Լևոն Արոնյան

Նաև լավ խոհարար է. Արոնյանի տորթը լավագույնն է ճանաչվել շախմատային մրցաշարում. տեսանյութ

641
(Թարմացված է 23:47 09.10.2020)
Հայ շախմաիստը պատմել է, որ խոհանոցում սկսել է հաջողություններ գրանցել կորոնավիրուսի ու կարանտինի ռեժիմի շնորհիվ:

ԵՐԵՎԱՆ, 9 հոկտեմբերի – Sputnik. Հայաստանցի շախմատիստ Լևոն Արոնյանը հաղթանակ է տարել շախմատային Norway Chess մրցաշարի շրջանակներում անցկացվող հրուշակագործության մրցույթում:

«Իմ երկրի վրա հարձակվում են, չեմ կարող լռել». Լևոն Արոնյանն Արցախի մասին գրառում է արել

Այս մրցույթում մասնակիցներն ավանդաբար տորթեր են թխում ու իրենց այդ կարողություններով մրցում միմյանց հետ: Այս տարի լավագույնը ճանաչվել է Լևոն Արոնյանի տորթը:

«Մագնուսի դիզայնը շատ հետաքրքիր է ստացվել: Բայց այս տորթերի համար ամենակարևորը շոկոլադի ճիշտ չափաբաժինն է: Այս խնդիրը լավագույնս է լուծել Լևոնը» ,- ասել է մրցույթի ժյուրիի անդամ շեֆ-խոհարարը:

Ի դեպ, Լևոն Արոնյանն ասել էր, որ տորթ թխելու հարցում հմտացել է այս տարի՝ կորոնավիրուսի ու կարանտինի ռեժիմի շնորհիվ:

641
թեգերը:
մրցաշար, տորթ, Լևոն Արոնյան
Ըստ թեմայի
«Ժամանակն է, որ դու շարունակես ժպտալ». Լևոն Արոնյանը նոր ընտրյալ ունի՞
Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ
«Նախնիներս Ղարաբաղից են»․ Արոնյանն արձագանքել է Արցախում տեղի ունեցող իրադարձություններին
Լուիս Ալմագրոն

Եթե Ադրբեջանը դադարեցնի հարձակումները Ղարաբաղի վրա, հակամարտությունը կլուծվի. Ալմագրո

64
(Թարմացված է 14:52 29.10.2020)
Ամերիկյան պետությունների կազմակերպության գլխավոր քարտուղար Լուիս Ալմագրոն կոչ է արել անհապաղ դադարեցնել Արցախի դեմ ագրեսիան:

ԵՐԵՎԱՆ, 29 հոկտեմբերի — Sputnik. Ամերիկյան պետությունների կազմակերպության գլխավոր քարտուղար Լուիս Ալմագրոն վստահ է, որ եթե Ադրբեջանը դադարեցնի հարձակումները Ղարաբաղի վրա, հակամարտությունն անմիջապես կլուծվի: Այդ մասին նա գրել է իր Twitter-ի էջում։

Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված

Նա նաև տեղադրել է Արցախի Մարդու իրավունքների պաշտպան Արտակ Բեգլարյանի թողարկած տեսանյութը, որտեղ ներկայացվում է հոկտեմբերի 28-ին Ստեփանակերտի ծննդատան վրա Ադրբեջանի զինված ուժերի կողմից հասցված հարվածների հետևանքները:

​«Արցախի դեմ ագրեսիան պետք է անմիջապես դադարեցվի։ Եթե Ադրբեջանը դադարեցնի հարձակումը, հակամարտությունն անմիջապես կլուծվի», - գրել է Ալմագրոն։

Հոկտեմբերի 28-ին ադրբեջանական զինված ուժերը հրթիռակոծել էին Ստեփանակերտն ու Շուշին: Գնդակոծության թիրախ էին դարձել քաղաքացիական օբյեկտները. հարձակման էին ենթարկվել բժշկական հաստատություններ, այդ թվում և Ստեփանակերտի ծննդատունը: Հարվածների արդյունքում խաղաղ բնակչության շրջանում կան զոհեր։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

64
թեգերը:
Ադրբեջան, Լուիս Ալմագրո, Արցախ, Ղարաբաղյան հակամարտություն, Լեռնային Ղարաբաղ, ԱՄՆ
թեմա:
Ադրբեջանական ագրեսիան Արցախում - 2020
Ըստ թեմայի
Ֆրեզնոյում խաղաղ ցույցի ժամանակ թուրքերը դանակահարել են երկու հայի. տեսանյութ
«Իմ բախտը պարզապես բերել է, որ ես հայ եմ ծնվել»․ Քիմ Քարդաշյան
Իլհամ Ալիևը որոշել է 2 խնդիր լուծել. ադրբեջանական հերթական կեղծիքի հետքերով
Ավելի քան հարյուր ՀՀ քաղաքացի Թուրքիայից Հայաստան են վերադարձել
Ահաբեկչություն Նիցցայում

Դանակով հարձակում Նիցցայի Աստվածամոր տաճարի մոտ․քաղաքապետը կարծում է, որ ահաբեկչություն է

84
(Թարմացված է 14:04 29.10.2020)
Նիցցայի Աստվածամոր տաճարի մոտ անհայտ տղամարդը դանակով հարձակվել է հավատացյալների վրա։ ԶԼՄ-ների տվյալներով՝ հարձակման ընթացքում զոհվել է երկու մարդ, մի քանիսը վիրավորվել են։

ԵՐԵՎԱՆ, 29 հոկտեմբերի -Sputnik. Նիցցայի քաղաքապետ Քրիստիան Էստրոզին հայտարարել է, որ Նիցցայի Աստվածամոր տաճարի մոտ դանակով հարձակումը նման է ահաբեկչության։

ԶԼՄ-ների տվյալներով ՝ հարձակման ընթացքում զոհվել է երկու մարդ, մի քանիսը վիրավորվել են։ Ընդ որում, որոշ լրատվամիջոցներ հայտնում են, որ գլխատվել է 60-ամյա մի կին։

«Ես հաստատում եմ` սա նման է ահաբեկչության»,-Twitter - ի իր էջում գրել է Էստրոզին:

Նա հայտնել է, որ գտնվում է հանցագործության վայրում և հաստատել է, որ անհայտ տղամարդուն ձերբակալել են։

84
թեգերը:
Նիցցա, Սպանություն, տաճար, Ահաբեկչություն, Ֆրանսիա
Ըստ թեմայի
Պուտինը Էրդողանին իր մտահոգությունն է հայտնել Արցախում կռվող ահաբեկիչների վերաբերյալ
Արդբեջանցիներն առաջնագծում ահաբեկչական խմբավորումների բազաներ են ստեղծում. ԱՀ ՊՆ
Ադրբեջանը որոշ ուղղություններով վերահսկողությունը հանձնել է ահաբեկչական խմբավորումներին

Լացող ու աղոթող կանայք և չընդհատվող վիրահատություն. կադրեր Ստեփանակերտի հիվանդանոցի ներսից

0
(Թարմացված է 15:09 29.10.2020)
Տեսանյութում երևում է, թե ինչ իրարանցում է տիրել բուժհիմնարկում ու ինչ սարսափ են վերապրել բուժանձնակազմն ու պացիենտները` Ադրբեջանի հրթիռակոծության ժամանակ։

ՀՀ ՊՆ մամուլի քարտուղար Շուշան Ստեփանյանը բացառիկ տեսանյութ է հրապարակել հոկտեմբերի 28-ին հրետակոծված Ստեփանակերտի հիվանդանոցից։ Տեսանյութը նկարահանվել է հենց հրետակոծության պահին։

Դրանում երևում է, թե ինչ իրարանցում է տիրել բուժհիմնարկում ու ինչ սարսափ են ապրել բուժանձնակազմն ու պացիենտները։

Կադրերում սարսափահար, լացող ու աղոթող կանայք են, միջանցքներում` հնարավոր ամենաանվտանգ տարածքներում պատսպարված մարդիկ։

Իսկ այդ նույն պահին վիրահատարանում բժիշկները չեն ընդհատում կատարվող վիրահատությունը` իրենց կյանքը ստորադասելով վիրավոր զինվորի կյանքը փրկելու իրենց առաքելությանը։

Սամվել Կարապետյանը խոստանում է վերակառուցել Ստեփանակերտի ծննդատունը

Նշենք, որ Ադրբեջանը երեկվանից հարվածներ է հասցնում Ստեփանակերտին` հերթական անգամ թիրախ դարձնելով քաղաքացիական օբյեկտները։

Հարվածների հետևանքով ավերվել է Ստեփանակերտի ծննդատունն ու դրա հարևանությամբ գտնվող հիվանդանոցը։ Խաղաղ բնակչության շրջանում կան տուժածներ:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 28-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1119 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6749 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 226 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 632 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

0
թեգերը:
հրթիռակոծություն, ծննդատուն, վիրահատություն, Ստեփանակերտ
թեմա:
Ադրբեջանական ագրեսիան Արցախում - 2020
Ըստ թեմայի
Մեր պատասխանը Ստեփանակերտի ծննդատան ռմբակոծությանը. Երևանում նոր արցախցի է ծնվել
Ադրբեջանը 5 հրթիռ է արձակել Ստեփանակերտի ուղղությամբ
Ներկա պահին թշնամին «Սմերչով» հրթիռակոծում է Ստեփանակերտը, Շուշին և Մարտակերտը