Արխիվային լուսանկար

ՄԱԿ–ն արցախյան հակամարտության ֆոնին առաջարկել է թռիչքների անվտանգության միջոցներ ձեռնարկել

175
(Թարմացված է 21:06 14.10.2020)
Օդային երթևեկության կառավարման մարմիններին և քաղավիացիայի օդային նավագնացության սպասարկման կազմակերպություններին կոմիտեն առաջարկում է ռազմական մարմինների հետ փոխգործակցել` միջազգային թռիչքների գոտում անվտանգության ապահովման նպատակով ծանուցումներ տալու համար։

ԵՐԵՎԱՆ, 14 հոկտեմբերի – Sputnik.  Միջպետական ​​ավիացիոն կոմիտեն (ՄԱԿ) Լեռնային Ղարաբաղում հակամարտության ֆոնին առաջարկում է միջոցներ ձեռնարկել կանխելու համար հակաօդային պաշտպանության միջոցներով քաղաքացիական ինքնաթիռների խոցումը և խնդրում ավիաընկերություններին գնահատել ռիսկերը։ Համապատասխան հայտարարությունը տարածվել է այսօր՝ հոկտեմբերի 14-ին։

ՄԱԿ–ն առաջարկում է կարճ ժամկետներում համալիր միջոցներ ձեռնարկել` ուղղված միջազգային իրավունքի նորմերի անվերապահ կատարմանը և ՀՕՊ միջոցներով քաղաքացիական օդանավերի, ինչպես նաև հրթիռներով և խոցման այլ միջոցներով քաղաքացիական օբյեկտների և օդանավակայանների խոցման ամբողջական կանխարգելմանը՝ հաշվի առնելով հակամարտության գոտում առկա սպառազինության մարտավարական և տեխնիկական բնութագրերը:

Օդային երթևեկության կառավարման մարմիններին և քաղավիացիայի օդային նավագնացության սպասարկման կազմակերպություններին կոմիտեն առաջարկում է ռազմական մարմինների հետ համակարգել փոխգործակցությունը` միջազգային թռիչքների գոտում անվտանգության ապահովման նպատակով ծանուցումներ տալու համար։

Բացի այդ ՄԱԿ–ն առաջարկում է Քաղավիացիայի միջազգային կազմակերպության (ՔՄԿ) շրջանակում շահագրգիռ պետությունների և միջազգային կազմակերպությունների ներկայացուցիչներից բաղկացած մշտական գործող մարմին ստեղծել՝  քաղաքացիական օդանավերի թռիչքներին սպառնացող կոնֆլիկտային իրավիճակներին օպերատիվ արձագանքելու և քաղավիացիայի թռիչքների անվտանգության և ընդհանրապես ավիացիոն անվտանգությանն առնչվող ՔՄԿ–ի խորհուրդների ու որոշումների  կատարումը վերահսկելու համար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

175
թեգերը:
Արցախյան պատերազմ, թռիչք, Քաղավիացիա
թեմա:
Ադրբեջանական ագրեսիան Արցախում - 2020 (1834)
Ըստ թեմայի
Տեղի է ունեցել Անվտանգության խորհրդի արտահերթ նիստ
Սա ուղիղ մարտահրավեր է Ռուսաստանին. Սոլովյովը` Հայաստանին հարվածելու մասին
Ինչպես է ոչնչացվում թշնամու դիվերսիոն-հետախուզական խումբը. տեսանյութ
Պոմիդոր

«Ռոսսելխոզնադզորը» մտահոգ է Հայաստանից Ռուսաստան վարակված լոլիկի մատակարարման փաստով

134
Գերատեսչությունում նշել են, որ ստիպված են սահմանափակումներ մտցնել՝ լոլիկի վրա կրկին վարակ հայտնաբերելու դեպքում։

ԵՐԵՎԱՆ, 30 հոկտեմբերի - Sputnik. «Ռոսսելխոզնադզորը» մտահոգված է, քանի որ Հայաստանից Ռուսաստան մատակարարված լոլիկների վրա վտանգավոր վիրուսային հիվանդություն՝ PepMV է հայտնաբերվել։ Տեղեկությունը նշված է գերատեսչության հայտարարության մեջ։

«Ռոսսելխոզնադզորը» նշում է, որ տեսակապի միջոցով բանակցություններ է անցկացրել ՀՀ կառավարությանը ենթակա սննդամթերքի անվտանգության տեսչական մարմնի ղեկավարի տեղակալ Նարեկ Հայրապետյանի հետ։

«Ծառայությունը մտահոգություն է հայտնել Հայաստանից Ռուսաստանի տարածք ներմուծված լոլիկների խմբաքանակի մեջ Pepino mosaic virus վարակի հայտնաբերելու կապակցությամբ։ Ավելի վաղ հայ գործընկերներին այդ հիվանդության հայտնաբերման վերաբերյալ ծանուցում է ուղարկվել», - նշած է հաղորդագրության մեջ։

Ծառայությունը խնդրել է հայկական կողմից խստացնել Ռուսաստան մատակարարվող բանջարեղենի վերահսկողությունը։ Հաղորդագրության մեջ նշված է, որ կարանտինի ենթակա ապրանքների վրա վիրուսի հայտնաբերման կրկնության դեպքում «Ռոսսելխոզնադզորը» ստիպված կլինի սահմանափակումներ մտցնել Հայաստանից եկող կարանտինի ենթակա մթերքների ներկրման նկատմամբ։

«Ռոսսելխոզնադզորն» արգելել է երշիկեղենի խմբաքանակը ներկրել Հայաստան

«Ռոսսելխոզնադզորն» առաջարկել է առաջիկայում երկու երկրներում գործող ֆիտոսանիտարական վերահսկողության ոլորտի տեղեկատվական համակարգերի ինտեգրման հարցերով բանակցություններ անցկացնել։ Խորհրդակցության անցկացման օրն ավելի ուշ կհամաձայնեցվի։ Հայկական կողմն իր հերթին կտեղեկացնի ռուսական գերատեսչությանը ձեռնարկած քայլերի մասին։ Հայկական կողմը պատրաստակամություն է հայտնել համագործակցել Ռուսաստան ուղարկվող բուսական արտադրանքի լաբորատոր հետազոտություններ անցկացնելու համարժեք մոտեցումների մշակման հարցում։

Այս շաբաթ Ռուսաստանը հիշատակված վիրուսի պատճառով արդեն արգելել է լոլիկ ներկրել Բելառուսի չորս շրջաններից։

 

134
թեգերը:
վարակ, Ռուսաստան, Հայաստան, պոմիդոր
Ըստ թեմայի
Հայաստանն առաջարկում է Թուրքիային զրկել ԵԱՏՄ սակագնային արտոնություններից
Ներմուծում և արտահանում. ինչ է փոխել կորոնավիրուսը
Կվերսկսվի՞ արդյոք Հայաստանից Ռուսաստան մսի արտահանումը
Բավրայի անցակետը

Թբիլիսին պատրաստ է պայմաններ ստեղծել ՀՀ-ի ու Ադրբեջանի միջև մարդասիրական փոխանակման համար

99
(Թարմացված է 21:24 30.10.2020)
Ադրբեջանի ԶՈւ-ի կողմից գերի վերցված 85-ամյա Եվգենյա Բաբայանի փոխանցումը Հայաստան իրականացվել է վրացական կողմի աջակցությամբ։

ԵՐԵՎԱՆ, 30 հոկտեմբերի - Sputnik. Վրաստանը պատրաստ է հետագայում էլ մարդասիրական միջանցք տրամադրել հակամարտող Հայաստանի ու Ադրբեջանի համար՝ նրանց համաձայնությամբ։ Sputnik Արմենիային այս մասին հայտնեցին Վրաստանի ԱԳՆ մամուլի ծառայությունում։

Արտգործնախարարությունում նշեցին, որ վրացական կողմի աջակցությամբ հոկտեմբերի 29-ին հաջողվել է Ադրբեջանից Հայաստան տեղափոխել տարեց կնոջը (85-ամյա Եվգենյա Բաբայանին, որը գերի էր ընկել – խմբ․)։

Կարմիր խաչի միջազգային կոմիտեի ու ԵԱՀԿ աջակցությամբ, հայկական ու ադրբեջանական կողմերի համաձայնությամբ իրականացվել է ղարաբաղյան հակամարտության ընթացքում զոհվածների դիերի փոխանակումը։ ԱԳՆ-ից հայտնել են, որ համաձայնությունը նախատեսում էր նաև հակամարտության ընթացքում գերի ընկած երկու քաղաքացիական անձանց փոխանակում, որն իրականացվել է վրացական կողմի աջակցությամբ։

Արդյունքում տարեց կինը Վրաստանի տարածքով Հայաստան է բերվել։

«Վրացական կողմը ևս մեկ անգամ հաստատում է, որ պատրաստ է ցանկացած ձևաչափով աջակցել տարածաշրջանում իրավիճակի լարվածության թուլացմանը, նաև հակամարտող կողմերի համաձայնությամբ ապագայում մարդասիրական միջանցքի տրամադրում ապահովել», - հայտնեցին Վրաստանի ԱԳՆ-ում։

Ադրբեջանն ակտիվորեն տարածում է հայ գերիների տեսանյութերը. Կարմիր խաչը զբաղվում է դրանցով

Հիշեցնենք` երեկ` հոկտեմբերի 29-ին Կարմիր Խաչի միջազգային կոմիտեի միջամտությամբ հայկական կողմին էր փոխանցվել Արցախի գերեվարված քաղաքացի, 85-ամյա Եվգենյա Բաբայանը։

Մեկ այլ տարեց գերու` 84-ամյա Միշա Մելքումյանի մասին Ադրբեջանը նախ կեղծ լուրեր էր տարածել, թե, իբր, հայկական կողմը հրաժարվել է ընդունել նրան, ապա հայտարարվեց, որ Միշա Մելքումյանի բժշկական եզրակացության համաձայն՝ տարեց տղամարդու տեղափոխումն անթույլատրելի է համարվել։ Այդուհանդերձ, Հայաստանի իրավասու մարմինները միանշանակ պատրաստակամություն են հայտնել առաջին իսկ հնարավորության դեպքում կազմակերպելու նրա վերադարձը:

Բայց հոկտեմբերի 29-ի ուշ երեկոյան հայտնի դարձավ, որ Ադրբեջանի զինված ուժերի կողմից գերեվարված 84-ամյա Միշա Մելքումյանը մահացել է։

 

99
թեգերը:
Ադրբեջան, Վրաստանի Հանրապետություն, Հայաստան, Կարմիր խաչ, գերի
թեմա:
Ադրբեջանական ագրեսիան Արցախում - 2020 (1834)
Ըստ թեմայի
ԿԽՄԿ–ն աշխատում է Ադրբեջանում մահացած տղամարդու դին Հայաստան տեղափոխելու ուղղությամբ
«Սոսկալի տեսարանները, որոնց ականատես ենք եղել, չպետք է կրկնվեն». ԿԽՄԿ հայտարարությունը
Ցանկացած այլ մեկնաբանություն անընդունելի է. Մնացականյանը հանդիպել է ԿԽՄԿ-ի նախագահի հետ

Ինչպիսի ԱԹՍ–ներ է կիրառում Ադրբեջանը

0
(Թարմացված է 23:27 30.10.2020)
Ադրբեջանը շարունակում է ռազմական ակտիվ գործողությունները Արցախում` օգտագործելով արտասահմանյան արտադրության ժամանակակից սպառազինության տարբեր տեսակներ:
Ադրբեջանի կողմից Արցախում կիրառվող հիմնական ԱԹՍ-ները
© Sputnik / Shushanik Sargsyan

Ադրբեջանն արցախա–ադրբեջանական հակամարտության գոտում, ի թիվս մի շարք զինատեսակների, նաև իսրայելական, թուրքական արտադրության հետախուզական ու հարվածային անօդաչու թռչող սարքեր է կիրառում։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
անօդաչու թռչող սարք, Ադրբեջան, Արցախ
թեմա:
Ադրբեջանական ագրեսիան Արցախում - 2020 (1834)
Ըստ թեմայի
Հայկական կողմը խոցել է Ադրբեջանի «Սմերչը»․ տեսանյութ
Ադրբեջանն ունի գերճշգրիտ խոցման միջոցներ, խաղաղ բնակչությանը սխալմամբ չի կարող հարվածել
Ադրբեջանցիների խոցված տանկերն ու զրահատեխնիկան. տեսանյութ