Զարեհ Սինանյան

Աշխարհը լուռ է, աշխարհի հայերը՝ ոչ. ինչ սպասել զանգվածային բողոքի ակցիաներից

583
(Թարմացված է 23:41 17.10.2020)
Սփյուռքի գլխավոր հանձնակատար Զարեհ Սինանյանը Sputnik Արմենիայի հետ զրույցում կարևորել է աշխարհի տարբեր անկյուններում հայ համայնքի կողմից անցկացվող բողոքի ակցիաները և նշել, թե որ դեպքում հնարավոր կլինի ցանկալի արդյունքի հասնել։ 
«Մենք պետք է կարողանանք հասնել Արցախի անկախության միջազգային ճանաչման». Սինանյան

Հասարակական և քաղաքական կարծիքի փոփոխության արդյունքում պետք է կարողանանք հասնել Արցախի անկախության միջազգային ճանաչմանը։ Sputnik Արմենիայի հետ զրույցում նման կարծիք հայտնեց  Սփյուռքի գլխավոր հանձնակատար Զարեհ Սինանյանը` մեկնաբանելով այս օրերին աշխարհի մի շարք երկրներում հայ համայնքի կողմից անցկացվող բողոքի ակցիաները։

Արդեն մի քանի օր է, ինչ աշխարհի տարբեր անկյուններում բնակվող հայերը բողոքի ակցիաներ են անցկացնում՝ քաղաքակիրթ աշխարհից պահանջելով ճանաչել Արցախի անկախությունն ու գործուն քայլեր ձեռնարկել ադրբեջանաթուրքական ահաբեկչությունը դադարեցնելու համար։ Զարեհ Սինանյանի խոսքով` բոլոր ակցիաներն էլ ինքնաբուխ են։

«Այդկերպ սփյուռքի մեր հայրենակիցները փորձում են իրենց նպաստը բերել հայրենիքին, իրենք էլ այդ ձևով են պայքարում»,- ասաց նա։

Հայաստանում սփյուռքի հանձնակատարի գրասենյակն այդ ակցիաներն ուղղորդելու որևէ լիազորություն չունի, սակայն, երբ մեր հայրենակիցներին հուզող հարցեր են ի հայտ գալիս, դրանք անպատասխան չեն մնում։

«Հարցերը բազմապիսի են, ուզում են հասկանալ, թե ինչ է տեղի ունենում ճակատում կամ ինչ է անհրաժեշտ այս պահին։ Մարդիկ ուզում են տեղեկացված լինել, սակայն մենք իրենց չենք ուղղորդում բողոքի ակցիաներ անցկացնելու հարցում, քանի որ չենք կարող միջամտել և այդ երկրների քաղաքացիների որոշումների վրա չենք կարող ազդել»,- նշեց Սինանյանը։

Չնայած մեր հայրենակիցների ջանքերին`դեռևս տեսանելի արդյունքներ չունենք, սակայն Սինանյանը լիահույս է, որ տևական և անկոտրում պայքարի դեպքում հնարավոր կլինի հասնել նպատակին։ 

«Երեկ Միլանի քաղաքային խորհուրդը ճանաչեց Արցախի անկախությունը, սակայն արդյունքների մասին վաղ է խոսելը, գործընթացն ամեն դեպքում մեկնարկել է և արդյունքներն էլ կտեսնենք»,- պարզաբանեց սփյուռքի հանձնակատարը։

Սինանյանը ևս մեկ անգամ ընդգծեց այդ ակցիաների կարևորությունը, քանի որ դրանց շնորհիվ մեր հայրենակիցները բողոքում են նաև աշխարհի լռության դեմ։

583
թեգերը:
Արցախ, Բողոքի ակցիա, Սփյուռք, Զարեհ Սինանյան
թեմա:
Ադրբեջանական ագրեսիան Արցախում - 2020 (1758)
Ըստ թեմայի
Իսրայելում ադրբեջանցիները հարձակվել են խաղաղ ավտոերթ անող հայերի վրա
Լուռ բողոքի ակցիա Պրահայում. հայերն ուզում են իրենց ձայնն աշխարհին հասցնել
Բողոքի ակցիաներ Արգենտինայում և Բրազիլիայում. հայ համայնքը դատապարտում է Ադրբեջանի քայլերը
Էդմոն Մարուքյան

Ժնևի հանդիպումը հրադադարի հանդիպում չէ. Մարուքյան

59
(Թարմացված է 11:52 29.10.2020)
Ընդդիմադիր խմբակցության ղեկավարը չթաքցրեց` հանդիպման ու բանակցային մանրամասներին տեղյակ չէ։ Բայց նրա խոսքով` քանի դեռ հրադադար չկա, բանակցություններն արդյունավետ լինել չեն կարող։

ԵՐԵՎԱՆ, 29 հոկտեմբերի — Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանն խորհրդարանական ճեպազրույցի ընթացքում անդրադարձավ այսօր Ժնևում նախանշված Ադրբեջանի ու Հայաստանի ԱԳ նախարարների հանդիպմանը։

«Որքան հասկանում ենք` Ժնևի հանդիպումը հրադադարի հանդիպում չէ, այլ բանակցությունների ինչ–որ սկիզբ է կամ փորձ։ Սակայն պետք է ասեմ, որ խորհրդարանական ուժերը որևէ ձևով, որևէ խողովակով տեղեկացված չեն, թե ինչ է քննարկվելու։ Ես չգիտեմ, թե ինչ է բանակցվում, որևէ տեղեկություն չունենք»,– ասաց Մարուքյանը։

Այդուհանդերձ, ընդդիմադիր խմբակցության ղեկավարը չթաքցրեց, որ մեծ ակնկալիքներ այս հանդիպումից չունի։ Նրա խոսքով` քանի դեռ հրադադար չկա, բանակցություններն արդյունավետ լինել չեն կարող։

Հիշեցնենք` այսօր Ժնևում նախատեսված է ԵԱՀԿ Մինսկի խմբի համանախագահների և Հայաստանի ու Ադրբեջանի արտգործնախարարների հանդիպումը։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

59
թեգերը:
հրադադար, Արցախ, Ղարաբաղյան հակամարտություն, Լեռնային Ղարաբաղ, ԵԱՀԿ Մինսկի Խումբ, Ադրբեջան, Հայաստան, Ջեյհուն Բայրամով, Զոհրաբ Մնացականյան, Ժնև, Էդմոն Մարուքյան
թեմա:
Հրադադար Արցախում
Ըստ թեմայի
Ջախջախել են թշնամուն, ԱԹՍ խոցել, վիրավորներին մարտադաշտից դուրս բերել. նորօրյա հերոսները
Ներկա պահին թշնամին «Սմերչով» հրթիռակոծում է Ստեփանակերտը, Շուշին և Մարտակերտը
Էդմոն Մարուքյանն արտերկրի հայերին հորդորում է թուրք–ադրբեջանական սադրանքներին չտրվել
Ակցիա Ֆրանսիայում

Թուրքերն ու ադրբեջանցիները «հայերի որս» են սկսել Եվրոպայի փողոցներում. տեսանյութեր

706
(Թարմացված է 10:24 29.10.2020)
Սոցցանցերում հրապարակված բազմաթիվ տեսանյութերում երևում է, թե ինչպես են սպառնալիքներ հնչեցնում հայերի հասցեին։

ԵՐԵՎԱՆ, 29 հոկտեմբերի – Sputnik. Ֆրանսիայում և Ավստրիայում հարյուրավոր թուրք և ադրբեջանցի ազգայնականներ փողոց են դուրս եկել ու հայերի են փնտրում։ Nouvelles d'Arménie–ի հրապարակած տեղեկությունը հաստատում են բազմաթիվ օգտատերեր, որոնք տեսանյութեր են տարածում համացանցում։

Պարբերականը մեջբերում է Ֆրանսիայի բնակիչներից մեկի պատմածը։ Նա ասել է, որ երեկ երեկոյան փողոցներում հայտնվել են թուրքական դրոշներով երիտասարդներ, որոնք շրջել են քաղաքի կենտրոնում՝ ցուցադրելով «Գորշ գայլեր» կազմակերպության նշանը և գոռացել. «Մահ հայերին»: Տղամարդիկ սպառնացել են բոլոր նրանց, ովքեր համարձակվել են նայել նրանց դեմքին:

«Զարթոնքն» իր հերթին տեղեկացնում է, որ նմանատիպ իրավիճակ է նաև Լիոնում, որտեղ շատ հայեր են ապրում: Այնտեղ թուրքերը և ադրբեջանցիները դուրս են եկել փողոց` հայերին փնտրելու: Նրանք իրենց չափազանց ագրեսիվ են պահում, քայլում են մեծ խմբերով և տարբեր սպառնալիքներ հնչեցնում հայերի հասցեին: Քաղաքացիները վախեցած թաքնվել են իրենց տներում:

​Սոցցանցերում հայտնվել է նաև մի տեսանյութ, որում կրակոցներ են լսվում, բայց անհասկանալի է, թե ինչ է կատարվում հետո։ Միայն երևում է, որ փողոցներով քայլող մարդկանց ձեռքերին և ուսերին թուրքական դրոշներ կան։

Մի տեսագրություն էլ հրապարակվել է Ավստրիայի մայրաքաղաք Վիեննայից: Նշվում է, որ հայերին փնտրելու համար փողոց են դուրս եկել մոտ 150 ագրեսիվ թուրքեր։

​​Հիշեցնենք՝ երեկ Ֆրանսիայում հայ համայնքի կազմակերպած ակցիայի ընթացքում մի քանի թուրքեր մուրճերով, մահակներով և դանակներով հարձակվել էին հայերի վրա։ Թուրքերի հարձակման հետևանքով, ըստ նախնական տեղեկությունների, վիրավորվել է 10 հայ, որոնց թվում կին և երեխա կա։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1068 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

706
թեգերը:
տեսանյութ, հայեր, ադրբեջանցի, Թուրք, Ֆրանսիա
Ըստ թեմայի
Սիրիացիները հայերի հետ են. նրանք իրենց մաշկի վրա զգացել են ահաբեկիչների վայրագությունները
Օգնեք դադարեցնել Թուրքիայի և Ադրբեջանի` հայերի դեմ ցեղասպանությունը. Ալին Քեշիշյան
Դադարեցրեք զենքի վաճառքը Ադրբեջանին. Իսրայելի և Արգենտինայի հայերի բողոքի ակցիան
Ադրբեջանցիները զոհված հայերի կեղծ ցանկ են հրապարակել. ի՞նչ է խորհուրդ տալիս Մարտիրոսյանը
 Գդերեց Դավիթ սարկավագի ավտոմեքենան

ԱԹՍ-ի արկն ընկել է գնդերեց Դավիթ սարկավագի ավտոմեքենայի վրա․ լուսանկար

0
(Թարմացված է 12:07 29.10.2020)
Հրապարակված լուսանկարներում երևում է, թե ինչպես է գնդերեց Դավիթ սարկավագի ավտոմեքենայի աջ կողմն ամբողջությամբ վնասվել։

ԵՐԵՎԱՆ, 29 հոկտեմբերի – Sputnik․ Անօդաչու թռչող սարքի արկն ընկել է գնդերեց Դավիթ սարկավագի ավտոմեքենայի վրա, բայց չի պայթել։ Տեղեկությունը հայտնում է Հայ Առաքելական Սուրբ Եկեղեցու Տավուշի թեմի facebook-յան պաշտոնական էջը:

Հրապարակված լուսանկարներում երևում է, թե ինչպես է ավտոմեքենայի աջ կողմն ամբողջությամբ վնասվել։ Բարեբախտաբար գնդերեց Դավիթը չի տուժել։

«Տերը թող հաստատուն ու անսասան պահի Հայոց բանակի յուրաքանչյուր ծառայողի։ Հաղթելու ենք»,-լուսանկարներին կից գրված է հաղորդագրության մեջ։

Քիչ առաջ ԱՀ ՊԲ հայտարարություն տարածեց` տեղեկացնելով, որ ներկա պահին թշնամական ուժերի կողմից համազարկային կրակի «Սմերչ» համալիրներից հրթիռակոծության են ենթարկվում Ստեփանակերտ, Շուշի և Մարտակերտ քաղաքները:

Ինչպես արդեն տեղեկացրել ենք, գիշերվա ընթացքում արցախա-ադրբեջանական հակամարտության գոտում կայուն-լարված օպերատիվ իրադրությունն էական փոփոխությունների չի ենթարկվել:

Վաղ առավոտյան հակառակորդը վերսկսել է Արցախի Հանրապետության խաղաղ բնակավայրերի թիրախավորումը: Մասնավորապես թշնամական ուժերի կողմից համազարկային կրակի «Սմերչ» համալիրներից հրթիռակոծության են ենթարկվել Ստեփանակերտը, Շուշին և հարակից խաղաղ բնակավայրերը: ՊԲ-ի հակաօդային պաշտպանության ուժերի կողմից ոչնչացվել է թշնամական հերթական «Բայրաքթար» տիպի հարվածային անօդաչուն։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 223 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 618 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
արկ, անօդաչու թռչող սարք, Ղարաբաղյան հակամարտություն, Լեռնային Ղարաբաղ, Արցախ, Տավուշ, հոգևորական
թեմա:
Ադրբեջանական ագրեսիան Արցախում - 2020 (1758)
Ըստ թեմայի
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Ժնևի հանդիպումը հրադադարի հանդիպում չէ. Մարուքյան
Ժնևի հանդիպումը կարող է և չկայանալ. «Իմ քայլի» պատգամավորը կասկած հայտնեց