Իրանի նախագահ

Ինչի կհանգեցնի Իրանի նկատմամբ զենքի էմբարգոյի վերացումը. փորձագետը փակագծեր է բացել

4520
(Թարմացված է 00:29 15.10.2020)
Իրանը զենք կվաճառի։ Արդեն ավելի քան 25 պայմանագիր են պատրաստել բարեկամական երկրներին զենք վաճառելու համար։

ԵՐԵՎԱՆ, 15 հոկտեմբերի – Sputnik. Իրանի դեմ զենքի էմբարգոյի վերացումը Թեհրանի համար ավելի շատ գաղափարական, քաղաքական ու դիվանագիտական նշանակություն կունենա, քան տնտեսական ու պաշտպանական։ ՌԻԱ Նովոստիին տված հարցազրույցում իր կարծիքն է հայտնել իրանցի փորձագետ Ամիր Մուսավին։

Իրանի և միջազգային միջնորդների «վեցյակի» միջև 2015 թվականի հուլիսին կնքված «միջուկային համաձայնագրի» համաձայն՝ 2020թ. հոկտեմբերի 18-ից վերացվում է Իրանի նկատմամբ սահմանված էմբարգոն:

Մեկնաբանելով հետագա զարգացումները՝ Մուսավին նշել է, որ խոսքը ԱՄՆ-ի նկատմամբ դիվանագիտական հաղթանակի մասին է, քանի որ Վաշինգտոնը, որը միակողմանիորեն հեռացել է «միջուկային գործարքից», ապարդյուն փորձում էր կոտրել Թեհրանին, արգելափակել Իրանը և իսլամական հանրապետության դեմ տրամադրել միջազգային հանրությանն ու ՄԱԿ-ի Անվտանգության խորհրդի անդամներին:

Սահմանին հայտնված լրտեսական ԱԹՍ–ն. ո՞ր դեպքում պատերազմին կխառնվի Իրանը

Իրանցի փորձագետի խոսքով՝ ԱՄՆ-ի դիվանագիտական ֆիասկոն խոսում է Ռուսաստանի, Չինաստանի, Հնդկաստանի, BRICS-ի և Շանհայի համագործակցության կազմակերպության հետ Իրանի համագործակցության կարևորության մասին: Բացի այդ, դա վկայում է այդ հարցում եվրոպական երկրների չեզոքության մասին։

«Իրանը զենք կվաճառի, արդեն ավելի քան 25 պայմանագիր է պատրաստվել բարեկամական երկրներին վաճառելու համար, որոնք սպասում են էմբարգոյի չեղարկմանը», - ասել է մասնագետը՝ չնշելով պետությունների անվանումները։

Նա միայն ավելացրել է, որ Թեհրանը ծրագրում է որոշ անհրաժեշտ սարքավորումներ (ավիատեխնիկա, զրահատեխնիկա) գնել Չինաստանից ու Ռուսաստանից, բայց խոսքը զգալի ծավալների մասին չէ: Բանն այն է, որ պատժամիջոցների տարիներին Իրանը կարողացել է ապահովել պաշտպանական և ռազմական արդյունաբերության ոլորտի իր կարիքները։

«Թեհրանը ոչ այնքան սպառազինությունների գնման կարիք ունի, որքան տեխնիկական համագործակցության։ Իրանը նախընտրում է չգնել, բայց ընդունել զարգացած բարձր տեխնոլոգիաներ», - ընդգծել է Մուսավին։

Հիշեցնենք` 2018 թվականի մայիսին ԱՄՆ-ը հայտարարել էր Համատեղ գործողությունների համապարփակ ծրագրից միակողմանի դուրս գալու և Թեհրանի նկատմամբ խիստ պատժամիջոցների վերականգնման մասին: Հետագայում ԱՄՆ-ն զենքի էմբարգոն երկարաձգելու բանաձև էր առաջարկել։ Սակայն ՄԱԿ-ի Անվտանգության խորհրդում նման որոշման նախագիծը ձայների ճնշող մեծամասնությամբ չէր ընդունվել։

Ավելի վաղ Իրանի նախագահ Հասան Ռոհանին հայտարարել էր, որ հոկտեմբերի 18-ից Իրանը կկարողանա զենք գնել և վաճառել ում ցանկանա: Նա ընդգծել էր, որ տասնամյա էմբարգոյի վերացումը իրանցի դիվանագետների ջանքերի արդյունքն է:

Երբ ջախջախում են ադրբեջանական ԶՈւ–ին, նրանք փախչում են դեպի Իրանի սահման. Հովհաննիսյան

4520
թեգերը:
Զենք, Իրանի Իսլամական Հանրապետություն
Ըստ թեմայի
Թբիլիսին հերքում է Վրաստանի տարածքով Ադրբեջանին զենք մատակարարելու տեղեկությունը
Իսրայելն ու Ադրբեջանը միայն զենքով չէ, որ կապված են. ռուսաստանցի փորձագետ
Թուրքիան բացահայտել է, թե ինչքան զենք է վաճառել Ադրբեջանին
Բաքու

Ադրբեջանում ԱՄՆ դեսպանությունն իր քաղաքացիներին զգուշացրել է վտանգի մասին

69
(Թարմացված է 23:55 24.10.2020)
Դեսպանությունը հավաստի տեղեկություններ է ստացել ահաբեկչական հարձակումների և մարդկանց առևանգումների մասին: Մեկ օր առաջ Թուրքիայում ԱՄՆ դեսպանությունն էր հանդես եկել նմանատիպ հայտարարությամբ:

ԵՐԵՎԱՆ, 24 հոկտեմբերի - Sputnik. Ադրբեջանում ԱՄՆ դեսպանությունն իր քաղաքացիներին զգուշացրել է առևանգման և ահաբեկչության վտանգի մասին։ Տեղեկությունը հայտնում է ամերիկյան դիվանագիտական առաքելության պաշտոնական կայքը:

Ադրբեջանցիները հարձակման փորձեր են անում նաև հայկական ԶՈւ համազգեստներով. Բեգլարյան

«Դեսպանությունը հավաստի տեղեկություններ է ստացել Բաքվում հնարավոր ահաբեկչությունների, ԱՄՆ և այլ օտարերկրյա քաղաքացիների առևանգման վտանգի մասին: ԱՄՆ քաղաքացիներին խորհուրդ է տրվում հավելյալ զգուշություն ցուցաբերել այն վայրերում, որտեղ կարող են հավաքվել ամերիկացիներ և օտարերկրացիներ»,–նշված է հայտարարության մեջ:

Հիշեցնենք, որ երեկ նմանատիպ հայտարարությամբ էր հանդես եկել նաև Թուրքիայում ԱՄՆ դեսպանությունը։

69
թեգերը:
Ադրբեջան, դեսպանատուն, դեսպանություն, ԱՄՆ
Ըստ թեմայի
Ռուսաստանի մի շարք քաղաքներում ահաբեկչական խմբավորումներ են վնասազերծվել
Սիրիացի զինյալ–ահաբեկիչների գործողություններն ուղիղ սպառնալիք են ՌԴ անվտանգությանը
Ինչո՞ւ ահաբեկիչները չեն կռվում Արցախի հյուսիսում, կամ ինչ կանեն նրանք Իրանի հետ
Էրդողանն ու Մակրոնը

Էրդողանի խոսքերից հետո Ֆրանսիան իր դեսպանին հետ է կանչել Թուրքիայից

295
(Թարմացված է 21:38 24.10.2020)
Թուրքիայի նախագահի վիրավորական հայտարարությունից հետո Ֆրանսիան ևս մեկ անգամ զգուշացրել է, որ Թուրքիան պետք է փոխի իր քաղաքականությունը:

ԵՐԵՎԱՆ, 24 հոկտեմբերի – Sputnik. Ֆրանսիան խորհրդակցությունների համար հետ է կանչել իր դեսպանին այն բանից հետո, երբ Թուրքիայի նախագահ Ռեջեփ Թայիփ Էրդողանը Ֆրանսիայի նախագահ Էմանուել Մակրոնին խորհուրդ է տվել հոգեբույժի մոտ գնալ։ Տեղեկությունը հայտնում է Agence France-Presse-ը՝ հղում անելով Ելիսեյան պալատի հայտարարությունը:

Էրդողանն այսօր իր ելույթում խոսել էր Մակրոնի մասին և ասել. «Մակրոնն ի՞նչ խնդիր ունի իսլամի ու մահմեդականների հետ։ Եթե պետության ղեկավարն այդպես է վերաբերվում իր երկրում գտնվող միլիոնավոր մուսուլմաններին, ուրեմն նա գիտակցության վերահսկողության կորուստ ունի։ Նա հոգեբույժի մոտ գնալու կարիք ունի»

«Նախագահ Էրդողանի խոսքերն անընդունելի են: Ծայրահեղությունների հետևից ընկնելն ու կոպիտ լինելը ճանապարհ չէ: Մենք պահանջում ենք, որ Էրդողանը փոխի իր քաղաքականությունը, քանի որ այն վտանգավոր է բոլոր տեսանկյուններից: Մենք ավելորդ վեճերի չենք մասնակցում և վիրավորանք չենք ընդունում», - գրված է Ելիսեյան պալատի հայտարարության մեջ։

Նշվում է, որ Ելիսեյան պալատը որոշում է կայացրել Ֆրանսիայի դեսպանին հետ կանչել Անկարայից` ստեղծված իրավիճակը Մակրոնի հետ քննարկելու համար:

Ելիսեյան պալատը հայտարարել է նաև, որ Փարիզի մերձակայքում ուսուցչի դաժան սպանությունից հետո Թուրքիայի նախագահի կողմից ցավակցական կամ աջակցության ուղերձներ չեն եղել: Պալատը հայտնել է, որ Էրդողանը վերջերս հանդես է եկել վիրավորական հայտարարություններով, մասնավորապես կոչ է արել բոյկոտել ֆրանսիական արտադրանքը:

Ավելի վաղ Մակրոնը Ֆրանսիայում ելույթ էր ունեցել անջատողականության դեմ պայքարի թեմայով և հայտնել, որ համապատասխան օրինագիծը, որն ուղղված է հանրապետական արժեքների ամրապնդմանը, կներկայացվի դեկտեմբերի 9-ին: Ֆրանսիայի իշխանությունը իսլամական անջատողականության դեմ պայքարի շրջանակում ուզում է հատուկ ուշադրություն դարձնել երեխաների ուսուցմանը: Մակրոնը խոսել էր նաև Ֆրանսիայի մահմեդականների խորհրդի հետ համատեղ կազմակերպություն ստեղծելու անհրաժեշտության մասին` նշելով, որ դա թույլ կտա երկրում «լուսավորյալ իսլամ» կառուցել: Նրա խոսքով՝ Ֆրանսիայում պետք է իսլամն ազատել օտարերկրյա ազդեցությունից և ուժեղացնել մզկիթների ֆինանսավորման վերահսկողությունը:

Էրդողանը հանդիպել է Պոլսո հայոց պատրիարք Սահակ Մաշալյանի հետ

Նշենք, որ Թուրքիայի ու Ֆրանսիայի նախագահների հարաբերությունները սրվեցին Միջերկրական ծովի արևելյան հատվածի առնչությամբ Հունաստանի հետ հակամարտության և Լեռնային Ղարաբաղի պատերազմի ֆոնին։ Մակրոնը Թուրքիային մեղադրեց վարձկաններին Սիրիայից Ղարաբաղյան հակամարտության գոտի տեղափոխելու մեջ:

Էրդողանը` բոլորի դեմ. Թուրքիան աշխարհաքաղաքական փորձարկում է անում

295
թեգերը:
Ֆրանսիա, Թուրքիա, Էմանուել Մակրոն, Ռեջեփ Թայիփ Էրդողան
Ըստ թեմայի
Ադրբեջանի սանձազերծած պատերազմում յուրաքանչյուր զոհ Ալիևի և Էրդողանի խղճին է. Շենդերովիչ
Էրդողանը` բոլորի դեմ. Թուրքիան աշխարհաքաղաքական փորձարկում է անում
Պուտինի հայտարարությունները շատ կարևոր, շատ զսպող էին Էրդողանի համար. Քոչարյան
ԱԱԾ

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

106
(Թարմացված է 00:40 25.10.2020)
Ձերբակալվել է և՛ զինծառայողը,  և՛ հանցագործությանն օժանդակած բժշկական կենտրոնի ծառայողները:

ԵՐԵՎԱՆ, 25 օգոստոսի – Sputnik. ՀՀ ազգային անվտանգության ծառայությունը պարզել է, որ զորահավաքային զինծառայող Ա. Ս.-ի հայրը` Ն.Ս.-ն, բժշկական կենտրոնի լաբորատորիայի վարիչին և նույն լաբորատորիայի լաբորանտին համոզելու կամ այլ եղանակով դրդել է, որ վերջիններս իրենց  լիազորություններն օգտագործեն կազմակերպության շահերին հակառակ և զորահավաքային զինծառայողի օգտին։ Տեղեկությունը հայտնում է ԱԱԾ մամուլի ծառայությունը։

Նրանք 2020 թվականի հոկտեմբերի 22-ին զորահավաքային զինծառայողի անվամբ կազմել են կեղծ փաստաթղթեր առ այն, որ իրականացրել են Covid-19–ի նմուշառում, մինչդեռ վերջինից փաստացի որևէ նմուշ  չի ստացվել, իսկ լաբորատոր հետազոտության համար համապատասխան փորձաքննության են ուղարկել այլ անձի նմուշ։

2020 թվականի հոկտեմբերի 23-ին զորահավաքային զինծառայողի անվամբ կազմվել և շրջանառության մեջ է դրվել բովանդակությամբ կեղծ եզրակացություն առ այն, որ վերջինիս մոտ իբր հայտնաբերվել է Covid-19 հիվանդություն,  այդ հանգամանքը հնարավորություն է տվել զորահավաքային զինծառայողին ռազմական դրության պայմաններում ապօրինի ժամանակավորապես դադարեցնելու զինվորական ծառայության կամ դրա առանձին պարտականությունների կատարումը:

Դեպքի առթիվ ՀՀ ԱԱԾ քննչական դեպարտամենտում համապատասխան հոդվածների հատկանիշներով հարուցվել է քրեական գործ, որի շրջանակներում զինծառայողի կողմից ռազմական դրության պայմաններում հիվանդության սիմուլյացիայի եղանակով զինվորական ծառայությունը կամ դրա առանձին պարտականությունների կատարումը ժամանակավորապես դադարեցնելու, ինչպես նաև հիշյալ առերևույթ հանցագործությանն օժանդակելու, իրավունք վերապահող կեղծ փաստաթղթեր կազմելու և օգտագործելու կասկածանքներով ձերբակալվել են ինչպես զորահավաքային զինծառայողը,  այնպես էլ՝ հանցագործությանն օժանդակած բժշկական կենտրոնի ծառայողները:

Ձեռնարկվում են անհրաժեշտ քննչական և այլ դատավարական գործողություններ՝ նույն բժշկական կենտրոնի ծառայողների կողմից նույնաբնույթ այլ հանցավոր դրսևորումները բացահայտելու, կոռուպցիոն մեխանիզմում ներգրավված անձանց ամբողջական շրջանակը պարզելու ուղղությամբ:

Ազգային անվտանգության ծառայությունը հորդորում է անմնացորդ կերպով կատարել հայրենիքի պաշտպանության սուրբ առաքելությունը, ցուցաբերել զինվորական պարտքի գիտակցված զգացողություն, զերծ մնալ տարատեսակ խարդավանքների, այդ թվում՝ հիվանդության սիմուլյացիայի միջոցով զինվորական ծառայության պարտականությունները կատարելուց խուսափելու կամ դրան օժանդակելու անթույլատրելի վարքագիծ դրսևորելուց։

ԱԱԾ–ն միաժամանակ խիստ զգուշացնում է, որ հետևողական կերպով շարունակելու է իր լիազորությունների շրջանակում ձեռնարկել իրավիճակից բխող անհրաժեշտ միջոցառումներ՝ ռազմական դրության պայմաններում բժշկական կազմակերպությունների ծառայողների կողմից հիվանդությունների ախտորոշման ընթացքում համանման չարաշահումները բացառելու, զինծառայողների համախմբվածության, մարտական պատրաստվածության, զինվորական կարգապահության կամ բանակի մարտունակության վրա բացասաբար ազդեցություն ունեցող անձանց հայտնաբերելու և նրանց նկատմամբ համարժեք քրեաիրավական ներգործության միջոցներ կիրառելու ուղղությամբ և հիշեցնում է, որ նկարագրված հանցավոր արարքը դասվում է ծանր հանցագործությունների շարքին, որի համար որպես պատիժ նախատեսված է հինգից տասը տարի ժամկետով ազատազրկում:

Ռազմական դրության սահմանափակումները խախտողները կենթարկվեն պատասխանատվության

106
թեգերը:
ՀՀ ազգային անվտանգության ծառայություն. ԱԱԾ, կորոնավիրուս, զինծառայող, Հայաստան
Ըստ թեմայի
«Զինվորը կգա, մի կտոր հաց տվող չլինի՞». France 24-ի ռեպորտաժը Արցախում մնացածների մասին
Տոնոյանն այցելել է ադրբեջանական ստորաբաժանումը ոչնչացրած զինծառայողներին
Ռուսաստանի մուայ թայի չեմպիոնն իր հաղթանակը նվիրել է հայ զինվորներին
«ՏՕՍ 1» խոցելը մի ուրիշ ուրախություն էր. վիրավոր զինծառայողն իրեն հերոս չի համարում