ՅՈՒՆԵՍԿՕ

ՅՈՒՆԵՍԿՕ-ն օգնություն է առաջարկել Արցախի մշակութային հուշարձանների պահպանության համար

83
(Թարմացված է 18:22 20.11.2020)
ՅՈՒՆԵՍԿՕ-ի ներկայացուցիչները կարող են տեղանքում առաքելություն կատարել բոլոր շահագրգիռ կողմերի համաձայնությամբ, որպեսզի առավել նշանակալի մշակութային արժեքների նախնական հաշվառում ունենան։

ԵՐԵՎԱՆ, 20 նոյեմբերի – Sputnik. ՅՈՒՆԵՍԿՕ-ի գլխավոր տնօրեն Օդրի Ազուլեն առաջարկել է փորձագիտական առաքելություն ուղարկել Արցախ՝ մշակութային ժառանգության օբյեկտների պաշտպանության համար: Այդ մասին նա հայտարարել Է ՅՈՒՆԵՍԿՕ-ում Հայաստանի և Ադրբեջանի ներկայացուցիչների հետ հանդիպման ժամանակ, հաղորդում է ՌԻԱ Նովոստին։

«Այդ հանդիպումների ընթացքում գլխավոր տնօրենը պաշտոնապես տեխնիկական օգնություն է առաջարկել ՅՈՒՆԵՍԿՕ-ի կողմից, որոնք մինչ այժմ չէին կարող այցելել այդ տարածքներ՝ չնայած անցյալում կատարված փորձերին։ Նրանք կարող են տարածքում իրականացնել առաքելություն բոլոր շահագրգիռ կողմերի համաձայնությամբ, որպեսզի առավել նշանակալի մշակութային արժեքների նախնական հաշվառում կազմեն՝ տարածաշրջանի ժառանգության արդյունավետ պաշտպանության համար»,-ասվում է կազմակերպության մամուլի ծառայության հաղորդագրության մեջ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Ռուսաստանի մշակութային գործիչները դիմել են ՅՈւՆԵՍԿՕ-ին՝ Արցախի հուշարձանների խնդրով

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1609 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

83
թեգերը:
մշակույթ, Լեռնային Ղարաբաղ, Արցախ, ՅՈՒՆԵՍԿՕ
Ըստ թեմայի
Ադրբեջանում մշակութային գործիչները հայերի նկատմամբ բռնության կոչեր են անում. ՄԻՊ
Մշակութային զենքը՝ պատերազմի դեմ․ Երևանում, ի հեճուկս ամեն ինչի, մեկնարկեց «Ոսկե ծիրանը»
Ռուսաստանի մշակութային գործիչները դիմել են ՅՈւՆԵՍԿՕ-ին՝ Արցախի հուշարձանների խնդրով
ՈւԵՖԱ

Հայերին սպանելու կոչ անող Նուրլան Իբրահիմովը ցմահ որակազրկվել է

61
(Թարմացված է 17:59 26.11.2020)
Ադրբեջանական ֆուտբոլի ներկայացուցիչների ռազմականացված և քաղաքականացված կեցվածքը պատժվեց ՈւԵՖԱ-ի կողմից։

ԵՐԵՎԱՆ, 26 նոյեմբերի – Sputnik. Ադրբեջանական «Ղարաբաղ» ֆուտբոլային ակումբի մամուլի և հասարակայնության հետ կապերի բաժնի ներկայացուցիչ Նուրլան Իբրահիմովը սոցցանցերից մեկում իր` հայերի սպանելու կոչերի համար ՈւԵՖԱ-ի կողմից որակազրկվել է ցմահ, իսկ ակումբը տուգանվել է 100 հազար եվրոյով։

Նուրլան Իբրահիմովը հոկտեմբերին ֆեյսբուքյան իր էջում կոչ էր արել սպանել բոլոր հայերին՝ ծերերին, կանանց, երեխաներին՝ առանց տարբերակման։ Ճիշտ է, կարճ ժամանակ անց նա հեռացրել էր իր հրապարակումը, բայց շատերն արդեն տեսել, կարդացել ու կրկնօրինակել էին ադրբեջանցի ֆուտբոլային գործչի ոչ մարդկային կոչը։

Հայաստանի ֆուտբոլի ֆեդերացիայի, ինչպես նաև լրատվամիջոցների ու անհատների միջոցով ֆուտբոլային եվրոպական գերատեսչությունը տեղեկացավ Իբրահիմովի արարքի մասին։ ՀՖՖ-ն խնդրեց ՈւԵՖԱ-ին գնահատական տալ ոչ միայն Իբրահիմովի արարքին, այլ զրկել «Ղարաբաղ» ակումբին Եվրոպայի լիգայի խաղարկությանը մասնակցությունից։ Ի դեպ «Ղարաբաղը» խոստացել էր պատժել Իբրահիմովին, բայց այդպես էլ չէր արել։ Այնպես, որ ՈւԵՖԱ-ն  անմիջապես սկսեց ուսումնասիրել տեղի ունեցածը։

Ո՞ւր գնալ, ինչո՞վ ապրել. տունն ու գյուղը կորցրած վուրգավանցու ապագան անորոշ է

ՈւԵՖԱ-ի կողմից կարգապահական հետաքննություն անցկացնելուց հետո, որոշում է կայացրել ֆուտբոլային ամեն տեսակի գործունեությունից ցմահ որակազրկել Նուրլան Իբրահիմովին, իսկ ակումբը տուգանվել է հարյուր հազար եվրոյով։ Բացի այդ ՈւԵՖԱ-ն խնդրել է ՖԻՖԱ-ին տարածել որակազրկումը  ոչ միայն Եվրոպայում, այլ նաև ամբողջ աշխարհում։

ՈւԵՖԱ-ի որոշումը ևս մեկ անգամ ապացուցում է, որ ֆուտբոլը քաղաքականության հետ կապ չունի։

61
թեգերը:
Տուգանք, հայ, ադրբեջանցի, Ադրբեջան, ֆուտբոլ, ՈւԵՖԱ
Ըստ թեմայի
Դպրոցներն ու մանկապարտեզները կգործեն դեկտեմբերի 1-ից․ Ստեփանակերտի քաղաքապետ
Պաշտպանության նախարարությունը հորդորում է ձեռնպահ մնալ ռազմական դրությունը չեղարկելուց
Քարվաճառում տեղադրված դարպասները կոտրվել են, ադրբեջանցիներն առաջ են գալիս. Թովմասյան
ՌԴ արտգործնախարար Սերգեյ Լավրով

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

252
(Թարմացված է 16:05 26.11.2020)
Ռուսաստանի արտգործնախարարը կարծում է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։ 

ԵՐԵՎԱՆ, 26 նոյեմբերի - Sputnik.  «Երկրորդ կարգի» երկրների շարքը, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ կարող է համալրել նաև Բելառուսը։ Այսօր Ռուսաստանի ու Բելառուսի ԱԳՆ-ների կոլեգիաների նիստում ելույթի ժամանակ նման կարծիք է հայտնել ՌԴ արտգործնախարար Սերգեյ Լավրովը։

Լավրովն ընդգծել է, որ Եվրամիության շատ երկրներ ունակ չեն հրաժարվել «ուժի դիրքից մյուսների հետ խոսելու վերամբարձ սովորությունից»։

«Այդ սովորությունը սահմանափակում է իրավահավասար, փոխհարգալից երկխոսության վերականգնման հնարավորությունը։ Նույնիսկ Արևելյան գործընկերության մասնակիցներին են կարգերի դասում։ «Երկրորդ կարգի» երկրների խմբին, որոնց հետ համագործակցությունը փաստացի կարող է սառեցվել, Ադրբեջանի ու Հայաստանի հետ միաժամանակ, դասվում է նաև Բելառուսը», - ավելացրել է նա։

Նա նշել է, որ ներկայիս իրավիճակում Ռուսաստանը ոչ թե մտածում է՝ ինչպես աշխատել Եվրամիության կառույցների հետ, այլ ուզում է հասկանալ՝ արդյո՞ք արժե համագործակցել նրանց հետ, քանի դեռ այդ կառույցներն այսպես են աշխատում։

Ղարաբաղի վերաբերյալ հայտարարության կենսունակությունը վերահաստատվում է ամեն օր. Լավրով

Նա նշել է, որ հարաբերությունները ԵՄ-ի հետ այսօր բարդ են։ Պատճառը ԵՄ մի շարք երկրների ոչ գործընկերային, հաճախ ոչ բարեկամական պահվածքն է, որն արժանանում է ամբողջ Եվրամիության հավանությանը։

252
թեգերը:
Եվրամիություն, Սերգեյ Լավրով, Ադրբեջան, Հայաստան
Ըստ թեմայի
Էրդողանի հայտարարությունը Մակրոնի հասցեին անընդունելի է Եվրամիության համար. Ժոզեպ Բորել
Եվրամիությունը 3 միլիոն եվրո օգնություն կհատկացնի ԼՂ բնակչությանը
Երևան և Բաքու կատարած այցերի արդյունքները կներկայացվեն Պուտինին. Լավրով
Տարոն Հովհաննիսյան

Ի՞նչ կտա Հայաստանին Արցախի միջազգային ճանաչման վերաբերյալ Ֆրանսիայի Սենատի բանաձևը

0
«Օրբելի» կենտրոնի վերլուծաբան Տարոն Հովհաննիսյանը Sputnik Արմենիայի եթերում անդրադարձել է Արցախի Հանրապետության անկախությունը ճանաչելու վերաբերյալ Ֆրանսիայի Սենատի բանաձևին հաջորդած ադրբեջանական կողմի արձագանքներին։
«Ֆրանսիայի Սենատի բանաձևը Արցախի միջազգային ճանաչման հող է նախապատրաստում». Հովհաննիսյան

Ադրբեջանի խորհրդարանը հայտարարություն է ընդունել, որում Ֆրանսիայի Սենատին բողոք է հայտնել Լեռնային Ղարաբաղի վերաբերյալ բանաձևի կապակցությամբ, իսկ կառավարությանն առաջարկել է դիմել ԵԱՀԿ-ին` Ֆրանսիային Մինսկի խմբի համանախագահների կազմից հեռացնելու համար:

Տարոն Հովհաննիսյանի դիտարկմամբ` Ադրբեջանի համար տվյալ բանաձևն իհարկե խիստ անցանկալի է, ինչպես և Արցախի միջազգային ճանաչմանն ուղղված ցանկացած քայլ։ Ադրբեջանական կողմը բավականին ցավոտ է ընդունում նման որոշումները, հետևաբար այս պահին ողջ հնարավոր ռեսուրսները գործի են դրել, որպեսզի վարկաբեկեն Ֆրանսիայի Սենատի կողմից ընդունված բանաձևն ու Ֆրանսիայի դերակատարությունը։

Ադրբեջանական կողմը հասկանում է, որ հակամարտությունից կամ կարգավորման գործընթացից, օրինակ, Ռուսաստանին, դուրս մղելը հնարվոր չէ, քանզի ռուս խաղաղապահներն արդեն Լեռնային Ղարաբաղում են։ Այս պարագայում ամենաթույլ օղակը հենց Ֆրանսիան է, հետո նոր ԱՄՆ–ն, հետևաբար Ադրբեջանն ակտիվ կերպով թիրախավորում է հենց Ֆրանսիային` որպես առիթ օգտագործելով նաև Սենատի կողմից ընդունված բանաձևը»,– նշեց վերլուծաբանը։ 

ԼՂ անկախության միակողմանի ճանաչումն օգուտ չի բերի ոչ մեկին. Ֆրանսիայի ԱԳՆ–ի արձագանքը

Հովհաննիսյանի կարծիքով` հավանականությունը ցածր է, որ Ֆրանսիայի կառավարությունը կճանաչի Արցախի անկախությունը` հաշվի առնելով այդ երկրի ԱԳՆ ներկայացուցչի ելույթը Սենատում, ուստի դրական ակնկալիքներն այս պահին իրատեսական չեն, թեև Սենատի ընդունած բանաձևը մյուս կողմից միջազգային ասպարեզում Արցախի ճանաչման համար հող է նախապատրաստում։ 

Վերլուծաբանի համոզմամբ` Ֆրանսիայի Սենատի բանաձևը կարող է հիմք հանդիսանալ նաև մեր հետագա քաղաքականության մշակման համար` հաշվի առնելով թե՛ տեղում առկա իրողությունները, թե՛ Ռուսաստանի գործոնը և ունեցած դերը։ Ըստ նրա` կարևոր է, թե մենք ինչ խնդիր ենք դնում մեր առջև և դրա լուծման նպատակով ինչ քայլեր ենք նախատեսում։ 

Եթե մեր պետության համար շարունակում է գերակա խնդիր մնալ Արցախի միջազգային ճամաչումը և Ադրբեջանի կազմից ցանկացած կարգավիճակով դուրս մնալու առաջնահերթությունը, ապա դրան զուգահեռ պետք է հարթակներ ձևավորվեն` հետագայում ներկայացնելու և ցույց տալու համար, որ միջազգային իրավունքի և հայկական բնակչության իրավունքների պաշտպանության տեսանկյունից միակ ճիշտ ելքն Արցախի անկախության ճանաչումն է։  

Հայաստանն ու Ադրբեջանը ԵՄ-ի համար «երկրորդ կարգի» երկրներ են․ Լավրով

Հիշեցնենք, որ նոյեմբերի 25-ին Ֆրանսիայի Սենատը ձայների բացարձակ մեծամասնությամբ բանաձև ընդունեց՝ կոչ անելով երկրի կառավարությանը ճանաչել Արցախը։

 

 

 

 

 

0
թեգերը:
բանաձև, Ֆրանսիա, Արցախ, Տարոն Հովհաննիսյան
Ըստ թեմայի
Ֆրանսիայի Սենատն Արցախի անկախությունը ճանաչելու մասին բանաձև ընդունեց
Մեզ ասվել է, որ համանախագահները դեմ են. Մարուքյանը՝ Արցախի անկախությունը չճանաչելու մասին
ՀՀ նորանշանակ արտգործնախարարն ու Գուտերեշն Արցախի հետ կապված հարցեր են քննարկել