Ռեջեփ Թայիփ Էրդողան. արխիվային լուսանկար

Փորձենք ազդել Թուրքիայի վրա, որ ձեռքերը հետ քաշի ահաբեկչությունից. Իսրայելի ՊՆ

1091
(Թարմացված է 11:36 05.10.2020)
Իսրայելի պաշտպանության նախարարը կիրակի օրը լրագրողների հետ զրույցում հայտարարել է, որ Թուրքիան դեմ է տարածաշրջանային խաղաղությանը։

ԵՐԵՎԱՆ, 5 հոկտեմբերի – Sputnik. Թուրքիան դեմ է Սիրիայի հյուսիսում և Միջերկրական ծովի արևելյան մասում տարածաշրջանային խաղաղությանը: «Reuters» գործակալության փոխանցմամբ` այս մասին լրագրողների հետ զրույցում հայտարարել է Իսրայելի պաշտպանության նախարար Բեննի Գանցը։

Ինձ բարկացնում է, որ սիրիացի վարձկաններին օգտագործում են ՀՀ–ի դեմ կռվելու համար. Ղեյտ

Իսրայելի պաշտպանության նախարարը Թուրքիային մեղադրել է տարածաշրջանի ապակայունացման ու խաղաղարար ջանքերին հակազդելու մեջ և կոչ արել միջազգային ճնշումների միջոցով Թուրքիային ստիպել փոխել վարքագիծը։

«Մենք պետք է օգտագործենք մեր ձեռքի տակ եղած բոլոր միջոցները և փորձենք ազդել Թուրքիայի վրա` միջազգային ճնշման միջոցով, որպեսզի նա հետ քաշի ձեռքերը ուղղակի ահաբեկչությունից»,– ասել է Իսրայելի պաշտպանության նախարարը:

Վկայակոչելով Սիրիայի հյուսիսում և Լիբիայում տեղի ունեցող գործողություններին Թուրքիայի միջամտության փաստերը, Ինչպես նաև Թուրքիայի շփումները պաղեստինյան ՀԱՄԱՍ գրոհայինների հետ` Բեննի Գանցը նշել է, որ այդ ամենը խաթարում է կայունությունը:

«Միանշանակ, Թուրքիայի հարցը շատ բարդ է, քանի որ Թուրքիան ՆԱՏՕ-ի անդամ է», - ասել է Գանցը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

1091
թեգերը:
վարձկաններ, Արցախ, Իսրայել, Թուրքիա
թեմա:
Ադրբեջանական ագրեսիան Արցախում - 2020 (2212)
Ըստ թեմայի
Արցախի դեմ կռվող վարձկան ահաբեկիչները խուճապի մեջ են. ԱԱԾ–ն ապացույցներ է ներկայացրել
Արման Թաթոյանը ՄԱԿ երկու զեկույց կուղարկի` լրագրողների և վարձկանների հարցով
Ինձ բարկացնում է, որ սիրիացի վարձկաններին օգտագործում են ՀՀ–ի դեմ կռվելու համար. Ղեյտ
Նիկոլ Փաշինյան

Փաշինյանը գերիների ու անհետ կորածների մասին խոսեց ՀԱՊԿ երկրների ղեկավարների հանդիպմանը

128
(Թարմացված է 14:00 02.12.2020)
Վարչապետը շեշտեց` պետք է բացառել ռազմագերիների ու պահվող անձանց նվաստացման և նրանց նկատմամբ բռնության դեպքերը։

ԵՐԵՎԱՆ, 2 դեկտեմբերի – Sputnik. ՀԱՊԿ երկրների ղեկավարների առցանց հանդիպման ժամանակ ՀՀ վարչապետ Նիկոլ Փաշինյանը խոսեց մի շարք խնդիրներից։

«Առաջինը` գերիների ու պատանդների, զոհվածների մարմինների դուրս բերման ու անհետ կորածների հարցը։ Սրանք հարցեր են, որոնք չեն կարող հետաձգվել։ Հայկական կողմը պատրաստ է իր գործողություններն ինտենսիվացնել այդ գործընթացի արդյունավետությունը բարձրացնելու և արագացնելու համար։ Պետք  է բացառել ռազմագերիների ու պահվող անձանց նվաստացման և նրանց նկատմամբ բռնության դեպքերը»,– նշեց նա։

Երկրորդ խնդիրը, Փաշինյանի խոսքով, արցախցիներին իրենց տներ վերադարձնելու հարցն է։

«Պետք է պայմաններ ստեղծել, որպեսզի արցախցիները տուն վերադառնան։ Մարդիկ պետք է վստահ լինեն, որ ապահով են և կարող են ապրել իրենց հողում»,– նշեց նա։

Վարչապետի խոսքով` պետք է նաև միջոցներ ձեռնարկել Ադրբեջանի վերահսկողության տակ անցած տարածքներում գտնվող հոգևոր և մշակութային հուշարձանների պահպանման համար, ապահովել տրասնպորտային հաղորդակցությունների անվտանգությունը, բացառել բոլոր սադրանքները և նորմալ պայմաններ հաստատել ենթակառուցվածքների գործարկման համար։

ՀՀ ՔԿ պաշտոնական տվյալներով` Ադրբեջանում պատերազմի սկզբից գերեվարված 20 հայ կա` զինվորականներ և խաղաղ բնակիչներ։

Ավելի վաղ Ադրբեջանը գերի էր վերցրել Հադրութի երկու խաղաղ բնակչի ՝ 85-ամյա Եվգենյա Բաբայանին, որը ԿԽՄԿ միջնորդությամբ վերադարձվել էր Հայաստանին, և 84-ամյա Միշա Մելքումյանին, որը մահացել էր Բաքվում:

Տղամարդու դիակը ստանալուց և դատաբժշկական փորձաքննությունից հետո ՀՀ քննչական կոմիտեն հայտնել էր, որ նրա մահը եղել է բռնի ու տեղի է ունեցել գանգուղեղային վնասվածքի հետևանքով:

Իրավապաշտպան Արտակ Զեյնալյանը նոյեմբերի 23-ին 17 գերիների անուններ էր հրապարակել։

Արցախի մարդու իրավունքների պաշտպան Արտակ Բեգլարյանը նոյեմբերի 27-ին հայտնեց, որ բաց տեսանյութերի վերլուծության հիման վրա հայկական կողմը մոտ 50-60 ռազմագերու վերաբերյալ տվյալներ ունի, բայց 30-ի ինքնությունն են կարողացել պարզել:

128
թեգերը:
անհետ կորած, Ադրբեջան, ռազմագերի, գերի, Հավաքական անվտանգության պայմանագիր կազմակերպություն (ՀԱՊԿ), Նիկոլ Փաշինյան
Ըստ թեմայի
Վաղարշակ Հարությունյանը ՀԱՊԿ գործընկերների մոտ խոսել է անհայտ կորածների ու գերիների մասին
Ղարաբաղում գերիների և զոհվածների մարմինների փոխանակման գործընթացն արագ կարվի. Լավրով
Հունահայոց թեմը հայ գերիների հարցով դիմել է Հունաստանի վարչապետին
Դոկտոր Լիզան

«Դոկտոր Լիզան» մինչև Նոր տարի մարդասիրական օգնություն կուղարկի Արցախ

44
(Թարմացված է 11:53 02.12.2020)
«Դոկտոր Լիզա» հիմնադրամը մտադիր է մինչև Ամանոր մեծ քանակությամբ տաք հագուստ և դեղորայք հավաքել։

ԵՐԵՎԱՆ, 2 դեկտեմբերի  – Sputnik. «Դոկտոր Լիզա» բարեգործական հիմնադրամը մինչև ամանորյա տոները մարդասիրական բեռ կուղարկի Արցախ, որում տաք հագուստ և դեղորայք կլինի։ Տեղեկությունը ՌԻԱ Նովոստիին հայտնել է հիմնադրամի ղեկավար Նատալյա Ավիլովան։

«Դեկտեմբերի վերջին մենք հերթական մարդասիրական այցը կիրականացնենք ԼՂ։ Այնտեղ մարդիկ տաքացուցիչների, տաք հագուստի, ծածկոցների կարիք ունեն։ Այժմ մենք հավաքում ենք պետք եկածը և ուզում ենք մինչև Ամանոր մեծ քանակությամբ տաք հագուստ և դեղորայք ձեռք բերել և հասցնել դրանք այն մարդկանց, ովքեր այսօր, ցավոք, նույնիսկ չեն էլ մտածում Ամանորը տոնելու մասին. նրանք վերադառնալու տեղ չունեն, անտուն են մնացել», – ասել է Ավիլովան։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Հայտարարության ստորագրումից հետո ՀՀ վարչապետ Նիկոլ Փաշինյանը Facebook–ի իր էջում գրեց, որ անձամբ իր և բոլորի համար չափազանց ծանր որոշում է կայացրել:

Փարիզը Ղարաբաղի մասին եռակողմ հայտարարության մասին իմացել է Փաշինյանի Facebook-յան էջից

Փաշինյանի հայտարարությունից հետո բազմաթիվ մարդիկ շարժվեցին դեպի Հանրապետության հրապարակ, մի խումբը ներխուժեց կառավարության գլխավոր մասնաշենք ու վարչապետի աշխատասենյակ, մի մասն էլ շարժվեց դեպի Բաղրամյան պողոտա ու մտավ Ազգային ժողովի շենք։ ԱԺ նախագահ Արարատ Միրզոյանը ծեծի ենթարկվեց, նրան տեղափոխեցին հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1712 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

44
թեգերը:
օգնություն, Լեռնային Ղարաբաղ, Արցախ, Ամանոր
Ըստ թեմայի
Ռուսաստանից մարդասիրական օգնության նոր խմբաքանակ է ուղարկվել Արցախ
Ապաքինման փուլում գտնվող բազմաթիվ զինծառայողներ արյան կարիք ունեն
Օգնել արցախցիներին, կանխել հետագա վտանգները. «Դոկտոր Լիզայի» ներկայացուցիչը Հայաստանում է
Կոնստանտին Սիվկով

Տեսակամուրջ. «Արցախյան պատերազմի ռազմատեխնիկական դասերը». փորձագիտական տեսակետ Մոսկվայից

0
Դեկտեմբերի 4-ին` ժամը 12: 00-ին, Sputnik Արմենիա մուլտիմեդիոն մամուլի կենտրոնում կանցկացվի Մոսկվա-Երևան տեսակամուրջ, որի ընթացքում ռազմական փորձագետներն իրենց տեսակետները կհայտնեն տեղի ունեցածի վերաբերյալ և կգնահատեն պատերազմող կողմերի գործողությունները:

Բանախոսներ`

  • Կոնստանտին Սիվկով, Ռուսաստանի հրթիռային և հրետանային գիտությունների ակադեմիայի թղթակից անդամ, ռազմական գիտությունների դոկտոր, տեղեկատվական քաղաքականության հարցերով ՌՀՀԳԱ փոխնախագահ, պաշտոնաթող կապիտան,
  • Վիկտոր Մուրախովսկի, ռազմարդյունաբերական հանձնաժողովի կոլեգիայի փորձագիտական խորհրդի անդամ, պաշտոնաթող գնդապետ, «Հայրենիքի զինանոց» ամսագրի գլխավոր խմբագիր։

Մոդերատոր`

ռազմական մեկնաբան Ալեքսանդր Խրոլենկո:

Ասուլիսը կհեռարձակվի Facebook–ի և Youtube–ի մեր էջերում:

Հարցերը կարող եք հղել նաև v.aloyan@sputniknews.com էլեկտրոնային հասցեով:

Հեռ.` +374(98)180-626, +374(91)42-12-35։

0