Իլհամ Ալիև

Ի՞նչ «կիքսեր» է անում Ադրբեջանը արցախյան պատերազմի ընթացքում

1088
(Թարմացված է 00:02 07.10.2020)
Սոցցանցերում և ԶԼՄ–ներում հայտնված գրառումները, որոնցից մի քանիսի հեղինակները բարձր պաշտոններ ունեն Ադրբեջանում, բազմաթիվ հարցեր են ծնել։

Ղարաբաղյան հակամարտության գոտում ծավալված ռազմական գործողություններին զուգահեռ նաև տեղեկատվական պատերազմ է ընթանում։ Sputnik Արմենիան ներկայացնում է ադրբեջանական «կիքսերը»։

Թուրքական տարբերանշան

Սկսենք զինվորականի ուսին կարված թուրքական դրոշից: Ադրբեջանի նախագահի օգնական Հիքմեթ Հաջիևը օրերս լուսանկար էր հրապարակել՝ ակամա ցույց տալով թևին թուրքական նշանով զինծառայողին։ Հաջիևը Twitter–ում գրառում էր արել Գյանջայի հրթիռակոծության մասին և մի քանի լուսանկար հրապարակել։ Դրանցից մեկում երևում էր համազգեստի ուսի հատվածում թուրքական նշանով մի զինծառայող։

Այս փաստը հատկապես հետաքրքիր է այն պատճառով, որ Ադրբեջանը մինչ օրս ամեն կերպ հերքում է Հայաստանի և Արցախի դեմ ռազմական գործողություններում թուրք զինծառայողների մասնակցությունը։

Ճիշտ է, Հաջիևը մի քանի րոպե անց ջնջեց իր գրառումը, բայց սքրինշոթերը, բնականաբար, պահպանվեցին։

Ու ոչ միայն պահպանվեցին, այլև սկսեցին տարածվել։ Հաջիևը ստիպված նոր գրառում արեց` նշելով, որ լուսանկարներում Ադրբեջանի քաղպաշտպանության ուժերն են, որոնք համատեղ զորավարժությունների էին մասնակցում։

Բայց այդ գրառումն էլ է խոցելի, քանի որ «Ալ Ջազիրայի»` նույն վայրում նկարահանած կադրերում զինծառայողներից մեկի ուսին երևում է երկու միավորված դրոշներով տարբերանշանը։

Скрин из репортажа телеканала Al Jazeera
© Photo : Screenshot /
Ալ Ջազիրայի կադրերը

Այ սա արդեն կարող էր Հաջիևի նկարագրածը լինել։ Բայց դա արդեն բոլորովին այլ պատմություն է։

Խաբուսիկ «Սմերչը»

Նույն Հիքմեթ Հաջիևը այլ «ապացույցներ» էլ էր հրապարակել, որոնք իբր վկայում են Մինգեչաուրի էներգաբլոկերի ուղղությամբ Հայաստանից հասցված հարվածի մասին։

Ասֆալտի մեջ խնամքով խրած «Սմերչ» համազարկային կրակի ռեակտիվ համակարգի «հրթիռի» լուսանկարը հարցեր առաջացրեց նույնիսկ ռազմական տեխնիկայից հեռու հասարակ օգտատերերի մոտ։

Անմիջապես կասկածներ հայտնվեցին, որ այն պարզապես տեղադրել են ասֆալտի մեջ, քանի որ կողքին ավերածությունների հետքեր (որոնք անխուսափելի էին) չկային։ Բացի այդ, ուղիղ «վայրէջք» է կատարել այնտեղ, որտեղ կարելի է լուսանկարել համապատասխան գրության ֆոնին։

Ավելին, Հաջիևը գրել էր, որ հարձակումն իրականացվել է «Տոչկա» բալիստիկ հրթիռից, այնինչ կադրերում «Սմերչ» հրթիռի մաս է երևում։

Կեղծ տեղեկությանը անդրադարձավ նաև ՀՀ ՊՆ–ն։ Հայաստանի սահմանից մինչև Մինգեչաուր քաղաք 108 կմ է։ Նման հեռավորությունից «Սմերչը» հարվածել չի կարող, առավել ևս որ համազարկային կրակի ռեակտիվ համակարգերը առաջնագծում տեղակայել չի կարելի։

Լրացուցիչ փաստ

Անկախ նրանից, որ Հաջիևը հայտարարում է, թե Ադրբեջանի տարածքը (այդ թվում` Գյանջան) հրթիռակոծվել է Հայաստանի տարածքից, Razm.info կայքը պարզել է, որ Ադրբեջանի ՊՆ-ում երկրում հավատարմագրված դեսպանությունների ռազմական կցորդներին ցուցադրում են հարվածների ուղղությունը, որտեղ հստակ երևում է, որ Ադրբեջանի ՊՆ-ում էլ են ընդունում, որ հարվածները Արցախից էին։

Ինչպես Թուրքիայի ՊՆ–ն «ազատագրեց» Ջաբրայիլը 

Հոկտեմբերի 4-ին Ադրբեջանի ամենահայտնի կառավարամետ ռեսուրսներից մեկը` Haqqin.az–ը, հայտնեց, որ «ազատագրվել է» ԼՂՀ հյուսիսում գտնվող Ջաբրայիլը։ Սակայն այստեղ մի հետաքրքիր պահ կա` մեջբերում էին ոչ թե Ադրբեջանի իշխանություններին, այլ Թուրքիայի ՊՆ–ի Twitter–յան էջը։

«Ադրբեջանական բանակն ազատագրել է Ջաբրայիլ քաղաքը։ Այս մասին Twitter սոցցանցի իր էջում հայտնում է Թուրքիայի պաշտպանության նախարարությունը»,–գրված է տեքստում։

Թուրքիայի ՊՆ գրառումից միայն 20 րոպե անց այդ մասին գրառում արեց Ադրբեջանի նախագահ Իլհամ Ալիևը։

Բացի այդ, ադրբեջանական ԶԼՄ–ներում հայտնվեց Խոդա Աֆարինի կամուրջների տեսագրությունը (իրանական կողմից արված), որն իբր ապացուցում էր Ջաբրայիլի գրավումը։

Սակայն այդ տեսանյութն էլ որևէ կերպ չի ապացուցում, որ ադրբեջանցիներն իրենց վերահսկողության տակ են առել տեսանկարահանված հատվածը, ինչպես նաև Ջաբրայիլ քաղաքը, որը կամուրջներից տասնյակ կիլոմետր հեռավորության վրա է գտնվում։

Ի դեպ, ՀՀ ՊՆ–ն կարճ ժամանակ անց հերքեց, որ ադրբեջանական կողմը գրավել է Ջաբրայիլը։

1088
թեգերը:
սմերչ, Թուրքիա, Ադրբեջան, Արցախ
Ըստ թեմայի
Հայի սրտով ռուսը․ Երևանում հրաժեշտ տվեցին Արցախում զոհված Եվգենի Գորոդնիչիին
Որքա՞ն կտևի պատերազմը. այսօրվա և 90-ականների մարտական գործողությունների տարբերությունը
Հայերը խաղաղության կողմնակից են, սակայն պաշտպանելու են իրենց տունը մինչև վերջ. Մարտիրոսյան
Միայն մեկ օրում հակառակորդը 300 զոհ է ունեցել. Արծրուն Հովհաննիսյան
Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ

Ժնևում մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

36
(Թարմացված է 14:22 30.10.2020)
Նշենք, որ այս հանդիպումը նախանշված էր հոկտեմբերի 29–ին, սակայն հետո հայտնի դարձավ, որ այն մեկ օրով հետաձգվել է։

ԵՐԵՎԱՆ, 30 հոկտեմբերի – Sputnik. Ժնևում մեկնարկել է Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ։ Տեղեկությունը Facebook-ի իր էջում կից լուսանկարին հայտնել է ՀՀ ԱԳՆ մամուլի խոսնակ Աննա Նաղդալյանը։

«Մեկնարկեց ՀՀ ԱԳ նախարար Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ»,–գրել է նա:

Ավելի վաղ տեղեկացրել էինք, որ հոկտեմբերի 29–ին Ժնևում տեղի կունենա ԵԱՀԿ Մինսկի խմբի համանախագահների փակ հանդիպումը Հայաստանի և Ադրբեջանի ԱԳ նախարարներ Զոհրաբ Մնացականյանի և Ջեյհուն Բայրամովի հետ:

Սակայն հետո հայտնի դարձավ, որ բանակցությունները մեկ օրով հետաձգվել են։

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ:

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

36
թեգերը:
Ղարաբաղյան հակամարտություն, Լեռնային Ղարաբաղ, Արցախ, Արցախյան պատերազմ, Հայաստան, ԵԱՀԿ Մինսկի Խումբ, Զոհրաբ Մնացականյան, Ժնև
թեմա:
Ղարաբաղյան հակամարտություն
Ըստ թեմայի
ԵԱՀԿ ՄԽ–ն Երևանին ու Բաքվին հորդորում է անհապաղ համաձայնեցնել վերիֆիկացիոն մեխանիզմը
Դաշնակցականները հացադուլ են հայտարարել ԱՄՆ-ում և այրել ԵԱՀԿ ՄԽ հայտարարությունը. տեսանյութ
ԵԱՀԿ-ում տարածվել է Ստեփանակերտի ԲԿ–ների հարվածների վերաբերյալ Արցախի ԱԳՆ հայտարարությունը
Թբիլիս

Թուրքական բեռնատարը Վրաստանում մխրճվել է ավտոբուսի մեջ. կան զոհեր

47
(Թարմացված է 14:13 30.10.2020)
Գորիի մոտ վթարի ենթարկված միկրոավտոբուսի ուղևորները` Սաակաշվիլիի կողմնակիցները, վերադառնում էին «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից:

ԵՐԵՎԱՆ, 30 հոկտեմբերի — Sputnik. Հոկտեմբերի 29–ի լույս 30-ի գիշերը Թբիլիսի-Սենակի-Լեսելիձե մայրուղու 77-րդ կիլոմետրում թուրքական համարանիշներով բեռնատարը բախվել է մարդատար միկրոավտոբուսին:

Վրացական ԶԼՄ-ների վերջին տվյալներով ՝ զոհվել է վեց մարդ, 10-ը ստացել են ծանր մարմնական վնասվածքներ։

Վրացական առաջին ալիքի տեղեկատվության համաձայն ՝ Գորիի մոտ վթարի ենթարկված միկրոավտոբուսի ուղեւորները Թբիլիսիից տուն էին վերադառնում «Միասնական ազգային շարժում» կուսակցության և «Ուժը միասնության մեջ է» դաշինքի հանրահավաքից (կուսակցությունները խորհրդարանական ընտրություններում պաշտպանում են նախկին նախագահ Միխեիլ Սաակաշվիլիին` խմբ.):

Վրաստանի նախագահ Սալոմե Զուրաբիշվիլին ցավակցություն է հայտնել Գորիի (Շիդա Քարթլիի տարածաշրջան) մոտ տեղի ունեցած ավտովթարի զոհերի ընտանիքներին և մերձավորներին:

Քննությունն ընթանում է «Տրանսպորտային միջոցի անվտանգության կամ շահագործման կանոնների խախտում, որն իր հետ բերել է երկու և ավելի մարդու մահվան» հոդվածով:

Վրաստանում COVID-19-ի ցուցանիշների ռեկորդային աճ է գրանցվել

Իրավապահ մարմինների աշխատակիցներն արդեն ձերբակալել են բեռնատարի վարորդին ՝ Թուրքիայի քաղաքացուն։ Նրան սպառնում է մինչև 10 տարվա ազատազրկում։

47
թեգերը:
Միխեիլ Սաակաշվիլի, Զոհ, Թուրք, բեռնատար, ավտովթար, ավտոբուս, Վրաստանի Հանրապետություն
թեմա:
Վթար, պատահար, սպանություն, գողություն
Ըստ թեմայի
Թուրքիայի սանձարձակ պահվածքը վկայում է, որ անհանգստացած են ՄԻԵԴ–ի որոշումներից
ԿԽՄԿ–ն աշխատում է Ադրբեջանում մահացած տղամարդու դին Հայաստան տեղափոխելու ուղղությամբ
Ռուսաստանում մտադիր են արյան մեջ շաքարի և խոլեստերինի քանակը հաշվարկող թևնոց ստեղծել