Հայերին սպանում է Թրամփի ընկեր Էրդողանը. Շոն Փենն ամոթանք է տվել ամերիկացիներին
(Թարմացված է 12:45 24.10.2020)
Ամերիկահայ համայնքը շուրջ 2 օր անընդմեջ խաղաղ բողոքի ակցիաներ էր իրականացնում ամերիկյան «Viasat» ընկերության գրասենյակի դիմաց, որը թուրքական «Բայրաքթար» ԱԹՍ–ների արտադրության համար կապի միջոցներ է մատակարարում Թուրքիային։
ԵՐԵՎԱՆ, 24 հոկտեմբերի - Sputnik. Արցախում արդեն շուրջ մեկ ամիս շարունակվող պատերազմին արդեն արձագանքում են Հոլիվուդի աստղերը։ Հերթական գրառումը Twitter–ում արել է ամերիկացի դերասան, պրոդյուսեր Շոն Փենը։ Նա ամոթանք է տվել ամերիկացիներին Թուրքիային զենք վաճառելու համար։
«Քանի դեռ շատերդ նստած եք ձեր հետույքների վրա, հայերը սպանվում են Թրամփի ընկեր Էրդողանի զենքերից, որը մենք են մատակարարում նրան։ Սա Ամերիկան չէ»,– գրել է նա։
As too many of us sit on our butts, Armenians are being slaughtered by Trump pal Erdogan with weapons WE provided. THIS is NOT America!
— Sean Penn (@SeanPenn) October 24, 2020
Biden for America’s new birth!
Նշենք, որ հոկտեմբերի 20-ին ամերիկահայ համայնքը շուրջ 2 օր անընդմեջ խաղաղ բողոքի ակցիաներ էր իրականացնում ամերիկյան «Viasat» ընկերության գրասենյակի դիմաց, որը թուրքական «Բայրաքթար» ԱԹՍ–ների արտադրության համար կապի միջոցներ է մատակարարում Թուրքիային։
©
Sputnik / Asatur Yesayants
Երկօրյա ակցիաների արդյունքում «Viasat» ընկերության PR մենեջեր Քեն Փեթերմանը հայտարարել էր, որ ընկերությունը տեղյակ չէ, թե ինչ նպատակով է օգտագործվում իր արտադրանքը, որն ըստ իրենց` բացառապես պաշտպանական նշանակություն ունի։
Հոկտեմբերի 22-ին Փեթերմանը հայտարարել էր, որ «Viasat»–ը կդադարեցնի մատակարարումները Թուրքիային։ Բայց այս մասին պաշտոնական հայտարարություն ընկերությունն առ այսօր չի արել։
Սիրիայում Թուրքիայի միակողմանի գործողությունները Պենտագոնն անընդունելի է անվանել
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
Հիասքանչ ու կատարյալ․ ոսկե հատմանը համապատասխանող դեմք ունեցող աստղերի լուսանկարները
(Թարմացված է 18:16 23.01.2021)
Պլաստիկ վիրաբույժ Ռիկարդո Ֆրատին համեմատել է հայտնի կանանց դեմքերի համաչափությունը ոսկե հատման կանոնի հետ։
Մաթեմատիկական հավասարությունը մշակվել է հին հույների կողմից. այն դիտարկում է դեմքի կատարյալ համաչափությունը որպես 3:2:3։ Դեմքի հարաբերակցությունը որոշվում է քթի հանդեպ ճակատի, ծնոտի հանդեպ՝ քթի վերլուծության ճանապարհով։
Հենց այդ հաշվարկների շնորհիվ է ցանկում հայտնվել Քիմ Քարդաշյանը․ «Նրա դեպքի կառուցվածքը շուռ տված եռանկյունի է հիշեցնում։ Դա հաճախ որպես ամենացանկալի դեմքի ձևի օրինակ են բերում», - ասել է բժիշկ Ֆրատին, չբացառելով, որ աստղը պլաստիկ վիրաբույժների օգնության է դիմել։
Ձնածածկ Ֆրանսիան․ գեղեցիկ լուսանկարներ հեքիաթային երկրից
Ամենայն հավանականությամբ` քթի ծայրի ռինոպլաստիկայի օգնությանն է դիմել նաև արքայազն Հարրիի կինը՝ Մեգան Մարքլը, որը նույնպես հայտնվել է Ֆրատիի ցանկում։ Նրա կարծիքով՝ Սասեքսի դքսուհին Դիսնեյի արքայադստեր դեմք ունի։
«Կատարյալների» ցանկում են հայտնվել նաև հեռուստաաստղեր Հոլի Ուիլոուբին ու Սյուզաննա Ռիդը, նաև դերասանուհի Միշել Կիգանը։
Ռեյգանից մինչև Թրամփ. ԱՄՆ նախագահների երդմնակալությունը` լուսանկարներով
© AFP 2020 / Jean-Baptiste LacroixԴերասանուհի Քիմ Քարդաշյան
© AP Photo / Joel C Ryan / InvisionԴերասանուհի Միշել Կիգան
© AFP 2020 / Paul Edwards / PoolՍասեքսի դքսուհի Մեգան Մարքլ
© AFP 2020 / Warren AllottԴերասանուհի Ամանդա Հոլդեն
© AFP 2020 / Getty Images / Getty Images for SHEINԵրգչուհի Ռիտա Օրա
© AP Photo / Eddie MulhollandՔեմբրիջի դքսուհի Կեյթ Միդլթոն
© AP Photo / Jonathan Short / InvisionԱնգլիացի հաղորդավարուհի Սյուզանա Ռայդ
© AP Photo / Joel Ryan / InvisionԲրիտանացի հեռուստաաստղ Բիլի Ֆայերս
© AP Photo / Joel Ryan / InvisionԲրիտանացի դերասանուհի Հոլի Ուիլոբի
Մահացել է աշխարհահռչակ հեռուստահաղորդավար Լարի Քինգը
(Թարմացված է 17:41 23.01.2021)
87–ամյա հեռուստահաղորդավար Լարի Քինգն ավելի քան 50 000 հարցազրույց է անցկացրել։
ԵՐԵՎԱՆ, 23 հունվարի – Sputnik. Աշխարհահռչակ ամերիկացի հեռուստահաղորդավար Լարի Քինգը մահացել է։ Այս մասին տեղեկանում են Twitter-ում լրագրողի պաշտոնական էջից։
Լարի Քինգը 87 տարեկան էր։ Նա մահացել է Լոս–Անջելեսի հիվանդանոցներից մեկում։
2012 թվականի հուլիսից նա վարում է Larry King Now ծրագիրը Hulu կայքում և RT America հեռուստաալիքով։
Լարի Քինգը հայտնի է CNN-ում 1985-2010թթ. իր աշխատանքով։ Նա հարցազրույցներ է անցկացրել հայտնի քաղաքական գործիչների, գործարարների և այլ հանրահայտ մարդկանց հետ Larry King Live թոք շոուում:
Դու երբեք մենակ չես լինի. մահացել է ֆուտբոլային աշխարհում հայտնի երգիչ Ջերի Մարսդենը
Հիշեցնենք, որ հունվարի 3-ին հայտնի էր դարձել, որ Քինգը հոսպիտալացվել է, նրա մոտ կորոնավիրուս էր ախտորոշվել։ Նա շաքարային դիաբետ ուներ, ինչպես նաև սրտի խնդիրներ։
Կրկին երկրաշարժ է եղել. Վայոց Ձորի և Սյունիքի մարզերում այն զգացվել է 3-4 բալ ուժգնությամբ
(Թարմացված է 18:58 23.01.2021)
Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:
ԵՐԵՎԱՆ, 23 հունվարի – Sputnik. ՀՀ արտակարգ իրավիճակների նախարարությունը տեղեկացնում է, որ այսօր Նախիջևան քաղաքից 34 կմ դեպի հյուսիս-արևելք երկրաշարժ է տեղի ունեցել, որը զգացվել է նաև Վայոց Ձորի և Սյունիքի մարզերում։
©
Photo : Matt Katzenberger
«Հունվարի 23-ին` տեղական ժամանակով ժամը 17:22-ին, գրանցվել է երկրաշարժ հյուսիսային լայնության 39.50⁰ և արևելյան երկայնության 45.56⁰ աշխարհագրական կոորդինատներով՝ Նախիջևան-Հայաստան սահմանային գոտում` Նախիջևան քաղաքից 34 կմ հյուսիս-արևելք։ Օջախի խորությունը եղել է 10 կմ, այն 4.3 մագնիտուդ ուժգնության է եղել»,–նշված է հաղորդագրության մեջ։
Էպիկենտրոնային գոտում ստորգետնյա ցնցման ուժգնությունը կազմել է 5-6 բալ:
Երկրաշարժը զգացվել է Վայոց Ձորի մարզի Եղեգնաձոր և Վայք քաղաքներում՝ 3-4 բալ և Սյունիքի մարզի Գորայք գյուղում՝ 3 բալ ուժգնությամբ:
Հիշեցնենք` նույն տարածքում երկրաշարժ էր գրանցվել նաև հունվարի 18–ին և 22–ին։