Սփյուռքում բողոքի ակցիաները շարունակվում են

Հայերը չեն լռում. սփյուռքում բողոքի ակցիաները շարունակվում են. լուսանկարներ

290
(Թարմացված է 09:55 23.11.2020)
Սփյուռքի գլխավոր հանձնակատարի գրասենյակը լուսանկարներ է հրապարակել աշխարհի տարբեր երկրներում հայության անցկացրած բողոքի ակցիաներից։

ԵՐԵՎԱՆ, 23 նոյեմբերի — Sputnik. Արտասահմանում բնակվող հայերը շարունակում են պայքարն ընդդեմ Թուրքիայի ու Ադրբեջանի հայատյաց քաղաքականության։

Акции протеста среди диаспоры в разных странах продолжаются
Սփյուռքում բողոքի ակցիաները շարունակվում են

Ինչպես հայտնում է Սփյուռքի գլխավոր հանձնակատարի գրասենյակը, սփյուռքում հուսահատությունը մի կողմ են դրել և շարունակում են պայքարը:

Акции протеста среди диаспоры в разных странах продолжаются
Սփյուռքում բողոքի ակցիաները շարունակվում են

«Աշխարհին արդարություն պարտադրելու ճանապարհին հայերը չեն պատրաստվում լռել: Ֆրանսիայի տասնյակ խոշորագույն քաղաքներից մինչև Իտալիայի և այլ պետությունների բազմաթիվ շրջանների կողմից Արցախի ճանաչման բանաձևերի ընդունում, թուրքական արտադրության ապրանքների դեմ բոյկոտ, Ադրբեջանի դեմ պատժամիջոցների կիրառում և միջազգային կազմակերպությունների կողմից թուրքական շահերը սպասարկող ծառայությունների կասեցում»,– ասված է Սփյուռքի գլխավոր հանձնակատարի գրասենյակի տարածած հաղորդագրության մեջ։

Акции протеста среди диаспоры в разных странах продолжаются
Սփյուռքում բողոքի ակցիաները շարունակվում են

Նշվում է նաև, որ հայրենիքի կողքին կանգնելու պատրաստակամության մեջ ոչինչ չի փոխվել:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1678 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

290
թեգերը:
Գերմանիա, Իտալիա, Ֆրանսիա, Արցախյան պատերազմ, Արցախ, Ղարաբաղյան հակամարտություն, Լեռնային Ղարաբաղ, Բողոքի ակցիա, սփյուռքահայ, Սփյուռք
Ըստ թեմայի
Մարդիկ բախվել են մահի ու տառապանքի. Լեհաստանի մտավորականության նամակն իշխանությանը
59 ժողով` Հարավսլավիայի 1-ին տիկնոջ թեմայով, կամ Աննա Հակոբյանի՞ն ենք ընտրել, թե՞...
Միջազգային հակաականային կենտրոնի ռուսական ստորաբաժանումները ուղևորվել են Արցախ
Վարազդատ Հարոյան

«Թարգմանիչ ունեմ»․ Հարոյանը՝ իսպանական նոր թիմի, մարզչի և ֆուտբոլիստների մասին

6
(Թարմացված է 16:36 29.07.2021)
Հարոյանը նշել է, որ Իսպանիայում բոլորովին այլ հարաբերություններ են ֆուտբոլիստների ու մարզիչների, ինչպես նաև ֆուտբոլիստների ու ակումբի նախագահի միջև։

 

ԵՐԵՎԱՆ, 29 հուլիսի - Sputnik. Հայաստանի հավաքականի կենտրոնական պաշտպան Վարազդատ Հարոյանը վստահ է, որ յուրաքանչյուր հայ ֆուտբոլիստի համար երազանք է խաղադաշտ դուրս գալ այնպիսի ֆուտբոլիստների դեմ, ինչպիսիք են Մեսսին ու Սուարեսը: Հարոյանը դա ասել է «Մատչ ՏՎ»-ին տված հարցազրույցում։

«Երբ Ղազախստանում էի խաղում, հավաքականի մարզիչը (Խոակին Կապառոսը – խմբ.) ասաց, որ Լա Լիգայում հայտնվելու տարբերակ կա։ Շատ ուրախ եմ, որ միացել եմ թիմին, ինձ լավ ընդունեցին», - ասել է նա։

Նրա խոսքով՝ Իսպանիայում բոլորովին այլ հարաբերություններ են ֆուտբոլիստների ու մարզիչների, ինչպես նաև ֆուտբոլիստների ու ակումբի նախագահի միջև։

«Նույնիսկ չեմ կարող նկարագրել, թե որքան լավ ու պարզ հարաբերություններ են, բոլորն իրար համար հարազատ մարդիկ են։ Իմ նախորդ ակումբներում այդպես չի եղել», - խոստովանել է հայ պաշտպանը։

Խոսելով Հայաստանի ազգային հավաքականի մարզիչ Խոակին Կապառոսի մասին՝ Վարազդատ Հարոյանը նրան անվանել է «շատ լավ մարդ՝ հարուստ կենսագրությամբ ու մարզչական մեծ կարիերայով»:

«Լավ է հասկանում երիտասարդ խաղացողներին ու նրանց հնարավորություն է տալիս։ Վերջին երեք հանդիպումներն ապացուցեցին, որ մենք ուժեղ երիտասարդ տղաներ ունենք» - ասել է նա

Հարոյանը խոսել է նաև այն մասին, թե ինչ լեզվով է շփվում թիմակիցների հետ։

«Սկզբում դժվարություններ կային, բայց ես Իսպանիայում ապրող հայ թարգմանիչ ունեմ։ Թիմի որոշ ֆուտբոլիստներ լավ են անգլերեն խոսում, այդ պատճառով այժմ խնդիրներ չկան։ Կամաց-կամաց սովորում եմ իսպաներեն։ Այն ամենը, ինչ պահանջվում է հասկանալ մարզման ժամանակ, արդեն հասկանում եմ», - ասել է ֆուտբոլիստը։

Հարոյանն արդեն ժամանել է Իսպանիա. իսպանական ակումբը «Բարի գալուստ» է մաղթել նրան

Հիշեցնենք, որ Հարոյանը Երևանի «Փյունիկի» խաղացող էր, որից հետո հանդես էր գալիս Իրանի ու Ռուսաստանի առաջնություններում: 2021 թվականի սկզբից ղազախական «Աստանայի» կազմում մասնակցել է կես մրցաշրջանի։ Հուսալի խաղը, ինչպես նաև Հայաստանի հավաքականի հաջող ելույթները ստիպել են իսպանական ակումբի սելեկցիոներին նրա վրա ուշադրություն դարձնել:

6
թեգերը:
ֆուտբոլիստ, ֆուտբոլ, Իսպանիա, Վարազդատ Հարոյան
Ըստ թեմայի
Վարազդատ Հարոյանը տեղափոխվել է իսպանական «Կադիս»
«Առաջին հայը Լա Լիգայում». Կապառոսը շնորհավորել է Հարոյանին
Հարոյանի մասնակցությունը հարցականի տակ է. Հայաստանի հավաքականն առաջին մարզումն է անցկացրել
Սաիդ Խաթիբզադե

Իրանը պատրաստ է միջնորդ դառնալ հայ-ադրբեջանական բանակցությունների համար. Սաիդ Խաթիբզադե

38
(Թարմացված է 16:11 29.07.2021)
Իրանական կողմը պատրաստ է ցանկացած օգնություն ցուցաբերել Հայաստանի և Ադրբեջանի միջև հակասությունները կարգավորելու համար։

ԵՐԵՎԱՆ, 29 հուլիսի – Sputnik. Իրանը պատրաստ է միջնորդել հայ-ադրբեջանական բանակցությունների համար: Նման հայտարարություն է արել Իրանի ԱԳՆ պաշտոնական ներկայացուցիչ Սաիդ Խաթիբզադեն։

«ԱԳՆ ներկայացուցիչը հայտարարել է տարածաշրջանում կայուն խաղաղության հաստատման համար ցանկացած օգնություն ցուցաբերելու` Իրանի պատրաստակամության մասին», - հաղորդում է գերատեսչության մամուլի ծառայությունը:

Նա նաև նշել է, որ երկու երկրներին անհրաժեշտ է հնարավորինս շուտ դադարեցնել սրումն ու բախումները և Հարավային Կովկասում հասնել հրադադարի:

«Խաթիբզադեն մտահոգություն է հայտնել Հայաստանի և Ադրբեջանի ուժերի միջև սահմանային հակամարտության շարունակման կապակցությամբ, ափսոսանք է հայտնել սպանվածների, վիրավորվածների կապակցությամբ»,-ասվում է հաղորդագրության մեջ:

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել են սադրանքի ու կրակ բացել հայկական դիրքերի ուղղությամբ։

38
թեգերը:
Սահման, հայ-ադրբեջանական, Հայաստան, Իրանի Իսլամական Հանրապետություն
Ըստ թեմայի
Հայ-ադրբեջանական սահմանն ու Իրանը, կամ արտաքին ուժերը խաղում են փխրուն խաղաղության վրա
Փաշազադեն արցախյան հաղթանակը վերագրել է Իրանին և քննադատության ալիք բարձրացրել Թուրքիայում
Իրանի ԱԳՆ-ն ողջունել է Հայաստանում արտահերթ ընտրությունների անցկացումը
Ստանիսլավ Զաս

Ուժի կիրառումն անընդունելի է. Զասը՝ Հայաստանի ու Ադրբեջանի սահմանին տիրող իրավիճակի մասին

0
ՀԱՊԿ գլխավոր քարտուղար Ստանիսլավ Զասը նշել է, որ Երևանն ու Բաքուն հակասությունները կարգավորելու համար պետք է բացառապես քաղաքական-դիվանագիտական միջոցներ օգտագործեն:

ԵՐԵՎԱՆ, 29 հուլիսի - Sputnik. Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասը մտահոգություն է հայտնել Հարավային Կովկասում լարվածության հետագա սրման վտանգի առնչությամբ:

«Լուրջ մտահոգություն է առաջացնում տարածաշրջանում լարվածության հետագա սրման վտանգը, ինչը կարող է բացասաբար անդրադառնալ եռակողմ ձևաչափով պայմանավորվածությունների կատարման վրա։ Այն պայմանավորվածությունների, որոնք ամրագրված են Ադրբեջանի, Հայաստանի ու Ռուսաստանի ղեկավարների` 2020 թվականի նոյեմբերի 9-ի հայտարարության մեջ», - նշել է ՀԱՊԿ գլխավոր քարտուղարը՝ մեկնաբանելով Հայաստանի ու Ադրբեջանի սահմանին տիրող իրավիճակը:

ՀԱՊԿ կայքում հրապարակված փաստաթղթում արձանագրվում է, որ 2021 թվականի հուլիսի 28-ի գիշերը Հայաստանի ու Ադրբեջանի սահմանին տեղի են ունեցել մարտական բախումներ, որոնց հետևանքով հայկական զինված ուժերի երեք զինծառայողներ են զոհվել, չորսը՝ վիրավորվել:

Զասը ցավակցություն է հայտնել զոհվածների ընտանիքներին և շուտափույթ ապաքինում մաղթել վիրավորներին:

«Ուժի կիրառումն անընդունելի ենք համարում։ Հակասությունները կարգավորելու համար պետք է բացառապես քաղաքական-դիվանագիտական միջոցներ օգտագործվեն», – ընդգծել է ՀԱՊԿ գլխավոր քարտուղարը։

Նա ողջունել է Ռուսաստանի ջանքերը՝ ուղղված տարածաշրջանային իրավիճակի կայունացմանը։

0