8 միլիարդատերեր և նրանց կանայք ավելի քան 1 մլն դոլար են նվիրաբերել Թրամփի պարտության համար
(Թարմացված է 14:22 15.10.2020)
2019 թվականի վերջին հիմնադրված «Լինքոլնի նախագծի» անդամների և ԱՄՆ ընդդիմադիր Դեմոկրատական կուսակցության քաղաքական համոզմունքները տարբերվում են։ԵՐԵՎԱՆ, 15 հոկտեմբերի – Sputnik. Ամերիկացի ութ միլիարդատերեր և մեծահարուստների կանայք ավելի քան 1 մլն դոլար են նվիրաբերել «Լինքոլնի նախագիծ» հատուկ կոմիտեին՝ ԱՄՆ նախագահի` նոյեմբերին կայանալիք ընտրություններում երկրորդ անգամ հանրապետական Դոնալդ Թրամփի վերընտրվելը կանխելու համար։ Տեղեկությունը հայտնում է Forbes–ը։
Պարբերականի տվյալներով՝ այս տարի «Լինքոլնի նախագծին» մասնակցող միլիարդատերերի թիվն ավելացել է՝ հասնելով 15-ի։ Վերջին շրջանում նրանց շարքում 8 մարդ կար։ Կոմիտեն ամենախոշոր գումարը ստացել է նավթային մագնատ և արդյունաբերող Փոլ Գեթիի (1892-1976) ժառանգից։ Գորդոն Գեթին Թրամփի պարտության համար 1 մլն դոլար է նվիրաբերել։
Մյուս դոնորների թվում նշվել է Hyatt Hotels հյուրանոցների ցանցի կայսրության ժառանգ Ջոն Փրիթցքերը (100 հազար դոլար), համակարգիչների և գաջեթների վաճառքից հարստացած գործարար Մայքլ Կրասնին (10 հազար դոլար), Cargill պարենային ընկերության ժառանգ Գվենդոլին Սոնթեյմ Մեյերը (10 հազար դոլար), ներդրող Ռոբերտ Զիֆը (10 հազար դոլար) և հեջ հիմնադրամների կառավարիչ Ջոզեֆ Էդելմանը (2 հազար դոլար)։
2019 թվականի վերջին հիմնադրված «Լինքոլնի նախագծի» անդամների և ԱՄՆ ընդդիմադիր Դեմոկրատական կուսակցության քաղաքական համոզմունքները տարբերվում են։ Forbes-ի հրապարակման համաձայն՝ կոմիտեն միայն այս տարի 58 մլն դոլար է ներգրավել։ Հուլիսից մինչև հոկտեմբեր ստացվել է 39,4 մլն դոլար, այս նվիրատվությունների 3 տոկոսը կատարել են միլիարդատերերը։
Նոյեմբերի 3-ին ԱՄՆ-ում անցկացվելու են հերթական համընդհանուր ընտրությունները։ Ընտրվելու են երկրի նախագահը և փոխնախագահը, Ներկայացուցիչների պալատի բոլոր 435 անդամներն ու Սենատի մեկ երրորդը, 13 նահանգապետներ։ Պետության ղեկավարի պաշտոնի համար հանրապետականներից պայքարում է Դոնալդ Թրամփը, որն առաջադրվել է երկրորդ ժամկետի համար, դեմոկրատներից` ԱՄՆ նախկին փոխնախագահ Ջոզեֆ Բայդենը։ Երդմնակալությունը տեղի է ունենալու 2021 թվականի հունվարի 20-ին։
թեգերը:
Ուղղաթիռի կործանումից մահացած թուրք գեներալը օգնել է Ադրբեջանին Արցախի պատերազմի ժամանակ
(Թարմացված է 13:43 05.03.2021)
Թուրք գեներալ Օսման Էրբաշը նաև կանգնած է եղել «Բայրաքթար» ԱԹՍ-ների ստեղծման ակունքներում: ԵՐԵՎԱՆ, 5 մարտի - Sputnik. Թուրքիայի արևելյան շրջանում տեղի ունեցած ավիաաղետի հետևանքով մահացածներից մեկը Թուրքիայի ցամաքային զորքերի Էլյազըղի (Խարբերդի) 8-րդ կորպուսի հրամանատար, գեներալ Օսման Էրբաշն է։ Ermenihaberi.am-ը գրում է, որ թուրքական մամուլն այսօր հեղեղվել է գեներալ Էրբաշի կենսագրությունն ու գործունեության մանրամասներով: Հատկապես շեշտվում է, որ նա թուրք գեներալը իր ռազմական-մարտավարական գիտելիքներով օգնել է Ադրբեջանին Լեռնային Ղարաբաղի 3-րդ պատերազմում «հաջողության հասնելու համար»:
Ինչպես արդեն հայտնել էինք, մարտի 4–ին Թուրքիայի արևելյան շրջանում տեղի ունեցած ավիաաղետի հետևանքով 11 թուրք զինծառայող մահացել է, իսկ 2-ը՝ վիրավորվել:
Ո՞վ է Օսման Էրբաշը
Թուրք գեներալ Օսման Էրբաշը կանգնած է եղել «Բայրաքթար» ԱԹՍ-ների ստեղծման ակունքներում: Էրդողանի փեսան` հիշյալ ԱԹՍ-ն արտադրող ընկերության ղեկավար Սելչուկ Բայրաքթարը, Telegram-ում հայտնել է, որ գեներալ Էրբաշի հետ ավելի քան 10 տարի ընկերություն է արել և միասին են փորձարկել անօդաչու թռչող սարքերը:
Էրբաշի ձեռքերը թաթախված են եղել նաև քուրդ զինյալների դեմ օպերացիաներում: Նա 2010թ. ընդհանուր ուսուցում է կազմակերպել այն զինծառայողների համար, որոնք այդ օպերացիաներում պետք է կիրառեին ԱԹՍ-ներ:
Օսման Էրբաշը ծնվել է ներկայիս Թուրքիայի կենտրոնական Յոզգաթ նահանգի Յերքյոյ շրջանում: 1983թ. ավարտել է ռազմական դպրոցը, 1997թ. ռազմական ակադեմիան, իսկ 2000թ. Թուրքիայի ԶՈւ ակադեմիան:
2008-2010թթ. Էրբաշը ղեկավարել է Թուրքիայի ՊՆ-ի տեսչական վարչությունը, իսկ 2010-2012թթ. զբաղեցրել է 1-ին մեքենայացված հետևակային բրիգադի հրամանատարի պաշտոնը: 2012թ. ստացել է գեներալ-մայորի կոչում: 2012-2015թթ. ստանձնել է Թուրքիայի ցամաքային ուժերի հետախուզության վարչությունը, իսկ 2015-2016թթ 6-րդ մեքենայացված հետևակային բրիգադի հրամանատարությունը: Նա կարևոր դեր է խաղացել 2016թ. հուլիսի 15-ին Թուրքիայում կազմակերպված հեղաշրջման փորձի ժամանակ`աջակցելով Թուրքիայի իշխանություններին:
Նա 2017թ. նշանակվել էր 8-րդ կորպուսի հրամանատար:
թեգերը:
Հայտնի է` ինչի հետևանքով է կործանվել թուրքական ռազմական ուղղաթիռը
(Թարմացված է 11:20 05.03.2021)
Թուրքիայի պաշտպանության նախարարությունը հայտնել է, որ Cougar տիպի ուղղաթիռի կործանման հետևանքով 11 մարդ է մահացել։
ԵՐԵՎԱՆ, 5 մարտի – Sputnik. Թուրքիայի արևելքում ռազմական ուղղաթիռը վթարի է ենթարկվել եղանակային պայմանների վատթարացման պատճառով։ Տեղեկությունը հայտնել է Թուրքիայի պաշտպանական գերատեսչության ղեկավար Հուլուսի Աքարը, փոխանցում է ՌԻԱ Նովոստին։
©
Sputnik / Karen Avetisyan
«Նախնական տվյալներով և ականատեսների վկայությամբ՝ վթարը տեղի է ունեցել եղանակային պայմանների կտրուկ վատթարացման պատճառով։ Ուղղաթիռի կործանման փաստով հետաքննություն է սկսվել` պատահարի ճշգրիտ պատճառը պարզելու համար», - հայտարարել է Աքարը։
Ինչպես արդեն հայտնել էինք, երեկ` մարտի 4–ին, Թուրքիայում Cougar տիպի ուղղաթիռ է կործանվել, որի հետևանքով զոհվել է 9 թուրք զինծառայող, 4-ը վիրավորվել են:
Հայաստանն այս տարի չի մասնակցի «Եվրատեսիլին». Հանրային հեռուստաընկերություն
(Թարմացված է 14:34 05.03.2021)
Հանրային հեռուստաընկերությունը հայտարարություն է տարածել` հայտնելով, թե որն է նման որոշում կայացնելու պատճառը։ ԵՐԵՎԱՆ, 5 մարտի – Sputnik. Համապարփակ քննարկումներից և բանակցություններից հետո Հանրային հեռուստաընկերությունը հայտարարում է, որ Հայաստանն այս տարի չի մասնակցի «Եվրատեսիլ» երգի միջազգային մրցույթին:
«Տեղի ունեցած իրադարձությունները, ժամանակի սղությունը և այլ օբյեկտիվ հանգամանքներ անհամադրելի են երգի մրցույթում Հայաստանի պատշաճ ներկայացման հետ»,– նշված է հեռուստաընկերության տարածած հաղորդագրության մեջ:
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում` մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն` կորոնավիրուսի համավարակի պատճառով:
«Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Ռոտերդամում անցկացվելիք մրցույթի նոր կանոնները կապված են կորոնավիրուսային իրավիճակի և վարակի տարածման կանխարգելման հետ։ «Եվրատեսիլի» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։ Իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։