Սեյսմոգրաֆ

Հունաստանում 6,9 մագնիտուդով երկրաշարժ է տեղի ունեցել

181
(Թարմացված է 18:37 30.10.2020)
Երկրաշարժի օջախը գտնվել է Սամոս կղզուց 24 կմ հյուսիս-արեւմուտք ՝ 10 կմ խորության վրա։

ԵՐԵՎԱՆ, 30 հոկտեմբերի-Sputnik. Հունաստանում 6,9 մագնիտուդով երկրաշարժ է տեղի ունեցել։ Տեղեկությունը հաղորդում է ՌԻԱ Նովոստին՝ վկայակոչելով Աթենքի համալսարանի սեյսմիկ լաբորատորիային:

Նշվում է, որ երկրաշարժը տեղի է ունեցել Հունաստանի Դոդեկանեսյան կղզիների Սամոս կղզու մոտակայքում, տեղական ժամանակով ժամը 13:51-ին (Երևանի ժամանակով 15:51-ին): Օջախը գտնվել է Սամոսից 24 կմ հյուսիս-արևմուտք` 10 կմ խորության վրա։

Երկրաշարժի պատճառով Հունաստանի վարչապետ Կիրիակոս Միցոտակիսի հեռուստաուղերձը, որը նախատեսվում էր տեղական ժամանակով 15:00-ին, հետաձգվել է:

Հայտնի է, որ պատի փլուզման հետևանքով մեկ մարդ վիրավորվել է։

Հաղորդվում է, որ փլուզվել է Կարլովասիի Աստվածամոր տաճարի մի մասը, վնաս է հասցվել մի շարք շենքերի:

Ինչպես արդեն տեղեկացրել ենք, Թուրքիայի Իզմիր քաղաքում ևս այսօր հզոր երկրաշարժ է տեղի ունեցել։

181
թեգերը:
Եկեղեցի, Երկրաշարժ, Թուրքիա, Հունաստան
Ամրոցի ավերակներ

Թուրքիայում Ուրարտուի ժամանակաշրջանի հնագույն ամրոցի ավերակներ են հայտնաբերվել

10
(Թարմացված է 19:21 19.06.2021)
Վանից ոչ հեռու հնագետները հնագույն ամրոց են հայտնաբերել։ Գտնված բեկորների թվագրումը թույլ է տալիս խոսել գտածոյի շուրջ 3000-ամյա պատմության մասին։

ԵՐԵՎԱՆ, 19 հունիսի – Sputnik. Արևելյան Անատոլիայում պեղումների ժամանակ մի խումբ թուրք հնագետներ հայտնաբերել են Ուրարտու պետության ժամանակաշրջանում կառուցված հնագույն ամրոցի ավերակներ։ Ամրոցը գտնվում է լեռներում, գիտնականները կարծում են, որ շինությունը մոտ 2800 տարեկան է։ Գտածոյի մասին հայտնում է Anadolu Agency-ն։

Մեծամորի պեղումների գտածոները զարմացրել են միջազգային հնագետներին

Հնագույն ամրոցը հայտնաբերվել է ծովի մակարդակից 2,5 կմ բարձրության վրա։ Հնագիտական աշխատանքների ընթացքում մշակութային շերտ է բացվել կրաքարային բլոկներից կառուցված հզոր ամրությունների ավերակներով և ջրի հավաքման համար նախատեսված, ավելի քան վեց մետր խորությամբ տարողունակ ամբար: Բացի այդ, ինչպես բնորոշ է նման օբյեկտներին, հայտնաբերվել են կավե սպասքի բազմաթիվ բեկորներ։

Գիտնականները ենթադրում են, որ ամրոցը կառուցվել է Ուրարտուի թագավորության ժամանակաշրջանում, բայց ավելի շատ օգտագործվել է միջնադարում։

Եգիպտոսում «Ոսկե քաղաք» են հայտնաբերել

10
թեգերը:
ավերակներ, Ուրարտու, Թուրքիա
Պենտագոն

ԱՄՆ-ն զորքերը դուրս է բերում Մերձավոր Արևելքից․ Իրանն այլևս գլխավոր հակառակորդը չէ

105
(Թարմացված է 16:12 19.06.2021)
Ամերիկացիները կարծում են, որ սպառազինությունների տեղափոխումը Մերձավոր Արևելք Իրանին և նրա վերահսկողության տակ գտնվող ուժերին հետ չի պահել ապակայունացման նպատակ ունեցող գործողություններից։

ԵՐԵՎԱՆ, 19 հունիսի – Sputnik. Սպիտակ տունը սկսել է ամերիկյան ուժերն ու սպառազինությունները դուրս բերել Մերձավոր Արևելքի մի շարք երկրներից։ Տեղեկությունը հայտնում է «Wall Street Journal»–ը։

Ինչպես հայտնի է դարձել պարբերականին, ԱՄՆ-ը վերատեղակայում է «Patriot» զենիթահրթիռային համալիրների մոտ ութ մարտկոց, այդ թվում՝ Իրաքից, Քուվեյթից, Հորդանանից և Սաուդյան Արաբիայից: Աղբյուրները հայտնում են, որ ԱՄՆ-ն Սաուդյան Արաբիայից դուրս է բերում նաև THAAD համակարգը և կրճատում կործանիչների թիվը տարածաշրջանում:

Ըստ պարբերականի՝ տեխնիկան դուրս բերելու պատճառն այն է, որ ԱՄՆ–ն վերադառնում է տարածաշրջանային ներկայության ավելի ավանդական մակարդակին, այն դեպքում, երբ նախկին վարչակազմը տեխնիկան Մերձավոր Արևելք էր տեղափոխում Իրանի վրա ճնշում գործադրելու համար։ Պաշտոնյաները կարծում են, որ ամերիկյան սպառազինությունը Իրանին հետ չպահեց ապակայունացնող գործողություններից։

ԱՄՆ-ի նոր վարչակազմը նախատեսում է տեղափոխել ռազմական ինքնաթիռների մի մասը և հարյուրավոր ամերիկացի զինվորականների, որոնք սպասարկում են նշված սպառազինությունները: Հայտնի է նաև, որ ԱՄՆ նախագահ Ջո Բայդենը որոշել է կրճատել տարածաշրջանում ամերիկյան հակահրթիռային համակարգերի թիվը, քանի որ զինված ուժերն ուղղում է Չինաստանի և Ռուսաստանի մարտահրավերների դիմակայմանը:

Մեկնաբանելով այս նորությունն իր Telegram-ալիքում՝ ռուսաստանցի քաղաքագետ Եվգենի Սատանովսկին ենթադրում է, որ Ամերիկայի այդ գործողությունները Թեհրանին ընդառաջելու բացահայտ քայլեր են։

«Արգելման գոտի» ՆԱՏՕ-ի համար. ռուսական «Իսկանդերները» նոր հրթիռներ են ստացել

Քաղաքագետը հարց է բարձրացնում, թե ամերիկացիների կողմից արտահանվող տեխնիկան ուր կգնա։

«Ասիա՞, Չինաստանի դե՞մ։ Դեպի Եվրոպա՞: Այստեղ արդեն մենք պետք է լարվենք, քանի որ «ռազմավարական կայունության» մասին խոսակցությունները լավ բան են, բայց՝ զուտ տեսական»,-գրում է Սատանովսկին։

Ավելի վաղ հաղորդվել էր, որ ԱՄՆ-ն զորքերի մեկ երրորդը դուրս է բերել Աֆղանստանից։ Այդ երկրից դուրս են բերել մոտ 300 բեռնատար ինքնաթիռ՝ նյութերով։ Դրա հետ մեկտեղ 13 հազար միավոր սարքավորումներ փոխանցվել են պաշտպանության նախարարության նյութատեխնիկական ապահովման գործակալությանը` օգտահանման համար:

«Պատերազմի աստվածն» ու Պենտագոնը. ամերիկացիները վազում ու չեն հասնում

105
թեգերը:
Իրանի Իսլամական Հանրապետություն, Մերձավոր Արևելք, զորք, ԱՄՆ