ROKETSAN

Xilinx ընկերությունը կդադարեցնի դետալներ մատակարարել թուրքական Roketsan հրթիռների համար

192
(Թարմացված է 12:51 11.11.2020)
Ընկերությունը խոստացել է ձեռնարկել բոլոր քայլերը, որպեսզի կանխի իր տեխնոլոգիաների կիրառումը թուրքական սարքերում, որոնք ռմբակոծության են ենթարկել քաղաքացիական բնակչությանը։

ԵՐԵՎԱՆ, 11 նոյեմբերի – Sputnik. Ամերիկյան Xilinx ընկերությունը կդադարեցնի մասերի մատակարարումը թուրքական Roketsan հրթիռների համար։ Այդ մասին ասվում է ընկերության ներկայացուցիչ Թարա Սիմսի հայտարարության մեջ՝ ի պատասխան Ամերիկայի Հայ ազգային կոմիտեի(ANCA) հարցման։

«Վերջերս իմացանք, որ Xilinx չիպերն օգտագործվել են զինված անօդաչու թռչող սարքերում, որոնք օգտագործվել են հայ քաղաքացիական բնակչության դեմ։ Xilinx-ը խստորեն դատապարտում է այս բռնությունը»,-ասված է հայտարարության մեջ։

Նշվում է, որ արդեն սկսվել է ընկերության արտադրանքի մատակարարումների և բաշխման աուդիտը։

«Մենք սկսեցինք մատակարարումների բարդ շղթայի աուդիտ իրականացնել, որպեսզի վճռենք, թե ինչ գործողություններ կարող ենք ձեռնարկել՝ բռնության կիրառման նպատակով մեր տեխնոլոգիաների օգտագործումը կանխելու համար։ Հետաքննությունից հետո մենք մեր լիազորված դիստրիբյուտորներին հանձնարարել ենք դադարեցնել մեր արտադրանքի ապագա մատակարարումները մի քանի ընկերությունների, որոնք, ինչպես մենք հայտնաբերեցինք, ներգրավված են այս սարքավորումների ստեղծման մեջ»,-ասվում է Xilinx-ի հայտարարության մեջ։

Roketsan-ը զենքի թուրքական խոշոր արտադրող և պաշտպանական կապալառու է` տեղակայված Անկարայում։ Ընկերությունը հիմնադրվել է 1988 թ․-ին Թուրքիայի Պաշտպանական արդյունաբերության գործադիր կոմիտեի կողմից՝ հրթիռային տեխնոլոգիաների ազգային արդյունաբերական բազայի ստեղծման համար։

Garmin ընկերությունը կպարզի, թե ինչպես է իր արտադրանքը հայտնվել «Բայրաքթար» ԱԹՍ-ում

Արդեն 7 ընկերություն հրաժարվել է մասեր մատակարարել թուրքական  Bayraktar ԱԹՍ-ների համար։ Այդ ընկերություններն են` Garmin (ԱՄՆ), Trimble Navigation (ԱՄՆ), Vlasat (ԱՄՆ), Northrop Grumman (ԱՄՆ), Beringer Aero (ԱՄՆ, Մեծ Բրիտանիա), Rotax 912 (Ավստրիա, Կանադա) և Wescam (Կանադա)։

Ավստրիան դադարեցնում է «Բայրաքթար» ԱԹՍ–ներում օգտագործվող շարժիչների մատակարարումը

192
թեգերը:
Արցախ, Xilinx ընկերություն, հրթիռ, Թուրքիա
Ըստ թեմայի
«Բայրաքթարները» ՀՀ սահմանի մոտ ամեն օր հետախուզական թռիչքներ են անում. ի՞նչն են դիտարկում
Հարավարևելյան ուղղությամբ թշնամու հերթական «Բայրաքթարն» է խոցվել. լուսանկարներ
Աշխարհում ոչ մի տեղ այսքան «Բայրաքթար» չի զգետնվել, որքան մեզ մոտ. Արծրուն Հովհաննիսյան
Արխիվային լուսանկար

Շարժիչների հռնդյուն՝ Երևանի երկնքում․ ռուս փորձագետը պարզաբանել է ավիացիայի ակտիվությունը

163
(Թարմացված է 20:10 05.12.2020)
Ալեքսանդր Խրոլենկոյի կարծիքով՝ Արցախում հաստատված խաղաղությունը կարող է բոլորի սրտով չլինել։ Ոմանց համար ռուս խաղաղապահները սպառնալիք են։

ԵՐԵՎԱՆ, 4 դեկտեմբերի — Sputnik. Խաղաղությունն Արցախում բոլորին չէ, որ կարող է դուր գալ, միշտ կլինեն տարատեսակ սադրանք կազմակերպել ցանկացողներ, հենց այդ պատճառով ռուսական ավիացիան պետք է պատրաստ լինել նման սցենարները կանխելուն։ Sputnik Արմենիայի հետ զրույցում կարծիք հայտնեց ռուս ռազմական փորձագետ Ալեքսանդր Խրոլենկոն՝ մեկնաբանելով այս օրերին Երևանի և ընդհանուր առմամբ Հայաստանի երկնքում ռուսական ավիացիայի ակտիվությունը։

Այդ ակտիվությունը նույնիսկ անզեն աչքով է երևում։ Օրական մի քանի անգամ Հայաստան ժամանող ռազմատրանսպորտային ինքնաթիռներից բացի պարբերաբար կարելի է լսել «Էրեբունի» ռուսական ավիաբազայի ՄիԳ-29 կործանիչների ձայնը։

«Դա կապված է բացառապես Ղարաբաղում խաղաղապահական գործողությունների հետ։ Տեղափոխվում են ստորաբաժանումներ, տեխնիկական միջոցներ, անհրաժեշտ շինանյութեր ու կոնստրուկցիաներ։ Այժմ մենք առաջին, բայց միաժամանակ ամենակարևոր ու ամենաբարդ փուլում ենք, որը լարված աշխատանք է պահանջում։ Իսկ լոգիստիկան ապահովում են այդ թվում նաև մարտական ինքնաթիռներն ու ուղղաթիռները», - նշեց Խրոլենկոն։

Նա կարծում է, որ հակամարտության յուրաքանչյուր գոտի յուրովի վտանգավոր է, միշտ վտանգ կա ավտոտրանսպորտային միջոցների, ռազմական շարասյունների, բեռների համար։

Արցախում ռուս խաղաղապահները շուրջ 1000 պայթյունավտանգ զինամթերք են վնասազերծել

«Չմոռանանք, որ բաժանման գծի այն կողմում ոչ միայն ադրբեջանական, այլև թուրքական զորքերն են։ Հայտնի է, որ Թուրքիայի խորհրդարանը թույլտվություն է ստորագրել՝ թուրքական զորքը Ադրբեջան մտցնելու մասին։ Հայտնի է նաև, որ թուրքական սակրավորներն աշխատում են Լեռնային Ղարաբաղում, բաժանման գծի այն կողմում», - հիշեցրեց Խրոլենկոն։

Նման իրավիճակը առիթ է տալիս մտածելու, որ հնարավոր է՝ տարբեր սադրանքներ լինեն։ Փորձագետի կարծիքով՝ Ղարաբաղում հաստատվող խաղաղությունը բոլորին չէ, որ դուր է գալիս։ Այն դեռ բավականին փխրուն է։ Տարատեսակ դիվերսիաներից խուսափելու համար մարտական ավիացիան մեծ ակտիվությամբ է աշխատում։ Հետագայում, երբ մարդիկ ու հաստիքային տեխնիկան հիմնականում տեղափոխված լինեն տեղակայման մշտական վայրեր, լոգիստիկ բեռնվածությունը կնվազի, ու Հայաստանի երկնքում կսկսեն ավելի քիչ կործանիչներ ու ուղղաթիռներ թռչել։

Խրոլենկոն կարծում է, որ հակամարտության յուրաքանչյուր կողմ յուրովի է ընկալում խաղաղապահներին։ Ոմանք ընկալում են նրանց որպես պաշտպանների, իսկ ոմանք՝ որպես սպառնալիք ու խոչընդոտ։ Անկասկած ռուսական զորքը խոչընդոտ է թուրքականի համար։ Հավանաբար, նրանք ընկալում են ռուս զինվորականներին որպես իրենցից հաղթանակը խլած մարդկանց։

«Ռեջեփ Էրդողանի մասնակցությունը դեկտեմբերի 8-ին Բաքվում կայանալիք շքերթին շատ բանի մասին է վկայում։ Թուրքիան տարածաշրջանում հեռուն գնացող ծրագրեր ունի», - ավելացրեց ռազմական փորձագետը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

163
թեգերը:
ինքնաթիռ, խաղաղապահ, ռուս, Արցախ
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում
Պուտինը Ղարաբաղում տեղակայված խաղաղապահների թեման քննարկել է ՌԴ ԱԽ–ի հետ
ՀԱՊԿ երկրների ԱԳ և ՊՆ ղեկավարները կքննարկեն խաղաղապահներին մասին փաստաթուղթը․ Զաս
Սեյսմոգրաֆ

Թուրքիայում երկրաշարժ է գրանցվել

96
(Թարմացված է 18:26 05.12.2020)
Ստորգետնյա ցնցման էպիկենտրոնը գտնվել է Միջերկրական ծովում՝ Անթալիայի Գազիպաշա քաղաքի շրջանում։

ԵՐԵՎԱՆ, 5 դեկտեմբերի – Sputnik. Թուրքիայում 5,2 մագնիտուդով երկրաշարժ է տեղի ունեցել։ Տեղեկությունը հայտնում է ՌԻԱ Նովոստին՝ վկայակոչելով Թուրքիայի արտակարգ իրավիճակների և բնական աղետների վարչությանը:

Նշվում է, որ էպիկենտրոնը գտնվել է Միջերկրական ծովում՝ Անթալիայի նահանգի Գազիպաշա քաղաքի շրջանում։

Նախնական տվյալներով՝ տուժածներ և ավերածություններ չկան։

Հիշեցնենք, որ հոկտեմբերի 30-ին Թուրքիայի արևմուտքում 6,6 մագնիտուդով երկրաշարժ էր տեղի ունեցել, որը զգացվել էր նաև հունական կղզիներում։

Թե ինչ եղավ հետո, երբ ապստամբ զինվորականները փորձեցին Թուրքիայում հեղաշրջում անել

96
թեգերը:
Երկրաշարժ, Թուրքիա
Ըստ թեմայի
Վրաստան-Հայաստան սահմանային գոտում երկրաշարժ է գրանցվել
Սոթք գյուղի մոտակայքում երկրաշարժ է գրանցվել
Երկրաշարժ` Վրաստանում. այն զգացվել է նաև Լոռու մարզում
Ռուս խաղաղապահներն Արցախում

Մեկ օրում Հայաստանից Արցախ է վերադարձել 1244 փախստական

0
Ռուսաստանի պաշտպանության նախարարությունից տեղեկացնում են, որ խաղաղապահներն ապահովում են քաղաքացիների անվտանգ վերադարձն իրենց մշտական բնակության վայրեր։

ԵՐԵՎԱՆ, 5 դեկտեմբերի – Sputnik. Մեկ օրում ռուս խաղաղապահների աջակցությամբ Հայաստանից Արցախ է վերադարձել 1244 փախստական։ Տեղեկությունը հայտնում է ՌԴ ՊՆ մամուլի ծառայությունը։

Նշվում է, որ նոյեմբերի 14-ից ի վեր Արցախ` իրենց բնակության վայր է վերադարձել 31917 փախստական։

«Ռուս խաղաղապահների կողմից 23 դիտակետերում իրավիճակի շուրջօրյա մոնիթորինգ է իրականացվում։ Շփման գծի ողջ երկայնքով հրադադարի ռեժիմը պահպանվում է», - ասված է հաղորդագրության մեջ:

Ռուսաստանի պաշտպանության նախարարությունից տեղեկացնում են, որ խաղաղապահներն ապահովում են քաղաքացիների անվտանգ վերադարձն իրենց մշտական բնակության վայրեր, մարդասիրական օգնություն են ցուցաբերում, Արցախում վերականգնում են քաղաքացիական ենթակառուցվածքները, կատարում են ականազերծման աշխատանքներ:

Այսպես՝ մեկ օրում մաքրվել է 8,1 հա տարածք և 1,6 կմ ճանապարհ, հայտնաբերվել և ոչնչացվել է 8 պայթյունավտանգ առարկա:

Ընդհանուր առմամբ ականազերծման ընթացքում Ղարաբաղում մաքրվել է 57.87 հա տարածք, 18.6 կմ ճանապարհ, 108 բնակելի շինություն և 4 քաղաքացիական կարևոր օբյեկտ, հայտնաբերվել է 1155 պայթյունավտանգ առարկա:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Փախստական, Ռուսաստան, խաղաղապահ, Արցախ
Ըստ թեմայի
Ռուս խաղաղապահներն օգնում են վերականգնել ջրամատակարարումն ու ջերմամատակարարումը Ղարաբաղում
Խաղաղապահների օրն է. Ստեփանակերտի քաղաքապետն այցելել է ռուս խաղաղապահներին
Ղարաբաղում խաղաղապահներ տեղակայելու գաղափարներ ՀԱՊԿ-ի նիստում չեն հնչել. Լավրով