողարկել «ուսումնասիրություններն ընթացքի մեջ» են պատճառաբանությամբ, դա ոչ այլ ինչ է, եթե ոչ անկարողության ու անգործության ուղղակի հետևանք։

«Հույս չունենաք, որ լավ ենք ապրելու». Վազգեն Մանուկյանը Գյումրիում է

Նշենք, որ այսօր «Ժողովուրդ» թերթը գրել էր, որ դեղատները անբարեխիղճ գործելաոճի համար չեն պատժվում, իսկ ՀՀ տնտեսական մրցակցության պաշտպանության պետական հանձնաժողովը վստահեցնում է, որ դեղերի շրջանառության ոլորտն ուսումնասիրում են:

0
թեգերը:
գին, Կառլեն Խաչատրյան, Տնտեսական մրցակցության պաշտպանության պետական հանձնաժողով (ՏՄՊՊՀ), Դեղ
Ըստ թեմայի
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ
Գնաճը մինչև ո՞ւր կհասնի. էկոնոմիկայի նախարարը վստահեցնում է` մենք դեռ լավ վիճակում ենք
Գները նվազեցրել և բարձրացրել են. ձվի շուկայում գործող 7 ընկերություն է տուգանվել