Սեմյոն Պեգով

Ադրբեջանում քրեական գործ են հարուցել ռուսաստանցի լրագրող Սեմյոն Պեգովի նկատմամբ

678
(Թարմացված է 15:42 12.10.2020)
Լրագրողն աշխատում է Արցախի ամենաթեժ կետերում։ Նրա հրապարակումները հաճախ մերկացնում են ադրբեջանական քարոզչամեքենայի կեղծ տեղեկությունները:

ԵՐԵՎԱՆ, 12 հոկտեմբերի – Sputnik. Ադրբեջանի գլխավոր դատախազությունը քրեական գործ է հարուցել ռուս լրագրող Սեմյոն Պեգովի՝ @Wargonzo նախագծի հեղինակի նկատմամբ:

Քրեական գործը հարուցվել է 214-2 (ահաբեկչության հրապարակային կոչեր), 281.1 (պետության դեմ ուղղված հրապարակային կոչեր) և 318.2 (Ադրբեջանի Հանրապետության պետական սահմանի ապօրինի հատում) հոդվածներով:

Այսօր ՏԱՍՍ–ը հայտնել էր, որ Ռուսաստանի իրավապահ մարմինները սկսել են ստուգել քաղաքագետ Սադաթ Գուլիևի` «Девичья башня» Telegram–ալիքում արված հրապարակումները, որոնք վերաբերում են Ղարաբաղին։

Ավելի վաղ Գուլիևը, ի պատասխան ռազմական թղթակից Սեմյոն Պեգովի՝ Ղարաբաղում ընթացող պատերազմի, այդ թվում ՝ Ադրբեջանի ԶՈւ գործողությունների մասին հրապարակումների, լրագրողին մահ էր «մաղթել» և գրել, որ նա «կոչնչացվի»: Բացի դրանից, քաղաքագետը մի քանի հրապարակումներում անպարկեշտ խոսքեր էր ասել Պեգովի հասցեին։

Ստուգման արդյունքում կորոշվի քրեական գործ հարուցելու կամ մերժելու հարցը։

Նշենք, որ ռուսաստանցի թղթակիցներն արցախյան իրադարձությունները լուսաբանում են իրենց կյանքը վտանգելով։ Այսպես, հոկտեմբերի 8-ին Շուշիի Ղազանչեցոց եկեղեցին հրթիռակոծելու հետևանքով տուժել են ռուս լրագրողներն ու նրանց ուղեկցող անձինք։ Մասնավորապես, ծանր վնասվածքներ է ստացել ռազմական մեկնաբան Յուրի Կոտենոկը։ Լրագրողն այժմ գտնվում է Երևանի «Էրեբունի» բժշկական կենտրոնում։ Նրանից բացի, վիրավորվել են նաև «Ռուսաստանի սպաներ» պորտալի հատուկ թղթակից Լևոն Արզանովն ու Հրանտ Բալադյանը։ Նրանց վիճակը կայուն է, հոկտեմբերի 9-ին նրանք կառավարական ինքնաթիռով տեղափոխվել են Ռուսաստան։

«Քահանան աղոթում էր, որ չմահանամ»․ Արցախում վնասվածք ստացած լրագրողը հարցազրույց է տվել

678
թեգերը:
Սեմյոն Պեգով, Լրագրող, Քրեական գործ, Ադրբեջան
թեմա:
Ադրբեջանական ագրեսիան Արցախում - 2020 (1684)
Ըստ թեմայի
«Մայրը կրկնում էր` ինչո՞ւ հենց դու». բրազիլացի ռազմական թղթակիցը պատմում է Արցախի մասին
«Մեղքը մի՛ բարդեք Հայաստանի կամ Արցախի վրա». Մնացականյանը` հրադադարի ու Ադրբեջանի մասին
Արցախի հարցով Փաշինյանը հանդիպել է արտախորհրդարանական ուժերի հետ. ինչ են քննարկել
Командующий иранской армией генерал Абдулрахим Мусави во время ежегодного митинга перед бывшим посольством США в Тегеране (4 ноября 2019). Иран

Իրանական բանակը կպայքարի իր սահմանների մոտ հայտնված ահաբեկիչների դեմ. Իրանի ԶՈւ հրամանատար

28
(Թարմացված է 16:01 27.10.2020)
Իրանի իշխանություններն ավելի վաղ որոշում էին կայացրել ուժեղացնել սահմանների պաշտպանությունը երկրի անվտանգության ապահովման համար:

ԵՐԵՎԱՆ, 27 հոկտեմբերի — Sputnik. Իրանական բանակը վճռականորեն պայքարելու է իր սահմանների մոտ հայտնված ահաբեկիչների դեմ։ Ինչպես հաղորդում է Miran Press Telegram-ալիքը, այս մասին հայտարարել է Իրանի զինված ուժերի հրամանատար Աբդուլռահիմ Մուսավին։

Ղարաբաղյան հակամարտության գոտում մարտական գործողություններ են ընթանում նաև Իրանի հարակից մասում։ Իրանի ղեկավարությունը բազմիցս անհանգստություն է հայտնել Ղարաբաղում տիրող իրավիճակի կապակցությամբ։ Երկրի իշխանություններն ուժեղացրել են սահմանների պահպանությունն Իրանի անվտանգությունն ապահովելու համար։

«Մեր ուժերը մարտական են տրամադրված և անխնա պայքարելու են ահաբեկիչների, մեր սահմանների մոտ ԻՊ ներկայության դեմ», - նշել է Մուսավին:

Ավելի վաղ հայտնի էր դարձել, որ Իրանի նախագահի հատուկ դեսպանորդ Աբբաս Արաքչին կայցելի Ռուսաստան, Ադրբեջան, Հայաստան և Թուրքիա` ղարաբաղյան հակամարտության կարգավորումը քննարկելու համար:

28
թեգերը:
ահաբեկիչ, վարձկաններ, Ադրբեջան, Սահման, Արցախ, Ղարաբաղյան հակամարտություն, Լեռնային Ղարաբաղ, Հայաստան, Իրանի Իսլամական Հանրապետություն
Իրանական դրոշ

Իրանը հատուկ բանագնաց կուղարկի Երևան, Բաքու և Մոսկվա

182
(Թարմացված է 15:17 27.10.2020)
Իրանը փորձում է չեզոքություն պահպանել Ղարաբաղում ընթացող պատերազմի հարցում, բայց արդեն որոշ ժամանակ է` գործողություններ են ընթանում նաև իրանական սահմանների մոտ: Հարվածի տակ են հայտնվել նաև բնակելի շրջանները։

ԵՐԵՎԱՆ, 27 հոկտեմբերի - Sputnik. Իրանի ԱԳ քաղաքական հարցերով փոխնախարար, Իրանի նախագահի հատուկ բանագնաց Աբբաս Արաքչին կայցելի Ռուսաստան, Ադրբեջան, Հայաստան և Թուրքիա: Տեղեկությունը հայտնում է ՌԻԱ Նովոստին՝ հղում անելով Իրանի ԱԳՆ պաշտոնական ներկայացուցիչ Սաիդ Խատիբզադեին։

«Բացի Հայաստանի և Ադրբեջանի հետ սահմանամերձ շրջաններ այցելելուց, Արաքչին այցելելու է նաև Բաքու, Մոսկվա, Երևան և Անկարա», - գրված է Խատիբզադեի հայտարարության մեջ:

Նշվում է, որ Իրանի փոխարտգործնախարարը նախագահի հատուկ բանագնացի կարգավիճակում է լինելու Ղարաբաղյան հակամարտության լուծման համար։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

182
թեգերը:
Իրանի Իսլամական Հանրապետություն, Հայաստան
Ըստ թեմայի
ՆԱՏՕ-ն արցախյան պատերազմով թակում է Իրանի դարպասները
Իրանը Հայաստանի և Ադրբեջանի հետ սահմանակից շրջաններում զորավարժություններ է անցկացրել
Հոսեյն Սալամին այցելել է Իրանի սահմանի Խուդաֆերինի հատված
Премьер-министр Никол Пашинян возлагает цветы на могилу Вазгена Саркисяна и Карена Демирчяна (27 октября 2020). Еревaн

Հոկտեմբերի 27-ի նահատակների ու հերոսների հոգիները, ոգին և ուժն այսօր մեզ հետ են. Փաշինյան

0
ՀՀ վարչապետը նշել է, որ հայ ժողովուրդն իր միասնականությամբ և ոգու ամրությամբ, չնայած բազմաթիվ դժվարություններին, հաղթելու է։

ԵՐԵՎԱՆ, 27 հոկտեմբերի — Sputnik. ՀՀ վարչապետ Նիկոլ Փաշինյանն այցելել է Հոկտեմբերի 27-ի ոճրագործության զոհերի հուշահամալիր` հարգանքի տուրք մատուցելու Սպարապետ Վազգեն Սարգսյանի, ԱԺ նախկին նախագահ Կարեն Դեմիրճյանի ու ԱԺ–ում սպանված 5 պատգամավորների հիշատակին։

«Կարեն Դեմիրճյանի, Վազգեն Սարգսյանի և Հոկտեմբերի 27-ի մեր մյուս նահատակների ու հերոսների հոգիները, ոգին և ուժն այսօր մեզ հետ են: Խոնարհումս նրանց վառ հիշատակին։ Հայ ժողովուրդն իր միասնականությամբ և ոգու ամրությամբ, չնայած բազմաթիվ դժվարություններին, հաղթելու է»,– Facebook-ի իր պաշտոնական էջում գրել է վարչապետը։

Հիշեցնենք նաև, որ 1999թ-ի հոկտեմբերի 27-ին ոճրագործների խումբը` Նաիրի Հունանյանի գլխավորությամբ, ներխուժել էր ՀՀ Ազգային ժողովի նիստերի դահլիճ և սպանել ԱԺ խոսնակ Կարեն Դեմիրճյանին, վարչապետ Վազգեն Սարգսյանին, փոխխոսնակներ Յուրի Բախշյանին և Ռուբեն Միրոյանին, օպերատիվ հարցերով նախարար Լեոնարդ Պետրոսյանին, պատգամավոր Արմենակ Արմենակյանին, Հենրիխ Աբրահամյանին և Միքայել Քոթանյանին:

Ահաբեկիչների նկատմամբ դատական գործը սկսվեց 2001թ.-ի փետրվարին և տևեց մինչև 2003թ.-ի դեկտեմբերը։

Դատարանի որոշմամբ` Նաիրի Հունանյանը, նրա եղբայրը` Կարեն Հունանյանը, նրանց քեռին` Վռամ Գալստյանը, ինչպես նաև Դերենիկ Բեջանյանը, Էդիկ Գրիգորյանը և Աշոտ Կնյազյանը դատապարտվեցին ցմահ, Համլետ Ստեփանյանը` 14 տարվա ազատազրկման։

0
թեգերը:
Սպանություն, Ահաբեկչություն, Նիկոլ Փաշինյան, Վազգեն Սարգսյան, Հոկտեմբերի 27