Թուրք զինծառայողներ

Հրապարակվել են թուրք գեներալների անունները, որոնք ղեկավարել են Ադրբեջանի ԶՈւ–ն

867
(Թարմացված է 17:39 16.11.2020)
Մի քանի աղբյուրներ են հայտնում, որ ղարաբաղյան պատերազմի ընթացքում ադրբեջանական զինված ուժերը ղեկավարել են թուրք գեներալները։ Նշվում են կոնկրետ գործողությունները, որոնք նրանք են ղեկավարել։

ԵՐԵՎԱՆ, 16 նոյեմբերի – Sputnik. Տորոնտոյում բնակվող լրագրող, պատմաբան Մայք Միխայլովիչը տեղեկացնում է, որ հայտնի են դարձել թուրք բարձրաստիճան զինծառայողների անունները, որոնք մասնակցել են ղարաբաղյան ռազմական գործողություններին։ Նա այդ մասին գրել է Twitter–ի իր էջում։

Գրառումներից մեկում, մասնավորապես, նա նշել է, որ ռազմական գործողություններում ներգրավված են եղել գեներալներ Բահթիար Էրսեյն ու Գյոքսել Կահյան։

​Կահյան բրիգադի գեներալ է։ Նա իրականացրել է Ադրբեջանի ռազմաօդային ուժերի ղեկավարությունը, վերահսկել օդային հետախուզման անցկացումը և անօդաչու թռչող սարքերով հարվածներ հասցնելու գործողությունները։

Էրսայը Թուրքիայի ԶՈւ գլխավոր շտաբի ղեկավարն է։ Թուրքիայի նախագահ Ռեջեփ Թայիփ Էրդողանը կարող էր միայն նրան վստահել այնպիսի կարևոր առաքելություն, ինչպիսին է «հակահարձակման» գործողությունը ԼՂ–ում։

Միևնույն ժամանակ «Վզգլյադ» պարբերականը, հղում անելով Ադրբեջանի ՊՆ աղբյուրներին, հայտնում է, որ Էրսեյի գլխավորած խումբն անմիջականորեն մասնակցել է Լեռնային Ղարաբաղի դեմ ռազմական գործողությունների կազմակերպմանը։ Գեներալն այժմ էլ գտնվում է Բաքվում, քանի որ Ադրբեջանի ԶՈւ գլխավոր շտաբի պետ Նաջմեդդին Սադիգովի պաշտոնանկությունից հետո նա անձամբ է վերահսկում գերատեսչությունը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։ Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։  Նոյեմբերի 15-ի ժամը 12.30-ի տվյալներով՝ Արցախի ՊԲ-ն հրապարակել է 1434 զոհված զինծառայողի անուններ։

Համացանցում լուր տարածվեց, որ հայկական կողմն ունի 4750 զոհ ու անհետ կորած։ Նոյեմբերի 14-ին ՀՀ առողջապահության նախարարությունը հայտնեց, որ դատաբժշկական ծառայությունը փորձաքննել է 2317 զոհված զինծառայողի դիակներ։

Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով`  Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

867
թեգերը:
Պատերազմ, Արցախ, գեներալ, Թուրքիա, Ադրբեջան
թեմա:
Ադրբեջանական ագրեսիան Արցախում - 2020 (2212)
Ըստ թեմայի
Շուշիից առաջ պատերազմը կանգնեցնելու բոլոր սցենարներում այն պետք է հանձնվեր առանց մարտի
Ինչ տեսք ունի Մարտակերտը պատերազմից հետո. տեսանյութ
2016թ–ի Ապրիլյան պատերազմը այս պատմության «վերջին զանգն» էր. Փաշինյան
Ե՞րբ արձակուրդ կտան պատերազմին մասնակցած զինծառայողներին. ՊՆ–ն պատասխանում է ծնողներին
Մանկական Եվրատեսիլ

«Մանկական Եվրատեսիլ-2020» - ում հաղթել է Ֆրանսիայի ներկայացուցիչ Վալենտինա Տրոնելը

92
(Թարմացված է 22:51 29.11.2020)
Հաղթողը որոշվել է պրոֆեսիոնալ ժյուրիի քվեարկության և կայքում հանդիսատեսի քվեարկության արդյունքում:

ԵՐԵՎԱՆ, 29 նոյեմբերի -Sputnik. Ֆրանսիայի ներկայացուցիչ Վալենտինա Տրոնելը «J ' imagine» երգով ճանաչվել է «Մանկական Եվրատեսիլ-2020» երգի միջազգային մրցույթի հաղթող։ Տեղեկությունը հայտնում է ՌԻԱ Նովոստին:

Մրցույթի եզրափակիչը տեղի է ունեցել այսօր Լեհաստանում ՝ հեռուստակամուրջի ձևաչափով:

Պրոֆեսիոնալ ժյուրիի և հանդիսատեսի քվեարկության արդյունքում փոքրիկ երգչուհին հավաքել է 200 միավոր:

Երկրորդ տեղը զբաղեցրել է Ղազախստանի ներկայացուցիչ Կարակատ Բաշանովան է, իսկ երրորդ հորիզոնականը բաժին է հասել  Իսպանիայի ներկայացուցիչ Սոլեային։

Մրցույթի եզրափակիչ փուլին մասնակցել են պատանիներ 12 երկրներից ՝ Ռուսաստանից, Բելառուսից, Ֆրանսիայից, Վրաստանից, Ղազախստանից, Մալթայից, Նիդեռլանդներից, Սերբիայից, Իսպանիայից, Ուկրաինայից, Լեհաստանից և Գերմանիայից:

Հաղթողը  որոշվում էր պրոֆեսիոնալ ժյուրիի և մրցույթի կայքում հանդիսատեսի քվեարկության հանրագումարով: Ի տարբերություն մեծահասակների «Եվրատեսիլի», հանդիսատեսն այս դեպքում կարող է քվեարկել իր երկրի օգտին։

Հիշեցնենք, որ այս տարի Հայաստանը հրաժարվել է մասնակցել միջազգային մրցույթին Արցախում ռազմական գործողությունների պատճառով։

92
թեգերը:
հաղթանակ, Լեհաստան, Ֆրանսիա, Մանկական Եվրատեսիլ
Ըստ թեմայի
«Հոգի չկա, մենակ զենք». ֆրանսիական «Լադանիվայի» հայերեն նոր երգը
Արա Աբրահամյան

Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան

1134
(Թարմացված է 21:43 29.11.2020)
Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

ԵՐԵՎԱՆ, 29 նոյեմբերի -Sputnik. Ռուսաստանի հայերի միության նախագահ Արա Աբրահամյանը Ադրբեջանում գնվող հայ գերիների վերադարձի հարցով հանդիպել է ՌԴ նախագահի միջազգային հարցերով օգնական Յուրի Ուշակովին: Այս մասին Արա Աբրահամյանը պատմում է Ռուսաստանի հայերի միության տարածած տեսանյութում:

«Մենք նամակով դիմել ենք ՌԴ նախագահին, որում մեր մտահոգությունն ենք հայտնել, թե ինչպես է Ադրբեջանը կատարում ռազմագերիների և այլ պահվող անձանց վերաբերյալ եռակողմ հայտարարության իր պարտավորությունը»,- ասել է Արա Աբրահամյանը:

Նրա խոսքով` այդ հարցով զբաղվում է անձամբ ՌԴ նախագահ Վլադիմիր Պուտինը: Այս պարագայում, ըստ նրա, հայկական կողմին մնում է միայն խնդիրը պահել ուշադրության կենտրոնում, վերահսկել գործընթացն ու պարբերաբար հետաքրքրվել, թե ինչ նորություն կա։

«Ես երեկ խոսել եմ, այսօր նորից զանգահարել եմ, ասել՝ մի օր անցել է, ի՞նչ եղավ: Մենք պետք է լինենք համառ ու հետևողական, որպեսզի այս խնդիրը լուծվի»,- ասել է Աբրահամյանը:

Ռուսաստանի հայերի միության նախագահի տեղեկություններով` Ադրբեջանում պահվող հայ գերիների թիվն այս պահին հասնում է հարյուրների:

Նշենք, որ արդեն 2 օր է Երևանում հայաստանյան մտավորականների նախաձեռնությամբ բողոքի ակցիաններ են ընթանում գերիների և անհայտ կորածների խնդիրներին արագ լուծում գտնելու պահանջով։

Այսօր մտավորականները երթով շարժվեցին Հայաստանում ՌԴ դեսպանատուն և գերիներին վերադարձնելու, զոհվածների մարմինները հանձնելու և անհայտ կորածների որոնողական աշխատանքների գործընթացներին միջամտելու խնդրանքով նամակը փոխանցեցին ՀՀ–ում ՌԴ դեսպան Սերգեյ Կոպիրկինին։

1134
թեգերը:
Արա Աբրահամյան, Վլադիմիր Պուտին, անհետ կորած, պատանդ, ռազմագերի, գերի, Ադրբեջան, Ռուսաստան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը գերիների ու անհետ կորածների հարցով հանդիպել է Կարմիր խաչի ներկայացուցիչներին
ՀՀ պաշտպանության նախարարը գերիների վերադարձի հարցով խոսել է Ռուստամ Մուրադովի հետ
Ադրբեջանում հայտնված 13 հայ գերիների պաշտպանության համար ՄԻԵԴ–ը հրատապ միջոց կկիրառի
Արխիվային լուսանկար

356 նոր դեպք, 22 մահ` մեկ օրում. կորոնավիրուսային հիվանդության ընթացքը Հայաստանում

0
(Թարմացված է 11:06 30.11.2020)
Հիվանդությունների վերահսկման և կանխարգելման ազգային կենտրոնը հրապարակել է Հայաստանում կորոնավիրուսային վարակի վերաբերյալ վերջին մեկ օրվա տվյալները։

ԵՐԵՎԱՆ, 30 նոյեմբերի - Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 356–ով և դարձել 135 124։ Տեղեկությունը հայտնում է Հիվանդությունների վերահսկման և կանխարգելման կենտրոնը:

Այս պահին փաստացի բուժում է ստանում 23976 մարդ (-748), կատարվել է 510127 (+1098) թեստավորում, առողջացել են վարակվածներից 108442 (+1078)-ը ։ Գրանցվել է մահվան 2164 դեպք (+22)։ Կորոնավիրուսով վարակված, բայց այլ պատճառով մահացածների թիվը մնացել է նույնը` 538։

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Երկարաձգված արտակարգ դրության պայմանները որոշակի փոփոխությունների են ենթարկվել։

Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Եղիսաբեթ 2-րդ թագուհու համար կորոնավիրուսը սպանող հատուկ ձեռնոցներ են մշակել

Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում դիմակ դնելու պահանջը շարունակում է գործել:

0
թեգերը:
Մահ, հիվանդ, համավարակ, Հայաստան, կորոնավիրուս
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Եվրամիությունը COVID-19-ի դեմ պատվաստանյութ կգնի Նուբար Աֆեյանի Moderna-ից
Պատվաստանյութը՝ քաղցրաբլիթի և մտրակի փոխարեն
COVID-19-ի դեմ պատվաստանյութի գնումը կարող է սկսվել գարնան կեսերին․ Թորոսյան