Ստանիսլավ Զաս

ՀԱՊԿ –ը դեմ է ղարաբաղյան հակամարտությանը երրորդ ուժի միջամտությանը. Զաս

248
(Թարմացված է 22:41 10.10.2020)
ՀԱՊԿ–ում կարծում են, Ղարաբաղի իրադարձությունների շուրջ մասնակիցների ընդլայնումն իրավիճակի կարգավորման ու դեէսկալացիայի համար նպաստավոր չէ։

ԵՐԵՎԱՆ, 10 հոկտեմբերի – Sputnik. Հավաքական անվտանգության պայմանագրի կազմակերպությունը չի ողջունում Լեռնային Ղարաբաղի հակամարտության կարգավորմանը երրորդ երկրների միջամտության փորձերը: Այս մասին RT-ին տված հարցազրույցում ասել է ՀԱՊԿ գլխավոր քարտուղար Ստանիսլավ Զասը։

Նա վստահ է, որ Ղարաբաղի իրադարձությունների շուրջ մասնակիցների ընդլայնումն իրավիճակի կարգավորման ու դեէսկալացիայի համար նպաստավոր չէ։

«Մենք ողջունում ենք այն երկրների մասնակցությունը, որոնք մտնում են ԵԱՀԿ Մինսկի խմբի մեջ, այն լիազորությունների շրջանակներում, որոնք տրվել են ԵԱՀԿ Մինսկի խմբի կողմից», - ասել է Զասը։

Նա նշել է, որ մյուս կողմերի ներգրավումն այս հակամարտությունում ՀԱՊԿ-ը համարում է անարդյունավետ: Խոսքը, մասնավորապես, Թուրքիայի մասին է։

«Եթե Թուրքիան գործում է ԵԱՀԿ Մինսկի խմբի մանդատի շրջանակներում, ապա լիարժեք իրավունք ունի։ Եթե նրա գործողությունները դուրս են գալիս այդ շրջանակներից, ապա, իհարկե, մենք դա չենք ողջունում», — ընդգծել է Զասը։

Ավելի վաղ հայտնի էր դարձել, որ Թուրքիան Սիրիայի հյուսիսից Ադրբեջան  վարձկաններ է տեղափոխել` նպատակ ունենալով նրանց օգտագործել Արցախի և Հայաստանի դեմ։  Տեղեկության համաձայն` նրանց 1500-2000 դոլար են վճարել ռազմական գործողություններին մասնակցելու համար։

Այս տվյալները հաստատել են ոչ միայն Հայաստանի և Արցախի ղեկավարությունը, միջազգային ԶԼՄ-ներն ու արտասահմանյան իրավապաշտպան կազմակերպությունները, այլև Սիրիայի, Ֆրանսիայի, Ռուսաստանի, ԱՄՆ–ի և այլ երկրների իշխանությունների ներկայացուցիչները։ Ֆռանսիան և Ռուսաստանն ամենաբարձր մակարդակով մտահոգություն են հայտնել արցախյան հակամարտության գոռում ընթացող մարտական գործողություններում սիրիացի զինյալների ներգրավվածության վերաբերյալ։

Լավրովը հեռախոսազրույց է ունեցել Հայաստանի և Ադրբեջանի ԱԳ նախարարների հետ

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 10-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4369 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 162 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 508 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

248
թեգերը:
Թուրքիա, Ադրբեջան, Հայաստան, Ստանիսլավ Զաս, Հավաքական անվտանգության պայմանագիր կազմակերպություն (ՀԱՊԿ), Արցախ, Ղարաբաղյան հակամարտություն, Լեռնային Ղարաբաղ
թեմա:
Ադրբեջանական ագրեսիան Արցախում - 2020 (1685)
Ըստ թեմայի
Հադրութում գրեթե ավարտված է ներթափանցած դիվերսիոն խմբի չեզոքացման գործընթացը
Պատերազմին Թուրքիայի մասնակցության վերաբերյալ նոր ապացույցներ են ՄԻԵԴ ներկայացվել
Ինչպես են աշխարհասփյուռ հայերը պայքարում թուրք–ադրբեջանական ագրեսիայի դեմ. լուսանկարներ
Իրանի զինված ուժերի հրամանատար Աբդուլռահիմ Մուսավին

Իրանական բանակը կպայքարի իր սահմանների մոտ հայտնված ահաբեկիչների դեմ. Իրանի ԶՈւ հրամանատար

63
(Թարմացված է 16:19 27.10.2020)
Իրանի իշխանություններն ավելի վաղ որոշում էին կայացրել ուժեղացնել սահմանների պաշտպանությունը երկրի անվտանգության ապահովման համար:

ԵՐԵՎԱՆ, 27 հոկտեմբերի — Sputnik. Իրանական բանակը վճռականորեն պայքարելու է իր սահմանների մոտ հայտնված ահաբեկիչների դեմ։ Ինչպես հաղորդում է Miran Press Telegram-ալիքը, այս մասին հայտարարել է Իրանի զինված ուժերի հրամանատար Աբդուլռահիմ Մուսավին։

Ղարաբաղյան հակամարտության գոտում մարտական գործողություններ են ընթանում նաև Իրանի հարակից մասում։ Իրանի ղեկավարությունը բազմիցս անհանգստություն է հայտնել Ղարաբաղում տիրող իրավիճակի կապակցությամբ։ Երկրի իշխանություններն ուժեղացրել են սահմանների պահպանությունն Իրանի անվտանգությունն ապահովելու համար։

«Մեր ուժերը մարտական են տրամադրված և անխնա պայքարելու են ահաբեկիչների, մեր սահմանների մոտ ԻՊ ներկայության դեմ», - նշել է Մուսավին:

Իրանը Հայաստանի և Ադրբեջանի հետ սահմանակից շրջաններում զորավարժություններ է անցկացրել

Ավելի վաղ հայտնի էր դարձել, որ Իրանի նախագահի հատուկ դեսպանորդ Աբբաս Արաքչին կայցելի Ռուսաստան, Ադրբեջան, Հայաստան և Թուրքիա` ղարաբաղյան հակամարտության կարգավորումը քննարկելու համար:

63
թեգերը:
ահաբեկիչ, վարձկաններ, Ադրբեջան, Սահման, Արցախ, Ղարաբաղյան հակամարտություն, Լեռնային Ղարաբաղ, Հայաստան, Իրանի Իսլամական Հանրապետություն
Ըստ թեմայի
Լեռնային Ղարաբաղում տիրող իրավիճակի պատճառով Իրանն ուժեղացրել է սահմանների պաշտպանությունը
ՆԱՏՕ-ն արցախյան պատերազմով թակում է Իրանի դարպասները
Հոսեյն Սալամին այցելել է Իրանի սահմանի Խուդաֆերինի հատված
Իրանական դրոշ

Իրանը հատուկ բանագնաց կուղարկի Երևան, Բաքու և Մոսկվա

209
(Թարմացված է 15:17 27.10.2020)
Իրանը փորձում է չեզոքություն պահպանել Ղարաբաղում ընթացող պատերազմի հարցում, բայց արդեն որոշ ժամանակ է` գործողություններ են ընթանում նաև իրանական սահմանների մոտ: Հարվածի տակ են հայտնվել նաև բնակելի շրջանները։

ԵՐԵՎԱՆ, 27 հոկտեմբերի - Sputnik. Իրանի ԱԳ քաղաքական հարցերով փոխնախարար, Իրանի նախագահի հատուկ բանագնաց Աբբաս Արաքչին կայցելի Ռուսաստան, Ադրբեջան, Հայաստան և Թուրքիա: Տեղեկությունը հայտնում է ՌԻԱ Նովոստին՝ հղում անելով Իրանի ԱԳՆ պաշտոնական ներկայացուցիչ Սաիդ Խատիբզադեին։

«Բացի Հայաստանի և Ադրբեջանի հետ սահմանամերձ շրջաններ այցելելուց, Արաքչին այցելելու է նաև Բաքու, Մոսկվա, Երևան և Անկարա», - գրված է Խատիբզադեի հայտարարության մեջ:

Նշվում է, որ Իրանի փոխարտգործնախարարը նախագահի հատուկ բանագնացի կարգավիճակում է լինելու Ղարաբաղյան հակամարտության լուծման համար։

Հիշեցնենք` սեպտեմբերի 27-ի վաղ առավոտյան Ադրբեջանը, Թուրքիայի աջակցությամբ, լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

209
թեգերը:
Իրանի Իսլամական Հանրապետություն, Հայաստան
Ըստ թեմայի
ՆԱՏՕ-ն արցախյան պատերազմով թակում է Իրանի դարպասները
Իրանը Հայաստանի և Ադրբեջանի հետ սահմանակից շրջաններում զորավարժություններ է անցկացրել
Հոսեյն Սալամին այցելել է Իրանի սահմանի Խուդաֆերինի հատված
ՀՀ կենտրոնական բանկ

Պատերազմն ու կորոնավիրուսն ազդել են. տնտեսական ակտիվությունը նվազել է 7.5%–ով

12
(Թարմացված է 16:34 27.10.2020)
ԿԲ նախագահը հայտնել է, որ, հաշվի առնելով արդեն գրանցված ու նաև սպասվող մակրոտնտեսական զարգացումները, այդ թվում՝ ռիսկի որոշակի աճը, ԿԲ խորհուրդը որոշում է կայացրել անփոփոխ թողնել վերաֆինանսավորման տոկոսադրույքը:

ԵՐԵՎԱՆ, 27 հոկտեմբերի - Sputnik. Սեպտեմբերի 27-ին Արցախի նկատմամբ Ադրբեջանի սանձազերծած պատերազմի ու հոկտեմբերին կորոնավիրուսի համավարակի ակտիվացման հետևանքով Հայաստանի տնտեսության ակտիվության ցուցանիշը նախորդ տարվա նույն ամսվա համեմատ 7.5% անկում է գրանցել։ 

Այս մասին այսօր լրագրողների հետ հանդիպմանը հայտնեց ՀՀ ԿԲ նախագահ Մարտին Գալստյանը։

«Դա հիմնականում արտահայտվել է ծառայությունների ոլորտի զգալի կրճատմամբ»,– ասաց Գալստյանը։

ԿԲ նախագահը նաև հայտնեց, որ, հաշվի առնելով արդեն գրանցված ու նաև սպասվող մակրոտնտեսական զարգացումները, այդ թվում՝ ռիսկի որոշակի աճը, ԿԲ խորհուրդը որոշում է կայացրել անփոփոխ թողնել վերաֆինանսավորման տոկոսադրույքը:

«2020թ. հոկտեմբերի 27-ի նիստում ԿԲ խորհուրդը որոշեց վերաֆինանսավորման տոկոսադրույքը թողնել անփոփոխ՝ սահմանելով 4.25%»,– ասաց Գալստյանը։

Ի՞նչ է LC Waikiki–ն՝ պարզապես լավ գովազդային արշավ. ինչպես ազատվել թուրքական ապրանքից

ԿԲ–ն նաև ամփոփել է 2020թ.–ի առաջին երեք եռամսյակների տնտեսական արդյունքները։ Դրանց համաձայն, սեպտեմբերին արձանագրվել է 0.2% գնանկում՝ նախորդ տարվա նույն ամսվա 0.2% գնաճի դիմաց։ Արդյունքում` 12-ամսյա գնաճը կազմել է 1.4%, իսկ բնականոն գնաճը փոքր-ինչ ավելացել է՝ կազմելով 1.3%։

12
թեգերը:
Կենտրոնական բանկ (ԿԲ), տնտեսություն, կորոնավիրուս, Պատերազմ
Ըստ թեմայի
Ժամանակն է, որ բանկերը պատասխանատվություն վերցնեն. ինչպե՞ս են որոշելու` ում վարկը ներել
Ինչն է թանկացել պատերազմի ընթացքում. ՏՄՊՊՀ–ն ներկայացրել է դիտարկման արդյունքները
Ինչո՞ւ են որոշ ապրանքներ թանկացել, ու ինչ անել առանց թուրքական արտադրանքի