Թուրքիայի նախագահ

ԱՄՆ–ն ու Եվրոպան պետք է միասին աշխատեն Թուրքիայի ագրեսիան զսպելու համար. Պոմպեո

264
(Թարմացված է 20:04 17.11.2020)
ԱՄՆ պետքարտուղարը «շատ ագրեսիվ» է որակել Թուրքիայի ներգրավվածությունը Լեռնային Ղարաբաղի պատերազմում և Լիբիայում։

ԵՐԵՎԱՆ, 17 նոյեմբերի - Sputnik. ԱՄՆ պետքարտուղար Մայք Պոմպեոն Ֆրանսիա կատարած իր վերջին այցի ժամանակ Թուրքիային քննադատել է վերջին ամիսների գործողությունների համար: Տեղեկությունը հայտնում է Reuters լրատվական գործակալությունը։

«Ֆրանսիայի նախագահ Էմանուել Մակրոնը և ես համաձայն ենք, որ վերջին շրջանում Թուրքիայի գործողությունները շատ ագրեսիվ էին », - ասել է նա` բացատրելով, որ նկատի ունի Թուրքիայի աջակցությունը Ադրբեջանին Լեռնային Ղարաբաղի հակամարտությունում, ինչպես նաև Թուրքիայի գործողությունները Լիբիայում և Միջերկրական ծովում:

Պոմպեոն նշել է նաև, որ Թուրքիայի ռազմական կարողությունների ավելացումը նույնպես մտահոգության տեղիք է տալիս: Պետքարտուղարի խոսքով` ԱՄՆ–ն ու Եվրոպան պետք է միասին աշխատեն Թուրքիայի ագրեսիան զսպելու համար ։

«Եվրոպան ու Միացյալ Նահանգները պետք է համատեղ աշխատեն Էրդողանին համոզելու համար, որ նման գործողությունները չեն բխում իր իսկ ժողովրդի շահերից», - շեշտել է նա:

«Դա Թուրքիայի ներքին գործն է»․ Պեսկովը՝ թուրք զինվորականներին Ադրբեջան ուղարկելու մասին

Պոմպեոն անհրաժեշտ է համարել Լեռնային Ղարաբաղի հիմնախնդրի լուծումը ԵԱՀԿ Մինսկի խմբի միջոցով։

Նրանք պարզաբանումներ կստանան ղարաբաղյան համաձայնագրի և Թուրքիայի դերի վերաբերյալ. Պեսկով

264
թեգերը:
Մայք Պոմպեո, Թուրքիա, ԱՄՆ
Համերգ Վիեննայում

Օգտակարն ու հաճելին` մեկ տեղում. վայելիր համերգ ու ցուցադրություն և օգնիր Արցախին

23
(Թարմացված է 21:07 04.12.2020)
Եթե ուզում էիք լավ համերգի կամ հետաքրքիր ցուցադրության գնալ, մշակութային դասախոսություն լսել կամ ձեր և ձեր ընկերների համար նվերներ գնել, նաև Արցախում պատերազմի պատճառով տուժածներին օգնելու տարբերակ էիք փնտրում, ապա մեր նյութը ձեզ համար է։

Ժաննա Պողոսյան, Sputnik Արմենիա

Այս տարի երևի աշխարհի բոլոր երկրները կորոնավիրուսի պատճառով չեղարկված կամ հետաձգված միջոցառումների ռեկորդ են սահմանել։ Տարվա երրորդ կեսին Հայաստանը կարծես միացել էր նոր թրենդին՝ առցանց համերգներին, ակցիաներին և այլն, բայց պատերազմ սկսվեց։

Չնայած նոյեմբերի 9-ի եռակողմ հայտարարության ընդունումից հետո  պատերազմն ավարտվել է, սակայն հաշվի առնելով հայկական կողմի կորուստները՝ և՛ մարդկային, և՛ տարածքային, նաև բարոյահոգեբանական մթնոլորտը, Հայաստանում չեղարկեցին շատերի համար սիրելի Ամանորը։ Պատմության մեջ առաջին անգամ Հանրապետության հրապարակում տոնածառ չի դրվի, իսկ քաղաքային համերգները, ժամանցային հաղորդաշարներն ու խնջույքները կչեղարկվեն։ Նույնիսկ առանց իշխանության որոշման հիմա Հայաստանում քչերը կցանկանան ծնունդ կամ հարսանիք անել։

«Անունս Արցախ է». Երևանում կայացած համերգների ընթացքում 30 մլն դրամ է հավաքվել. տեսանյութ

Սակայն եթե ուզում եք մշակութային կյանքով ապրել ու միաժամանակ ներդրում ունենալ հայրենիքի վերականգնման գործում, ներկայացնում ենք հինգ հետաքրքիր բարեգործական միջոցառում, որոնց շահույթն ուղղվելու է Արցախում պատերազմից տուժածներին։

Գնել «Նշույլներ», լսել «Տիեզերքին» ու օգնել արցախցիներին

Տաս օր անընդմեջ՝ դեկտեմբերի 4-ից 14-ը, Երևանի կենտրոնում` «Զանգակ» գրատանը կանցկացվի ժամանակակից արվեստի «Նշույլներ» (Glimmers) ցուցահանդես-վաճառքը, որում ներկայացված կլինեն 15  երկրների արտիստների 34 մշակութային գործեր։

«Մեր ընտրած ստեղծագործությունները նկարիչների առաջին գործերն են Արցախում վերջերս տեղի ունեցած պատերազմի  մասին։ Սա իսկապես այն հույզերի եզակի հավաքածուն է, որը մենք զգացել ենք վերջին մի քանի ամիսների ընթացքում։ Ցուցադրությունն ընդգծում է հայ նկարիչների ստեղծագործական բազմազանություն ու տաղանդը», - ասում են կազմակերպիչները։

Ահա նկարներից մեկը, որը ցուցադրվելու է «Զանգակում»։

«Տիեզերք» խումբը կմիանա նախաձեռնությանը ու կնվագի ցուցահանդեսի ժամանակ։ Նկարների վաճառքի գումարն ամբողջությամբ փոխանցվելու է տեղական կազմակերպություններին, որոնք աշխատում են արցախցիներին օգնելու համար։

Այդ կազմակերպություններից մի քանիսն աջակցում են արցախցի երիտասարդ արտիստներին։ Կարող եք օգնել նրանց` մասնակցելով քրաուդֆանդինգին, որը կազմակերպում է բելգիահայ թավջութակահար Սևակ Ավանեսյանը, որի լուսանկարը Շուշիի կիսավեր տաճարում տարածվել էր ամբողջ աշխարհում։

Մեծն Փարաջանովի մասին իմանալու և հադրութցի կարմրահեր տղաներին օգնելու հնարավորություն

Դեկտեմբերի 5-ին երեկոյան ժամը 8-ին կանցկացվի «Փարաջանովի կոլաժը դարաշրջանի համատեքստում» առցանց դասախոսությունը, որի ընթացքում հոգեբան, արվեստագետ, Parajanov Art Laboratorium ստեղծագործական միավորման արտ-տնօրեն Վերոնիկա Ժուրավլյովան հետաքրքիր մանրամասներ կներկայացնի Սերգեյ Փարաջանով հանճարի մասին։ Ռեժիսորի ու նկարչի լավագույն աշխատանքները կմատուցվեն ինչպես նրա անձնական պատմության համատեքստում, այնպես էլ 20-րդ դարի համաշխարհային ճանաչում ունեցող այլ նկարիչների՝ Էնդի Ուոխոլի, Ռոբերտ Ռաուշենբերգի, Իլյա Կաբակովի և այլ նկարիչների աշխատանքների հետ ներքին երկխոսության շրջանակում։

«Օրինակ՝ մեզանից ո՞վ չի տեսել հանճարեղ «Նռան գույնը» ֆիլմը։ Նույնիսկ արդեն Լեդի Գագան է դիտել։ Իսկ ֆիլմի ռեժիսոր Սերգեյ Փարաջանովի մասին շա՞տ բան գիտեք։ Էլ ավելի շատ բան իմանալու ու տեսնելու հնարավորություն ունեք։ Միաժամանակ կօգնեք Արցախից երեք կարմրահեր տղաների», - նշված է միջոցառման հայտարարության մեջ։

Կարմրահեր տղաները երեք եղբայրներ են Հադրութից՝ Արենը, Արմենն ու Սերգեյը։ Պատերազմի ժամանակ Դալլաքյանների ընտանիքը՝ երեք եղբայրները, նրանց մայրը՝ Էմման, տատը՝  Գյուլվարդն ու պապը՝ Յուրան, արագ լքել են Հադրութի իրենց տունն ու հայտնվել Դիլիջանում։ Պատերազմի առաջին իսկ օրերից տղաների հայրը ռազմաճակատ է մեկնել, նրանից վաղուց լուր չկա։

Դասախոսության էլեկտրոնային տոմսի արժեքը 1000 դրամ է, որը նվիրաբերություն է Դալլաքյան ընտանիքին։ Նրանք կորցրել են իրենց տունն ու աղոթքներով սպասում են հոր վերադարձին։

Դասախոսությանը կարելի է գրանցվել հետևյալ հղումով։

Դասախոսությունն անցկացվում է ՍԼՈՎՈ տպագրության հանրային կապերի տնօրեն Եկատերինա Երիցյանի «Տաք ոտքեր» մասնավոր նախաձեռնության շրջանակում։ Նման բարեգործական դասախոսություններ պարբերաբար կազմակերպվում են, որոնց եկամուտն ուղղվում է Արցախում պատերազմից տուժած կոնկրետ ընտանիքներին։

Մի քանի օր առաջ՝ դեկտեմբերի 1-ին, նախաձեռնության շրջանակում կինոյի ու արվեստի մասին դասախոսություն է կարդացել կինոքննադատ Անտոն Դոլինը։ Դասախոսության տոմսերի եկամուտն ուղղվել է Շուշիից Դիլիջան տեղափոխված բազմազավակ ընտանիքին։

Էլեկտրոնային երաժշտություն վայելել ու փախստականներին «Մի կտոր հացով» ապահովել

Դեկտեմբերի 13-ին Մոսկվայի Live8 club ակումբում կկայանա Refuge խորագրով էլեկտրոնային երաժշտության համերգ։ Ելույթ կունենան Կարեն Շահինյանը, Arm & Hammer (Նյու Յորք), Marginal Twilight (Երևան), D.A.V., Marty Cherry ու Vagee խմբերը։ Համերգին հատուկ համարով ելույթ կունենա Garni հայկական պարի համույթը։ Միաժամանակ ակումբում ժամանակակից արվեստի ցուցահանդես կլինի։

«Դոկտոր Լիզան» մինչև Նոր տարի մարդասիրական օգնություն կուղարկի Արցախ

Եկամուտն ուղղվելու է «Մի կտոր հաց» երևանյան հացի փուռ ու Մարինե Հակոբյանի հիմնադրամներին։ Կազմակերպությունները սնունդ են ապահովում փախստական ընտանիքներին ու զինվորներին։

«Մենք նաև մշտապես աջակցելու ենք «Շտապիր բարուն» հիմնադրամին «Տաքացնենք կարիքավորներին» ակցիայի օգնությամբ։ Բերեք մաքուր և տաք հագուստ բոլոր տարիքի մարդկանց համար, ու մենք այն կհասցնենք Արցախում այն մարդկանց, որոնք դրա կարիքն ունեն։ Նաև ուսապարկեր ու մանկական սայլակներ են հարկավոր»,  - նշված է միջոցառման նկարագրության մեջ։

Մանրամասներին ծանոթացեք այս հղումով։

Համերգ գնա ու լույս սփռել Արցախի վրա

Դեկտեմբերի 17-ին Լոնդոնի Սուրբ Եղիշե հայկական եկեղեցում Shine a light for Artsakh խորագրով բարեգործական համերգ կանցկացվի։ Համերգին կմասնակցեն տեղի աստղերը, այդ թվում մեր ընթերցողին հայտնի Միքայել Արամյանցի «լոնդոնյան» ծոռնուհի, երգչուհի Կատյա Յանոֆֆը։

Համերգի ժամանակ նվիրատվություններ կհավաքվեն՝ Արցախին հումանիտար օգնություն ցուցաբերելու համար։

Համերգը կազմակերպել են հայտնի բարերար Գալուստ Գյուլբենկյանի թոռները՝ Փոլ և Ժակի Գյուլբենկյանները։

 

Համերգ չէ, բայց արժե նայել

Ներկայացնում ենք մի հիանալի նախաձեռնություն ԱՄՆ-ից` Kooyrigs–ը։ Կազմակերպության հիմնադիր Կարինե Յուրդեկյանը մի քանի տարի առաջ է ստեղծել Kooyrigs-ը, որի նպատակն է աջակցել ԱՄՆ-ի ու ամբողջ աշխարհի հայուհիներին, առաջ տանել ֆեմինիզմի գաղափարները և այլն։ Սակայն հայրենիքի համար ծանր օրերին աղջիկները հանդես եկան մի շարք նախաձեռնություններով՝ աջակցելով Արցախի կանանց։

«Մայրիկ» նախագիծն օգնում է հղի արցախցի կանանց։

«Գիտե՞ք, որ հղիության ժամանակ սթրեսը կարող է բերել  վաղաժամ ծննդաբերության։ Այս պահին Հայաստանի նորածինների ինտենսիվ թերապիայի բաժանմունքում շատ են երեխաները, որոնք սպասվածից շուտ են ծնվել սթրեսի պատճառով։ Հղիության ճանապարհը բարդ է, դրան գումարած ծնողները պատերազմի միջով են անցնում, կորցնում են ամուսիններին ու բարեկամներին, նաև ստիպված են լինում փոխել բնակության վայրը», - գրված է նախագծի նկարագրության մեջ։

Kooyrigs-ի քրաուդֆանդինգի շնորհիվ ապագա ծնողներին սննդամթերք, դեղորայք ու ապրանք է ուղարկվում, նաև յոգայի ու մայրության դասեր են կազմակերպվում։

23
թեգերը:
Սերգեյ Փարաջանով, օգնություն, Լոնդոն, Հադրութ, Ցուցահանդես, Համերգ, Լեռնային Ղարաբաղ, Արցախյան պատերազմ, Արցախ
Ըստ թեմայի
Ֆրանսիայից ուղարկված հումանիտար օգնությունը կբաժանեն բուժհաստատություններին
Խտացրած կաթ, սուրճ... Լիտվան մարդասիրական օգնություն է տրամադրել պատերազմից տուժած հայերին
Ռուս բժիշկները մեկ օրում օգնություն են ցուցաբերել Ղարաբաղի մոտ 40 բնակչի
Դմիտրի Կիսելյովը

«Փոքրիկ ծակոց»․ Կիսելյովը` Sputnik Լատվիայի և Baltnews-ի աշխատակիցների ձերբակալման մասին

43
(Թարմացված է 00:25 05.12.2020)
Դմիտրի Կիսելյովը վայրագություն է անվանել Լատվիայի պահվածքը ռուսական երկու ԶԼՄ-ների արտահաստիքային աշխատակիցների հանդեպ։

ԵՐԵՎԱՆ, 4 դեկտեմբերի – Sputnik. «Ռոսիա սեգոդնյա» ՄՏԳ գլխավոր տնօրեն Դմիտրի Կիսելյովը նշել է, որ Լատվիայի իրավապահ մարմինների գործողությունները Sputnik-ի ու Baltnews-ի համար աշխատող լրագրողների դեմ Եվրամիության ոչ իրավաչափ ընդարձակման արդյունք է։ Տեղեկությունը փոխանցում է ՌԻԱ Նովոստին։

Նա կոչ է արել երկրի իշխանությանը դադարել հետապնդումը այդ լրատվամիջոցների աշխատակիցների նկատմամբ։

Կիսելյովն ընդգծել է, որ տարբերություն կա անձնական պատժամիջոցների ու ռուսական կազմակերպությունների և ընկերությունների դեմ կիրառված սահմանափակումների միջև։

«ԵՄ պատժամիջոցները չեն տարածվում ինձ վրա՝ որպես մասնավոր անձի։ «Ռոսիա սեգոդնյա» մեդիախումբը, որի մեջ ներառված է Sputnik գործակալությունը, պատժամիջոցների տակ չէ։ Կարծես թե տարրական է։ Լատվիան, ինչպես ասում են, ուզում է Հռոմի պապից կաթոլիկ լինել ու անձնական պատժամիջոցներն ընկալում է որպես կազմակերպության  դեմ պատժամիջոց։ Դրա մեջ ինչ-որ չար տրամադվածություն կա», - ասել է նա։  

Նրա խոսքով՝ այդ գործողությունները Ռուսաստանի համար «թեթև ծակոց» են։ Կիսելյովը կարծում է, որ Լատվիայում ձերբակալությունների պատճառ չկար, նրանք ոչ մի վատ բան չէին արել։

«Նրանք ազատ լրագրողներ են, հեղինակներ, հասարակական գործիչներ, որոնք չլինելով Sputnik գործակալության հաստիքում, պարզապես տեքստեր ու լուսանկարներ էին ուղարկում՝ իրագործելով ինքնադրսևորվելու իրենց իրավունքը։ Դրանում ի՞նչ վատ բան լա։ Ինչի՞ են հետապնդում այդ մարդկանց», - ասել է Կիսելյովը։

 «Ռուսաստանում ով ինչ ուզում գրում է։ Ոչ ոքի մտքով չի անցնում մարդկանց դրա համար հետապնդել։ Հանգիստ թողեք նրանց Ռիգայում ու խայտառակ մի եղեք։ Ամոթ է», - ամփոփել է նա։

ՌԴ ԱԳՆ–ն դատապարտել է Լատվիայում Sputnik-ի և Baltnews-ի լրագրողների ձերբակալությունը

Ավելի վաղ Լատվիայի ուժայինները ձերբակալել էին վեց լրագրողի, այդ թվում՝ Baltnews-ի նախկին գլխավոր խմբագիր Անդրեյ Յակովլևին։ Sputnik Լատվիայի ու Baltnews-ի լրագրողներին մեղադրում են Եվրամիության պատժամիջոցների ռեժիմը խախտելու մեջ։ Յակովլևի խոսքով՝ մեղադրանքները կապված են «Ռոսիա սեգոդնյա» ՄՏԳ-ի հետ համագործակցելու հետ, սակայն մեդիախումբը պատժամիջոցային ցանկում նշված չէ։

Դեկտեմբերի 4-ին հարցաքննություններից ու խուզարկումներից հետո լրագրողներին չհեռանալու մասին ստորագրությամբ ազատ են արձակել։ Նրանց տեխնիկան առգրավել են։

43
թեգերը:
Sputnik, Ձերբակալում, Լատվիա, Դմիտրի Կիսելյով
Արմեն Սարգսյան

«Դիմում եմ բոլորիդ». Արմեն Սարգսյանն ուղերձ է հղել համապետական հանրահավաքից առաջ

0
(Թարմացված է 13:01 05.12.2020)
Հայաստանի նախագահն իր ուղերձում առանձին դիմել է նաև իրավապահ մարմիններին` կոչ անելով կարգ ու կանոնը պահպանելու կարևոր առաքելությունն իրականացնելիս հիշել, թե ովքեր են իրենց դիմաց կանգնած։

ԵՐԵՎԱՆ, 5 դեկտեմբերի – Sputnik. ՀՀ նախագահ Արմեն Սարգսյանն ընդդիմության այսօրվա հանրահավաքից առաջ կոչով դիմել է ՀՀ քաղաքացիների ու իրավապահներին: Ուղերձը հրապարակել է նախագահի մամուլի ծառայությունը։

«Այսօր մեր երկիրը՝ որպես պետություն, և մեր հասարակությունը, բոլորս միասին գտնվում ենք հետպատերազմյան խորը ճգնաժամի մեջ: Սա պետք է արձանագրել առանց ձևականության, առանց ինքներս մեզ խաբելու և միաժամանակ առանց հուսահատության: Պետք է ամբողջությամբ գիտակցենք և ընդունենք այդ ճգնաժամի գոյությունն ու ամեն ինչ անենք այն հաղթահարելու համար: Միասին, ձեռք ձեռքի տված»,- նշել է նախագահը:

Նա կոչ է արել մտածել պետության, երկրի ու ժողովրդի ապագայի մասին` անկախ զբաղեցրած պաշտոնից, քաղաքական համոզմունքներից ու հայացքներից, անձնական համակրանքներից ու հակակրանքներից:

«Մեզնից յուրաքանչյուրն իրավունք ունի արտահայտելու իր կարծիքը, դժգոհությունը և իշխանություններից բացատրություն պահանջելու պատերազմի հետևանքով մեզ պատճառված ահռելի մարդկային և տարածքային կորուստների համար: Կառավարությունը չի կարող գործել 2018թ. հանրային տրամադրությունների ոգով: Այսօրվա իրականությունը բոլորովին այլ է: Այս լարված ու բարդ օրերին դիմում եմ բոլորիդ՝ ձեր յուրաքանչյուր գործողություն պետք է լինի օրենքին համապատասխան, պետք է լինի իրավաչափ»,- շեշտել է Սարգսյանը:

Նախագահն իր ուղերձում առանձին դիմել է նաև իրավապահ մարմիններին՝ կոչ անելով կարգ ու կանոնի պահպանման իրենց կարևոր առաքելության իրականացման ընթացքում հիշել, որ իրենց առջև, Երևանի փողոցներում իրենց հայրենակիցն է, մեզնից մեկը, նաև մարդիկ, որոնք մի քանի օր առաջ պաշտպանում էին հայրենիքը, մեզանից յուրաքանչյուրին ու նաև իրավապահներին:

«Անթույլատրելի ու անընդունելի են ցանկացած բռնություն և ոչ համաչափ ուժի ու միջոցների կիրառումը: Ձեր գործողություններում պետք է դրսևորեք պատասխանատվություն, մարդկային և մասնագիտական բարձր հատկանիշներ: Այսօր մենք կարիք ունենք շրջադարձային որոշումների: Լուծումները պետք է լինեն ազգային համաձայնության շրջանակում»,- ասված է նախագահի ուղերձում:

Նա նաև շեշտել է, որ կարևոր է երկրում հանդուրժողականության, փոխադարձ հարգանքի մթնոլորտի վերականգնումը, մեր ժողովրդի բոլոր դրական ու կենսական որակների համադրումն ու դրանք հավաքական ուժի վերածելը, ինչը կդառնա մեր հետագա հաջողությունների գրավականը:

Հիշեցնենք՝ ընդդիմադիր կուսակցություններն այսօր՝ ժամը 15:00-ին, Ազատության հրապարակում «Մասնակցի՛ր, եթե անտարբեր չես... Հանո՛ւն Արցախի ու Հայաստանի փրկության...» խորագրով համապետական հանրահավաք են անցկացնելու:

Հանրահավաքին ներկա է լինելու և ելույթ է ունենալու նաև ՀՀ նախկին վարչապետ, Հանրային խորհրդի նախկին նախագահ Վազգեն Մանուկյանը, որին ընդդիմությունը միասնական վարչապետի թեկնածու է ընտրել։

«Վազգեն Մանուկյանը 1 տարի անց արտահերթ ընտրություն կկազմակերպի». հայտարարություն

0
թեգերը:
Արմեն Սարգսյան, Հայաստան
Ըստ թեմայի
Ավշարի համայնքապետարանը պահանջում է Նիկոլ Փաշինյանի հրաժարականը
Նրանք պետք է կանգ առնեն. Հակոբյանը իրադարձությունների զարգացման մի քանի տարբերակ է նշում
Ինչ հարաբերություններ ուներ Մանուկյանը «նախկինների» հետ, կամ պաշտոն ստանալու նուրբ արվեստը