Իլոն Մասկ

Կորոնավիրուսը մրսածության տարատեսակ է. Իլոն Մասկ

184
Իլոն Մասկը, որը տարբեր լաբորատորիաներում կորոնավիրուսի թեստեր է հանձնել, բայց հակասական արդյունքներ ստացել, կարծում է, որ այնուամենայնիվ, վարակված է կորոնավիրուսով։

ԵՐԵՎԱՆ, 15 նոյեմբերի - Sputnik. SpaceX ընկերության ղեկավար Իլոն Մասկը վստահ է, որ կորոնավիրուսը մրսածության տարատեսակ է։ Նրա խոսքով՝ ինքն ամենայն հավանականությամբ վարակված է կորոնավիրուսով, բայց ծանր չի տանում։

«Ես տարբեր լաբորատորիաներից բոլորովին տարբեր արդյունքներ եմ ստացել, բայց, ամենայն հավանականությամբ, ես վարակված եմ կորոնավիրուսով: Իմ ախտանիշները թեթև մրսածության ախտանիշներ են, ինչը զարմանալի չէ, քանի որ կորոնավիրուսը մրսածության տարատեսակ է», – Twitter-ում գրել է Մասկը` պատասխանելով օգտատերերից մեկի այն հարցին, թե ի վերջո իր մոտ հայտնաբերվե՞լ է կորոնավիրուս, թե՞ ոչ։

Ավելի վաղ Մասկը պատմել էր, որ մեկ օրում կորոնավիրուսի չորս թեստ է հանձնել, երկուսի արդյունքները բացասական են եղել, իսկ երկուսին՝ դրական:
Ավելի ուշ նա հավելել է, որ որոշել է ՊՇՌ-թեստեր հանձնել մեկ այլ լաբորատորիայում, արդյունքները պատրաստ կլինեն մոտ 24 ժամ հետո: Այն հարցին, թե արդյոք նա կորոնավիրուսի ինչ-որ նշաններ ունի, Մասկը պատասխանել է, որ սովորական մրսածության ախտանիշներ ունի:

Հավելենք, որ վերջին տվյալներով՝ աշխարհում արձանագրվել է կորոնավիրուսով վարակվելու 54 328 752 դեպք, մահվան դեպքերի թիվը 1 318 278 է։

 

184
թեգերը:
Իլոն Մասկ, կորոնավիրուս
թեմա:
Կորոնավիրուսը աշխարհում (935)
Ըստ թեմայի
ԵՄ–ն Հայաստանին 35.6 մլն եվրո դրամաշնորհ է հատկացրել կորոնավիրուսի հաղթահարման համար
Օգնո՞ւմ է վիտամին D-ն կորոնավիրուսի դեմ պայքարում. մեկնաբանում են գիտնականները
Կորոնավիրուսով հիվանդներից մոտ 550–ն իրենց հերթին են սպասում. նրանց վիճակը ծանր է
Բաքու, շքերթ, արխիվային լուսանկար

Բաքուն վստահեցնում է, որ հայ ռազմագերիների մասնակցությամբ շքերթ չի ծրագրում

14
(Թարմացված է 19:03 01.12.2020)
Ադրբեջանի համապատասխան հանձնաժողովը հայտարարել է, որ ռազմագերիների ու պատանդների փոխանակման հարցում «բոլորը բոլորի դիմաց» սկզբունքի կողմնակից է։

ԵՐԵՎԱՆ, 1 դեկտեմբերի — Sputnik. Բաքվում բացառում են հայ ռազմագերիների մասնակցությամբ շքերթի կազմակերպումը։ Տեղեկությունը հայտնում է ՌԻԱ Նովոստին՝ հղում անելով Ադրբեջանի գերիների ու անհետ կորած քաղաքացիների հարցերով պետական հանձնաժողովին։

Նշվում է, որ սոցցանցերում շրջանառվող տեղեկությունը, թե Ադրբեջանը մտադիր է նվաստացնել հայ ռազմագերիների պատիվն ու արժանապատվությունը Բաքվում կայանալիք շքերթի ընթացքում, չի համապատասխանում իրականությանը։

Բաքվում վստահեցրել են նաև, որ ռազմագերիների ու պատանդների փոխանակման հարցում «բոլորը բոլորի դիմաց» սկզբունքի կողմնակից են։

Հիշեցնենք` արդեն տևական ժամանակ է`Ադրբեջանում գերության մեջ հայտնվածների ու անհետ կորածների հարազատները բողոքի ակցիաներ են անցկացնում Երևանում։ Փողոց են դուրս եկել նաև մտավորականները։ Սոցցանցերում պարբերաբար տեսանյութեր են հրապարակվում, որոնցում երևում է, թե ինչպես են ծաղրում ու նվաստացնում հայ ռազմագերիներին։ Ավելի վաղ տեղեկություններ տարածվեցին, որ Բաքուն մտադիր է հայ ռազմագերիների մասնակցությամբ ռազմական շքերթ կազմակերպել։

ԱԺ «Լուսավոր Հայաստան» խմբակցության ղեկավար, ԵԽԽՎ Մարդու իրավունքների և իրավական հարցերի հանձնաժողովի նախագահի առաջին տեղակալ Էդմոն Մարուքյանը նոյեմբերի 29-ին հայտարարեց` չի կարելի թույլ տալ, որ Ադրբեջանը նվաստացնի հայ ռազմագերիներին Բաքվում անցկացվող շքերթում։

Նրա խոսքով` սա Երկրորդ համաշխարհային պատերազմից հետո արգելված է ժնևյան կոնվենցիաներով: Սրա հետ կապված դիմել են ՄԱԿ գլխավոր քարտուղարին, ԵԽ գլխավոր քարտուղարին, ԵԽԽՎ նախագահին: Նրանք էլ իրենց հերթին դիմել են Ադրբեջանին, որ դա տեղի չունենա։

Գերիների փոխանակման հարցով Մարուքյանը դիմել է նաև ՌԴ նախագահ Վլադիմիր Պուտինին՝ որպես եռակողմ հայտարարության պայմանների կատարման երաշխավորի՝ անհետաձգելի քայլեր ձեռնարկելու գերիների փոխանակման հարցն առաջնահերթ օրակարգով լուծելու համար:

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը նոյեմբերի 27-ին հայտնեց, որ բաց տեսանյութերի վերլուծության հիման վրա հայկական կողմը մոտ 50-60 ռազմագերու վերաբերյալ տվյալներ ունի, բայց 30-ի ինքնությունն են կարողացել պարզել:

14
թեգերը:
Բաքու, գերի, Ադրբեջան
Ըստ թեմայի
Վաղարշակ Հարությունյանը ՀԱՊԿ գործընկերների մոտ խոսել է անհայտ կորածների ու գերիների մասին
Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով
Սերգեյ Լավորվ

Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով

14
(Թարմացված է 18:50 01.12.2020)
Կարմիր Խաչը պատրաստ է ավելացնել իր առաքելությունը տարածաշրջանում` հասցնելով մինչև 400 մարդու։

ԵՐԵՎԱՆ, 1 դեկտեմբերի - Sputnik. Լեռնային Ղարաբաղում գերիների և զոհվածների դիակների փոխանակման գործընթացն ավելի արագ կիրականացվի։  Այս մասին հայտարարել է Ռուսաստանի արտգործնախարար Սերգեյ Լավրովը՝ ՀԱՊԿ անդամ երկրների արտգործնախարարների խորհրդի նիստի արդյունքներով ճեպազրույցի ժամանակ։

«Մենք շահագրգռված ենք, որ այդ հումանիտար խնդիրը հնարավորինս շուտ լուծվի։ Այդ ուղղությամբ  մեր խաղաղապահներն արդեն մի շարք գործողություններ են ձեռնարկել», — հայտարարել է Լավրովը։

Նախարարը նշել է, որ այս հարցը պարբերաբար բարձրացվում է ՀՀ վարչապետ Նիկոլ Փաշինյանի կողմից Ռուսաստանի նախագահ Վլադիմիր Պուտինի հետ նրա հեռախոսազրույցների ժամանակ։ Լավրովը հավելել է, որ վերջերս նման շփումներ քիչ չեն եղել։

Նա հիշեցրել է, որ հակամարտության թեժ պահերին Կարմիր խաչի միջազգային կոմիտեն տարհանել էր աշխատակիցներին Ղարաբաղից։

Վերջին շաբաթների ընթացքում ռուսական կողմը պայմանավորվածություններ է ձեռք բերել ԿԽՄԿ նախագահ Պետեր Մաուրերի հետ։ Կարմիր խաչն արդեն իր աշխատակիցներին վերադարձրել է Ղարաբաղ և նախատեսում է այդ տարածաշրջանում զգալիորեն ավելացնել նրանց` հասցնելով մինչև 400 մարդու: Դրա հետ մեկտեղ Կարմիր Խաչը կմեծացնի ֆինանսավորումը՝ հասցնելով մինչև 45 մլն շվեյցարական ֆրանկի:

«Փոխանակման համար պետք է մի շարք հարցեր լուծվեն, կողմերը պետք է շատ հստակ ցուցակներ ունենան։ Հուսանք` ԿԽՄԿ մասնագետների ներգրավմամբ գործը շատ ավելի արագ կընթանա։ Ռուս խաղաղապահներն ուժերի ներածին չափով կաջակցեն այդ աշխատանքին։ Օբյեկտիվ բարդություններ կան, բայց հույս ունեմ, որ դրանք ավելի արագ կլուծվեն», - հայտարարել է Լավրովը։

Որտեղ փնտրել հայ գերիների վերադարձի բանալին. Զաքարյանը՝ ՌԴ նախագահին ուղղված նամակի մասին

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը նոյեմբերի 27-ին հայտնեց, որ բաց տեսանյութերի վերլուծության հիման վրա հայկական կողմը մոտ 50-60 ռազմագերու վերաբերյալ տվյալներ ունի, բայց 30-ի ինքնությունն են կարողացել պարզել:

14
թեգերը:
Ադրբեջան, Ռուսաստան, Լեռնային Ղարաբաղ, Սերգեյ Լավրով, ռազմագերի, գերի
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Պուտինն Ադրբեջանում պահվող հարյուրավոր գերիների հարցերով անձամբ է զբաղվում. Արա Աբրահամյան
Վաղարշակ Հարությունյանը ՀԱՊԿ գործընկերների մոտ խոսել է անհայտ կորածների ու գերիների մասին
Բաքուն վստահեցնում է, որ հայ ռազմագերիների մասնակցությամբ շքերթ չի ծրագրում
г. Капан

Կապանի տակ չեն հասել. համայնքապետարանը հերքում է իմքայլական պատգամավորի հայտարարությունը

0
Կապան համայնքապետարանը հաղորդագրություն է տարածել` անդրադառնալով «Իմ քայլը» խմբակցության պատգամավոր Կարեն Համբարձումյանի` այսօր արված հայտարարությանը։

ԵՐԵՎԱՆ, 1 դեկտեմբերի – Sputnik. Կապանի համայնքապետարանը հերքում է Ազգային ժողովի «Իմ քայլը» խմբակցության պատգամավոր Կարեն Համբարձումյանի հայտարարությունները, թե հայկական և ադրբեջանական զորքերը սահմանը գծելով գալիս են և հասել են Կապան համայնքի տակ։

Համբարձումյանն ԱԺ–ում լրագրողների հետ ճեպազրույցի ժամանակ ասել էր, թե Սյունիքում ոչ մի արտառոց դեպք կամ խուճապ չկա։ Նա վստահեցրել էր` երեկ է վերադարձել Սիսիանից, մեր ու Ադրբեջանի զորքերը սահմանը գծելով հասել էին Կապան համայնքի տակ:

«Կարեն Համբարձումյանի կողմից լրատվականներին տված հարցազրույցում ասվածի վերաբերյալ հայտնում ենք, որ տեղեկատվությունը իրականությանը չի համապատասխանում։ Կապան համայնքի տարածքում սահմանազատման աշխատանքներ չեն իրականացվում»,–նշված է Կապանի համայնքապետարանի հաղորդագրության մեջ։

Հիշեցնենք, որ Սյունիքի մարզպետ Հունան Պողոսյանը երեկ` նոյեմբերի 30-ին, հրաժարականի դիմում էր ներկայացրել։

0