Վլադիմիր Պուտինը և Ռեջեփ Էրդողանը

Պուտինն ու Էրդողանը կրկին քննարկել են ԼՂ-ի հայտարարության կատարման ընթացքը

145
(Թարմացված է 16:15 25.11.2020)
ՌԴ նախագահը Թուրքիայի ղեկավարին տեղեկացրել է ռուս խաղաղապահների գործունեության մասին։

ԵՐԵՎԱՆ, 25 նոյեմբերի - Sputnik. Ռուսաստանի նախագահ Վլադիմիր Պուտինը  և Թուրքիայի նախագահ Ռեջեփ Թայիփ Էրդողանը թուրքական կողմի նախաձեռնությամբ հեռախոսազրույց են ունեցել։ Տեղեկությունը հայտնում է Կրեմլի կայքը։

Նախագահները քննարկել են Լեռնային Ղարաբաղի վերաբերյալ եռակողմ հայտարարության մեջ ամրագրված համաձայնությունների կատարման ընթացքը: ՌԴ նախագահը Թուրքիայի ղեկավարին տեղեկացրել է ռուս խաղաղապահների գործունեության մասին։ Կողմերը շեշտել են փախստականների վերադարձի, ենթակառուցվածքների վերականգնման, մշակութային օբյեկտների պահպանման հետ կապված խնդիրների լուծման առաջնահերթությունը:

Մտքեր են փոխանակվել՝ կապված հակամարտության գոտում հրադադարի ռեժիմի և բոլոր ռազմական գործողությունների վերահսկման կենտրոն ստեղծելու ուղղությամբ տարվող աշխատանքների հետ: Երկուստեք նշվել է տարածաշրջանում կայունության ապահովմանն ու խաղաղ կյանքի հաստատմանը միտված որոշումների հետևողական և լիարժեք կատարման անհրաժեշտությունը:

Ռուսաստանը Կարմիր խաչին 2 մլն եվրո է փոխանցել` Արցախում կատարվելիք գործողությունների համար

Քննարկվել են նաև երկկողմ հարաբերությունների արդիական հարցեր`շեշտը դնելով առևտրատնտեսական կապերի խորացման կարևորության վրա: Պուտինը և Էրդողանը ևս մեկ անգամ ընդգծել են կորոնավիրուսի համաճարակի դեմ պայքարում հետագա համագործակցության իրենց տրամադրվածությունը։ Որպես գերակա խնդիր է որոշվել պատվաստանյութերի մշակումը, արտադրումը և օգտագործումը։

145
թեգերը:
Արցախ, Եռակողմ հայտարարություն, Ղարաբաղյան հակամարտություն, Լեռնային Ղարաբաղ, հեռախոսազրույց, Ռեջեփ Թայիփ Էրդողան, Վլադիմիր Պուտին
Ըստ թեմայի
Ինչպես ապրել պատերազմից հետո, կամ դեղատոմսեր՝ սթրեսի դեմ
Քարվաճառի վերջին հայկական օրը. կադրեր` լքված հայոց միջնաբերդից
Ուրվական քաղաքը, կամ Ստեփանակերտը փորձում է ապրել
Ալեքսեյ Նավալնուն ձերբակալել են Մոսկվայի «Շերեմետևո» օդանավակայանում

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

99
(Թարմացված է 23:25 17.01.2021)
Ալեքսեյ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

ԵՐԵՎԱՆ, 17 հունվարի – Sputnik. Ռուսաստանցի քաղաքական գործիչ և բլոգերԱլեքսեյ Նավալնին Գերմանիայից Ռուսաստան է վերադարձել և ձերբակալվել օդանավակայանում։ Տեղեկությունը հայտնում է ՌԻԱ Նովոստին` հղում անելով Պատիժների կատարման դաշնային ծառայությանը (ՊԿԴԾ)։

«Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից», - հավելել են գերատեսչությունում:

Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Մերկելը գաղտնի հանդիպել է Նավալնու հետ. Spiegel

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

«Բեռլինը բլեֆ է անում». Զախարովան մեկնաբանել է Նավալնու գործը

99
թեգերը:
Ձերբակալություն, Շերեմետևո, Ալեքսեյ Նավալնի, Ռուսաստան
Ըստ թեմայի
Նավալնին չի օգնի. Գերմանիայում սխալ են որակել «Հյուսիսային հոսք - 2»–ը կասեցնելու կոչերը
Գերմանիան Նավալնուն կստիպի լռել, քանի որ նրա վերադարձը հղի է կանխատեսելի հետևանքներով
Թրամփը չի ցանկանում խառնվել Նավալնու հետ կապված «մութ պատմությանը»
Պատվաստում

Իսրայելում «Pfizer» պատվաստանյութի ներարկումից հետո 13 մարդ դիմային կաթված են ստացել

101
(Թարմացված է 20:23 17.01.2021)
Պատվաստում ստացածներից մեկը պատմել է, որ ներարկումից մի քանի րոպե անց դնչի և բերանի հատվածում տարօրինակ զգացողություններ է ունեցել:

ԵՐԵՎԱՆ, 17 հունվարի – Sputnik. Իսրայելում կորոնավիրուսի դեմ «Pfizer» պատվաստանյութի առաջին ներարկումից հետո 13 հոգի դիմային նյարդի կաթված են ստացել։ Տեղեկությունը հայտնում է ՌԻԱ Նովոստին՝ հղում անելով «Едиот Ахронот»–ին։

«Նախարարության տվյալներով՝ առնվազն 13 մարդու մոտ ի հայտ են եկել դեմքի մի մասի թուլության (պարեզ) նշաններ, սակայն բժիշկները համարում են, որ գործնականում այդպիսի դեպքերի թիվն ավելի շատ է»,-նշում է կայքը:

Պատվաստվողներից մեկը պատմել է, որ ներարկումից մի քանի րոպե անց դնչի և բերանի հատվածում տարօրինակ զգացողություններ է ունեցել:

«Առնվազն 28 ժամ ունեցել եմ այդ զգացողությունը: Չեմ կարող ասել, որ այն լիովին անցել է, բայց ուրիշ ցավ չեմ զգում»,-ասել է տղամարդը:

Իսրայելի առողջապահության նախարարությունը հայտարարել է, որ բոլոր նրանք, ովքեր ներարկումից հետո նմանատիպ ախտանշաններ ունեն, միայն լիովին ապաքինվելուց հետո կարող են ստանալ պատվաստանյութի երկրորդ դեղաչափը:

Էրդողանը պատվաստվել է կորոնավիրուսի դեմ

Իսրայելում կորոնավիրուսի դեմ զանգվածային պատվաստումը սկսվել է դեկտեմբերի 20-ին։ Պատվաստանյութի երկրորդ չափաբաժինը մարդիկ սկսել են ստանալ հունվարի 10-ից: Առաջին փուլում պատվաստել են բուժաշխատողներին, բժիշկ ուսանողներին, իշխանության ներկայացուցիչներին, որոնք պետք է օրինակ ծառայեին բոլորի համար: Երկրորդ փուլում սկսել են պատվաստել 60 տարեկանից բարձր և ռիսկային խմբում գտնվող մարդկանց։ Պատվաստանյութի առաջին չափաբաժինը ստացել է ավելի քան երկու միլիոն մարդ, երկրորդը՝ ավելի քան 200 հազար:

Պուտինն ասել է, որ կորոնավիրուսի դեմ ռուսական պատվաստանյութն ամենալավն է աշխարհում

101
թեգերը:
Իսրայել, պատվաստանյութ, կորոնավիրուս
թեմա:
Կորոնավիրուսը աշխարհում
Ըստ թեմայի
«Սպուտնիկ V»-ն հասել է Աֆրիկա. ինչո՞ւ են վստահում ռուսական պատվաստանյութին
Արցախում ռուս խաղաղապահներին պատվաստում են կորոնավիրուսի դեմ
Հայաստանի ռուսական բազայում կորոնավիրուսի դեմ պատվաստում է սկսվել