Ֆրանսուա-Ֆիլիպ Շամպայն

Կանադան Թուրքիային կոչ է արել չմիջամտել ԼՂ հակամարտությանը

359
(Թարմացված է 00:33 10.10.2020)
Կանադայի ԱԳ նախարարն ասել է, որ կոշտ զրույց է ունեցել Թուրքիայի իր գործընկերոջ հետ ԼՂՀ թեմայով և որոշ մանրամասներ հայտնել իրենց հեռախոսազրույցից։

ԵՐԵՎԱՆ, 10 հոկտեմբերի — Sputnik. Կանադայի արտաքին գործերի նախարար Ֆրանսուա-Ֆիլիպ Շամպայնը իր թուրք գործընկեր Մեւլութ Չավուշօղլուի հետ զրույցում Թուրքիային կոչ է արել չմիջամտել Լեռնային Ղարաբաղի հակամարտությանը: Տեղեկությունը նա լրագրողներին հայտնել է օնլայն կոնֆերանսի ժամանակ, հաղորդում է National Post-ը։

«Իմ ուղերձը շատ հստակ էր՝ Թուրքիան և այլ արտաքին ուժեր չպետք է խառնվեն հակամարտությանը։ Մենք բավականին կոշտ զրույց ունեցանք այդ թեմայով, և ես Չավուշօղլուին հստակ հասկացրեցի Կանադայի դիրքորոշումը», - ասել է նախարարը լրագրողներին։

Նա նաև Չավուշօղլուին կոչ է արել աջակցել ԵԱՀԿ Մինսկի խմբի շրջանակներում Հայաստանի և Ադրբեջանի բանակցությունների սեղանի շուրջ վերադառնալուն: Շամպայնը լրագրողներին ասել է, որ Չավուշօղլուն համաձայնել է նրա հետ, որ Ղարաբաղյան հակամարտության համար ռազմական լուծում չկա։

Շամպայնը Կիրակի կմեկնի Եվրոպա՝ դաշնակիցների հետ հակամարտության թեմայով բանակցելու համար, գրում է National Post-ը։

Հիշեցնենք, որ հոկտեմբերի 5–ին Կանադայի արտաքին գործերի նախարար Ֆրանսուա-Ֆիլիպ Շամպայնը հայտարարել է, որ Կանադան դադարեցնում է Թուրքիային ռազմական սարքավորումների մատակարարումը:

Թուրքիան պարտվում է նեոօսմանիզմի համար առաջին մարտում. Հարությունյանը` պատերազմի մասին

Ավելի վաղ Կանադայի հայ համայնքը հայտարարել էր, որ Արցախում կիրառվող թուրքական ԱԹՍ–ների սենսորները կանադական արտադրության են։ Դրանից հետո Կանադայի արտաքին գործերի նախարարը հանձնարարել էր հետաքննել, թե արդյոք Արցախի դեմ կիրառվող անօդաչու թռչող սարքերում կանադական տեխնիկա է կիրառվում։

 

359
թեգերը:
Արցախ, Լեռնային Ղարաբաղ, Ղարաբաղյան հակամարտություն, Մևլութ Չավուշօղլու, Թուրքիա, Կանադա
թեմա:
Ադրբեջանական ագրեսիան Արցախում - 2020 (1616)
Ըստ թեմայի
ՀՀ–ի, Ադրբեջանի ու Ռուսաստանի արտգործնախարարների հանդիպումը մեկ ժամ անց ընդհատվել է
Թուրքիան ունի՞ կանաչ լույս ՆԱՏՕ-ից. ՀՀ նախագահը հարց է հղում դաշինքի անդամ երկրներին
Հայաստանը Շուշիի եկեղեցու նկատմամբ վանդալիզմի փաստով նամակ է հղել ՅՈՒՆԵՍԿՕ-ին
Ֆրանսիայի արտգործնախարար Ժան-Իվ Լե Դրիան

Փարիզն արձագանքել է իսլամական մի քանի երկրների ՝ ֆրանսիական արտադրանքը բոյկոտելու կոչերին

392
(Թարմացված է 00:45 26.10.2020)
Մակրոնը կարծում է, որ «իսլամը պետք է ազատել օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

ԵՐԵՎԱՆ, 25 հոկտեմբերի - Sputnik. Ֆրանսիայի արտաքին գործերի նախարարությունն արձագանքել է իսլամական որոշ պետությունների այն կոչերին, թե պետք է բոյկոտել ֆրանսիական արտադրանքը։ Ֆրանսիայի արտաքին գերատեսչությունն այդպիսի կոչերն անվանել է անմարդկային և ընդգծել, որ անհրաժեշտ է անհապաղ դադարեցնել նման գործողությունները:

«Մերձավոր Արեւելքի մի քանի երկրներում վերջին օրերին կոչեր են հնչել բոյկոտելու ֆրանսիական արտադրանքը, հատկապես՝ ագրոպարենային ապրանքները, ինչպես նաեւ ավելի ընդհանուր կոչեր են հնչել՝ ցույցեր անցկացնել Ֆրանսիայի դեմ։ Դրանք ատելության արտահայտություններով են ուղեկցվում և հրապարակվում են սոցիալական ցանցերում», — նշված է ԱԳՆ հաղորդագրության մեջ:

Գերատեսչությունում նշել են, որ անհրաժեշտ է վերջ տալ «ծայրահեղական փոքրամասնության կողմից օգտագործվող» եւ Փարիզի դեմ ուղղված հարձակումներին:

Դեկտեմբերին Ֆրանսիայում կներկայացվի օրինագիծ, որն ուղղված է անջատողականության դեմ պայքարին։ Նախագահ Էմանուել Մակրոնը, հայտարարելով նախաձեռնության նախապատրաստման մասին, խոսել է երկրում «լուսավորյալ իսլամ» կառուցելու մտադրության մասին: Նրա խոսքով՝ այդ կրոնը պետք է ազատել «օտարերկրյա ազդեցությունից եւ ուժեղացնել մզկիթների ֆինանսավորման վերահսկողությունը»:

Հիշեցնենք՝ Թուրքիայի նախագահ Ռեջեփ Թայիփ Էրդողանը, մեկնաբանելով Մակրոնի հայտարարությունը, նրան խորհուրդ էր տվել հոգեբույժի մոտ գնալ։ Նա նշել էր, որ եթե պետության ղեկավարն այդպես է վերաբերվում իր երկրում գտնվող միլիոնավոր մուսուլմաններին, ուրեմն նա գիտակցության կորուստ ունի։

392
թեգերը:
բոյկոտ, իսլամ, Ֆրանսիա
Ըստ թեմայի
Էրդողանի խոսքերից հետո Ֆրանսիան իր դեսպանին հետ է կանչել Թուրքիայից
Ֆրանսիացի պատգամավորներն այցելել են Ծիծեռնակաբերդ
Ֆրանսիայի ԱԳՆ-ն արձագանքել է Մակրոնի հասցեին հնչեցրած Էրդողանի վիրավորանքներին
Դոնալդ Թրամփ

Թրամփը հայտարարել է, որ հեշտությամբ կհասնի խաղաղ կարգավորմանն Արցախում

555
(Թարմացված է 22:32 25.10.2020)
ԱՄՆ նախագահ Դոնալդ Թրամփը Նյու Հեմփշիր նահանգում նախընտրական հանրահավաքի ժամանակ Արցախի մասին հայտարարություն է արել։

ԵՐԵՎԱՆ, 25 հոկտեմբերի – Sputnik. ԱՄՆ նախագահ Դոնալդ Թրամփը հայտարարել է, որ կհասնի Հայաստանի և Ադրբեջանի միջև խաղաղ կարգավորմանը` անվանելով այն «թեթև դեպք»։ Այս մասին նա հայտարարել է Նյու Հեմփշիր նահանգում նախընտրական հանրահավաքի ժամանակ, որը հեռարձակվել է իր YouTube–ի ալիքով։

«Մենք կկարգավորենք այդ հարցը։ Դա կլինի... Ես դա «թեթև դեպք» եմ անվանում։ Կկարգավորենք այն։ Գնացեք և ասացեք դա ձեր ժողովրդին։ Հայաստան։ Ինչո՞ւ ոչ։ Դա հեշտ է, եթե գիտես, ինչ ես անում», – հայտարարել է Թրամփը։

Ավելի վաղ` կիրակի, ԱՄՆ նախագահի ազգային անվտանգության գծով օգնական Ռոբերտ Օ՛Բրայենը CBS հեռուստաալիքին տված հարցազրույցում հայտարարել էր, որ «ԱՄՆ–ն մղում է Ադրբեջանի իշխանություններին ընդունել Հայաստանի հետ հրադադարի ռեժիմը, որն արդեն համաձայնել է այս առաջարկին»։

Վաշինգտոնում հոկտեմբերի 23-ին կայացավ Հայաստանի և Ադրբեջանի արտգործնախարարներ Զոհրաբ Մնացականյանի և Ջեյհուն Բայրամովի հանդիպումը ԱՄՆ պետքարտուղար Մայք Պոմպեոյի հետ։ Երկու երկրների արտգործնախարարներն առանձին հանդիպումներ են ունեցել պետքարտուղարի հետ։ Հանդիպումը մեկնաբանելիս Մնացականյանն այն արդյունավետ էր անվանել։

Ավելի ուշ ԱՄՆ նախագահ Դոնալդ Թրամփը հայտարարեց, որ ԼՂՀ հարցով բանակցություններում «շատ լավ առաջընթաց» է գրանցվել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 25-ի ժամը 14։30-ի դրությամբ` հակառակորդի կրակոցների հետևանքով Արցախում զոհվել են 974 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6614 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 217 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

Պատերազմ Արցախում` առանց սեփական զինվորների. ո՞րն է Էրդողանի գերնպատակը

555
թեմա:
Ադրբեջանական ագրեսիան Արցախում - 2020 (1616)
Ըստ թեմայի
Ճանաչել Արցախը, չօգնել Բաքվին ու Անկարային. ԱՄՆ Կոնգրեսը բանաձևերի նախագծեր կքննարկի
Ադրբեջանում ԱՄՆ դեսպանությունն իր քաղաքացիներին զգուշացրել է վտանգի մասին
ԱՄՆ–ն պետք է քայլեր ձեռնարկի և Ադրբեջանին ստիպի պահպանել հրադադարի ռեժիմը. Ֆրանկ Փալոն
Երևան

Տեղումների դեռ չսպասեք. եղանակի տեսություն

0
(Թարմացված է 15:01 25.10.2020)
Օդերևութաբանների կանխատեսմամբ` առաջիկա օրերին հանրապետության տարածքում օդի ջերմաստիճանի կտրուկ փոփոխություն չի արձանագրվի։

ԵՐԵՎԱՆ, 26 հոկտեմբերի - Sputnik. ՀՀ ԱԻՆ «Հիդրեմոտ» ծառայությունը հայտնում է, որ հանրապետության տարածքում հոկտեմբերի 26-30-ը սպասվում է առանց տեղումների եղանակ:

Նոր տվյալներ. Արցախի դեմ պատերազմին Ադրբեջանը վաղուց է պատրաստվել և Թուրքիայի աջակցությամբ

Քամին՝ հարավ-արևմտյան՝ 3-8 մ/վ: Օդի ջերմաստիճանն էապես չի փոխվի։

Եղանակի կանխատեսում
Եղանակի կանխատեսում

Երևան քաղաքում ևս հոկտեմբերի 26-30-ը սպասվում է առանց տեղումների եղանակ:

Մայրաքաղաքում հոկտեմբերի 26–ի գիշերը սպասվում է 10-12 աստիճան տաքություն, իսկ ցերեկայնի ժամերին կլինի +24...+26 աստիճան։

Սոթք-Քարվաճառ ավտոճանապարհը փակ է

0
թեգերը:
Անձրև, Երևան, Արցախ, Հայաստան, եղանակ
թեմա:
Եղանակը Հայաստանում