Դիահերձարան

Բուլղարիայում դիահերձարանի աշխատակիցները փրկել են ողջ պացիենտին

138
(Թարմացված է 21:50 14.10.2020)
Դիահերձարանի ուշադիր աշխատակիցները նկատել են, որ հանգուցյալ համարվող տղամարդը թեևթև դողում է, իսկ հետո բացել է բերանը։

ԵՐԵՎԱՆ, 14 հոկտեմբերի - Sputnik. Բուլղարական Սլվիեն քաղաքի բժշկական իշխանությունները ստուգում են իրականացնում կապված մի դեպքի հետ, երբ դեռ ողջ պացիենտին տեղական գերեզմանատանը կից սառցարանային խցիկ են ուղարկել։ Տեղեկությունը հայտնում է Բուլղարիայի ազգային ռադիոն։

Այս պահին 72-ամյա տղամարդը գտնվում է շրջանային հիվանդանոցի վերակենդանացման բաժնում։

Հուղարկավորման գործակալության աշխատակիցը, որին հանձնարարվել է սառցարանում պահել հանգուցյալի դին մինչև ազգականները վերադառնան արտասահմանից, նկարագրել է, թե ինչպես է դեպքը տեղի ունեցել։

 «Մեր աշխատակիցները նկատել են, որ մարդը թեթև դողում է, հետո նա բացել է բերանը։ Նրանք միանգամից հայտնել են այդ մասին։ Շտապօգնությունն ու ոստիկանությունը անմիջապես ժամանել են մեզ մոտ»,- ասել է նա ու ավելացրել է, որ տղամարդուն համապատասխան փաստաթղթերով են դիահերձարան բերել։

Այժմ պարզվում է՝ ով է ստորագրել հիվանդի մահվան մասին արձանագրությունը։ Ակնկալվում է, որ ԱՄՆ-ում ու Մեծ Բրիտանիայում ապրող նրա ազգականները ուրբաթ կժամանեն Բուլղարիա։

138
թեգերը:
Բուլղարիա, դիահերձարան
Ըստ թեմայի
Պարզվել է գլխատված դիակի ինքնությունը. չարենցավանցի կինը հաստատել է, որ իր ամուսինն է
Առաջին դիահերձարանը պատրաստ է. վտանգավոր վարակներից մահացածներին կհերձեն այլ վայրում
Ֆրանսիայում ձիեր են գտել, որոնց վրա կտտանքների հետքեր կան․ մարդիկ ապշել են դաժանությունից
Նիցցա

Ֆրանսիայի ներքին գործերի նախարարը խոսել է Նիցցայում տեղի ունեցածի մասին

8
(Թարմացված է 15:04 30.10.2020)
Ֆրանսիայի ներքին գործերի նախարար Ժերալդ Դարմանենը կարծում է, որ Ֆրանսիան ահաբեկիչների համար եթե ոչ գլխավոր, ապա լուրջ թիրախ է։

ԵՐԵՎԱՆ, 30 հոկտեմբերի – Sputnik. Ֆրանսիայի ներքին գործերի նախարար Ժերալդ Դարմանենը RTL France ռադիոկայանի եթերում հայտարարել է, որ  Ֆրանսիան, ինչպես և մի շարք այլ երկրներ, իսլամիզմի և ահաբեկչության թիրախ են հանդիսանում։ Նա չի բացառել, որ այնպիսի հարձակումները, որոնք տեղի ունեցան հոկտեմբի 29–ին Նիցցայում, կարող են կրկնվել։ Տեղեկությունը փոխանցում է ՌԻԱ Նովոստին։

«Մենք պատերազմի մեջ ենք թշնամու հետ, որը միաժամանակ ներքին և արտաքին է․․․ Ցավոք սրտի, պետք է հասկանալ, որ այս նողկալի ահաբեկչության նման այլ դեպքեր եղել են և լինելու են․․․ մենք պատերազմի մեջ ենք ընդդեմ իսլամիստական գաղափարախոսության»,-ասել է Դարմանենը։

Այն հարցին, թե արդյո՞ք Ֆրանսիան է հանդիսանում աշխարհի իսլամիզմի և ահաբեկչության  գլխավոր թիրախը, նախարարը պատասխանել է, որ երկիրը, գուցե, ոչ գլխավոր, ապա լուրջ թիրախ է, ինչպես և բազմաթիվ այլ երկրներ։

Նիցցայում երեկ առավոտյան դանակով զինված տղամարդը Նոտր-Դամ եկեղեցում հարձակվել է մարդկանց վրա։ Զոհվել է երեք մարդ, այդ թվում՝ եկեղեցու պահակը։ Ինչպես հայտնել է Նիցցայի քաղաքապետը, հարձակվողն անդադար կրկնում էր «Ալլահ Ակբար»։ Քաղաքապետն ըդգծել է` ամեն ինչ ցույց է տալիս, որ տեղի ունեցածն ահաբեկչություն է, ընգծել է, որ հարձակման հետաքննությամբ զբաղվում է դատախազության հակաահաբեկչական բաժինը։ Քաղաք է ժամանել Ֆրանսիայի նախագահ Էմանուել Մակրոնը։ Հարձակվողն արագ ձերբակալվել է։

Սա երկրորդ հարձակումն է Ֆրանսիայում վերջին երկու շաբաթվա ընթացքում։ Հոկտեմբերի 16-ին Փարիզի մերձակայքում՝ Կոնֆլան-Սենտ-Օնորին քաղաքում, գլխատվել էր պատմության ուսուցիչ Սամուել Պատին։ Սպանությունը տեղի էր ունեցել այն դպրոցի մոտակայքում, որտեղ նա դասավանդում էր։ Ավելի վաղ` խոսքի ազատության թեմայով դասի ընթացքում, ուսուցիչը ցուցադրել էր Մուհամեդ մարգարեի ծաղրանկարները։

Ֆրանսիայի Ավինյոն քաղաքում սպանել են ոստիկանների վրա դանակով հարձակված տղամարդուն

Ուսուցչին հրաժեշտ տալու ազգային արարողության ժամանակ Մակրոնը հայտարարել էր, որ Ֆրանսիան շարունակելու է պաշտպանել խոսքի ազատությունը և չի հրաժարվելու ծաղրանկարներից։

8
թեգերը:
Ահաբեկչություն, ահաբեկիչ, Նիցցա, Ֆրանսիա
Ըստ թեմայի
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ
Արդբեջանցիներն առաջնագծում ահաբեկչական խմբավորումների բազաներ են ստեղծում. ԱՀ ՊՆ
Ադրբեջանը որոշ ուղղություններով վերահսկողությունը հանձնել է ահաբեկչական խմբավորումներին
Աբաս Արաքչի

Ռոհանիի հատուկ դեսպանը մանրամասներ է ներկայացրել ղարաբաղյան կարգավորման իրանական ծրագրից

68
(Թարմացված է 14:51 30.10.2020)
Իրանի փոխարտգործնախարարը մեկնաբանել է ղարաբաղյան խնդրի լուծման Թեհրանի ծրագրի էությունը։

ԵՐԵՎԱՆ, 30 հոկտեմբերի – Sputnik. Ղարաբաղի խնդիրը կարող է կարգավորվել տարածաշրջանային մակարդակով, Ռուսաստանի և Թուրքիայի մասնակցությամբ։ Այդ մասին ՌԻԱ Նովոստիին հայտնել է Իրանի նախագահի հատուկ դեսպան, փոխարտգործնախարար Աբաս Արաքչին։

«Իրանի ամենակարևոր առանձնահատկությունն այն է, որ այն տարածաշրջանային մոտեցում ունի, և մենք կարող ենք պայքարել և դիմակայել այս ճգնաժամին՝ օգտագործելով տարածաշրջանային մոտեցումը և տարածաշրջանում ազդեցություն ունեցող երկրների մասնակցությունը։ Բնականաբար, Ռուսաստանն այդ երկրների շարքում կարևորագույններից մեկն է, ինչպես և Թուրքիան»,-ասել է Արաքչին։

Իրանի նախագահի հատուկ դեսպանն արդեն այցելել է Բաքու, Մոսկվա և Երևան, որտեղ քննարկել է ղարաբաղյան հակամարտության կարգավորման հարցը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 29-ի ժամը 18։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

68
թեգերը:
Իրանի Իսլամական Հանրապետություն, Հայաստան, Արցախյան պատերազմ
թեմա:
Ադրբեջանական ագրեսիան Արցախում - 2020
Ըստ թեմայի
Իրանի նախագահի բանագնացը Ղարաբաղի հարցով խորհրդակցություններ է անցկացրել Մոսկվայում
Իրանն ու Ռուսաստանը նմանատիպ մոտեցումներ ունեն Ղարաբաղյան հակամարտության հարցում. Արաքչի
Իրանի փոխարտգործնախարարը Զոհրաբ Մնացականյանի հետ քննարկել է ԼՂ խնդիրը