Ռուսաստանի և Թուրքիայի արտգործնախարարները քննարկել են Լեռնային Ղարաբաղի իրավիճակը

442
(Թարմացված է 19:47 27.10.2020)
Հեռախոսազրույցի ընթացքում Լավրովը և Չավուշօղլուն քննարկել են նաև Արցախի պատերազմին մասնակցող օտարերկրյա գրոհայինների խնդիրը և անթույլատրելի համարել նման ներգրավվումը։

ԵՐԵՎԱՆ, 27 հոկտեմբերի - Sputnik. Ռուսաստանի և Թուրքիայի արտաքին գործերի նախարարներ Սերգեյ Լավրովն ու Մևլութ Չավուշօղլուն հեռախոսով քննարկել են Լեռնային Ղարաբաղում ստեղծված իրավիճակը։ Տեղեկությունը հայտնում է ՌԴ ԱԳՆ–ն։

Հաղորդագրության համաձայն` կողմերն ընդգծել են Հայաստանի և Ադրբեջանի միջև կայուն հրադադարի հնարավորինս շուտ ապահովման անհրաժեշտությունը։ ԱԳ նախարարները շեշտել են, որ խնդրի խաղաղ լուծումը այլընտրանք չունի, և պետք է հնարավորինս շուտ վերսկսել բանակցությունները` ԵԱՀԿ Մինսկի խմբի սահմանված մեխանիզմների շրջանակներում:

Հատկապես ընդգծվել է ճգնաժամի միջազգայնացման անթույլատրելիությունը` դրանում օտարերկրյա գրոհայինների ներգրավմամբ։

Լավրովը և Չավուշօղլուն խոսել են նաև Սիրիայի և Լիբանանի մասին։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

442
թեգերը:
Արցախ, Ղարաբաղյան հակամարտություն, Լեռնային Ղարաբաղ, Ռուսաստան, Թուրքիա, Մևլութ Չավուշօղլու, Սերգեյ Լավրով
թեմա:
Ադրբեջանական ագրեսիան Արցախում - 2020 (2212)
Ըստ թեմայի
Ադրբեջանական կասետային հրթիռի հարվածից Ննգի գյուղում 3 կանայք են վիրավորվել. Արցախի ՄԻՊ
Աշխարհազորը Հայաստանում կգործի ՏԻՄ ղեկավարների տեղակալների հրամանատարությամբ
Զինվորական ծառայությանը վերաբերող հանցանքների համար կսահմանվի ավելի խիստ պատիժ
Դոլար

Հեռուստամարաթոն 2020-ի արդյունքում 22 միլիոն դոլարից ավելի գումար է հանգանակվել

22
(Թարմացված է 11:38 27.11.2020)
Շուրջ 100 000 արցախցի աջակցություն կստանա` կապահովվեն բնակարաններով և 1 տարվա համար անհրաժեշտ կենցաղային պարագաներով։

ԵՐԵՎԱՆ, 27 նոյեմբերի – Sputnik. Նոյեմբերի 26-ին` Գոհաբանության օրը, Լոս Անջելեսում տեղի է ունեցել 23–րդ ամենամյա հեռուստամարաթոնը, որի կարգախոսն էր «Համախմբվածություն, ուժ, հավատ»: ԱՄՆ հայ համայնքի համախմբվածության շնորհիվ հանգանակվել է 22 990 898 դոլար։

«Արցախում և Հայաստանում տիրող իրավիճակով պայմանավորված՝ հանգանակություններն ուղղվելու են Արցախից տեղահանված և զինվորների ընտանիքների աջակցմանը։ Շուրջ 100 000 մարդ աջակցություն կստանան` կապահովվեն բնակարաններով և 1 տարվա համար անհրաժեշտ կենցաղային պարագաներով, ինչպես նաև կկազմակերպվի տեղահանված երեխաների պատշաճ կրթությունը»,– նշել է ԱՄՆ–ի «Հայաստան» հիմնադրամի ատենապետ Մարիա Մեհրանյանը:

Սեպտեմբերի 27–ից ԱՄՆ հայ համայնքն ամենաակտիվ մասնակցությունն է ունեցել հայրենիքի փրկության համար կազմակերպված դրամահավաքին և մինչև հեռուստամարաթոնն արդեն իսկ 80 մլն ԱՄՆ դոլարի նվիրաբերություն էր արել:

Հիշեցնենք, որ նոյեմբերի 22–ին սկսված Ֆրանսիական հեռախոսամարաթոնի շրջանակներում արդեն հանգանակվել էր շուրջ 3.132.000 դոլար:

«Ինձ պատերազմ չեն տանում, բայց ես ձեռքերս ծալած չեմ նստում». հանգանակություն բանակի համար

Նշենք, որ նախորդ տարի հեռուստամարաթոնի շրջանակներում ավելի քան 2.5 անգամ ավելի քիչ գումար էր հավաքվել` շուրջ 9 մլն դոլար։

22
թեգերը:
Արցախյան պատերազմ, Արցախ, ԱՄՆ, Հայաստան, դոլար, Հեռուստամարաթոն
Ըստ թեմայի
Որքան գումար է «Հայաստան» հիմնադրամից ուղղվել «նոր ի հայտ եկած ծախսերի» ֆինանսավորմանը
Արմավիրցի փոքրիկն ավելի քան 4 մլն դրամ է փոխանցել «Հայաստան» հիմնադրամ՝ ընկույզ վաճառելով
Ստեփանակերտում էլեկտրամատակարարումը 95-97 տոկոսով վերականգնվել է
ՄիԳ-29

Հնդկաստանում ՄիԳ-29 ինքնաթիռ է կործանվել

41
(Թարմացված է 09:44 27.11.2020)
Օդաչուներից մեկը հայտնաբերվել և տեղափոխվել է հիվանդանոց, երկրորդի որոնումները շարունակվում են:

ԵՐԵՎԱՆ, 27 նոյեմբերի -Sputnik. Հնդկաստանի ռազմածովային ուժերի ՄիԳ-29Կ ուսումնավարժական ինքնաթիռը կործանվել է Արաբական ծովի վրա։ Օդաչուներից մեկն անհայտ կորել է, հայտնում է Times of India-ն ՝ վկայակոչելով ՌԾՈՒ ներկայացուցչին:

Ավիավթարը տեղի է ունեցել նոյեմբերի 26-ին տեղական ժամանակով ժամը 17: 00-ին (Երևանի ժամանակով ժամը 14: 30-ին):

Ինքնաթիռը թռիչքի դուրս եկել «Վիկրամադիտիա» օդանավակայանից։ Օդաչուներից մեկին հայտնաբերել և տեղափոխել են հիվանդանոց։  Երկրորդի որոնումները շարունակվում են։

Հնդկաստանի ՌԾՈՒ-ն հետաքննություն է սկսել։

Ղարաբաղի համար ռազմական բժիշկներ են ուղարկում. Ռուսաստանից երկու Իլ-76 ինքնաթիռ է թռել

Նշենք, որ հնդկական սպառազինության մաս են կազմում ռուսական արտադրության 36 ՄիԳ-29Կ կործանիչները, որոնք շահագործվում են «Վիկրամադիտյա» ավիակրի վրա (նախկին Խորհրդային «Ադմիրալ Գորշկով» հածանավը): Եվս 65 ՄիԳ-29-ը գտնվում են Հնդկաստանի ռազմաօդային ուժերի սպառազինության մեջ։

41
թեգերը:
Օդաչու, Զոհ, Հնդկաստան, ինքնաթիռ, ՄիԳ
թեմա:
Վթար, պատահար, սպանություն, գողություն
Ըստ թեմայի
Պակիստանում կործանված ինքնաթիռի անձնակազմի զրույցն ու կադրերը հայտնվել են համացանցում
Շվեյցարիայի լեռներում ինքնաթիռ է կործանվել, կա չորս զոհ
Հարավային Սուդանում բեռնատար ինքնաթիռ է կործանվել. տեսանյութ
Հայկ Մամիջանյան

Հայկ Մամիջանյանին մեղադրանք է առաջադրվել

0
ՀՀԿ երիտասարդական կազմակերպության նախագահը մեղադրվում է օրենքով սահմանված կարգի խախտմամբ հավաք կազմակերպելու և անցկացնելու համար։

ԵՐԵՎԱՆ, 27 նոյեմբերի – Sputnik. ՀՀԿ երիտասարդական կազմակերպության նախագահ Հայկ Մամիջանյանին մեղադրանք է առաջադրվել ՀՀ քրեական օրենսգրքի 225.1 (Օրենքով սահմանված կարգի խախտմամբ հավաք կազմակերպելը և անցկացնելը) հոդվածի հատկանիշներով։
Այդ առնչությամբ Մամիջանյանը Facebook-ի իր էջում գրառում է կատարել։

«Քիչ առաջ ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնի քննիչներից մեկի կողմից ներգրավվեցի որպես մեղադրյալ (կարգավիճակս կասկածյալից դարձավ մեղադրալ)»,–գրել է նա։

0
թեգերը:
Եռակողմ հայտարարություն, Մեղադրանք, Հայկ Մամիջանյան