Իլհամ Ալիևն ու Մեհրբան Ալիևան

Նիդեռլանդների խորհրդարանը պատժամիջոցներ կկիրառի Իլհամ Ալիևի ու Մեհրիբան Ալիևայի դեմ

1202
(Թարմացված է 20:44 17.11.2020)
Եվրամիության անդամ երկիրը կողմ է, որ ԵՄ–ն էմբարգո կիրառի Թուրքիայի նկատմամբ` Արցախում կատարված ոճրագործություններին մեղսակից լինելու համար։

ԵՐԵՎԱՆ, 17 նոյեմբերի - Sputnik. Նիդեռլանդների խորհրդարանը անհատական պատժամիջոցներ կկիրառի Ադրբեջանի նախագահ Իլհամ Ալիևի և փոխնախագահ Մեհրիբան Ալիևայի դեմ։ Տեղեկությունը հայտնում է Նիդեռլանդներում Հայաստանի արտակարգ և լիազոր դեսպան Տիգրան Բալայանը։

«Նիդեռլանդների խորհրդարանն ընդունել է միջնորդություններ` կիրառելու անհատական պատժամիջոցներ Իլհամ Ալիևի և նրա ընտանիքի դեմ` Արցախում կատարված ոճրագործությունների համար», – գրել է դեսպանը։

Նիդեռլանդները` որպես Եվրամիության անդամ, կողմ է, որ ԵՄ–ն էմբարգո կիրառի Թուրքիայի նկատմամբ` Արցախում կատարված ոճրագործություններին մեղսակից լինելու համար։

​Թուրքիան առաջին օրվանից ակտիվորեն ներգրավված է եղել Լեռնային Ղարաբաղի դեմ պատերազմում։ Ադրբեջանական բանակում ղեկավարել և ծառայել են թուրք զինվորականներ, կիրառվել է թուրքական ավիացիա և անօդաչու թռչող սարքեր։ Բացի այդ, Արցախի դեմ կռվելու համար Թուրքիան մի քանի հազար սիրիացի գրոհայիններ է տեղափոխել Ադրբեջան։

ԱՄՆ–ն ու Եվրոպան պետք է միասին աշխատեն Թուրքիայի ագրեսիան զսպելու համար. Պոմպեո

1202
թեգերը:
Իլհամ Ալիև, Նիդեռլանդներ, Ադրբեջան
Ըստ թեմայի
«Դա Թուրքիայի ներքին գործն է»․ Պեսկովը՝ թուրք զինվորականներին Ադրբեջան ուղարկելու մասին
ԱԽՔ Արմեն Գրիգորյանը ՀԱՊԿ նիստում խոսել է պատերազմում Ռուսաստանի և Թուրքիայի դերերի մասին
Նրանք պարզաբանումներ կստանան ղարաբաղյան համաձայնագրի և Թուրքիայի դերի վերաբերյալ. Պեսկով
ՄԻԵԴ

ՄԻԵԴ–ը վերացրել է Թուրքիայի նկատմամբ կիրառված միջանկյալ միջոցը

45
(Թարմացված է 18:57 02.12.2020)
Չնայած Թուրքիայի նկատմամբ ՄԻԵԴ–ը վերանայել է իր որոշումը, սակայն նաև վերահաստատել է, որ Ադրբեջանի նկատմամբ կիրառված միջանկյալ միջոցը շարունակում է մնալ ուժի մեջ:

ԵՐԵՎԱՆ, 2 դեկտեմբերի – Sputnik. ՄԻԵԴ-ում ՀՀ ներկայացուցիչը տեղեկացնում է, որ Մարդու իրավունքների եվրոպական դատարանը վերացրել է Թուրքիայի նկատմամբ կիրառված միջանկյալ միջոցը։

Դեռ հոկտեմբերի 6-ին հայտնի դարձավ, որ ՄԻԵԴ-ը բավարարել է ՀՀ կառավարության պահանջը և միջանկյալ միջոց է կիրառել Թուրքիայի նկատմամբ։ Դատարանը կոչ էր արել բոլոր ուղղակի կամ անուղղակի ներգրավված երկրներին, այդ թվում՝ Թուրքիային, զերծ մնալ քաղաքացիական բնակչության՝ Կոնվենցիայով պաշտպանվող իրավունքները խախտելուց։ ՄԻԵԴ–ը մեկ անգամ` հոկտեմբերի 13-ի որոշմամբ, մերժել էր Թուրքիայի արտգործնախարար Մևլութ Չավուշօղլուի ներկայացրած միջնորդությունը, որով Թուրքիան պահանջում էր վերացնել իր նկատմամբ կիրառած միջանկյալ միջոցը։

«Նոյեմբերի 9-ին ԼՂ հակամարտության վերաբերյալ Հայաստանի վարչապետի, Ռուսաստանի նախագահի և Ադրբեջանի նախագահի միջև ստորագրված համատեղ հայտարարությունը հիմք ընդունելով՝ Թուրքիան նոյեմբերի 17-ին դիմել է Եվրոպական դատարան՝ չեղարկելու իր հանդեպ կիրառված միջանկյալ միջոցի որոշումը: Դեկտեմբերի 1-ին դատարանը վերանայել է Թուրքիայի նկատմամբ հոկտեմբերի 6-ին Հայաստանն ընդդեմ Թուրքիայի գործով միջանկյալ միջոց կիրառելու վերաբերյալ որոշումը»,–նշված է ՄԻԵԴ-ում ՀՀ ներկայացուցչի ֆեյսբուքյան էջում տարածված հայտարարության մեջ։

Միաժամանակ ՄԻԵԴ-ը վերահաստատել է, որ Ադրբեջանի նկատմամբ կիրառված միջանկյալ միջոցը շարունակում է մնալ ուժի մեջ:

Գերիների հետ Ադրբեջանի գործողությունների վերաբերյալ նոր փաստեր են ներկայացվում ՄԻԵԴ

Հիշեցնենք, որ նոյեմբերի 20-ին հայտնի դարձավ` Մարդու իրավունքների եվրոպական դատարանը բավարարել է Հայաստանի ներկայացրած հերթական դիմումն ընդդեմ Ադրբեջանի։ Թվով 9 ռազմագերիների մասով Ադրբեջանի նկատմամբ ՄԻԵԴ–ը կիրառել է միջանկյալ միջոց՝ պահանջելով տրամադրել ռազմագերիների վերաբերյալ տեղեկատվություն և հայտնել փոխանակման ժամկետների մասին մինչև նոյեմբերի 27-ը։

Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

45
թեգերը:
Ադրբեջան, Թուրքիա, Հայաստան, Մարդու Իրավունքների Եվրոպական դատարան (ՄԻԵԴ)
Ըստ թեմայի
Հայաստանը ՄԻԵԴ–ին արցախյան պատերազմում Թուրքիայի ներգրավվածության փաստեր է ներկայացրել
ՄԻԵԴ-ն Ադրբեջանից հայ գերիների պահման պայմանների մասին տեղեկություն է պահանջել
ՄԻԵԴ-ը պարտավորեցրել է Ադրբեջանին տեղեկատվություն տրամադրել առևանգված 10 քաղաքացու մասին

ՀԱՊԿ անդամ երկրները հռչակագիր են ընդունել

63
(Թարմացված է 18:21 02.12.2020)
ՀԱՊԿ-ը կողմ է, որ միջազգային ու տարածաշրջանային հակամարտությունները կարգավորվեն բացառապես խաղաղ ճանապարհով։

ԵՐԵՎԱՆ, 2 դեկտեմբերի - Sputnik. Հավաքական անվտանգության մասին պայմանագրի կազմակերպությունն ավելացնելու է իր մասնակցությունը խաղաղության ու անվտանգության ապահովման գործում։ Այդ մասին ասված է ՀԱՊԿ անդամ երկրների առաջնորդների համատեղ հռչակագրում, որն ընդունվել է գագաթնաժողովի արդյունքում ու հրապարակվել Կրեմլի կայքում։

«ՀԱՊԿ-ն իր մասնակցությունը կավելացնի խաղաղության ու անվտանգության ապահովման գլոբալ ջանքերում՝ կողմ լինելով միջազգային ու տարածաշրջանային, նախևառաջ զինված հակամարտությունների հետևողական կարգավորմանը բացառապես խաղաղ ճանապարհով, քաղաքական-դիվանագիտական միջոցներով ՝ միջազգայնորեն ճանաչված բանակցային ձևաչափերի շրջանակներում, ելնելով միջազգային իրավունքի համընդհանուր ճանաչում ունեցող սկզբունքներից և նորմերից ՝ առանց ընտրական մոտեցման», - նշված է փաստաթղթում։

Ղարաբաղում խաղաղապահներ տեղակայելու գաղափարներ ՀԱՊԿ-ի նիստում չեն հնչել. Լավրով

ՀԱՊԿ երկրները շարունակում են համատեղ խորհրդատվություններ անցկացնել անվտանգության միջազգային և տարածաշրջանային խնդիրների շուրջ իրենց արտաքին քաղաքական դիրքորոշումները համակարգելու նպատակով:

ՀԱՊԿ-ի կազմում վեց երկիր կա՝ Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:

Ռուսաստանը կորոնավիրուսի դեմ պատվաստանյութ կմատակարարի ՀԱՊԿ երկրներին. Պուտին

63
թեգերը:
Հավաքական անվտանգության պայմանագիր կազմակերպություն (ՀԱՊԿ), Հայաստան
Ըստ թեմայի
Ռուսաստանին և Իրանին ձեռնտու չէ Արցախը թուրքոմաններով և վարձկաններով բնակեցնելը
Ադրբեջանի մոնիթորինգի կենտրոնում Ռուսաստանի և Թուրքիայի զինվորականների թիվը հավասար կլինի
Ռուսաստանի ԱԻՆ-ն օգնում է վերականգնել Ասկերանի դպրոցներից մեկը

«Նիկոլ դավաճան, Նիկոլ հեռացիր». բազմամարդ երթ` Երևանի կենտրոնում

0
(Թարմացված է 19:54 02.12.2020)
Բողոքի ակցիան ավարտվեց Հանրապետության հրապարակում` կառավարության շենքի դիմաց մեծ եռագույն դրոշ ծածանելով:

ՀՀ վարչապետ Նիկոլ Փաշինյանի հրաժարականը պահանջողները բողոքի ակցիայից հետո Երևանի կենտրոնական փողոցներով երթ իրականացրին։

Երթի մասնակիցները վանկարկում էին «Նիկոլ դավաճան, Նիկոլ հեռացիր»։

Բազմամարդ երթը մեկնարկեց Ազատության հրապարակից և Մաշտոցի պողոտայով, Ամիրյան փողոցով եկան ՀՀ կառավարության շենքի մոտ։

Նշենք, որ այսօր Ազատության հրապարակում կայացավ ընդդիմադիր կուսակցությունների հերթական բողոքի ակցիան` ՀՀ վարչապետ Նիկոլ Փաշինյանի հրաժարականի պահանջով։

Բողոքի ակցիան ավարտվեց Հանրապետության հրապարակում` կառավարության շենքի դիմաց «Նիկոլ Դավաճան» վանկարկումներով ու  հրապարակի կենտրոնում մեծ եռագույն դրոշ ծածանելով:

0
թեգերը:
Հրաժարական, Նիկոլ Փաշինյան, Հայ Յեղափոխական Դաշնակցություն (ՀՅԴ), Երևան, Բողոքի ակցիա
Ըստ թեմայի
Անցումային կառավարությունը պետք է վերացնի եռակողմ հայտարարության տակ դրված ականները
«Ես վախենում եմ». քաղաքացիները` Թուրքիայի և Ադրբեջանի հետ սահմանները բացելու մասին
«Նոյեմբերի 10-ը պիտի հայրենադավության օր հռչակվի». Նաիրա Զոհրաբյանը նոր նախագիծ է մշակում