ԵՐԵՎԱՆ, 3 դեկտեմբերի - Sputnik. Լեռնային Ղարաբաղի վերաբերյալ ձեռք բերված պայմանավորվածությունը կարող է դրական ազդեցություն ունենալ Հայաստանի և Թուրքիայի հարաբերությունների վրա։ Նման հայտարարությամբ է հանդես եկել Թուրքիայի արտգործնախարար Մևլութ Չավուշօղլուն ԵԱՀԿ արտգործնախարարների խորհրդի 27-րդ նիստի ժամանակ։

Նրա խոսքով ՝ Հայաստանի, Ռուսաստանի և Ադրբեջանի միջեւ համաձայնագիրը երեք տասնամյակից հետո խաղաղության հասնելու իրական հնարավորություն է։

© Photo : official site of the MoD of RA

Արցախի և Հայաստանի պաշտպանության նախարարները հանդիպել ու հրատապ հարցեր են քննարկել

«Համաձայնագիրը միանշանակ դրական ազդեցություն կունենա տարածաշրջանային կայունության, ինչպես նաև հայ-ադրբեջանական և թուրք-հայկական հարաբերությունների վրա», - ասել է Չավուշօղլուն:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1746 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Արշակ Զաքարյանի դիտարկմամբ` առողջ մտավորականություն ասվածն այսօր հիմնականում չկա և այն, ինչ մնացել է իշխանությունը զավթած գործակալների կողմից հայկական արժեքների ավերման, ազգակործան կոնվենցիաների ընդունման ֆոնին, մեռնում է մտավորականության հետ։ Ըստ նրա` «Ֆեյսբուքում» կապիկություն անողը կարող է ավելի հայտնի լինել, քան անվանի գրողը կամ ռեժիսորը։

© Sputnik / Asatur Yesayants

Վարչապետը ժամանակ է շահում. մտավորականներն այս իրավիճակում լռողներին փարիսեցի են համարում

«Շատերը, մանավանդ անվանի անձինք, ովքեր հանդես են գալիս քծնող հոդվածներով, ինձ մոտ կորցնում են իրենց արժեքը, որովհետև ակնհայտ է, որ երկրի կործանումն իրականացնող մարդուն գովերգելը չի կարող լինել դասական մտավորականի գործելակերպ։ Հասարակ քաղաքացու մոտ դա կարող է լինել խաբվելու, մոլորության կամ չհասկանալու պատճառով, իսկ մտավորականի մոտ դա կարող է լինել միայն շահադիտական նպատակով»,– նշեց , ռազմական փաստավավերագիրը։

Զաքարյանի կարծիքով` երբ առաջնային են ոչ թե ազգային, այլ անձնական շահերը, եթե նույնիսկ մարդը լավագույն գործն է արել երկրի համար, միևնույն է, այդ մտավորականը նման դեպքերում կորցնում է իր արժեքը։

«Լսե՞լ ենք որևէ գերու վերադարձի մասին». մտավորականները նամակ ուղարկեցին ԱՄՆ դեսպանին